Morgunblaðið - 07.01.2005, Side 4

4 FÖSTUDAGUR 7. JANÚAR 2005 MORGUNBLAÐIÐ
FRÉTTIR
RÉTT opinbers starfsmanns til
greiðslu lífeyris umfram það sem
gildir á almennum vinnumarkaði má
jafna til 10 milljóna króna starfsloka-
greiðslu við 67 ára aldur þegar líf-
eyristaka hefst, skv. samanburði
sem Samtök atvinnulífsins hafa gert
á réttindum til lífeyris úr Lífeyris-
sjóði starfsmanna ríkisins og Lífeyr-
issjóði verslunarmanna, en þetta eru
tveir stærstu lífeyrissjóðir landsins.
Ofangreint dæmi miðast við 250
þúsund króna mánaðarlaun. Séu
mánaðarlaunin tvöfalt hærri eða 500
þúsund kr. jafngildir það tvöfalt
hærri starfslokagreiðslu eða 20
milljónum króna, að því er fram
kemur í fréttabréfi SA.
Þetta kemur til af mun ríkulegri
lífeyrisréttindum opinberra starfs-
manna en starfsfólks á almennum
vinnumarkaði. Greidd eru 15,5% af
heildarlaunum opinberra starfs-
manna í lífeyrissjóð en 11% af laun-
um fólks á almennum vinnumarkaði.
Mismuninn, 4,5 prósentustig, greiðir
launagreiðandinn, ríki og sveitar-
félög, og þessar hærri lífeyris-
greiðslur valda því að þegar opinber
starfsmaður hefur lífeyristöku við 67
ára aldur eftir 42 ára starf fær hann í
lífeyrisgreiðslur á mánuði frá LSR
93,5% af meðaltals mánaðarlaunum
um starfsævina á sama tíma og sá
sem fær greiddan lífeyri úr Lífeyr-
issjóði verslunarmanna fær greidd
tæp 70% af meðaltals mánaðarlaun-
um miðað við sömu forsendur. Með-
alævilíkur 67 ára gamals einstak-
lings eru nú 84 ár, þannig að að
meðaltali má gera ráð fyrir að hver
67 ára einstaklingur verði á lífeyri
frá lífeyrissjóði sínum í 17 ár.
Við þetta má bæta að ef framlag
ríkisins til Lífeyrissjóðs starfs-
manna ríkisins dugir ekki fyrir þeim
réttindum sem lofað er, til dæmis ef
meðalævilengdin eykst, þá ber rík-
inu að auka framlag sitt þannig að
eignir sjóðsins standi undir réttind-
unum. Auknum ævilíkum á almenn-
um vinnumarkaði þarf hins vegar að
mæta með skerðingu á réttindum að
öðru jöfnu. Þannig lækkaði Lífeyr-
issjóður verslunarmanna margföld-
unarstuðul vegna réttinda sjóðfélaga
sinna um síðustu áramót vegna
lengri ævi og örorku. Hækkun á
greiðslum til sjóðsins um eitt pró-
sentustig úr 10% í 11% skapa þannig
félögum í Lífeyrissjóði verslunar-
manna ekki hærri mánaðarlegan líf-
eyri frá því sem var á síðasta ári.
Jafngildi 6% hærri launa
Í fréttabréfi SA kemur einnig
fram að þennan umframrétt opin-
berra starfsmanna til lífeyris megi
einnig jafna til tæplega 6% hærri
launa opinberra starfsmanna en
starfsfólks á almennum vinnumark-
aði fyrir greiðslu skatta.
Meiri lífeyrisréttur opinberra starfsmanna en hjá
launþegum á hinum almenna vinnumarkaði
Ígildi 10 milljóna króna
starfslokagreiðslu
SAMKVÆMT upplýsingum frá Samiðn hafa
kínverskir verkamenn á vegum Impregilo við
Kárahnjúkavirkjun fengið um 200 þúsund
krónur útborgaðar fyrir mánuðinn. Þar af
hafa dagvinnulaun verið frá 109–129 þúsund
krónur. Fyrir vaktavinnu hafa þeir fengið
30% álag fyrir átta tíma en vinnutíminn hefur
yfirleitt verið tíu tímar á dag.
Sem kunnugt er hefur ASÍ sakað Impregilo
um brot á kjarasamningum þar sem dæmi séu
um mánaðarlaun 50 þúsund kr. undir lág-
markskjörum samkvæmt virkjunarsamningi.
Hafa þetta verið starfsmenn frá tveimur
portúgölskum starfsmannaleigufyrirtækjum.
Hefur Impregilo mótmælt þessum ásökunum.
Í fréttatilkynningu frá Impregilo frá því í
gær segir að staðhæfingar verkalýðshreyf-
ingarinnar um kjarasamninga og ráðning-
arferli starfsmanna hafi annað hvort verið al-
rangar eða í besta falli, villandi. Segir að
Kínverjunum 190, sem nú starfi við virkj-
unina, sé greitt í samræmi við virkjanasamn-
inginn á milli Samtaka atvinnulífsins og
verkalýðshreyfingarinnar. „Sá samningur
var nýverið endurnýjaður og því er furðulegt
að verkalýðshreyfingin skuli gagnrýna fyr-
irtækið jafn harkalega og raun ber vitni, þeg-
ar ljóst er og staðfest hefur verið af starfs-
mönnum hreyfingarinarinnar að kaup og kjör
Impregilo eru í samræmi við virkjanasamn-
inginn. Ásakanir verkalýðshreyfingarinnar
um annað eru grafalvarlegar og ámælis-
verðar,“ segir í tilkynningunni.
Um 200 þúsund
útborgað
HVER vinnutörn eða úthald hjá Impregilo við
Kárahnjúkavirkjun hefur verið 28 dagar í einu, eða
fjórar vikur. Hefur þetta verið meðal þeirra atriða
sem fælt hefur Íslendinga frá að vinna við virkj-
unina, samkvæmt upplýsingum frá Afli – starfs-
greinafélagi á Austurlandi.
Aðrir verktakar á svæðinu, t.d. Suðurverk, Arn-
arfell og Fosskraft, eru með styttra úthald í einu,
yfirleitt 12 til 14 daga, og þá styttra frí á milli en hjá
Impregilo, sem gefið hefur vikufrí eftir fjögurra
vikna törn.
Eins og fram hefur komið gengur Impregilo illa
að manna störfin við Kárahnjúka með Íslendingum
og því leitað í ríkara mæli út fyrir landsteinana eftir
erlendu vinnuafli.
Jón Ingi Kristjánsson, formaður Afls – starfs-
greinafélags, bendir á að í virkjunarsamningnum
sé kveðið á um 28 daga úthald að hámarki en svo
virðist sem eingöngu Impregilo nýti sér það. Jón
segist heyra það oft hjá Íslendingum, bæði þeim
sem vinna við Kárahnjúka og þeim sem íhuga að
sækja um störf, að vinnutíminn hjá Impregilo sé of
langur í einu. Þetta jafnist á við vinnutíma um borð
í frystitogara. Hefur Impregilo ekki boðið upp á
neitt val, starfsmenn verði að vinna í 28 daga í einu.
Jón Ingi segir starfsgreinafélagið vera önnum
kafið við að standa vörð um kjör og aðbúnað starfs-
manna við Kárahnjúka, í samráði við aðaltrúnaðar-
mann á staðnum. Við hvert eitt mál sem fáist lausn
á, komi önnur tíu mál upp á borðið.
Samkvæmt upplýsingum frá Vinnumálastofnun í
gær höfðu atvinnuleyfi ekki verið gefin út fyrir þá
54 erlendu starfsmenn sem Impregilo hafði sett í
forgang, þar af fyrir 44 Kínverja. Verða leyfin
væntanlega gefin út eftir helgi.
Vinnutilhögun hjá Impregilo við Kárahnjúkavirkjun
Langt úthald hefur
fælt Íslendinga frá
Morgunblaðið/Steinunn Ásmundsdóttir
NEMENDUR Menntaskólans
í Reykjavík ætla að snoða sig,
þamba mjólk, líma sig fasta við
ræðupúlt og annað undarlegt í
dag. Þá ætlar heill bekkur að
freista þess að troða sér inn í
fólksbíl. Uppátækin eru ekki að
ástæðulausu því um er að ræða
fjáröflun vegna hamfaranna í
Asíu. Söfnunin, sem nemenda-
félagið Framtíðin stendur fyrir,
heitir Gleði til góðgerða og fer
þannig fram að áheitum er
safnað og takast nemendurnir á
við alls konar áskoranir. Í há-
degishléinu í dag, milli kl. 11.05
og 11.35, verða stærstu áskor-
anirnar framkvæmdar.
Aðrir framhaldsskólar
sigli í kjölfarið
Stjórn Framtíðarinnar hvet-
ur aðra framahaldsskóla til að
standa fyrir svipuðum viðburð-
um. Allur ágóði af söfnuninni
mun renna til söfnunarinnar
Neyðarhjálp úr norðri sem út-
hlutar svo fénu til hjálparstarf-
semi á hamfarasvæðunum í As-
íu.
Snoða sig í
þágu bág-
staddra
HELDUR er kuldalegt um að litast á landinu þessa dagana, og
hrossin ekki öfundsverð að norpa í kuldanum, þrátt fyrir hlýj-
an vetrarbúning. Þá er eins gott að koma blóðinu á hreyfingu
með smávegis göngutúr, en ekki er gott að segja á hvaða leið
hestarnir voru þar sem þeir þrömmuðu áfram í einfaldri röð,
líkt og þeir væru að elta þrautakónginn.
Morgunblaðið/RAX
Þrammað á eftir þrautakónginum á Snæfellsnesi
HÁKON Eydal játaði fyrir Hér-
aðsdómi Reykjavíkur í gær að
hafa svipt fyrrverandi sambýlis-
konu sína, Sri Rhamawati, lífi
hinn 4. júlí. Við þingfestingu máls-
ins í gær var honum í ákæru gefið
að sök að hafa barið Sri fjórum
sinnum í höfuðið með kúbeini og
vafið taubelti um háls hennar með
þeim afleiðingum að hún lést
vegna kyrkingar. Atvikið átti sér
stað í íbúð Hákons við Stórholt í
Reykjavík. Hann viðurkenndi að
hafa barið Sri með kúbeini, þótt
hann væri ekki viss um hversu
mörg höggin hefðu verið og sömu-
leiðis kannaðist hann við að hafa
vafið beltinu um háls hennar.
Hákon mótmælti ekki bótakröf-
um barna hinnar látnu í málinu.
Rannsókn lögreglunnar
hófst 5. júlí
Ríkissaksóknari telur brot
ákærða varða við 211. gr. al-
mennra hegningarlaga sem kveð-
ur á um ævilangt fangelsi fyrir
manndráp, þó ekki skemur en 16
ár. Rannsókn lögreglunnar í
Reykjavík á málinu hófst 5. júlí,
eða daginn eftir að tilkynnt var
um hvarf Sri og leiddi rannsóknin
fljótlega til handtöku Hákons sem
játaði fyrir lögreglu hinn 28. júlí
að hafa banað Sri. Lík hinnar
látnu fannst þó ekki fyrr en 3.
ágúst eftir að Hákon hafði bent
lögreglu á það. Hafði hann komið
því fyrir í þriggja metra djúpri
hraungjótu í nágrenni Hafnar-
fjarðar.
Tekið fyrir í héraðsdómi
20. janúar
Málið verður næst tekið fyrir
20. janúar í héraðsdómi en fram
að þeim tíma mun ákærði ásamt
lögmanni sínum Brynjari Níels-
syni leggja fram beiðni fyrir yfir-
mati á geðrannsókn sem ákærði
sætti en er mjög ósáttur við.
Dómari er Pétur Guðgeirsson
héraðsdómari en sækjandi er
Ragnheiður Harðardóttir frá rík-
issaksóknara. Verjandi ákærða er
Brynjar Níelsson hrl.
Játar morðið
fyrir dómi