Morgunblaðið - 05.03.2005, Síða 27

urinn var alltaf góður … ítalskur
matur er oftast svo góður! Staðurinn
beint á móti hótelinu var fínn, Mira-
monte.“
Hvað er best við svona
skíðaferð?
„Þetta eru skemmtlilegustu frí
sem hægt er að fara í. Mikið um að
vera og bara svo frábært að svífa um
þessi æðislegu fjöll og ég tala nú
ekki um þegar maður fær sex heið-
skíra daga með sól og logni. Það er
reyndar ekki gefið. Við höfum lent í
miklu verra veðri í svona ferðum.
Svo fer maður í gufu og slakar á
áður en maður borðar góðan mat
með skemmtilegu fólki. Sofnar svo
snemma og endurtekur leikinn dag-
inn eftir. Þessi bær er frekar
skemmtilegur miðað við suma bæi
sem við höfum farið til en oftast eru
þetta bæir sem gera nær eingöngu
út á skíðavertíðina þannig að maður
upplifir ekki eðlilegt mannlíf.
Í Madonna er allt dýrt og greini-
lega mikið um að ríkir Ítalir séu í
þessum bæ. Bílarnir þeirra báru
þess merki og pelsarnir sem frúrnar
spásseruðu í um göturnar.“
Er eitthvað sem er hægt að
benda skíðaferðalöngum á að
muna eftir að taka með sér?
„Maður er auðvitað við öllu búinn
þegar maður pakkar. Ýmiss konar
aukahúfur, gleraugu, sólarkrem og
varaáburður og aukahlífðarfatnaður
sem maður notar stundum og stund-
um ekki. Svo er íbúfen orðið viss
passi hjá mér þar sem hnén eru farin
að gefa sig.“
stjóra hjá Víkurverki ehf., sem
flytur inn og selur fellihýsi, hjól-
hýsi og húsbíla. Eigendaskipti
urðu nýlega á fyrirtækinu og
keypti Arnar Barðdal það af Jóni
Jónssyni.
Vaxandi eftirspurn
Auk LMC-hjólhýsa flytur Vík-
urverk inn svokölluð Burstner-
hjólhýsi frá Þýskalandi, sem ekki
eru jafnríkuleg að staðalbúnaði og
LMC-húsin sem m.a. kemur fram
í verðmun. Víkurverk hefur á und-
anförnum árum verið stærsti að-
ilinn í innflutningi á nýjum hús-
bílum. Helstu tegundir hafa verið
af gerðunum SEA, Benemar,
Rimo, LMC og Elnagh og nú bæt-
ast við húsbílar af Fíat-, Ford- og
Bens-gerð. Fyrirtækið býður einn-
ig upp á mikið úrval aukahluta og
búnaðar sem tengjast ferðavögn-
um. „Sala húsbíla tók stórt stökk í
fyrra og virðist sem eftirspurn
eftir slíkum ferðavögnum aukist
jafnt og þétt. Það er engin ástæða
til annars en bjartsýni á komandi
ferðasumar því sala í hjólhýsum
og húsbílum er nú þegar komin á
gott skrið og lofar góðu. Stækk-
andi markaður fyrir hjólhýsi virð-
ist einnig vera fyrir hendi sem
skýrist m.a. af bættu vegakerfi
landsins. Að sama skapi hafa öku-
tækin batnað og orðið kraftmeiri
og eiga því auðveldara með að
draga vagnana,“ segir Kristín.
Batnandi tjaldsvæði
Nýi lúxusvagninn hennar Krist-
ínar kostar um 2,9 milljónir króna,
vegur um 1.630 kíló og er rúmlega
8,8 metrar að lengd og því er öfl-
ugur jeppi nauðsynlegur drátt-
arklár. Þegar Kristín er að lokum
spurð hvaða uppáhaldsstaði hún
eigi sér á landinu svarar hún því
til að þeir séu margir. „Það er
eitthvað um að vera um hverja
einustu sumarhelgi einhvers stað-
ar og því getur maður í reynd ver-
ið á þreytingi á milli hátíða, t.d.
danskra daga í Stykkishólmi, fær-
eyskra daga í Ólafsvík og svo
framvegis.“ Tjaldsvæðin fari batn-
andi ár frá ári og því sé alls stað-
ar gott að vera í rólegheitunum
með fjölskyldunni eða í góðra vina
hópi auk þess sem þessi ferðamáti
sé kjörinn til að kynnast nýju
fólki. „Ég fer oft austur fyrir fjall
og bý þá gjarnan á Laugarási í
Biskupstungum og svo finnst mér
tjaldsvæðið á Kirkjubæjarklaustri
hreint til fyrirmyndar.“
join@mbl.is
MORGUNBLAÐIÐ LAUGARDAGUR 5. MARS 2005 27
FERÐALÖG
Grikklandsferð
Sigurður A. Magnússon auglýsti al-
síðustu SAM-ferð til Grikklands á
liðnu ári, en þar eð hámarksfjöldi
var 47 manns, urðu ýmsir frá að
hverfa og létu skrá sig á biðlista fyr-
ir næsta ár, ef ske kynni að farin
yrði önnur ferð. Nú hefur verið
ákveðið að efna til þriggja vikna
ferðar um Grikkland frá 30. maí til
20. júní. Sem fyrr er hámarksfjöldi
þátttakenda 47.
Ferðatilhögun verður þannig að
flogið verður beint til Krítar og það-
an haldið til eyjanna Santóríní,
Paros og Samos. Frá Samos verður
siglt til Kusadasi og Efesos í Tyrk-
landi. Eftir ferðalagið um eyjarnar
hefst meginlandsferðin í Aþenu.
Þaðan er fyrst haldið í hringferð um
Pelopsskaga: Kórinþa, Mýkena,
Epídavros, Navplíon og Ólympía.
Frá Ólympíu er ekið yfir Kór-
inþuflóa norður til Delfí og þaðan til
Kalambaka og strýtuklaustranna á
Meteóra, loks til Þessalóníku, Pellu
og Vergínu. Síðan aftur til Aþenu og
Krítar og þaðan heim til Íslands.
Ferðin kostar 170.000 krónur á
mann. Innifalin eru flugfargjöld til
og frá Krít, gisting ásamt morgun-
verði (auk máltíðar í Ólympíu og
Delfí), farmiðar með rútum og ferj-
um og aðgöngumiðar að söfnum og
fornleifum.
Sigurður hefur verið leiðsögu-
maður íslenskra ferðamanna í
Grikklandi síðan 1962 og hóparnir
sem hann hefur leiðsagt komnir á
fimmta tuginn. Undanfarin 10–15 ár
hefur hann skipulagt ferðirnar sjálf-
ur í samvinnu við grískar ferðaskrif-
stofur.
Morgunblaðið/Kristinn
Sólsetur í Aþenu.
Sigurður biður þá, sem áhuga hafa
á næstu ferð, að hafa samband við
sig sem fyrst í síma 552-5922
milli hádegis og miðnættis eða á
netfanginu sambar@isl.is.