Morgunblaðið - 08.06.2005, Blaðsíða 9

MORGUNBLAÐIÐ MIÐVIKUDAGUR 8. JÚNÍ 2005 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigi 5
• Sími 581 2141
Peysur - peysur
Ótrúlegt úrval
Síðumúla 13, sími 568 2870,
108 Reykjavík.
Opið 10:00 – 18:00
ÚTSALA - ÚTSALA
Dæmi um verð: Áður: Nú:
40—60% afsláttur
Hefst í dag
Ótrúlega lágt verð
Hettupeysa 6.500 3.900
Jakkapeysa 6.100 3.700
Peysusett 8.600 4.900
Peysa m/v-hálsmáli 6.900 3.900
Ermalaus toppur 3.800 2.300
Siffonbolur m/perlum 6.600 3.300
Blúndutoppur 2.600 1.600
Vafinn toppur 2.500 1.500
Röndóttur bolur 3.300 2.000
Stutterma skyrta 3.300 2.000
Síð skyrta 6.200 3.800
Teinóttur jakki 6.200 2.900
Kjóll m/blúndu 7.100 3.900
Pils 3.500 1.900
Dömubuxur 5.200 2.900
Gallabuxur 4.800 2.900
Kvartbuxur 5.700 2.900
Og margt, margt fleira
Flott föt fyrir
17. júní
Ný sending
Laugavegi 51, sími 552 2201
ÍSLENSKIR vagnstjórar hrepptu
Norðurlandameistaratitilinn í öku-
leikni vagnstjóra fjórða árið í röð.
Keppnin fór fram á sl. laugardag við
höfðustöðvar Strætó bs. á Kirkju-
sandi og fólst keppnin í að leysa hin-
ar ýmsu akstursþrautir á sem
skemmstum tíma.
Sigur íslensku vagnstjóranna var
afgerandi og röðuðu þeir sér í fjögur
efstu sætin í keppninni. Markús Sig-
urðsson var hlutskarpastur allra
þeirra 30 vagnstjóra sem tóku þátt,
Þórarinn Söebech var annar og
þriðji var Rögnvaldur Jónatansson.
Í keppni landsliða sigruðu Íslend-
ingar einnig með yfirburðum. 2.500
sekúndur skildu íslensku vagnstjór-
ana frá þeim dönsku sem lentu í
öðru sæti og telst það öruggur sigur.
Finnar urðu í þriðja sæti, Norðmenn
í því fjórða og Svíar lentu í fimmta
og síðasta sæti.
Íslenskir strætóbílstjórar sigursælir
Hér fagna hinir nýbökuðu Norðurlandameistarar tiltlinum. Í efri röð f.v.
eru keppendurnir Rögnvaldur Jónatansson, Kjartan Pálmarsson, Steindór
Steinþórsson, Bragi Ragnarsson, Þórarinn Söebech og Markús Sigurðsson.
Neðri röð f.v. Kristján Kjartansson dómari, Hörður Tómasson, formaður
Akstursklúbbsins, og Jóhann Gunnarsson liðsstjóri.
ÍRAR hafa lagt fyrir landgrunns-
nefnd Sameinuðu þjóðanna kröfu um
yfirráð á 39 þúsund ferkílómetra haf-
svæði sunnan Hatton-Rockall-svæð-
isins, að því er fram kom í máli Der-
mots Ahern, utanríkisráðherra
Írlands, í þingumræðum þar í landi í
síðustu viku.
Ísland er meðal þeirra þjóða sem
gerir kröfu til Hatton-Rockall-svæð-
isins og segir Tómas H. Heiðar, þjóð-
réttarfræðingur í utanríkisráðuneyt-
inu, að umrædd krafa Íra skipti ekki
máli hvað það svæði varðar.
„Það sem skiptir þarna grundvall-
armáli fyrir okkur er að þeir eru ekki
að leggja fyrir landgrunnsnefndina
neitt sem viðkemur Hatton-Rockall-
svæðinu, sem við gerum kröfu til. Í
rauninni er þessi framlagning Írlands
alveg í samræmi við okkar túlkun,
sem er sú að landgrunnsnefnd Sam-
einuðu þjóðanna hefur ekki vald til
þess að fjalla um kröfur ríkja á um-
deildum svæðum,“ segir Tómas.
Írar gera einir kröfu til svæðisins
sunnan Hatton-Rockall. Tómas segir
að í raun ríki réttaróvissa þegar fleiri
en eitt ríki gera tilkall til hafsvæða,
líkt og staðan er varðandi Hatton-
Rockall.
Auk Íslendinga og Íra gera Fær-
eyingar og Bretar kröfur til Hatton-
Rockall-svæðisins. Viðræður standa
yfir um svæðið og verður næsti fund-
ur í Reykjavík í ágúst en síðasti fund-
ur var haldinn í Þórshöfn í Færeyjum
í maí.
Írar standa einnig í deilum við
Frakka og Spánverja um hafsvæði
sem er fyrir sunnan svæðið sem krafa
Íra beinist að núna.
Írar gera kröfu til hafsvæð-
is sunnan Hatton-Rockall
LÖGREGLAN á Höfn í Hornafirði
lagði hald á fíkniefnasendingu í
umdæmi lögreglunnar, á leið frá
Reykjavík til Hafnar í fyrrinótt. Að
sögn lögreglu stöðvaði hún bifreið
um kl. hálftvö í fyrrinótt sem í voru
tveir menn en við leit í bílnum fund-
ust níu grömm af amfetamíni og lít-
ilræði af kannabis, sem lögregla
telur að hafi verið ætlað til dreif-
ingar og sölu í Höfn. Málið telst
upplýst, að sögn lögreglu.
Hald lagt
á amfetamín
og kannabis
AUGLÝSINGADEILD
netfang: augl@mbl.is eða sími 569 1111
UMHVERFISRÁÐHERRA hefur
boðað sveitarstjórnarmenn á höfuð-
borgarsvæðinu til fundar á föstudag
til að ræða möguleika á æfingasvæð-
um fyrir torfærumótorhjól. Fundar-
boð var sent út í gær og í fyrradag.
Vélhjólaíþróttaklúbburinn (VÍK)
hefur lengi barist fyrir fjölgun æf-
ingarsvæða í nágrenni höfuðborgar-
innar og hefur Hrafnkell Sigtryggs-
son, formaður VÍK, sagt að með því
myndi draga úr utanvegaakstri. Að
sögn Hrafnkels Sigtryggssonar hef-
ur Sveitarfélagið Ölfus sýnt mikinn
skilning á þessu máli. Nú standi yfir
viðræður um æfingarsvæði á svo-
nefndu Bolöldusvæði sem er austur
af Sandskeiði og suður af Litlu kaffi-
stofunni. Þá hafi viðræður við Land-
græðsluna sömuleiðis gengið vel og
verið sé að ræða um hugsanlegt æf-
ingasvæði í nágrenni Þorlákshafnar.
Funda um æfingasvæði
fyrir torfæruhjól