Morgunblaðið - 07.01.2005, Page 6

6 FÖSTUDAGUR 7. JANÚAR 2005 MORGUNBLAÐIÐ
FRÉTTIR
Dansnámskeið hefst
mánudaginn 10. jan. n.k
Kenndir verða gömludansarnir,
sérdansar ofl.
kl. 20 - 21 byrjendur
kl. 21 - 22 framhald
kr. 6.000.-
Barna- og unglinganámskeið
hefst þriðjudaginn 11. jan.
Kenndir verða gömludansarnir ásamt
íslenskum og erlendum þjóðdönsum ofl.
kl. 17.30 - 18 3 - 5 ára kr. 3.000.-
kl. 18 - 18.45 6 - 8 ára kr. 4.500.-
kl. 18.45 - 19.30 9 - 12 ára kr. 4.500.-
kl. 19.30 - 20.15 unglingar kr. 4.500.-
Þjóðdansafélag Reykjavíkur Álfabakka 14 A
LÆRIÐ
AÐ DANSA!
TAKIÐ ÞÁTT Í DANSINUM!
Þjóðdansar verða á
fimmtudögum kl. 20
Dansaðir verða þjóðdansar frá
ýmsum löndum.
Aðgangur ókeypis.
Opið hús verður á
miðvikudögum kl. 20.30
Við dönsum gömludansana annan
hvern miðvikudag.
Aðgangur kr. 600.- kvöldið.
Upplýsingar og skráning í síma 587 1616 og 567 5777
Kennt er í sal félagsins Álfabakka 14
VERIÐ er að vinna í því að finna
nýjar íbúðir fyrir íbúa Árvalla í
Hnífsdal, skv. upplýsingum frá
Fasteignum Ísafjarðarbæjar en
snjóflóð féll á raðhús og blokkir við
Árvelli í fyrradag. Rúður brotnuðu
í nokkrum íbúðum og snjór komst
inn í stofur og herbergi. Þá braut
flóðið niður vegg í einni íbúðinni.
Fasteignir Ísafjarðarbæjar eiga
íbúðirnar við Árvelli og leigja þær
út.
Björgunarsveitarmenn unnu að
því í fyrradag að moka snjó út úr
íbúðunum og negla fyrir brotna
glugga. Gert er ráð fyrir því að það
taki nokkra mánuði að koma þeim
íbúðum, sem verst urðu úti í flóð-
inu, í samt horf aftur.
Leitað að
nýjum íbúðum
SAMKVÆMT verðkönnun SÁÁ
fyrir áramót hafði verð á kókaíni
og amfetamíni hækkað talsvert frá
fyrri könnun sem var gerð í lok
nóvember. Verð á hassi hefur á
hinn bóginn ekki verið lægra frá
því SÁÁ hóf að kanna götuverð
fíkniefna árið 2000.
Frá nóvember og fram að ára-
mótum hækkaði verð á amfetamíni
um 14,7% og kostaði grammið 4.360
krónur. Verð á kókaíni hafði hækk-
að um 6,6% og kostar nú 11.500.
Verð á hassi virðist á hinn bóginn
vera í sögulegu lágmarki, grammið
af því kostar nú 1.340. Hæst mæld-
ist hassverð í febrúar, 2.980 krón-
ur. Á vef SÁÁ segir að tíðar hald-
lagningar lögreglu og tollgæslu á
amfetamíni og kókaíni virðast hafa
valdið því að götuverð fíkniefnanna
hafi hækkað.
Verðhækkun
á kókaíni og
amfetamíni
SJÁLFKJÖRIÐ er í stjórn Félags
leikskólakennara, en framboðs-
frestur rann út í vikunni. Aðeins
barst eitt framboð til formanns, frá
Björgu Bjarnadóttur, sem verið
hefur formaður í nokkur ár. Þröst-
ur Brynjarsson varaformaður er
einnig sjálfkjörinn.
Kosið verður um þrjú sæti í aðal-
stjórn félagsins á aðalfundi 24. og
25. febrúar.
Sjálfkjörið til
forystu FL
ÞJÓNUSTUSAMNINGUR um rekstur Skálatúns-
heimilisins í Mosfellsbæ var undirritaður í gær milli fé-
lagsmálaráðherra og framkvæmdastjóra Skálatúns-
heimilisins. Að sögn Gunnars Þorlákssonar, fram-
kvæmdastjóra Skálatúns, felur samningurinn í sér að
heimilið fær tiltekna upphæð, rúmar 242 milljónir króna
á ári, sem á að standa undir rekstri heimilisins og þ.m.t.
launakostnaði.
Fagnaði 50 ára afmæli í fyrra
Skálatúnsheimilið fagnaði 50 ára afmæli á síðasta ári
en fram að þessu hefur það verið á fjárlögum frá ríkinu.
Að sögn Gunnars hefur þjónustusamningurinn litlar
breytingar í för með sér á rekstri heimilisins.
Alls eru 45 heimilismenn á Skálatúni, þar af 30 í sam-
býlum og 15 á vistheimili. Starfsmenn eru rúmlega 70 í
ríflega 50 stöðugildum.
Fjölbreytt starfsemi er í boði fyrir heimilismenn á
Skálatúni. Starfræktar eru vinnustofur þar sem ýmiss
konar handiðnaður fer fram auk þess sem heimilismenn
eiga kost á að sækja námskeið hjá fullorðinsfræðslu fatl-
aðra.
Gunnar tók við framkvæmdastjórastarfinu um ára-
mót en fráfarandi framkvæmdastjóri er Kristján Þor-
geirsson sem gegndi starfinu í 13 ár.
Þjónustusamning-
ur gerður um
rekstur Skálatúns
Morgunblaðið/Árni Sæberg
Árni Magnússon félagsmálaráðherra gaf sér tíma til að heilsa upp á heimilisfólk á Skálatúni í
gær áður en hann undirritaði þjónustusamning um rekstur heimilisins.
UMBOÐSMAÐUR Alþingis álítur að
málsmeðferð gjafsóknarnefndar og
dómsmálaráðuneytisins á máli að-
standenda fórnarlambs manndráps
við Stóragerði árið 1990, sem kvört-
uðu yfir þeirri ákvörðun ráðuneytis-
ins að hafna beiðni þeirra um gjaf-
sóknarleyfi, hafi ekki verið í samræmi
við lög. Fjölskylda hins látna hafði
sótt um gjafsókn til reksturs dóms-
máls sem hún hugðist höfða gegn
Ríkisútvarpinu og framleiðendum
sjónvarpsþáttar í röðinni Sönn ís-
lensk sakamál sem fjallaði um morð-
ið. Mótmælti fjölskyldan því að þátt-
urinn yrði gerður og stóð hún í þeirri
trú að ekkert yrði af gerð þáttarins.
Þegar hið gagnstæða kom í ljós
reyndi fjölskyldan með aðstoð lög-
manna að koma í veg fyrir að þátt-
urinn yrði sýndur en það bar ekki ár-
angur.
Í áliti sínu bendir umboðsmaður á
að í gjafsóknarbeiðni fjölskyldunnar
hefði því verið haldið fram að birting
þáttarins hefði brotið gegn ákvæði 71.
gr. stjórnarskrárinnar um friðhelgi
einkalífs. Þá væri því einnig haldið
fram að úrlausn málsins hefði for-
dæmisgildi fyrir þáttagerð af þessu
tagi. Umboðsmaður vísaði til um-
sagnar er gjafsóknarnefnd veitti í til-
efni af athugun hans á málinu. Hvorki
í rökstuðningi til ráðherra, né í skýr-
ingum til umboðsmanns hefði verið
nánar fjallað um skilyrði þess að gjaf-
sókn yrði veitt til reksturs slíkra mála
og ekki fjallað um þær ástæður eða
atriði sem legið hefðu að baki því að
gjafsóknarbeiðni fjölskyldunnar sem
beinlínis hefði verið rökstudd með
vísan til sjónarmiða um skerðingu á
friðhelgi einkalífs, hefði ekki verið tal-
in falla undir skilyrði laga um einka-
mál að virtri túlkun og framkvæmd
gjafsóknarnefndar á ákvæði laganna.
Umboðsmaður hefur því beint þeim
tilmælum til dómsmálaráðuneytisins
að taka mál fjölskyldunnar til skoð-
unar að nýju, óski hún þess.
Leituðu til umboðsmanns Alþingis eftir að gjafsókn var hafnað
Meðferð ráðuneytisins
ekki í samræmi við lög
VEGNA frétta af úrskurði umboðsmanns Alþingis hefur dómsmálaráðu-
neytið sent frá sér fréttatilkynningu þar sem fram kemur að verklagi gjaf-
sóknarnefndar hafi verið breytt og sérstaklega gætt að rökstuðningi þeg-
ar hún hafnar gjafsóknarleyfi. Tekið er fram að dómsmálaráðherra sé
óheimilt að að veita gjafsókn nema gjafsóknarnefnd mæli með því. Í um-
ræddu máli hafi nefndin komist að þeirri niðurstöðu að ekki ætti að veita
gjafsókn. Rökstuðningur nefndarinnar hafi verið ákveðinn og skýr en nið-
urstaða nefndarinnar og ráðuneytisins að hann hefði mátt vera ítarlegri.
Verklagi gjafsóknarnefndar breytt
FULLTRÚI sjálfstæðismanna í
stjórn Orkuveitu Reykjavíkur gagn-
rýnir það sem hann kallar blekkingar
borgarstjórnarmeirihluta vegna
kostnaðar við höfuðstöðvar OR, og
segir að í raun hafi kostnaður farið
tæp 62% fram úr áætlun miðað við
forsendur meirihlutans.
„Túlkunin á þessum tölum er væg-
ast sagt mjög frjálsleg,“ segir Guð-
laugur Þór Þórðarson, borgarfulltrúi
Sjálfstæðisflokks. Hann segir út-
reikninga á því hversu mikið var farið
fram úr fjárhagsáætlun hafa byggst á
upplýsingum um verð á einni af bygg-
ingunum eingöngu, en réttara hefði
verið að taka með í útreikningana all-
ar aukabyggingar, t.d. svokallaða
Norðurbyggingu, tengibyggingu milli
hennar og aðalbyggingar, auk bíla-
stæðahúss.
Í útreikningum Guðlaugs er kostn-
aður á hverju ári sem framkvæmdir
stóðu yfir framreiknaður á verðlag í
janúar 2005, sem og upphafleg kostn-
aðaráætlun.
Kostnaður uppreiknaður á verðlagi
janúar 2005 er samtals 4.257 milljónir
króna, en kostnaðaráætlun á sama
verðlagi hljóðar upp á 2.933 milljónir
króna. Því er byggingarkostnaður
umfram áætlun 1.816 milljónir, eða
61,9%, en ekki 31,9% eins og fram
kom í gögnum sem afhent voru fjöl-
miðlum í fyrradag.
Sé hins vegar miðað við þær verð-
hugmyndir sem kynntar voru þegar
ákveðið var að ráðast í bygginguna
hefur verkið farið 122,5% fram úr
áætlun, segir Guðlaugur. Sagt var að
sala á húseignum OR myndi duga fyr-
ir byggingarkostnaðinum við nýja
húsið, segir Guðlaugur. Söluvirði hús-
eignanna á verðlagi dagsins í dag er
um 2.135 milljónir króna, og er því
byggingarkostnaður umfram það
2.614 milljónir, eða 122,5% yfir þeirri
verðhugmynd sem kynnt var í upp-
hafi.
Guðlaugur segir forsvarsmenn R-
lista reyna að blekkja borgarbúa með
því að nota ekki heildarkostnað held-
ur einungis kostnaðinn við eina bygg-
inguna í útreikningum sínum. „Það
hefur aldrei verið neinn mælikvarði,
enda hefur deilan ekki snúist um ein-
hverja eina byggingu, heldur heildar-
kostnað við húsið,“ segir Guðlaugur.
Sjálfstæðismenn segja kostnað við
höfuðstöðvar OR 62% yfir áætlun
Túlkun á tölum
mjög frjálsleg