24 stundir - 06.09.2008, Side 22

22 LAUGARDAGUR 6. SEPTEMBER 2008 24stundir
ÍÞRÓTTIR
ithrottir@24stundir.is a
Þegar við vorum yngri þá fannst okkur alltaf ömurlegt að
vera í svona búðum einar með fullt af strákum. Okkur lang-
aði til þess að gefa stelpum á Íslandi tækifæri til þess að koma
saman og njóta sín í körfuboltanum.
Eftir Þorkel G. Sigurbjörnsson
thorkell@mbl.is
Helena er ekki nema tvítug að
aldri, fædd árið 1988. Þrátt fyrir
ungan aldur hefur hún verið best
íslenskra körfuboltakvenna á Ís-
landi í nokkur ár. Hún leikur nú í
Bandaríkjunum í TCU-háskóla-
boltanum. 24 stundir settust niður
með Helenu eftir leik Íslands gegn
Slóveníu í vikunni, sem fór 69:94
fyrir Slóveníu.
Hver skyldi lykillinn vera að því
að vera með flest stig og stoðsend-
ingar að meðaltali í Evrópukeppn-
inni?
„Ég er alltaf dugleg að æfa og
legg mig vel fram. Það er auðvitað
það sem þarf til að ná árangri í
körfubolta og í raun í hverju sem
er. Það hefur síðan auðvitað mótað
mig mjög mikið að spila í háskóla-
körfunni í Bandaríkjunum. Það
voru mjög mikil viðbrigði þegar ég
byrjaði að spila úti. Ég hafði verið
valin best í deildinni á Íslandi árin
þrjú á undan og það var mjög
skrýtið að fara allt í einu að spila
við stelpur sem voru allar miklu
sterkari og betri, með fullri virð-
ingu fyrir öllum þeim sem leika á
Íslandi. Ég hef lært heilmikið strax
í Bandaríkjunum og held ég taki
stöðugum framförum.“
Vel heppnaðar stelpubúðir
Að loknu tímabilinu var Helena
valin nýliði ársins, þannig að hún
virðist vera að gera góða hluti ytra.
Í sumar stóð hún svo fyrir sérstök-
um stelpubúðum í körfuknattleik
fyrir ungar stúlkur hér á Íslandi
ásamt Maríu Ben Erlingsdóttur
sem er samherji Helenu í landslið-
inu og vinkona hennar.
„Þegar við vorum yngri fannst
okkur alltaf ömurlegt að vera í
svona búðum einar með fullt af
strákum, þannig að okkur langaði
til þess gefa stelpum á Íslandi tæki-
færi til þess að koma saman og
njóta sín í körfuboltanum. Þær
njóta sín miklu betur þegar það
eru bara stelpur, því strákarnir gefa
boltanum frekar lítið. Okkur
fannst þetta sniðug hugmynd sem
gekk síðan rosalega vel.
Þetta gekk þannig fyrir sig að
það var spilaður og æfður körfu-
bolti á daginn. Svo var farið í sund
og við höfðum kvöldvökur og gist-
um síðan í húsi rétt við Ásvelli í
Hafnarfirði. Vonandi verður þetta
haldið næstu ár. Það voru 60 stelp-
ur í þessu hjá okkur núna, þannig
að á næsta ári stefnum við á að
stækka þetta ennþá frekar og fá þá
fleiri í lið með okkur til að sjá um
þetta.“
Körfubolti eina áhugamálið
Maður myndi nú ætla að Hel-
ena ætti sér einhver áhugmál utan
körfuboltans, en hún þvertekur
hins vegar fyrir það. „Ég er algjört
„körfuboltanörd“ og líf mitt hefur
snúist um körfuboltann alla tíð og
hann er númer eitt, tvö og þrjú hjá
mér og þannig vil ég bara hafa það.
Ég reyni að æfa eins oft og ég get
og taka aukaæfingar. Síðan skoða
ég eitthvað körfuboltatengt iðu-
lega þegar ég fer á netið eða ef
kveikt er á sjónvarpinu.
Núna er ég í háskólanámi á
námsstyrk við að spila körfubolta
og það er alveg stórkostlegt, enda
eru æfingarnar flottar og utanum-
haldið gott. Ég stefni á að ná mér í
einhverja fína háskólagráðu og
bæta mig sem mest sem körfu-
boltakona á þessum fjórum árum
sem ég verð í heildina úti í Banda-
ríkjunum.“ Í skólanum er hún
ennþá á almennri námsbraut en
mun þó fljótlega þurfa að ákveða
hvað hún vill læra. „Eins og staðan
er í dag þá vil ég fyrst og fremst
spila körfubolta, þannig að ég mun
skoða hvað sé best og þægilegast
að læra með því.“
Helena lét þó undan og gaf upp
eitt áhugamál utan körfuboltans.
Það væri að sjálfsögðu að verja
tímanum með vinum sínum.
„Auðvitað saknar maður vina
sinna á Íslandi og fjölskyldunnar
þarna úti. En það var bara svo
ótrúlega gaman síðasta vetur og
allt gekk svo vel, stelpurnar í liðinu
alveg frábærar og góðar vinkonur,
að tíminn leið svo hratt að ég hafði
engan tíma til að sakna Íslands.“
Helena býr í Fort Worth sem er
skammt frá Dallas í Bandaríkjun-
um. Það er ekki slæmt að vera ná-
lægt einu af stóru NBA-liðunum.
„Nei, það er mjög gaman og ég hef
séð nokkra leiki með Dallas Ma-
vericks. Í vetur ætla nokkrar vin-
konur mínar að koma til mín og
við ætlum að sjá leik Dallas og La-
kers. Ég er eiginlega farin að
hlakka strax til,“ sagði körfubol-
tagúrúinn Helena Sverrisdóttir
sem gjörsamlega lifir fyrir íþrótt-
ina. Hún verður sem fyrr segir
með íslenska landsliðinu í Írlandi í
dag sem leikur gegn heimakonum
og sagði Helena að þangað ætlaði
íslenska liðið að sækja sigur og
ekkert annað.
„Körfuboltinn er það
eina sem kemst að“
 Helena Sverrisdóttir stendur öðrum framar hvað varðar stig og stoðsendingar
 Íslenska kvennalandsliðið í körfubolta mætir Írum í dag
Helena Sverrisdóttir
verður í eldlínunni í dag
þegar íslenska kvenna-
landsliðið í körfuknatt-
leik leikur gegn Írum
ytra. Leikurinn er fjórði
leikur Íslands í B-deild
Evrópukeppninnar en
fyrir leikinn hefur Ísland
unnið einn leik og tapað
tveimur. Hingað til hefur
Helena gert flest stig og
átt flestar stoðsendingar
að meðaltali í leik í B-
deildinni. Hún á að með-
altali 24 stig og sex stoð-
sendingar í leik.
➤ Helena Sverrisdóttir lék meðHaukum í Hafnarfirði áður en
hún fór til náms vestur um
haf.
➤ Hún er stigahæst í B-deildEvrópumótsins með 24 stig
að meðaltali í leik og að auki
gefur hún flestar stoðsend-
ingar, sex að meðaltali.
Á TOPPNUM
Fjölhæf Helena Sverr-
isdóttir getur leikið allar 5
stöðurnar í íslenska lands-
liðinu.
24Stundir/Ómar
Íslenska kvennalandsliðið í
körfuknattleik leikur gegn
Írum á útivelli í B-deild
Evrópumótsins á útivelli í
dag. Ísland mætir Svart-
fjallalandi á útivelli á mið-
vikudag en síðan verður
gert hlé á keppninni þar til
næsta haust. Ísland sigraði
Sviss í fyrsta leiknum en
tapaði gegn Hollandi og
Slóvakíu.
Írland í dag og Svartfjallaland í næstu viku