Morgunblaðið - 05.03.2005, Page 1

Vissir þú að ...
öflug íslensk framleiðsla skapar fleiri störf og stuðlar
að atvinnuöryggi í landinu. Nú standa yfir Íslenskir
gæðadagar í verslunum Nóatúns þar sem íslensk
framleiðsla er í öndvegi.
Morgunblaðið er 176 síður í dag
STOFNAÐ 1913 62. TBL. 93. ÁRG. LAUGARDAGUR 5. MARS 2005 PRENTSMIÐJA MORGUNBLAÐSINS mbl.is
Íþróttir, Enska knattspyrnan,
Lesbók, Börn og Fermingar
HÁÖLDRUÐ kona, sem býr í timburkofa í Brasilíu, gæti verið elsta kona
heims, að því er fréttastofan AP hafði í gær eftir framkvæmdastjóra
RankBrasil, brasilískrar stofnunar sem skráir og staðfestir met.
Maria Olivia da Silva, sem hélt nýlega upp á 125 ára afmæli sitt, „er
örugglega elsta konan í Brasilíu og hugsanlega í öllum heiminum,“ sagði
Iolete Cadari, framkvæmdastjóri stofnunarinnar. Samkvæmt fæðingarvott-
orði konunnar fæddist hún 28. febrúar 1880. Cadari sagði að hún væri ekki
skráð í heimsmetabók Guinness vegna þess að fulltrúar metabókarinnar
segðu að Da Silva gæti ekki sannað hvenær hún fæddist. „En sannleikurinn
er sá að allir geta fengið fæðingarvottorðið ef þeir vilja,“ sagði Cadari.
Samkvæmt metabók Guinness er 113 ára hollensk kona, Hendrikje Van
Andel-Schipper, elsta kona heims.
Sögð vera orðin 125 ára gömul
AP
Maria Olivia da Silva
ÞÚSUNDIR manna söfnuðust saman á göt-
um asersku höfuðborgarinnar Bakú í gær
og kröfðust prentfrelsis í Aserbaídsjan eftir
að þekktur ritstjóri og stjórnarandstæðing-
ur var myrtur.
Ritstjórinn Elmar Huseinov var skotinn
til bana nálægt heimili sínu í Bakú á mið-
vikudag og um 5.000 manns fylgdu honum
til grafar í gær.
Stjórnarandstaðan sakaði stjórn Ilhams
Alievs, forseta Aserbaídsjans, um að hafa
greitt leigumorðingja fyrir að ráða Husein-
ov af dögum til að þagga niður í fjölmiðlum
sem hafa gagnrýnt ráðamennina.
„Elmar varð fórnarlamb pólitískra
hryðjuverka, sannleikurinn varð honum að
falli,“ sagði Ali Kerimli, leiðtogi stjórnar-
andstöðuflokksins Alþýðufylkingarinnar.
Ólga vegna
morðs í Bakú
Bakú. AFP, AP.
BRUCE Dick-
inson, söngvari
þungarokksveit-
arinnar Iron
Maiden, segist í
samtali við
Morgunblaðið
vera spenntur
fyrir því að koma
aftur til Íslands
en sveitin hélt tónleika í Laugar-
dalshöll árið 1993. Tónleikar Iron
Maiden í Egilshöll í sumar eru liður
í Evróputúr sveitarinnar. Lýsir
Dickinson því að um hálf milljón
áhorfenda sé væntanleg á tilvon-
andi tónleika og segist ekkert skilja
í hljómsveitum sem kvarti undan
tónleikaferðalögum, þetta sé það
skemmtilegasta sem hann geri./62
„Spenntur
fyrir því að
koma aftur“
Iron Maiden spilar
í Egilshöll í sumar
BANDARÍSKIR hermenn gerðu skotárás
á ítölsku blaðakonuna Giuliana Sgrena og
fylgdarlið hennar í Írak í gær eftir að mann-
ræningjar létu hana lausa úr gíslingu.
Blaðakonan særðist og ítalskur leyniþjón-
ustumaður lét lífið.
Silvio Berlusconi, forsætisráðherra Ítal-
íu, staðfesti þetta í gærkvöldi og kvaðst hafa
kallað bandaríska sendiherrann í Róm á
sinn fund til að fá skýringu á árásinni.
Ekki í lífshættu
Ítalska dagblaðið Il Manifesto, blað
Sgrena, sagði að hún væri ekki í lífshættu,
en hefði særst á öxl og verið flutt á banda-
rískt sjúkrahús í Írak.
Leyniþjónustumaðurinn hafði samið við
mannræningjana um að þeir létu Sgrena
lausa og hann varð fyrir skoti þegar hann
kastaði sér yfir hana til að reyna að vernda
hana, að sögn Berlusconi. Hermt var að
tveir aðrir leyniþjónustumenn hefðu særst.
Bandaríkjaher sagði í gærkvöldi að her-
menn hefðu skotið á bíl Sgrena þegar hon-
um hefði verið ekið á miklum hraða að varð-
stöð á vegi að flugvellinum í Bagdad.
Hermennirnir hefðu reynt án árangurs að
stöðva bílinn áður en þeir hófu skothríðina.
Blaðakonunni var rænt 4. febrúar.
Bandarískir
hermenn
skutu á gísl
Ítölsk blaðakona særðist
og leyniþjónustumaður
beið bana í skotárásinni
Róm. AFP.
♦♦♦
LAGT var hald á mikið af bókhaldsgögnum og
tölvubúnaði þegar um 30 manna hópur á vegum
skattrannsóknarstjóra gerði skyndilega hús-
rannsókn á fjölda vínveitingastaða í Reykjavík í
umfangsmikilli aðgerð sem hófst í fyrrakvöld og
lauk síðdegis í gær. Grunur leikur á víðtækum
skattsvikum. Um 20 manns frá skattrannsókn-
arstjóra og tugur lögreglumanna frá lögregl-
unni í Reykjavík tóku þátt í aðgerðinni. Yfirleitt
var farið inn á um fimm staði samtímis og voru
ávallt tveir lögreglumenn með í för til að hægt
væri að leggja hald á gögn og innsigla starfs-
stöðvar ef þess þyrfti og einnig til að koma í veg
fyrir að starfsmenn skattrannsóknarstjóra yrðu
fyrir mótspyrnu eða hótunum af hálfu starfs-
manna veitingastaðanna. Aðgerðin hófst um
klukkan átta á fimmtudagskvöld og stóð fram á
fjórða tímann um nóttina. Aftur var hafist
handa um hádegið í gær og lauk aðgerðinni ekki
fyrr en síðdegis. Skúli Eggert Þórðarson skatt-
rannsóknarstjóri sagði í samtali við Morgun-
blaðið að um væri að ræða umfangsmestu hús-
rannsóknir vegna skattrannsókna í langan tíma.
„Þetta var með stærri aðgerðum sem embættið
hefur ráðist í og ég man ekki eftir því að jafn-
margir aðilar úr sömu atvinnugrein hafi verið
teknir til athugunar á sama tíma,“ sagði hann.
Tapa á áfengissölu
Aðgerðin var ákveðin í kjölfar skýrslu um
skattsvik, sem nýlega var birt, en þar kom fram
að mestu skattsvikin væru vegna svartrar at-
vinnustarfsemi. Skúli sagði að rekstur vínveit-
ingastaða hefði verið tekinn til sérstakrar at-
hugunar m.a. vegna þess að í slíkum rekstri
hefði verið mikið um gjaldþrot en engu að síður
virtist sem í mörgum tilfellum héldu sömu aðilar
rekstri staðanna áfram undir nýjum auðkenn-
um. Í mörgum tilfellum væru rekstraraðilar er-
lendir ríkisborgarar. Skúli sagði að álagning á
aðkeypta vöru og skattskil fyrirtækjanna væru
gríðarlega mismunandi og oft ekki í neinu sam-
ræmi við þann rekstur sem þar færi fram og
m.a. væru dæmi um að vínveitingastaður hefði
tapað á áfengissölu. Þeir staðir sem hefðu skilað
skattskýrslum sem skáru hvað mest í augu
hefðu verið teknir út og húsleitir gerðar þar.
Rannsóknin beinist fyrst og fremst að van-
framtöldum tekjum, duldum launum og fleiri
skattalagabrotum en Skúli sagði að einnig yrði
kannað hvort hugsanlega hefði farið fram önnur
brotastarfsemi á veitingastöðunum, s.s. vændi
eða fíkniefnasala. Ef slíkt kæmi í ljós yrði við-
eigandi gögnum komið til lögreglu.
Skyndileg húsleit
skattayfirvalda
Skattrannsóknarstjóri gerði skyndilega húsrannsókn á fjölda
vínveitingastaða í Reykjavík
Grunur um víðtæk skattsvik

Um 20 manns frá embættinu og tugur lögreglumanna tóku þátt
Morgunblaðið/Jim Smart
Fuglarnir á Tjörninni eru stundum frekir, en allt gekk vel þegar þessi stúlka færði þeim brauð.