24 stundir - 18.04.2008, Blaðsíða 5

Eftir Hlyn Orra Stefánsson
hlynur@24stundir.is
Útlendingar voru 17% kærðra ein-
staklinga vegna hegningarlagabrota
á höfuðborgarsvæðinu árið 2007,
og hefur hlutfallið vaxið úr 5% frá
árinu 2005. Á sama tíma hefur
hlutfall erlendra íbúa á höfuðborg-
arsvæðinu farið úr 3,4% í 4%.
Hlutfall útlendinga á höfuð-
borgarsvæðinu hefur því hækkað
um 18%, en hlutur útlendinga af
öllum brotamönnum um 240%.
Þetta er meðal þess sem Rann-
veig Þórisdóttir, félagsfræðingur
hjá lögreglunni á höfuðborgar-
svæðinu, fjallar um í fyrirlestri um
afbrot útlendinga á ráðstefnu sem
fer fram í Salnum í Kópavogi í dag.
Rannveig setur þann fyrirvara
við túlkun upplýsinganna að að-
eins sé um að ræða þau afbrot sem
lögreglan hefur vitneskju um.
Eru mest í auðgunarbrotum
Rannveig segir samsetningu af-
brota vera frekar svipaða hjá Ís-
lendingum og útlendingum á höf-
uðborgarsvæðinu. Þó sé hlutfall
auðgunarbrota nokkru hærra hjá
útlendingum en hjá Íslendingum,
og hlutfall ofbeldisbrota einnig ör-
litlu hærra.
„Það er oft spurt að því hvort
þessi aukning í brotum útlendinga
stafi af brotum ferðamanna,“ segir
Rannveig. „Það má vel vera að svo
sé í einhverjum brotaflokkum. En
við sjáum ekki að það séu miklar
breytingar á hlutfalli kærðra með
lögheimili erlendis.“ Um 80% út-
lendinga sem kærðir eru fyrir af-
brot á höfuðborgarsvæðinu eru
með lögheimili á Íslandi, segir
Rannveig, og hlutfallið hefur ekki
breyst mikið síðustu ár.
Hún segir að þegar horft er til
kynjadreifingar sé nánast enginn
munur á afbrotum Íslendinga og
útlendinga. Hins vegar sé nokkur
munur þegar horft er til aldurs-
dreifingar: „Flestir Íslendingar eru
15 til 24 ára þegar þeir eru kærðir,
en erlendir ríkisborgarar flestir 25
til 34 ára.“
Sama hlutfall síafbrotamanna
Þá segir Rannveig að hlutfall er-
lendra ríkisborgara á höfuðborgar-
svæðinu með fleiri en þrjú afbrot á
bakinu sé nokkurn veginn hið
sama og hlutfall Íslendinga með
fleiri en þrjú afbrot á bakinu, og
hafi ekki breyst á síðustu árum.
Líklegt er að sú staðreynd að
meðal útlendinga sem flust hafa
hingað til lands að undanförnu er
lítið um gamalt fólk og börn skýri
að einhverju leyti hvers vegna hlut-
ur útlendinga í afbrotatölum á höf-
uðborgarsvæðinu hefur aukist
þetta mikið, segir Rannveig.
Þá geti verið að aukin umræða
um afbrot útlendinga hafi orðið til
þess að betur sé fylgst með þeim, og
þeir frekar kærðir. „Einu sinni var
alltaf horft á börnin í verslunum,
en núna er alltaf horft á útlend-
ingana. Það þarf auðvitað að hafa
atriði sem þessi í huga þegar svona
tölur eru túlkaðar,“ segir Rannveig.
Fleiri erlendir
afbrotamenn
 Útlendingar fremja 17% brota á höfuðborgarsvæðinu  Hlut-
fallið farið úr 5% árið 2005  Erlendir íbúar eru 4% íbúa á svæðinu
➤ Árið 2007 frömdu útlend-ingar 17% hegning-
arlagabrota sem framin voru
á höfuðborgarsvæðinu. Hlut-
fallið hefur aukist úr 5% árið
2005.
➤ Á sama tíma hefur hlutfall er-lendra ríkisborgara á höf-
uðborgarsvæðinu farið úr
3,4% í 4%.
AFBROT ÚTLENDINGA
24stundir/Valdís
Túlkar afbrotatölur Rannveig Þór-
isdóttir er félagsfræðingur hjá lög-
reglunni á höfuðborgarsvæðinu.
24stundir FÖSTUDAGUR 18. APRÍL 2008 5
Verði samninganefnd Flug-
freyjufélags Íslands ekki boðuð til
vinnufundar með samninganefnd
Icelandair fyrir helgina munu
trúnaðarráð og kjörstjórn koma
saman til að ákveða hvernig at-
kvæðagreiðsla um verkfall eigi að
fara fram, að sögn Sigrúnar Jóns-
dóttur, formanns félagsins.
Lagt var til á félagsfundi Flug-
freyjufélagsins í fyrrakvöld að
samninganefnd hæfi nú þegar
undirbúning að boðun verkfalls.
„Viðræður við viðsemjendur hafa
staðið yfir síðan í nóvember síðast-
liðnum og hafa þær engan árangur
borið,“ segir Sigrún. Hinn 28. mars
síðastliðinn var deilunni vísað til
ríkissáttasemjara.
„Við förum fram á að fá sömu
krónutöluhækkun á taxta og þeir
fengu sem sömdu í febrúar síðast-
liðnum, það er stóru félögin innan
ASÍ, eða 21 þúsund krónur. Við er-
um á hreinum töxtum,“ greinir
Sigrún frá.
Hún segir hagfræðinga ASÍ hafa
reiknað út að flugfreyjur og flug-
þjónar hafi setið eftir í launaskriði,
eins og iðnaðarmenn og verslunar-
menn.
„Við höfum ekki fengið launa-
hækkun síðan 2. janúar 2007 sam-
kvæmt útreikningum ASÍ.“
Að sögn Sigrúnar er samninga-
nefndin ekki tilbúin til að ræða
samning til langs tíma vilji við-
semjendur ekki ræða krónutölu-
hækkun. Fundur var haldinn hjá
ríkissáttasemjara síðastliðinn
mánudag en vinnufundur sem átti
að vera í vikunni var afboðaður.
„Viðsemjendur okkar afboðuðu
vinnufundinn þar sem þeir voru
ekki tilbúnir með útreikninga, að
því er þeir sögðu. Þeir sögðu að
fundarboðs væri að vænta.“
Hæstu grunnlaun flugfreyja eftir
21 ár eru 185.109 krónur. Yfirflug-
freyja í fullu starfi er með 302.298
krónur eftir 21 ár í starfi.
ingibjorg@24stundir.is
Flugfreyjur íhuga verkfall vegna árangurslausra kjaraviðræðna
Vilja 21 þúsund ofan á taxta
Tryggja þarf að fólk þurfi ekki að
vera úti um víðan völl til að fá
þjónustu. Það þarf einnig að
tryggja að kerfið bjóði fólki allt það
sem það á rétt á. Þetta segir Krist-
inn Tómasson, formaður Félags
um lýðheilsu og yfirlæknir vinnu-
eftirlitsins. Félagið efndi til mál-
stofu í gær í samvinnu við Háskól-
ann í Reykjavík um skörun
félagsmála- og heilbrigðiskerfis.
„Við töldum brýnt að fá um-
ræðu í gang vegna tilfærslu verk-
efna milli kerfanna. Menn sjá fyrir
sér að vinna þurfi markvisst að því
að kerfið verði einfaldara þannig að
fólk þurfi ekki að vera kerfisfræð-
ingar til að það geti fengið þjón-
ustu þegar illa árar hjá því,“ segir
Kristinn. ibs
Skörun félagsmála- og heilbrigðiskerfis
Vinna þarf mark-
visst að einföldun
Í gær hófst tveggja daga málþing um
handverk, hönnun, mat og minjagripi í
Nýheimum á Höfn í Hornafirði, á veg-
um Menningarmiðstöðvar Horna-
fjarðar. Er tilgangur þess m.a. að efla
handverk og hönnun á Austurlandi en
eitt af markmiðum miðstöðvarinnar er
að skapa starfsvettvang fyrir handverks-
fólk og hönnuði. þkþ
Hönnun og minjar á Höfn
Borgarfulltrúar minnihlutans bjóða borgarbúum að
koma og spjalla um borgarmálin yfir kaffibolla í
Ráðhúskaffi á morgun, laugardaginn 19. apríl,
kl. 10-12. Harmónikkuleikur og létt stemning.
Björk Vilhelmsdóttir Bryndís Ísfold
Hlöðversdóttir
Dagur B. Eggertsson Guðrún
Ásmundsdóttir
Guðrún Erla
Geirsdóttir
Margrét Sverrisdóttir Marsibil
Sæmundardóttir
Oddný Sturludóttir
Óskar Bergsson Sigrún Elsa
Smáradóttir
Sóley Tómasdóttir Stefán Jóhann
Stefánsson
Svandís
Svavarsdóttir
Þorleifur
Gunnlaugsson
Vorkaffi
með borgarfulltrúum í Ráðhúsinu