Morgunblaðið - 29.03.2005, Blaðsíða 14

14 ÞRIÐJUDAGUR 29. MARS 2005 MORGUNBLAÐIÐ
ERLENT
ÞING Ísraels hafnaði í gær tillögu
um að haldin yrði þjóðaratkvæða-
greiðsla um fyrirhugaðan brott-
flutning herja og landtökumanna
gyðinga frá Gazasvæðinu í sumar.
Með þessu hefur síðustu hindrun
vegna brottflutningsins verið rutt
úr vegi. 72 þingmenn höfnuðu
frumvarpinu en 39 þingmenn
greiddu atkvæði með því, þrír sátu
hjá.
Mikil andstaða hefur verið við
áætlun Ariels Sharons, forsætisráð-
herra Ísraels, um að rýma allar
byggðir gyðinga á Gazasvæðinu í
júlí. Um 8.000 gyðingar búa nú á
Gaza auk rúmlega milljónar Palest-
ínumanna.
Sharon ítrekaði í gær að Ísraelar
myndu ekki fara frá stærstu land-
tökubyggðum sínum á Vesturbakk-
anum og sagði að Bandaríkjamenn
styddu þessa stefnu ísraelskra
stjórnvalda. Condoleezza Rice, ut-
anríkisráðherra Bandaríkjanna,
sagði í viðtali við ísraelska útvarpið
um helgina að stjórnvöld í Wash-
ington væru andvíg frekari upp-
byggingu í landtökubyggðunum á
Vesturbakkanum. Hins vegar væri
óhjákvæmilegt að taka tillit til
veruleikans og semja um framtíð
stærstu byggðanna þegar Ísraelar
og Palestínumenn næðu endanlegu
samkomulagi um frið.
Sharon hefur tekist að tryggja
sér stuðning Shinui-flokksins við
fjárlagafrumvarpið sem verður að
samþykkja fyrir lok mánaðarins.
Fresta hefði orðið Gaza-áætluninni
ef fjárlögin hefðu fallið og nýjar
kosningar boðaðar. Sharon hefur
reynt að draga úr andstöðu við
brottflutning landtökumannanna
með því að setja í fjárlögin ákvæði
um háar bætur til þeirra sem verða
að flytja.
Talið tryggt að Gaza-
áætlun verði að veruleika
Jerúsalem. AP, AFP.
Ísraelsþing
kolfelldi í gær
tillögu um
þjóðaratkvæði
Reuters
Landtökumenn úr röðum gyðinga og stuðningsmenn þeirra á útifundi í Jerúsalem í gær þar sem mótmælt var
áætlun Ariels Sharons um að leggja niður byggðir á Gaza. Á spjaldinu stendur: Reka burt gyðinga? Aldrei aftur!
DÓMARINN í réttarhöldunum yfir
bandaríska tónlistarmanninum
Michael Jackson í Kaliforníu ákvað í
gær að heimila sækjanda að leiða
fram vitni vegna fimm gamalla mála,
engin málanna hafa fyrr verið til
meðhöndlunar í réttarhöldum. Jack-
son er sakaður um kynferðislegt of-
beldi gegn dreng sem hann bauð á
búgarð sinn, Neverland.
Ákvörðun dómarans í gær er talin
vera mikið áfall fyrir verjendur
poppstjörnunnar. Í tveim af um-
ræddum fimm málum, þar sem ásak-
anir komu fram um kynferðisafbrot,
náði Jacksons samningum um að
málin yrði látin falla niður gegn
greiðslu milljóna dollara til meintra
brotaþola og aðstandenda þeirra.
Aðeins einn meintra brotaþola í
málunum fimm mun bera vitni í rétt-
arhöldunum, í hinum munu önnur
vitni koma fyrir réttinn. Karlmaður
sem sakaði Jackson um kynferðis-
lega áreitni árið 1993 mun ekki bera
vitni í réttarhöldunum, að því er
frændi hans skýrði frá í gær. Sam-
komulag náðist í málinu á sínum
tíma, án þess að til réttarhalda
kæmi. Umræddur maður var 13 ára
þegar meint áreitni átti sér stað.
„Ég segi það hér og nú að hann
mun ekki bera vitni. Hann er ekki á
landinu eða ekki er hægt að ná í
hann,“ sagði Raymond Chandler,
frændi drengsins sem sakaði Jack-
son um misnotkun árið 1993.
Chandler sagði að frændi sinn hefði
ákveðið að koma ekki fyrir réttinn
þrátt fyrir að „fjölmörg gögn“
styddu ásakanir hans. Sagði hann
þessi gögn hafa orðið til þess að
Jackson ákvað að gera samkomulag
við drenginn á sínum tíma. Dreng-
urinn, sem þá var 13 ára, fékk 15
milljónir dollara, liðlega 900 milljón-
ir króna, í greiðslur frá Jackson. Að
auki fengu foreldrar drengsins um
10 milljónir dollara, rúmlega 600
milljónir króna, í bætur frá Jackson.
Chandler sagði að hann harmaði
að frændi sinn hefði ákveðið að bera
ekki vitni við réttarhöldin, enda
sagðist hann telja að framburður
hans „myndi reynast afar mikilvæg-
ur í málinu.“ Drengurinn vildi hins
vegar standa vörð um einkalíf sitt.
„Hann er hundeltur af fjölmiðlum.
Hann hefur alloft þurft að flytja,“
sagði frændinn sem bætti við að
móðir drengsins myndi líklega bera
vitni við réttarhöldin gegn Jackson.
Leyfir vitnisburð
um fyrri ásakanir
gegn Jackson
Santa Maria. AFP.
Reuters
Michael Jackson veifar til aðdáenda
sinna við komuna í dómshúsið í
Santa Maria í Kaliforníu í gær.
NEÐRI deild fráfarandi þings í Mið-
Asíuríkinu Kirgistan lét í gær tíma-
bundið völdin í hendur þings sem
kosið var í umdeildum kosningum í
landinu fyrir skömmu til að reyna að
lægja deilur í landinu. Þingið kaus í
gær stjórnarandstöðuleiðtogann
Kurmanbek Bakijev forsætisráð-
herra og valdi hann einnig starfandi
forseta til bráðabirgða en stefnt er að
nýjum kosningum í sumar.
Dregið hefur úr spennu sem ríkt
hefur í landinu undanfarna daga
vegna deilna um réttmæti tveggja
kjörinna þinga í kjölfar þess að rík-
isstjórn Askars Akajevs forseta
hraktist frá völdum í liðinni viku.
Umdeild úrslit þingkosninganna,
þar sem fullyrt
var að beitt hefði
verið svikum,
leiddu til upp-
reisnar og síðar
stjórnarbyltingar.
Fulltrúar Ör-
yggis- og sam-
vinnustofnunar
Evrópu, ÖSE, eru
komnir til Kirg-
istan til þess að
reyna að aðstoða við lausn mála þar.
Framkvæmdastjóri ÖSE í Evrópu
hefur þegar fundað með Bakijev og
yfirmanni öryggismála.
Ráðgert er að halda forsetakosn-
ingar í Kirgistan 26. júní í sumar, en
deilt er um þessa ákvörðun. Ljóst er
að margir andstæðingar Akajevs eru
ósáttir við að nýja þingið sé viður-
kennt þar sem það hafi verið kosið
með óheiðarlegum hætti en Bakijev
telur mikilvægt að finna málamiðlun
til að hindra átök.
Sjálfur segir Akajev, sem er ann-
aðhvort í Kasakstan eða Rússlandi,
að allar gerðir hinna nýju ráðamanna
séu eintóm lögleysa, þeir vilji aðeins
hrifsa völdin. Hann sé enn rétt kjör-
inn forseti. Hvatti Akajev til þess í
gær að hætt yrði að ofsækja stuðn-
ingsmenn sína í Kirgistan. Bakijev
hét í gær Akajev að ef hann sneri aft-
ur heim myndi hann njóta þar „við-
eigandi verndar“.
Málamiðlana leitað í
deilunum í Kirgistan
Staðfest á þingi að Bakijev verði forsætisráðherra
Bishkek. AP, AFP.
Kurmanbek
Bakijev
JAMES Callaghan, sem var leiðtogi
breska Verkamannaflokksins og for-
sætisráðherra í lok áttunda áratug-
arins, lést á laug-
ardag, daginn
fyrir 93 ára af-
mælisdag sinn,
segir í frétt AFP-
fréttastofunnar.
Callaghan þótti
vera traustvekj-
andi, hann var
glaðlyndur og
breskur almenn-
ingur gaf honum
gælunafnið „Sunny Jim“. Hann var
hermaður í seinni heimsstyrjöld og
var m.a. annars um hríð á herskipi við
Íslandi, að sögn The Daily Telegraph.
Komst hann þá í kynni við gráðost
sem framleiddur var og er enn á Ak-
ureyri. Callaghan hafði mikið dálæti
á þessum osti og þegar hann var orð-
inn ráðherra fékk hann sendiráð
Bretlands hér á landi til að senda sér
birgðir af ostinum til London. Samn-
ingar tókust í síðustu landhelgisdeil-
unni skömmu eftir að Callaghan tók
við embætti forsætisráðherra 1976.
Efnahagsástandið var slæmt í
Bretlandi veturinn 1978–1979 og
mikið var um verkföll, stjórnin var
skyndilega orðin völt í sessi. Er
Callaghan kom af leiðtogafundi í Kar-
íbahafinu var hann spurður um
ástandið og svaraði: „Ég held ekki að
aðrar þjóðir í heiminum myndu vera
sammála því að hér sé allt á niður-
leið.“ Eitt af götublöðunum birti þá
mynd af honum með fyrirsögninni
„Kreppa, hvaða kreppa?“. Stjórnin
féll í mars 1979 og íhaldsmenn undir
forystu Margaret Thatcher sigruðu í
þingkosningum skömmu síðar.
Callaghan
látinn
James Callaghan
Hafði dálæti á ís-
lenskum gráðosti