Morgunblaðið - 09.07.2005, Blaðsíða 6
6 LAUGARDAGUR 9. JÚLÍ 2005 MORGUNBLAÐIÐ
RANNSÓKNIN Á BAUGI GROUP
www.lyfja.is
- Lifið heil
ÍS
LE
N
SK
A
AU
GL
†S
IN
GA
ST
OF
AN
/S
IA
.I
S
L
YF
2
84
55
06
/2
00
5
FLJÓTVIRKT VERKJALYF VIÐ M. A. TÍÐAVERKJUM.
INNIHELDUR ENGIN ÁVANABINDANDI EFNI.
Voltaren Dolo
FÆST ÁN LYFSEÐILS
Garðatorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni -
Egilsstöðum - Höfn - Fáskrúðsfirði - Seyðisfirði - Neskaupstað - Eskifirði - Reyðarfirði - Ísafirði - Bolungarvík - Patreksfirði -
Borgarnesi - Grundarfirði - Stykkishólmi - Búðardal - Húsavík - Kópaskeri - Raufarhöfn - Þórshöfn - Sauðárkróki - Blönduósi -
Hvammstanga - Skagaströnd
Voltaren Dolo® (díklófenak kalíum) 12,5 mg töflur. Notaðar við vægum eða frekar vægum verkjum, svo sem
höfuðverk, tannpínu og tíðaþrautum. Verkar einnig hitalækkandi. Dragi ekki úr einkennum á nokkrum dögum skal
leita til læknis. Þeir sem eru með eða hafa haft sögu um maga- eða skeifugarnarsár eða skerta lifrarstarfsemi ættu
að ráðfæra sig við lækni áður en lyfið er notað. Þeir sem þola ekki acetýlsalisýru, íbuprófen eða önnur bólgu-
eyðandi lyf eða eru með astma eiga ekki að nota Voltaren Dolo®. Notið lyfið ekki á meðgöngu nema í samráði
við lækni, en aldrei á síðasta þriðjungi meðgöngu. Leitið ráða læknis eða lyfja- fræðings um milliverkanir við önnur
lyf. Lesa skal vandlega leiðbeiningar á umbúðum og fylgiseðli. Geymið þar sem börn hvorki ná til né sjá.
Í TILKYNNINGU um stofnun
Klukkubúðanna hf. eru stofnendur
sagðir Fjárfar ehf. og Helga Gísla-
dóttir, annar stofnandi 10–11. Auk
Sigfúsar R. Sigfússonar voru skráðir
stjórnarmenn þeir Eiríkur Sigurðs-
son, annar stofnandi 10–11, sem for-
maður, og Björn Árnason, oft kennd-
ur við Sambíóin.
Í samtali við Morgunblaðið í gær
sagði Björn Árnason að menn „inn-
anhúss“ hjá Baugi hefðu beðið hann
um að taka sæti í stjórn eða vara-
stjórn Klukkubúða og hann fallist á
það. Hann hefði ekki átt hlut í félag-
inu og ekki tekið stjórnarsetuna að
sér gegn þóknun eða von um hagnað
heldur sem vinargreiða. Þá viti hann
ekki hverjir voru eigendur félagsins
og hann sagðist ekki hafa spurt um
ástæðu þess að hann var beðinn um
að taka sæti í stjórninni. Björn vildi
ekki greina frá því hverjir það voru
sem báðu hann um að setjast í stjórn-
ina og hann sagðist hvorki hafa setið
stjórnarfundi né tekið ákvarðanir
fyrir félagið. Sigfús R. Sigfússon
þekki hann varla og hafi fyrst hitt
hann stuttlega fyrir rúmlega tveim-
ur árum.
Björn sagðist hafa talið að ekkert
hefði orðið úr því að stofna Klukku-
búðirnar hf. því hann hefði ekkert
heyrt meira frá „þessum mönnum
sem sáu um þetta“, þ.e.a.s. ekki fyrr
en hann var kallaður til yfirheyrslu
hjá skattayfirvöldum og ríkislög-
reglustjóra vegna málsins.
Aðalsteinn Hákonarson, sem var
vitundarvottur að undirskrift Sigfús-
ar R. Sigfússonar, fyrrverandi for-
stjóra Heklu, á yfirlýsingu um stofn-
un Klukkubúðanna, kveðst hafa farið
með skjöl vegna Klukkubúðanna hf.
og Fjárfars ehf. til Sigfúsar á skrif-
stofu hans og þar hafi hann ritað
undir skjölin.
Undirritun á stofnsamningi
Í Morgunblaðinu í gær sagði Sig-
fús R. Sigfússon að hann hefði fyrst
komist að því að hann var skráður
stjórnarmaður í Klukkubúðunum og
Vöruveltunni hf. þegar honum var
tjáð það við yfirheyrslur hjá ríkis-
skattstjóra fyrir um ári.
Undirritun Sigfúsar er hins vegar
að finna á stofnsamningi og stofn-
fundargerð fyrir Klukkubúðir, undir
stofnsamþykktum Vöruveltunnar.
Þetta var borið undir Sigfús en
hann kvaðst engu vilja bæta við við-
talið sem birtist í Morgunblaðinu í
gær.
Aðalsteinn er löggiltur endurskoð-
andi og vann hjá endurskoðunar-
fyrirtækinu KPMG á þessum tíma
en starfar nú hjá ríkisskattstjóra. Á
yfirlýsingu um stofnun Klukkubúð-
anna hf., dagsettri 4. desember 1998,
er hann skráður sem vitundarvottur
að eiginhandarundirskriftum stjórn-
armanna, þ.á m. Sigfúsar R. Sigfús-
sonar.
Í samtali við Morgunblaðið sagði
Aðalsteinn að Sigfús hefði verið
fenginn að fyrrnefndum félögum að
beiðni Tryggva Jónssonar, þáver-
andi aðstoðarforstjóra Baugs. Hann
hefði farið með gögn vegna félag-
anna á skrifstofu Sigfúsar og eftir að
Sigfús undirritaði þau hefði hann
tekið þau til baka. Aðspurður sagðist
hann ekki muna hvort þeir hefðu
rætt sérstaklega saman um þessi fé-
lög, enda langt um liðið. Spurður um
þau orð Sigfúsar að hann hefði aldrei
gefið leyfi sitt fyrir að sitja í stjórn
Klukkubúðanna og Vöruveltunnar,
sagði Aðalsteinn að Sigfús hlyti þá að
hafa ritað „blindandi“ undir skjölin.
„Heyrði ekkert meira
frá þessum mönnum“
Eftir Rúnar Pálmason
runarp@mbl.is
Morgunblaðið/Árni Torfason
Viðskiptavinir við afgreiðslukassa í einni verslun 10-11.
Björn Árnason var fenginn til að taka sæti í stjórn Klukkubúðanna hf.
FRÁ og með gærdeginum, 8. júlí,
þarf undirskrift allra sem ganga í
stjórn fyrirtækja á tilkynningu til
hlutafélagaskrár, en hingað til hefur
dugað að meirihluti stjórnar eða
prókúruhafi skrifi undir tilkynningu
um slíkt.
Þessi breyting er þó ekki gerð í
neinu samhengi við rannsókn á mál-
efnum Baugs, heldur hefur þetta
verið í vinnslu undanfarna mánuði,
segir Skúli Jónsson, forstöðumaður
Fyrirtækjaskrár, en hlutafélagaskrá
er hluti hennar. Með þessu er verið
að samræma reglur sem við eiga
þegar fyrirtæki eru stofnuð, en þá
þarf undirskrift allra stjórnar-
manna, og reglur um þegar breytt
er um einstaka stjórnarmeðlimi.
Skúli segir að þessi breyting komi
til af gefnu tilefni. „Það hefur komið
í ljós að það er misjafn sauður í
mörgu fé og það hafa komið upp til-
vik þar sem stjórnarmenn hafa ekki
samþykkt að taka að sér stjórnar-
mennsku. Það hafa komið upp nokk-
ur tilvik þar sem verið er að tilkynna
inn í stjórn félaga menn sem hafa
ekki samþykkt að taka það að sér.“
Aðrir skráðir?
Skúli segir það ekki sitt að segja
til um í hvaða tilvikum menn sjái sér
hag í því að skrá aðra en þá sem í
raun eru stjórnarmenn inn í stjórn-
ina.
Upplýsingar Morgunblaðsins
herma þó að þetta gerist helst þegar
smærri fyrirtæki séu í fjárhags-
vandræðum og hinir eiginlegu
stjórnarmenn vilji koma sér úr
stjórninni áður en fyrirtækið fari í
gjaldþrot. Aðspurður vildi Skúli ekki
tjá sig um þennan þátt málsins.
Krefjast
undirskriftar
við allar
breytingar
FÉLÖGIN Fjárfar, Klukkubúðirnar
og Vöruveltan koma öll við sögu 10–
11-verslananna sem Baugur keypti í
maí 1999. Hægt er að rekja sögu
þessara viðskipta að hluta með gögn-
um sem varðveitt eru hjá Fyrir-
tækjaskrá en undir þá stofnun fellur
einnig Hlutafélagaskrá.
Í þessum gögnum kemur fram að
Fjárfar ehf. var stofnað 11. nóvem-
ber 1998. Samkvæmt stofnsamningi
var hlutafé félagsins tvær milljónir
og voru Sigfús R. Sigfússon og Sæv-
ar Jónsson, kenndur við Leonard,
skráðir fyrir sínum helmingnum
hvor. Sigfús sagði í Morgunblaðinu í
gær að hann hefði aldrei lagt fram fé
til félagsins.
Vöruveltan og Klukkubúðirnar
stofnaðar sama dag
Fjárfar og Helga Gísladóttir stóðu
saman að stofnun Klukkubúðanna
hf. 4. desember 1998. Samkvæmt
stofnsamningi var hlutafé 300 millj-
ónir og var greitt með öllu hlutafé
Vöruveltunnar hf., félags sem stofn-
að var þann sama dag. Undir stofn-
samþykkt Vöruveltunnar eru nöfn
Helgu og Sigfúsar. Hlutafé í Klukku-
búðunum skiptist þannig að Helga
Gísladóttir var skráð fyrir 195 millj-
ónum en Fjárfar fyrir 105 milljón-
um. Klukkubúðirnar voru þó ekki
lengi til með þessu heiti því, sam-
kvæmt tilkynningu til Hlutafélaga-
skrár, var ákveðið á hluthafafundi
hinn 23. desember að breyta nafni
félagsins í Vöruveltuna hf. og undir
þá yfirlýsingu eru rituð nöfn Helgu
og Sigfúsar R. Sigfússonar. Áður
hafði Eignarhaldsfélag Alþýðubank-
ans (EFA) og Landsbréf fyrir hönd
ýmissa aðila skuldbundið sig til að
kaupa 35% hlut í Vöruveltunni.
Ætlun EFA var að setja Vöruvelt-
una á markað en í viðtali við
Morgunblaðið fyrr í vikunni sagði
Gylfi Arnbjörnsson, fyrrum fram-
kvæmdastjóra EFA, að af því hefði
ekki orðið þar sem hann hafi komist
að raun um að eignarhaldið var lepp-
að og það í raun og veru í eigu Baugs,
með einum eða öðrum hætti. EFA
seldi því hlut sinn með milligöngu Ís-
landsbanka í maí 1999 og síðar þann
sama mánuð keypti Baugur Vöru-
veltuna og eignaðist þar með versl-
anir 10–11. Rúmlega ári síðar var
Vöruveltan sameinuð Baugi og er
hún þar með úr sögunni.
Fjárfar enn til
Fjárfar er á hinn bóginn enn til
sem einkahlutafélag. Miðað við frá-
sagnir tveggja fyrrverandi stjórnar-
manna virðist það hafa verið erfið-
leikum bundið að losna úr stjórn
þess félags.
Í fyrrnefndu viðtali við Sigfús R.
Sigfússon sagðist hann hafa beðið
Tryggva Jónsson, þáverandi aðstoð-
arforstjóra Baugs, um að segja sig
úr stjórn félagsins í febrúar eða
mars 1999 en það hefði Tryggvi ekki
gert. Hann var því í stjórninni fram í
desember. Sævar Jónsson, sem
stofnaði Fjárfar með Sigfúsi, taldi
sig einnig hafa losnað úr stjórninni
um þetta leyti. Svo var þó ekki eins
og rakið er hér að neðan, og sat hann
óafvitandi í stjórninni í sex ár í við-
bót, að hans sögn.
Í lok desember 1999 var Hluta-
félagaskrá send tilkynning þess efn-
is að á hluthafafundi sem haldinn
hafi verið 29. desember, hafi í stjórn
Fjárfars verið kjörnir Helgi Jóhann-
esson lögmaður og Sævar Jónsson.
Helgi var sagður stjórnarformaður
en Sævar meðstjórnandi. Þá hafi
heimilisfang Fjárfars verið flutt í
Lágmúla 7, þar sem lögmannsstofa
Helga hafði starfsemi. Hinn 20. mars
árið 2000 er tilkynnt um að prókúru-
umboð Sigfúsar og Sævars hafi verið
fellt niður, en Helga hafi verið veitt
prókúruumboðið.
Tæpum tveimur árum síðar, í
byrjun mars 2002, fékk Hlutafélaga-
skrá tilkynningu um að Helgi hafi
sagt sig úr stjórn Fjárfars og að pró-
kúruumboð hans hafi fallið niður.
Mánuði síðar, 5. apríl 2002, var, sam-
kvæmt tilkynningu til Hlutafélaga-
skrár, haldinn hluthafafundur í Fjár-
fari, þar sem Jóhannes Jónsson,
kenndur við Bónus, var kjörinn að-
almaður í stjórn með prókúruumboð.
Í tilkynningunni er að öðru leyti ekk-
ert getið um skipan stjórnar eða
varastjórnar.
Samkvæmt upplýsingum frá
Hlutafélagaskrá í júní 2004 var Jó-
hannes Jónsson, kenndur við Bónus,
stjórnarmaður og prókúruhafi Fjár-
fars og Sævar Jónsson varamaður í
stjórn. Hinn 9. júní greindi Sævar
frá því við fréttastofu Ríkissjón-
varpsins að hann teldi að Baugur
hefði misnotað nafn sitt árum saman.
Rannsókn skattayfirvalda hafði þá
m.a. beinst að Fjárfari en Sævar
sagðist hafa talið sig lausan úr stjórn
þess sex árum fyrr. Af hálfu Baugs
var því neitað að nafn Sævars hefði
verið misnotað. Sævar vildi í gær
engu bæta við það sem hann hefur
þegar sagt í fjölmiðlum.
Jóhannes neitar að svara
Hvorki náðist í Tryggva Jónsson
né Jón Ásgeir Jóhannesson, for-
stjóra Baugs, vegna málsins í gær.
Gestur Jónsson hrl., verjandi Jóns
Ásgeirs, vildi heldur ekki tjá sig.
Árni Samúelsson, sem sagður var
hluthafi í Fjárfari, svaraði ekki skila-
boðum.
Jóhannes Jónsson, núverandi
stjórnarformaður Fjárfars, vildi
ekki svara spurningum Morgun-
blaðsins í gær, m.a. hverjir ættu
hluti í Fjárfari.
Frá Fjárfari, um Klukku-
búðirnar til Vöruveltunnar„SVINDLAÐI Jón Ásgeir Jóhannesson, íslenskur margmilljónamær-
ingur, virkilega á fjölskyldufyrirtæki sínu meðan það var skráð á hluta-
bréfamarkaði? Já, segir lögreglan sem ákærði hann 1. júlí. Nei, segir
Jón Ásgeir, forstjóri Baugs; þetta snýst um pólitísk átök, og fyrrum við-
skiptafélagi hans sem kom málinu af stað, er að leita hefnda. Nei, segir
Baugur, meintur brotaþoli, sem var tekið af markaði árið 2003 og er að
68% í eigu Gaums, eignarhaldsfélags Jóns Ásgeirs og fjölskyldu hans.“
Svona hljómar upphaf á frétt í nýjasta hefti breska tímaritsins The
Economist.
Í fréttinni er stiklað á stóru í Baugsmálinu sem er sagt teygja anga
sína víða. Ákærurnar hafi áhrif á fjölmiðla, banka og stjórnmálaflokka á
Íslandi.
The Economist fjallar
um ákærur í Baugsmáli