24 stundir - 11.03.2008, Blaðsíða 14

14 ÞRIÐJUDAGUR 11. MARS 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Óhætt er að taka undir með Runólfi Ólafssyni, framkvæmdastjóra Félags
íslenzkra bifreiðaeigenda, sem sagði hér í blaðinu á laugardaginn að þögn
stjórnvalda um kröfu FÍB um lækkun skatta á eldsneyti væri dálítið furðu-
leg.
Eldsneytisverð hefur aldrei verið hærra hér á landi. Á skýringarmynd með
fréttaskýringu í 24 stundum á laugardaginn sást vel hvernig útsöluverð á
ódýrasta eldsneytinu hefur hækkað úr 112-113 krónum á lítrann í byrjun
síðasta árs, í meira en 140 krónur fyrir benzínlítra í síðustu viku og tæplega
147 krónur fyrir lítra af dísilolíu. Þar sést líka vel hvernig verðið á dísilolíu
tók stökk upp fyrir benzínverðið í október síðastliðnum og hefur síðan verið
mun hærra.
Svör ráðherra ríkisstjórnarinnar hafa verið á þá leið að við þessu sé ekkert
að gera; það sé bara heimsmarkaðsverðið sem hækkar. Af tveimur ástæðum
duga þessi svör ekki.
Í fyrsta lagi er það vegna ákvarðana stjórnvalda, en ekki af markaðslegum
ástæðum, sem eldsneyti er hér einna dýrast á byggðu bóli. Ríkisvaldið tekur í
sinn hlut meira en helminginn af því, sem neytendur greiða fyrir eldsneytið
við dæluna. Skattlagning á eldsneyti er með því allra mesta, sem gerist. Þegar
heimsmarkaðsverð á eldsneyti er lágt skiptir skattpíningin kannski ekki öllu
máli, en þegar það rýkur upp úr öllu valdi hljóta íslenzkir neytendur að
spyrja hvað réttlæti verðmuninn á milli landa.
Í öðru lagi var það yfirlýst markmið stjórnvalda þegar núverandi kerfi
gjaldtöku af eldsneyti var komið á, að dísilolían yrði ódýrari en benzínið.
Það átti að stuðla að umhverfisvernd; hvetja fólk til að kaupa sér bíla með
dísilvélum og spara þannig eldsneyti til lengri tíma litið, þótt bílarnir séu
dýrari í innkaupum. Fólkið, sem tók mark á þessari
stefnumörkun, lítur nú væntanlega svo á að það hafi
verið platað til að kaupa sér bíl, sem er bæði dýrari í
innkaupum og rekstri en benzínbíll, sem mengar
meira.
Auðvitað gætu stjórnvöld haldið því fram að dýrasta
eldsneyti í heimi héldi aftur af fjölgun bíla og drægi úr
fólki að fá sér bíltúr að óþörfu. Þessu gætu þau haldið
fram ef fólk ætti aðra kosti; þ.e. ef hér væru almenn-
ingssamgöngur sem virkuðu eða gert ráð fyrir hjól-
reiðamönnum í umferðinni. Því er bara ekki að heilsa.
Og neytendur spyrja: Hvað ætla ráðherrarnir að
þegja lengi? Fást svör þegar lítrinn er kominn í 160
krónur?
Undarleg þögn
SÆKTU LEIÐARANN Á WWW.MBL.IS/PODCAST
Það er ekki oft sem við stjórn-
málamenn heyrum sagt: „Ég
elska stjórnmálamenn“. Það
gerðist nú samt í
kvöld í viðtalinu
við Sigríði [Snæv-
arr]. Og það góða
var að þetta kom
alveg frá innstu
hjartarótum.
Eitt af því sem
Sigríður kenndi
mér þegar ég
gegndi embætti utanrík-
isráðherra var að ég skyldi reyna
að kynnast Afríkukonunum þeg-
ar ég færi á alþjóðlegar ráð-
stefnur eða á Allsherjarþing Sam-
einuðu þjóðanna. Ég fór að
ráðum Sigríðar og eignaðist vin-
konur í Afríku sem ég met mikils.
Afríkukonurnar eru sterkar …
Valgerður Sverrisdóttir
valgerdur.is
BLOGGARINN
Frá hjartarótum
En aðallega er það raunalegt að
sjá annars góða fréttamenn verða
svo heltekna af trú sinni að þeir
gera hið virðu-
lega útvarp allra
landsmanna að
trúboðsstöð og
virða ekki lengur
grundvall-
arreglur póli-
tískrar umræðu.
Þátttaka þeirra
beggja, Egils og
Hallgríms, var líka í þessum þátt-
um með þeim hætti að skoðanir
þeirra sjálfra fóru varla milli
mála. Það er ekki viðeigandi.
Nema þá að ætlunin sé að næsta
helgi verði helguð þeim stjórn-
málamönnum sem helst tala gegn
ESB-aðild en þá er þetta uppskrift
að skemmtilegum umræðum.
Bjarni Harðarson
bjarnihardar.blog.is
Trúa á ESB
Á Alþingi er kallað eftir auknum
sparnaði. Jafnvel stjórnarand-
stæðingar tala þannig og hafa
þeir þó verið iðn-
ir við að leggja til
aukin fjárútgjöld
hins opinbera,
einkanlega rík-
isins, hvenær sem
færi gefast. Sam-
hliða er kallað
eftir því að Seðla-
bankinn lækki
stýrivexti til þess að hafist geti
vaxtalækkunarferli hér innan-
lands. En getur ríkið gripið til
ráðstafana til þess að stuðla að
sparnaði? Örugglega. En gleym-
um því ekki að nú eru aðstæður
þannig að þær ættu við allar eðli-
legar aðstæður að stuðla að
sparnaði …
Einar K. Guðfinnsson
ekg.blog.is
Sparnaður
Ólafur Þ.
Stephensen
olafur@24stundir.is
Traustar rannsóknir liggja fyrir um líf-
ræna þróun hér á landi. Þeir sem glöggt
fylgjast með þeim málum eru samdóma um hvar
styrkur okkar er og hvað skorti til að hér horfi til þess
sem títt er meðal grannþjóðanna. Sérfræðiálit sem út
kom 2006 er í fullu gildi og viðtöl 24 stunda við bænd-
ur og sláturleyfishafa sl. laugardag undirstrika að stað-
an er óbreytt. Umhverfið hefur hins vegar breyst: (1)
Rekstrarskilyrði hefðbundins landbúnaðar hafa versn-
að. Viðbrögð við því kunna að verða á tvo vegu: Stærri
og þéttari einingar og minni áhersla á náttúrulega bú-
skaparhætti, eða upptaka lífrænna aðferða. (2) Eft-
irspurn eftir lífrænum matvælum hefur aukist mjög
sem að miklu leyti er mætt með innflutningi. (3) Vart
er aukins áhuga á því að efla lífræna þróun, ekki síst
meðal almennings, en einnig meðal bænda og ein-
stakra leiðtoga í landbúnaði. Styrkur okkar liggur í
þeim góðu verkum sem unnin hafa verið á liðnum ár-
um: Þrautseigju og árangri framleiðenda, starfi lands-
ráðunautar í lífrænni ræktun og öflugu þróunarstarfi
Vottunarstofunnar Túns sem nýtur alþjóðlegrar við-
urkenningar. Þessum aðilum má þakka að hér stunda
50 bændur og fyrirtæki framleiðslu á lífrænum
vörum. Ef stjórnvöld og aðrir vilja styðja lífræna þró-
un verða þau að efla þennan grunn í stað þess að láta
sem hann sé ekki til: Þar er að finna þá þekkingu,
reynslu og kraft sem til þarf. Veikleikar okkar eru
skortur á framleiðslu – nokkuð sem mönnum yfirsést
oft þegar grípa á til aðgerða. Við því verður ekki
brugðist með nýju átaksverkefni eða ímyndarsköpun,
heldur með beinum stuðningi ríkisins við lífræna að-
lögun bænda, aukinni ráðgjöf og fræðslu í lífrænum
landbúnaði. Flest ríki Evrópu hafa
um árabil varið miklu fé til þessara
þátta. Þau viðurkenna rannsóknir
sem sýna að lífrænar aðferðir eru
betri fyrir land og lífríki, binda meira
kolefni og leiða til mun hærri nær-
ingargilda í matvælum og fóðri. Þau
styðja lífræna þróun vegna óska neyt-
enda um aukið magn lífrænna mat-
væla, en á Íslandi er þeim óskum enn
að mestu svarað með innflutningi.
Höfundur er framkvæmdastjóri Túns.
Lífræn þróun – Hvert horfir?
ÁLIT
Gunnar Á.
Gunnarsson
tun@mmedia.is
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins  - viðurkenning frá matur úr héraði - localfood
www.eirberg.is • 569 3100 • Stórhöfða 25
Björgum
mannslífum!
• Ávallt tilbúið til notkunar
• Einfalt og öruggt
• Einn aðgerðarhnappur
• Lithium rafhlaða
• Íslenskt tal
PRIMEDIC hjartastuðtæki