Morgunblaðið - 05.03.2005, Blaðsíða 59

MORGUNBLAÐIÐ LAUGARDAGUR 5. MARS 2005 59
RAPPARINN 50 Cent hefur gert samning við
fyrirtækið Vivendi Universal Games um gerð á
tölvuleik sem gefinn verður út seint á þessu ári.
Leikurinn heitir „50 Cent®: Bulletproof™“ og
verður frumsýndur á E3 tölvuleikjasýningunni í
Los Angeles. „Allar gjörðir mínar miða að því að
ná árangri,“ segir rapparinn. „Markmið mitt er
alltaf að rústa alla samkeppni og það er ekkert
öðruvísi þegar ég sendi frá mér tölvuleik. Leik-
urinn er nokkurs konar draumóraútgáfa af lífi
mínu. Ég ætla að hrista upp í tölvuleikjaheim-
inum líkt og ég gerði í rappheiminum – ég legg
allt í þennan leik,“ segir 50 Cent.
Í leiknum lendir 50 Cent í vef spillinga, svika
og undarlegra samninga
sem leiða hann um blóðuga
slóð um undirheima New
York-borgar. 50 Cent finn-
ur sér ótrúlega bandamenn
og segir hættulegustu
glæpafjölskyldu borg-
arinnar stríð á hendur.
Þetta flækir hann í al-
þjóðlegt samsæri þar sem
ótrúlegustu aðilar koma við sögu. Augu göt-
unnar eru á 50 Cent þar sem hann sprengir sér
leið að sannleikanum.
50 Cent hefur mörg járn í eldinum þessa dag-
ana. Ný plata, The Massacre, kom út á fimmtu-
daginn og hefur fengið ágæta dóma. Samkvæmt
vefnum metacritic.com fær hún 69 í einkunn af
100 mögulegum.
Takmarkið að rústa
samkeppnina
50 Cent er jafn ógnvekjandi í leiknum og raunveruleikanum.
Tónlist | Ný plata og tölvuleikur frá 50 Cent
TÓNLIST
Erlendar plötur
Jennifer Lopez – Rebirth

JENNIFER Lopez gefur til kynna
með nafninu á glænýrri hljóðvers-
plötu sinni að hún sé að ganga í gegn-
um einhvers konar endurfæðingu. Til
að gera það fær hún m.a. Rodney
Jerkins og Timba-
land til liðs við sig.
Upphafslagið „Get
Right“ er síðan af-
gangslag af Con-
fessions með Usher
og segir það eitt-
hvað um plötuna að
það sé eitt besta lag hennar.
Þó Lopez sé áreiðanlega að ganga í
gengum persónulega endurnýjun og
upplifanir þá er platan ósköp ófrum-
leg. Sum lögin eru ágæt popplög en
þau vantar nútímalegri brodd. Á
sama tíma heppnast fortíðartilvís-
anirnar ekki nógu vel.
Fyrstu lög plötunnar eru þau
bestu, hið afríska „Step Into My
World“ og fönklagið „Whatever You
Wanna Do“. Nokkur lög þarna minna
á Madonnu um það leyti og True Blue
kom út, bestu lögin í þeim hópi eru
„Cherry Pie“ og „Ryde or Die“.
Versta lagið á plötunni er tvímæla-
laust „(Can’t Belive) This Is Me“. Það
er samvinnuverkefni Lopez og eig-
inmannsins Marc Anthony. Ekkert
gott virðist koma útúr samstarfi
hennar og eiginmannanna/kærast-
anna. Þeir ættu að hafa vit á því að
halda sig fjarri ef hún hefur það ekki.
Lagið er alveg hörmulegt og reynir
Lopez á röddina langt umfram það
sem hún ræður við. Þetta er al-
gjörlega misheppnuð kraftballaða.
Jennifer Lopez er virkilegt kam-
elljón og getur tekið á sig mörg gervi
(fatahönnuður-dansari-leikari-
söngkona). Í tónlistinni er hún samt
engin Madonna enda virðist Gwen
Stefani vera í fullu starfi við að feta í
fótspor hennar.
Þeir sem treysta á góða danssmelli
frá dívunni gætu orðið svekktir. Það
vantar meiri kraft í plötuna og mjó-
róma rödd Lopez heldur illa athygli
og er þreytandi að hlusta á hana til
lengdar.
Inga Rún Sigurðardóttir
Mjóróma
endurfæðing
ALLS verða hundrað aukamiðar
settir í sölu á tvennar sýningar
grínistans Eddie Izzard hérlendis.
Salan fer eingöngu fram í versl-
unum Skífunnar frá og með kl. 10 í
dag. Umframeftirspurn var eftir
miðum á sýningarnar og tókst
skipuleggjendum með tilfærslum
að koma fimmtíu manns til viðbótar
á hvora sýningu.
Tveir af vinsælustu grínistum
landsins, Þorsteinn Guðmundsson
og Pétur Jóhann Sigfússon, hafa
verið valdir til að hitta upp á báðum
sýningum Izzard á Broadway, 9. og
10. mars næstkomandi.
Skemmtanir | Grínistinn
Eddie Izzard
Eddie Izzard tókst að galdra fram
hundrað miða til viðbótar.
Aukamiðar
til sölu
www.event.is