24 stundir - 06.09.2008, Page 33
hugarfari. „Í liðsheild ber hver og
einn maður ábyrgð á sínu hug-
arfari. Slíkt er ekki mál þjálfarans.
Stundum er talað um töfraþjálfara
sem eiga að öskra í gang leikmenn
sem ekki standa sig. Vera má að
slíkt virki í einstaka tilvikum en
oftast er slíkt ofmetið. Þetta er al-
veg eins og á vinnustað; ef þú
kemur illa stemmdur til vinnu þá
getur yfirmaðurinn ekki breytt
því.“ Hann segir að gundvallar-
munur sé á því að þola ekki eða
hata að tapa.
„Öllum finnst góð sú tilfinning
að vera í sigurliðinu. Það er hins
vegar óþolandi að sjá flinka fót-
boltaþjálfara kenna alltaf öðrum
um ósigur sinn. Þetta hefur ítrek-
að gerst í sumar og mér finnst í
rauninni ótrúlegt að heyra þetta á
árinu 2008.
Íslensk knattspyrna hefur verið
með algjörum ólíkindum að þessu
leyti í sumar. Margir þjálfarar
höndla ekki verkefni sitt hvað
þetta varðar – og þar með álagið
sem þeir eru undir. Þessir menn
ættu að hafa sem fyrirmynd sterka
einstaklinga eins og til dæmis Ólaf
Stefánsson sem byrjar alltaf á því
að líta í eigin barm ef leikur tapast.
Við Óli ræddum saman í marga
klukkutíma fyrir Ólympíuleikana
og erum á mjög svipaðri bylgju-
lengd og sammála um að jákvætt
hugarfar skipti öllu. Að því leyti
var Óli landsliðinu mjög mikil-
vægur sem andlegur leiðtogi. Hans
jákvæða hugarfar var smitandi.“
Gullkynslóðin
Rétt eins og við eigum öll okkar
misjöfnu daga gildir hið sama um
handboltalandsliðið sem Jóhann
Ingi þjálfaði á árunum 1979 til
1981. Hann fór 1975, þá strax eftir
stúdentspróf, suður til gömlu
Júgóslavíu og nam þar handbolta-
þjálfun hjá bestu þjálfurum
heimsins. Eftir sneypuför íslenska
landsliðsins á heimsmeistaramót í
Danmörku árið 1978, þar sem
mikils hafði verið vænst af því, var
hins vegar ljóst að stokka þyrfti
upp spilin og var þá leitað til Jó-
hanns Inga sem hafði getið sér
gott orð við þjálfun, meðal annars
með unglingalandsliðið.
„Þegar ég tók við landsliðinu
voru þarna fyrir kempur eins og
Ólafur H. Jónsson, Geir Hall-
steinsson og Axel Axelsson. Eftir
árið ákvað ég hins vegar að skipta
öllum þessum mönnum út og taka
inn nýja kynslóð. Fyrir þetta fékk
ég miklar skammir fjölmiðla-
manna, sem ætluðu nánast að taka
mig af lífi. En ákvörðun mín sann-
aði sig í fyllingu tímans, eins og
strákarnir sem ég tók inn og urðu
gullkynslóð íslensks handbolta.
Þetta voru strákar eins og til dæm-
is Alfreð Gíslason, Kristján Ara-
son, Sigurður Sveinsson og Atli
Hilmarsson. Ég æfði með þá eins
og við værum atvinnulið og á
heimsmeistamóti 21 árs og yngri
náðum við að sigra Vestur-Þjóð-
verja og komast í átta liða úrslit.
Náðum einnig í A-landsliðinu að
sigra Dani í fyrsta sinn á þeirra
heimavelli. Fyrir þeim höfðum við
steinlegið árið áður,“ segir Jóhann
Ingi sem þjálfaði landsliðið í um
það bil tvö ár.
„Ég var aðeins 23 ára þegar ég
tók við landsliðinu. Mér finnst af-
ar ósennilegt að svo ungum manni
yrði í dag falið svo ábyrgðarmikið
hlutverk,“ segir Jóhann Ingi sem í
dag segist ekki geta annað en bros-
að þegar hann hugsar til þess hve
frumstæðar vinnuaðstæður hans
voru við þjálfunina á þessum tíma.
Ekki sé fráleitt að bregða upp því
líkingamáli að grafa hafi þurft
skurðinn með berum höndum.
Uppsögn er áfall
Jóhann Ingi nam á sínum tíma
sálfræði hér heima og stundaði
síðan framhaldsnám í Þýskalandi.
Hann hefur í fjölda ára starfrækt
eigin sálfræðistofu í Garðabæ,
jafnframt því sem hann hefur
unnið með mörgum af stærstu
fyrirtækjum landsins. Í öllum nú-
tímavæddum rekstri þykir sjálfsagt
að leita til sálfræðinga um ráð þeg-
ar upp koma erfiðar aðstæður eða
þegar þarf að efla liðsandann svo
árangur náist. Þetta hefur ekki síst
gerst að undanförnu, þegar fyr-
irtæki eru að draga saman seglin
til að mæta aðstæðum í efnahags-
lífinu.
„Ég er kallaður til meðal annars
þegar breytingar hjá fyrirtækjum
ganga í gegn, enda geta þær verið
fólki mjög erfiðar. Sama gildir um
uppsagnir; þær reyna bæði á fólkið
sem missir vinnuna en ekki síður
þá sem eftir standa.“ Þá sé afar
mikilvægt að liðsandinn lifi.
„Uppsögn getur verið áfall, rétt
eins og hjónaskilnaður. Jafnvel
leiðir þetta til ákveðins sorgarferl-
is. Sumir ná sér hugsanlega aldrei
á strik eftir að hafa verið sagt upp
a
Móðir hans hef-
ur verið hetjan í
þessu máli. Við
tókum snemma þá
ákvörðun að hún væri
heima við og sinnti
drengnum en ég ynni
tvöfalda vinnu.
24stundir/Kristinn
24stundir LAUGARDAGUR 6. SEPTEMBER 2008 33