Eintak - 07.07.1994, Blaðsíða 12

Ríkisendurskoðun gagnrýnir störf Iðnlánasjóðs
Skýrslan hrekur ásak
anir á störf sjóðsins
segir stjómarformaðurinn. í skýrslunni kemur fram gagnrýni á samskipti Iðnlánasjóðs
við Ós hf. en ásökunum um ólögmætt athæfi er hafnað.
„Ég tel að skýrsla Ríkisendur-
skoðunar hreki þær ásakanir sem
fram hafa komið á stjórn Iðnlána-
sjóðs. Stjórn sjóðsins hefur enn ekki
komið saman, en á næsta fundi
verður væntanlega fjallað um þessa
skýrslu,“ segir Geir A. Gunn-
laugsson stjórnarformaður Iðn-
lánasjóðs. Nýverið voru kynntar
niðurstöður skýrslu sem Ríkisend-
urskoðun vann fýrir iðnaðarráðu-
neytið um samskipti Iðnlánasjóðs
og fýrirtækisins Óss hf. og tengdra
fyrirtækja, sem voru umsvifamikil í
byggingageiranum fyrir nokkrum
árum. I fréttatilkynningu sem iðn-
aðarráðuneytið gaf út segir að þótt
gagnrýna megi stjórn sjóðsins og
starfsmenn fyrir að hafa ekki farið
nógu gætilega í viðskiptum sínum
við Ós, sé hins vegar ekki hægt að
saka sjóðinn um ólöglegt athæfi,
eða bótaskylda mismunun. „Eflaust
hefði verið möguleiki að gera hlut-
ina öðruvísi og það er eðlilegt að
eftir svona stórmál endurskoði
menn vinnureglur sínar,“ segir
Geir. „En ákvarðanir um þessar lán-
veitingar voru teknar eftir þeim
reglum sem þá giltu og á grundvelli
bestu fáanlegu upplýsinga. það er
hins vegar auðvelt að vera vitur effir
á.“
Beiðni um upplýsingar
hafnað
Upphaf rannsóknarinnar má
rekja til beiðni sem þeir Einar
Hálfdánarson fýrrverandi fram-
kvæmdastjóri Byggingariðjunnar,
og Sveinn Valfells hjá Steypu-
stöðinni hf. lögðu inn hjá Iðnlána-
sjóði um upplýsingar um samskipti
sjóðsins við Ós hf. Grunur hafði
vaknað um að ekki væri allt með
felldu í þeim viðskiptum og voru
þau meðal annars kærð til Sam-
keppnisráðs. Sú kæra var síðan
dregin til baka. Beiðni þeirra félaga
um upplýsingar hjá sjóðnum var
hafnað á forsendum bankaleyndar
en Einar segir að samkvæmt stjórn-
sýslulögum hafi þeir átt rétt á-þeim.
„Þessa niðurstöðu kærðum við til
iðnaðarráðuneytisins, sem fór síðan
fram á rannsókn Ríkisendurskoð-
unar.“ Geir er ekki sammála því að
stjórnsýslulögin taki til þessarar
beiðni. „Þessari beiðni Einars og
Sveins var hafnað á grundvelli laga
um bankaleynd og ég tel að sú
ákvörðun hafi verið réttmæt, enda
er tekið undir þá skoðun í skýrslu
Ríkisendurskoðunar. Reyndar tel ég
að þessar ásakanir hafi verið settar
fram í hita leiksins og tek þær alls
ekki sem gagnrýni á mín störf í
stjórn Iðnlánasjóðs,“ segir Geir.
Fyrirtækið Ós hf. varð endanlega
gert upp á síðasta ári og eftir mikinn
málarekstur yfirtók Iðnlánasjóður
eignir þess. Sjóðurinn rak fýrirtæk-
ið í nokkra mánuði á síðasta ári, en
hófst síðan handa við að selja eignir
þess. „Ríkisendurskoðun gagnrýnir
ekki þær aðferðir sem stjórnin beitti
þar, enda er okkar hlutverk að verja
hagsmuni sjóðsins,“ segir Geir.
Ekki óeðlilegar
lánveitingar
Lánveitingar Iðnlánasjóðs til Óss
hf. hófust fýrir tæpum áratug og
Geir segir að miðað við þær reglur
sem þá giltu um lánveitingar sjóðs-
ins hafi þær ekki þótt óeðlilegar.
„Þessar reglur hafa tekið stakka-
skiptum á síðustu fimm árum og
effirlit og aðhald með þeim fýrir-
tækjum sem fá lán hjá iðnlánasjóði
er mun meira en þá var,“ segir Geir.
Tilefni rannsóknarinnar á sam-
skiptum sjóðsins við Ós hf. voru
ásakanir sem bornar voru á Iðn-
lánasjóð um ólölegt athæfi og Geir
segir að þær ásakanir hafi verið
bornar til baka. „Ég tel að í skýrsl-
unni sé ekki tekið undir ásakanir í
garð Iðnlánasjóðs og að auki er ekki
gagnrýnt hvernig stjórnin varði
Geir A. Gunnlaugsson
„Reglur um útlán Iðnlánasjóðs
hafa tekið stakkaskiptum á síð-
ustu fimm árum og eftirlit með
fyrirtækjum sem fá lán hjá
sjóðnum er mun meira en áður
var. “
hagsmuni sjóðsins, eftir að ljóst var
hvert stefndi í málefnum Óss,“ segir
Geir.
Ónógt aðhald
„í sjálfu sér get ég fallist á að fjár-
málastofnanir veita ekki fýrirtækj-
um sem þær lána fé nægilegt að-
hald. Þetta á við um Iðnlánasjóð,
eins og aðrar fjármálastofnanir. Er-
lendis er eftirlit bankastofnana með
fýrirtækjum mun harðara og fýrr er
gripið inn í starfsemi þeirra, ef
grunur vaknar um að ástandið sé
orðið slæmt.
Hér á landi er þessu öðruvísi far-
ið og fýrirtækjum leyfist stundum
að draga það að skila uppgjöri til
lánastofnana sinna. Þar með skap-
ast sú hætta að stofnanirnar viti
hreinlega ekki hvert ástandið er í
fyrirtækjunum og dragi það fram
úr hófi að grípa til aðgerða til að
verja hagsmuni sína. Fjölmörg
dæmi eru til um þetta, enda hafa
lánastofnanir verið að afskrifa gríð-
arlegar upphæðir á síðustu árum,
sem eflaust væru ekki veittar í dag.
En það er alltaf auðvelt að vera vit-
ur eftir á og þegar þessi lán voru
veitt, var kannski erfitt að sjá fyrir
hvernig aðstæður í efnahagslífmu
áttu eftir að breytast,“ sagði Geir A.
Gunnlaugsson. ©
Mjög hefur dregið úr ásókn í
siglinganámskeið jþrótta-
og tómstundaráðs Reykja-
víkur í sumar, en síðustu sumur
hafa oftast myndast biðlistar með
börnum, sem vilja komast á nám-
skeiðin. Skýringin við þessari fækk-
un er talin slysið, sem varð í fyrra
þegar ungur drengur lenti í skrúfu á
hraðþát á siglinganámskeiði. Það
var þó ekki haldið hjá íþrótta- og
tómstundaráði Reykjavikur...
Borgin ýtir undir svarta vinnu
Háskólartemi með undir-
verktaka í svartri vinnu
Verktakinn sem sér um að mála
yfirborðsmerkingar á götur borgar-
innar, og hefúr gert svo undanfarin
tvö ár, er með undirverktaka í
svartri vinnu hjá sér samkvæmt nýj-
asta tímariti Dagsbrúnar sem Verka-
mannafélagið Dagsbrún gefur út.
Þar segir að verktakinn sé nemi í
viðskiptafræði við Háskóla Islands
og sé enginn maður á launaskrá hjá
honum eftir því sem næst verður
komist.
„Engum launatengdum gjöldum
svo sem tryggingagjöldum er skilað
inn af vinnu þeirra og engin lífeyris-
sjóðsgjöld eru greidd," segir í tíma-
ritinu.
Bent er á að starfsmenn slíks verk-
taka séu algerlega réttindalausir,
slasist þeir, veikist eða láta lífið í
vinnuslysi. lafnframt hefur heyrst að
lögreglan og Vinnueftirlitið hafi haft
afskipti af ökutækjum sem og
vinnutækjum verktakans.
Þegar fúlltrúi á skrifstofu gatna-
málastjóra er spurður af hverju
borgin sé að ýta undir svarta at-
vinnustarfsemi segir hann að við-
skiptafræðineminn hafi boðið lægri
upphæð í verkefnið en sá sem ann-
aðist það áður. Sá verktaki hafði
starfsmannamálin á hreinu og hafa
starfsmenn skrifstofúnnar verið að
furða sig á núverandi fýrirkomulagi
að sögn fulltrúans.
Sigfús Jónsson, forstjóri Inn-
kaupastofnunar Reykjavíkurborgar,
tekur fyrir að aðeins sé gengið að
lægstu tilboðunum hjá borginni.
Aðspurður segir hann það vissu-
lega vandamál þegar forráðamenn
nýrra verktakafýrirtækja séu í raun
menn með vafasama sögu.
„Eins og staðan er í dag er vand-
inn enn meiri vegna atvinnu-
ástandsins og hversu margir eru illa
settir og taka því meiri áhættu en
ella,“ segir Sigfús. „Maður er vissu-
lega búinn að heyra í gegnum árin
um verktaka sem standa skil á öllu
sínu, borga alla skatta og gjöld en
horfa á aðila sem eru að keppa við
þá sem hlaða þessu upp hjá sér og
rúlla síðan. Þeir fýrrnefndu eru eðli-
lega ekkert ánægðir með að vera í
samkeppni við slíka menn.“ ©
0 %
Guðný Halldórsdóttir kvik-
myndaleikstjóri hefur munn-
inn fyrir neöan nefið og þaö
kemur berlega í Ijós í viðtali sem
Vikublaöið átti við hana fyrir viku.
Guðný er nýkjörinn bæjarfulltrúi Al-
þýðubandalagsins í Mosfellsbæ og
ræðir bæjarmálin í viðtalinu. íþróttir
eru eitur í hennar beinum og lætur
Guðný ýmislegt flakka þar að lút-
andi eins og til dæmis þetta: „Ég
hef mikla óbeit á íþróttaleikvöng-
um, veit ekki betur en hroðaleg
fjöldamorð hafi verið framin á slík-
um stöðum... Þetta er orðið of ein-
stefnulegt, þessar miklu keppnis-
greinar. Að sumu leyti finnst mér
þær ýta undir ofbeldi hjá krökkum.
Foreldrar koma að horfa á leiki og
standa þarna og hvetja börnin
áfram eins og grýlur í áhorfenda-
stúkunum. Ég get ekki séö ein-
hverja fagra hugsun á bak við
þetta." Guðný talar einnig um þá
miklu þrýstihópa sem íþróttahreyf-
ingin hafi að baki sér og segir að
hafi Afturelding svona mikinn tíma
til að vera í boltaleikjum, eigi fé-
lagsmenn bara að reisa íþrótta-
mannvirkin í sjálfboðavinnu...
.
Þeim sem sárast hefur sviðið
UNDAN HEIMSÓKN HERSKIPA Á
UNDANFÖRNUM ÁRUM HEFUR EFLAUST
LÉTT VIÐ AÐ SJÁ ÞETTA PAR Á
GÖNGU UM BÆINN.
að veikir nokkuð þær fullyrð-
ingar, að tilboð Jóhanns
Óla Guðmundssonar til
stjórnar starfsmannafélags (slenska
útvarþsfélagsins um að það skipaði
mann í stjórn fyrirtækisins, hafi ver-
ið með hagsmuni starfsfólksins í
huga að sá sem gerði tilboðið fyrir
hans hönd var
PÁLL MAGNÚS-
son. Ráll mun
hafa komið með
þetta tveimur
dögum fyrir hlut-
hafafundinn og
lagt á það þunga
áhersiu að farið
yrði með það
eins og mannsmorð. Þess var líka
vandlega gætt að enginn utan
stjórnar starfsmannafélagsins frétti
hvað væri á seyði. En þetta voru
ekki einu tilmæli Páls þvi hann bar
einnig þau boð að fulltrúi starfs-
manna ætti að vera karlmaður af
fréttastofunni og varamaður, kona
úr stjórn starfsmannafélagsins.
Mun Páli hafa verið umhugað um
að Eggert Skúlason yrði fyrir val-
inu sem fulltrúi fréttastofu, enda eru
þeir góðir vinir. Er það mál manna,
sérstaklega í Ijósi afleiðinga þess
að boðinu var tekið, að þetta hafi
verið djöfullegt plott til að valda
usla meðal starfsmanna sem hing-
að til hafa staðið svo til algerlega
fyrir utan átökin i fyrirtækinu. Þann-
ig var hægt að slá tvær flugur í einu
höggi, valda nýjum meirihluta
vandræðum strax í upphafi stjórn-
artíma hans, en einnig mun Páll
hafa hugsað starfsmannafélaginu
þegjandi þörfina því það hafnaði
því að gefa út stuðningsyfirlýsingu
við hann þegar hasarinn var sem
mestur...
að er altalað meðal starfs-
manna Stöðvar 2 að búið sé
að ganga frá því að franski
sjónvarpsrisinn Canal Plus kaupi
hlutabréf minnihlutans sem hefur
undanfarnar vikur reynt stíft að
selja þau. Samkvæmt því sem
starfsmennirnir segja á aðeins eftir
að ganga frá formsatriðum kaup-
samningsins...
Veitingastaðnum Hressó var
lokað í gær vegna margra
mánaða vangoldinnar húsa-
leigu að sögn KFUM-manna sem
eiga húsið. Sigurður Ólason sem
hefur rekið veitingahúsið undanfar-
in fjögur ár heldur því hins vegar
fram að ástæðan sé tilkomin vegna
þess að samningur hans og hús-
eiganda hafi verið úti og ekki
grundvöllur fyrir áframhaldandi
samstarfi. Áfengissalan á staðnum
hafi löngum verið þyrnir í augum
KFUM-manna en þeir hafi sætt sig
við hana á sínum tíma á þeim for-
sendum að leigan væri tvöfölduð.
Sigurður segir að ekki sé nokkur
leið að reka stað án vínveitingaleyf-
is og greiöa 500 þúsund í leigu á
mánuði og því verði ekki framhald á
rekstrinum í sama húsnæði. Varð-
andi skuld sína við KFUM segir
hann að eigandinn hafi ekki staðið
sig í viðhaidi á húsnæðinu en hann
hafi lagt milljónir í endurbætur á
undanförnum mánuðum. Hann
skuldi þeim því ekki neina pen-
inga...
á hefur heyrst að Sigurdur
Ólason skuldi einnig Haf-
steini H&sler í Geysi og
eiganda húsnæðis Casablanca
margra mánaða leigu vegna rekst-
urs síns á skemmtistaðnum við
Skúlagötuna. I fyrradag mun hafa
verið farið fram á útburðarleyfi á
Sigurði verði hann ekki búinn að
greiða leiguna innan 7 daga. Eins
og kunnugt er missti Casablanca
vínveitingaleyfi sitt fyrir skömmu og
undanfarnar vikur hefur staðurinn
verið rekinn sem unglingaskemmti-
staður...
12
FIMMTUDAGUR 7. JÚLÍ1994