Morgunblaðið - 12.01.2005, Qupperneq 16

16 MIÐVIKUDAGUR 12. JANÚAR 2005 MORGUNBLAÐIÐ
MINNSTAÐUR
ÞAÐ vakti töluverða athygli í góð-
gerðarleik núverandi bikarmeistara
KA í handbolta og bikarmeistaranna
frá árinu 1995 um helgina, þegar þeir
Hjörtur Sigurðsson og Jónas Jose
(Tony) Mellado, mættu út á gólfið í
dómarabúningum og með flautur.
Þeir eru mun þekktari fyrir sterkar
skoðanir á þeim dómum sem falla á
heimaleikjum KA, jafnframt fyrir að
láta þær skoðanir reglulega í ljós í
hverjum leik og þá með miklum
hamagangi. Ekki var langt liðið á
leikinn, þegar tveir aðrir dómarar,
Friðjón Jónsson og Halldór Rafns-
son, birtust á vellinum, sýndu þeim
Hirti og Tony rauða spjaldið og þar
með var þátttöku þeirra lokið í leikn-
um. Það vakti einnig athygli þegar
Þorsteinn Már Baldvinsson, forstjóri
Samherja, birtist í dómarabúningi og
dæmdi síðustu þrjár mínútur leiksins
með Halldóri en Þorsteinn Már er
einnig þekktur fyrir að hafa skoðanir
á dómurum í handboltaleikjum, þótt
hann hafi róast mikið með árunum.
Þrátt fyrir sviptingar í dómgæslunni,
fór leikurinn vel fram en eins og áður
hefur komið fram unnu bikarmeist-
arnir frá 1995 núverandi bikarmeist-
ara félagsins, 30:28.
Það voru þeir Gunnar Níelsson,
Árni Stefánsson og sonur hans Stef-
án, sem áttu heiðurinn af því að leik-
urinn fór fram. Á tólfta hundrað
áhorfendur mættu á leikinn en öll
innkoman, rúmlega 460 þúsund krón-
ur, runnu óskiptar til fjölskyldu í
bænum sem á í erfiðleikum. „Þetta
var alveg frábært, maður er nánast
orðlaus og þarf nokkuð til,“ sagði
Gunnar eftir leikinn. „Hér var hús-
fyllir og þeir peningar sem söfnuðust
koma sér vel. Ég segi því þúsund
þakkir til allra þeirra sem komu að
málum,“ sagði Gunnar ennfremur.
Húsfyllir á góðgerðarleik í handbolta milli bikarmeistaraliða KA
Dómarar Jónas Jose (Tony) Mellado og Hjörtur Sigurðsson með fyrirliðum
KA-liðanna, Jónatan Magnússyni t.v. og Erlingi Kristjánssyni t.h.
Dómararnir vöktu athygli
Morgunblaðið/Kristján
Dæmdi 3 mínútur Þorsteinn Már,
forstjóri Samherja, blæs í flautuna.
HÖFUÐBORGARSVÆÐIÐ
AKUREYRI
SVEITARSTJÓRN Grýtubakka-
hrepps telur hag íbúa hreppsins best
borgið með því að sameinast ekki
öðrum sveitarfélögum í Eyjafirði,
„vegna þess að hún telur hættu á að
þjónusta við íbúa muni skerðast, þar
sem byggðarlagið yrði jaðarsvæði í
sameinuðu sveitarfélagi,“ eins og
segir í bókun frá fundi sveitarstjórn-
ar, en þar var fjallað um skýrsluna
Eyfirðingar í eina sæng, útttekt
Rannsóknarstofnunar Háskólans á
Akureyri um hugsanlega samein-
ingu sveitarfélaga í Eyjafirði.
„Eins telur sveitarstjórn að íbúar
muni ekki njóta fjárhagslegs ávinn-
ings af sameiningunni og glata for-
ræði yfir eignum, sem nýst hafa við
uppbyggingu byggðarlagsins,“ segir
í bókun sveitarstjórnar Grýtubakka-
hrepps en jafnframt er tekið fram að
hún telji eðlilegt að íbúar sveitarfé-
lagsins kjósi um væntanlegar tillög-
ur sameiningarnefndar.
  
Sveitarstjórn
Grýtubakkahrepps
Hag best
borgið með
því að samein-
ast ekki
Snjómoksturinn dýr | Kostnaður
við snjómokstur á Akureyri á síðasta
ári nam 47 milljónum króna en þar
af fóru 7,5 milljónir í hálkuvarnir.
Þetta er heldur hærri upphæð í snjó-
mokstur og hálkuvarnir en árið á
undan og munar þar rúmum 5 millj-
ónum króna. Líkt og undanfarin ár
voru janúar og febrúar dýrustu
mánuðirnir en í janúar á sl. ári fóru
18 milljónir króna í snjómokstur, 12
milljónir í febrúar og 7 milljónir í
desember sl. Töluvert hefur snjóað
frá því um hátíðarnar og eru snjó-
ruðningstæki fyrirferðamikil en að-
allega er unnið að því að halda helstu
leiðum færum og auka öryggi.
STARFSMENN framkvæmda-
miðstöðvar Akureyrarbæjar eru
þessa dagana í óða önn að kurla
niður jólatré sem bæjarbúar
prýddu híbýli sín með um nýliðna
jólahátíð. Trjánum var safnað
saman og tilgangurinn að minnka
það magn sorps sem fer til urð-
unar auk þess sem þetta er kjörin
leið til að endurnýta jólatrén sem
nú hafa lokið hlutverki sínu. Af-
urðin sem af þeim kemur verður
m.a. notuð til jarðvegsgerðar.
Þar til gerðir gámar verða við
nokkrar verslanir í bænum,
Kaupang, Hagkaup, Sunnuhlíð og
Síðu fram til 17. janúar næstkom-
andi. Þeir eru eingöngu ætlaðir
undir jólatré og þangað geta bæj-
arbúar komið með tré sín en
einnig má skila þeim á gámastöð-
ina við Réttarhvamm á meðan
þar er opið. Annars eru starfs-
menn á ferðinni út þessa viku og
safna saman þeim trjám sem sett
hafa verið út að götu við lóðar-
mörk.
Forsvarsmenn fyrirtækja og
stofnana verða að nýta sér söfn-
unargáma eða gámastöðina því
jólatré verða ekki hirt við slíka
staði.
Morgunblaðið/Kristján
Jólin búin Jólatré bæjarbúa eru kurluð og notuð til jarðvegsgerðar.
Kurla niður jólatré
Reykjavík | Skipulagsstofnun hefur
kveðið upp úrskurð um mat á um-
hverfisáhrifum landfyllinga við Gufu-
nes í Reykjavík og er fallist á fram-
kvæmdina með skilyrði.
Í matsskýrslu Reykjavíkurborgar
kemur fram að markmið fram-
kvæmdarinnar sé að útbúa land fyrir
samfellda og þétta og blandaða byggð
í tengslum við miðborg Reykjavíkur,
með tilkomu Sundabrautar. Áformað
er að gera tvær landfyllingar, sú fyrri
34 ha að stærð er við vestanvert Gufu-
nes í beinu framhaldi af gömlu sorp-
haugunum í Gufunesi og afmarkast til
norðurs af bryggju við Áburðarverk-
smiðjuna og til suðurs af Gufunes-
höfða. Gert er ráð fyrir að hún nái 3–
400 metra út í sjó. Síðari áfangi fram-
kvæmdarinnar er 12 ha landfylling út
frá Gufunesi norðanverðu sem mun
ná um 400 metra út í Eiðsvík.
4,1 milljón rúmmetra í fyllingu
Heildarefnisþörf fyrir landfylling-
arnar er 4,1 milljón rúmmetra sem
aðallega verður sótt í námur í hafs-
botni, svonefndur grús og skeljagrús,
auk efnis sem fellur til vegna jarð-
vinnslu á höfuðborgarsvæðinu. Þá
verður notast við efni sem fellur til
vegna dýpkunar Sundahafnar. Stefnt
er að því að framkvæmdir hefjist sem
fyrst og er framkvæmdatími áætlað-
ur allt að 10 ár. Í núgildandi Aðal-
skipulagi Reykjavíkur 2001–2024, er
gert ráð fyrir fyrirhuguðum landfyll-
ingum og að á þeim og í landi Gufu-
ness, verði blönduð byggð með um
7.500–9.000 íbúum. Gert er ráð fyrir
að mannvirki Áburðarverksmiðjunn-
ar verði rifin í tengslum við uppbygg-
ingu svæðisins en ekki liggur fyrir
ákvörðun um að flytja flokkunarstöð
Sorpu. Sú hugmynd verður hins veg-
ar rædd í deiliskipulagsvinnu sem
framundan er, að því er fram kemur í
matsskýrslu borgarinnar. Aukinn
umferðarþungi er óhjákvæmilegur
vegna efnisflutninga í tengslum við
landfyllingarnar og er talið að hann
aukist á framkvæmdatímanum um
10% á Gullinbrú, 25% á Strandvegi og
30% á Gufunesvegi. Komist Sunda-
braut í notkun á næstu 8–10 árum
megi gera ráð fyrir að umferð um
Gullinbrú minnki á síðari stigum
framkvæmdarinnar.
Unnið utan göngutíma laxa
Í umsögn Umhverfisstofnunar um
framkvæmdina kemur m.a. fram að
forsendur fyrir nyrðri landfyllingunni
séu ekki fyrir hendi þar sem fallið hafi
verið frá byggingu hafnar í Eiðsvík
auk þess sem útlínur hennar séu ekki
í samræmi við strandlínu og lands-
lagsheildir á svæðinu. Röskun fjör-
unnar séu í ósamræmi við stefnumót-
un í samþykktri Staðardagskrá 21
fyrir Reykjavík þar sem m.a. er stefnt
að því að „höfuðstóll náttúrusvæða“
haldist óskertur, og því beri að falla
frá nyrðri landfyllingunni. Skipulags-
stofnun telur hins vegar ekki forsend-
ur fyrir að leggjast gegn landfylling-
unni á grundvelli þess að fyrirhuguð
sé breytt landnotkun á henni miðað
við fyrra skipulag.
Vegna grjótvarnagarða sem gerðir
verða í tengslum við landfyllingarnar
og þar sem farleiðir laxfiska liggja um
framkvæmdasvæðið, telur Skipulags-
stofnun að lokum að Reykjavíkurborg
beri að halda framkvæmdum við gerð
garðanna utan tímabilsins frá 1. maí
til 30. september. Þá séu mestar líkur
á að framkvæmdirnar geti valdið um-
róti og útbreiðslu gruggs sem getur
borið með sér mengunarefni. Er fall-
ist á framkvæmdina með því skilyrði
að framkvæmdir við garðana séu utan
göngutíma laxfiska.
Skipulagsstofnun úrskurðar um landfyllingar við Gufunes
Uppbygging Mannvirki Áburðarverksmiðjunnar verða rifin í tengslum við
uppbyggingu svæðisins, en framtíð flokkunarstöðvar Sorpu er óráðin.
Skilyrði sett um laxinn
Kópavogur | Hansína Á. Björgvins-
dóttir bæjarstjóri opnaði á dögunum
nýtt rafrænt leikskólaforrit, Perluna.
Forrið heldur utan um alla skráningu
vegna leikskólabarna og geta foreldr-
ar sótt um dvöl fyrir börn sín á vef
bæjarins. Barnið fer þá á biðlista og
er síðan innritað, en forritið nýtist til
að halda utan um skráningu barnsins,
sem fyrr segir, s.s. á hvað deild það
er, í hvað hópi, o.s.frv. Þá geymir for-
ritið upplýsingar um starfsmanna-
hald, búnað, ýmsa útreikninga, o.fl.
Bæjarstjóri hafði tvö börn á leik-
skólanum Kópasteini, Unni Marín
Sigmarsdóttur og Jökul Sigurðsson,
sér til fulltingis, þegar hún opnaði vef-
inn fyrir skemmstu.
Forritið er hannað af VKS, Óskari
Elvari Guðjónssyni í samráði við leik-
skólastjóra, starfsmenn leikskóla-
skrifstofu og fræðslustjóra Kópavogs.
Perlan tek-
in í gagnið
Forrit sem
heldur utan um
skráningu leik-
skólabarna
Leikskólaforrit Hansína fékk góða
aðstoð við að opna nýja forritið.
Kópavogur | Samfylkingin í Kópa-
vogi lýsir yfir áhyggjum vegna hækk-
unar fasteignagjalda milli ára, sem
bitni m.a. hart á eldri borgurum.
Fram kemur að við afgreiðslu fjár-
hagsáætlunar Kópavogs 2005 hafi
Samfylkingin lagt til að álagning-
arprósentan yrði lækkuð úr 0,345% í
0,3105% til þess að hækkun fasteigna-
mats lenti ekki af „fullum þunga á
íbúum bæjarins“. Sú tillaga hafi verið
felld af meirihluta.
„Enn harðar bitna þessar hækkan-
ir á eldri borgurum í Kópavogi sem fá
allir fasta niðurgreiðslu af greiðslu
fasteignaskatts. Niðurgreiðslan var
35.800 kr. fyrir árið 2004 en á þessu
ári á niðurgreiðslan að nema 37.000
kr. og er það 3% hækkun á niður-
greiðslunni á sama tíma og fasteigna-
matið hækkar að meðaltali um 15,3%
Því hækka fasteignagjöld milli ára um
24% til 27%, eftir íbúðagerð, á eignum
eldri borgara,“ segir í tilkynningu frá
Samfylkingunni. Samfylkingin hafi
lagt til að niðurgreiðslan hækkaði í
39.000 kr. til þess að fylgja þróun á
hækkun fasteignamats en sú tillaga
hafi einnig verið felld. Segir í tilkynn-
ingunni að afsláttur til eldri borgara
sé ýmist alveg eða að hluta tekju-
tengdur en enga slíka tengingu sé að
finna í Kópavogi. „Eldri borgarar
með mjög litlar tekjur hrekjast því oft
úr húsnæði sínu vegna hárra gjalda
bæjarfélagsins. Sérstaklega á þetta
við fólk sem býr í eldri eignum í bæn-
um. Er í raun verið að skattleggja við-
komandi út af heimilum sínum.“
Tillaga Samfylkingar
„Skatt-
lagðir út af
heimilum
sínum“