Morgunblaðið - 15.09.2005, Side 18

18 FIMMTUDAGUR 15. SEPTEMBER 2005 MORGUNBLAÐIÐ
MINNSTAÐUR
AKUREYRI
HÖFUÐBORGARSVÆÐIÐ
BÖRN og starfsfólk leikskólans
Kiðagils í Giljahverfi fögnuðu 10
ára afmæli leikskólans í gær. Þar
ríkti hátíðarstemmning og ýmislegt
gert til skemmtunar. Gestir komu í
heimsókn, þar á meðal Skralli trúð-
ur, hoppukastali var blásinn upp á
leikskólalóðinni og að sjálfsögðu
var boðið upp á veitingar í tilefni
dagsins.
Morgunblaðið/Kristján
Afmæli Börnin á leikskólanum Kiðagili fylgdust spennt með því þegar
hoppukastalinn var blásinn upp á leikskólalóðinni.
Kiðagil 10 ára
MIKIL breyting til batnaðar hefur
orðið á rekstri tjaldstæðisins við
Þórunnarstræti. Þar munar miklu
að svæðið hefur verið girt af og
miklar endurbætur verið gerðar á
bílastæði þar norðan við. Ásgeir
Hreiðarsson forstöðumaður tjald-
stæðanna á Akureyri sagði að þær
framkvæmdir sem ráðist var í
hefðu haft mjög jákvæð áhrif. „Ég
heyrði heldur ekki annað enn að
tjaldgestir hafi verið ánægðir með
að svæðið var girt af. Þeir upplifðu
sig mun öruggari og að meiri ró
hefði verið á svæðinu. Ég get held-
ur ekki ímyndað mér annað en að
bæjarbúar og þá ekki síst íbúar í
næsta nágrenni svæðisins hafi ver-
ið ánægðir með þessa breytingu.
Það var einnig sett upp rafmagns-
hlið inn á svæðið og því varð öll af-
greiðsla mun auðveldari og minna
um að fólk væri að keyra bíla sína
inn á svæðið,“ sagði Ásgeir.
Íbúar í næsta nágrenni tjald-
stæðisins hafa orðið fyrir miklu
ónæði frá tjaldstæðinu í kringum
þjóðarhátíðardaginn 17. júní og um
verslunarmannahelgina. Nú í sum-
ar var svæðið þó ekki opnað fyrr
en 20. júní. Séra Svavar Alfreð
Jónsson sóknarprestur í Akureyr-
arkirkju og nágranni tjaldstæðisins
sagði að íbúar í nágrenninu hefðu
átt mjög gott sambýli við tjald-
stæðið, nema þessar tvær um-
ræddu helgar. „Við höfum alls ekk-
ert á móti tjaldstæðinu en þessar
helgar og dagarnir í kringum þær
hafa verið okkur mjög erfið und-
anfarin ár. Það hefur ríkt hér hálf-
gert umsátursástand. Við höfum
kvartað yfir þessu og jafnframt
hvatt til þess að farið sé að lögum
og reglum.“
Svavar Alfreð sagðist hafa orðið
var við mikla breytingu til batnaðar
í ár. „Ég veit ekki hvort það er ein-
göngu girðingin en hún hefur
hjálpað mikið til. Það kemur oft
frekar fram það sem aflaga fer en
það var svo sannarlega hlustað á
okkur borgarana í þessu máli og
gripið til róttækra aðgerða. Það
væri því full ástæða til að senda,
bæjaryfirvöldum, aðstandendum
Einnar með öllu, lögreglu, sýslu-
manni og skátunum blómvendi,
enda fór hátíðin nú um versl-
unarmannahelgina mjög vel fram
að okkar mati. Ég hef engar
óánægjuraddir heyrt og við erum
því bæði ánægð og þakklát,“ sagði
Svavar Alfreð
Ásgeir sagði ekkert því til fyr-
irstöðu að halda rekstri tjaldstæð-
isins við Þórunnarstræti áfram en
það væri þó bæjaryfirvalda að
ákveða framhaldið. „Það er þó ljóst
að menn hefðu ekki verið að fara í
þessar framkvæmdir nema þá til
þess halda rekstrinum áfram til
einhverra ára til viðbótar.“
Tjaldstæðið við Þórunnarstræti hefur verið girt af
Mjög mikil breyting til
batnaðar á rekstrinum
Morgunblaðið/Þórir Tryggvason
Girðing Mikil breyting til batnar hefur orðið á tjaldsvæðinu við Þórunn-
arstræti og þá ekki síst eftir að svæðið var girt af. Eins og sést á myndinni
er girðingin til margra hluta nytsamleg.
Eftir Kristján Kristjánsson
krkr@mbl.is
SAMSTARFSNEFND um samein-
ingu níu sveitarfélaga við Eyjafjörð
hefur lokið gerð málefnaskrár og er
dreifing inn á öll heimili í sveitar-
félögunum hafin. Kynningarfundir
hefjast svo í næstu viku, en Árni
Magnússon félagsmálaráðherra
verður gestur á tveimur þeirra, í
Dalvíkurbyggð og Hörgárbyggð.
Fyrsti fundurinn verður á Siglu-
firði á mánudagskvöld, 19. septem-
ber, á þriðjudagskvöld, 20. septem-
ber verður fundur í Ólafsfirði, í
Svalbarðsstrandarhreppi á fimmtu-
dagskvöld, 22. september. Þá verður
fundað í Hörgárbyggð mánudags-
kvöldið 26. september, á þriðjudags-
kvöld, 27. september í Arnarnes-
hreppi, miðvikudagskvöld, 28.
september í Grýtubakkahreppi og í
Eyjafjarðarsveit fimmtudagskvöldið
29. september.
Síðustu fundirnir í röðinni verða
svo í Dalvíkurbyggð mánudags-
kvöldið 3. október og á Akureyri 4.
október. Allir fundirnir hefjast kl.
20.30.
Fulltrúar úr samstarfsnefnd hafa
framsögu, svara fyrirspurnum og
taka þátt í umræðum.
Sameining sveitarfélaga við Eyjafjörð
Kynning að hefjast
Myndlist á Akureyri | Val-
garður Stefánsson kynnir bók
sína Myndlist á Akureyri að
fornu og nýju á Amtsbókasafn-
inu á Akureyri í dag, fimmtu-
daginn 15. september kl. 17 en
þann dag kemur bókin út. Höf-
undurinn dregur upp ítarlega
mynd af listalífi Akureyringa
frá upphafi og fram á öndverða
21. öld og eru akureyrskir lista-
menn í brennipunkti, en einnig
er fjallað um ýmsa þætti aðra
er varða efnið. Bókin er prýdd
ótal listaverkum, sem sum hver
hafa ekki birst á prenti áður.
Bókaútgáfan Hólar gefur bók-
ina út.
Reykjavík | Langþráðum áfanga í umhverf-
iskennslu var náð í gær þegar Náttúruskóli
Reykjavíkur tók til starfa og kynnti starf-
semi sína með skemmtilegri dagskrá í Ell-
iðavatnsbænum í Heiðmörk. Skólinn er
samstarfsverkefni umhverfissviðs Reykja-
víkur, menntasviðs Reykjavíkur, Land-
verndar og Skógræktarfélags Reykjavíkur.
Meginmarkmið Náttúruskóla Reykjavíkur
eru að efla útikennslu og skapa vettvang
fyrir heilsteypt umhverfisstarf í grunn- og
leikskólum borgarinnar. Nú þegar er unnið
að ýmsum áhugaverðum verkefnum innan
grunn- og leikskólanna og er það m.a. hlut-
verk Náttúruskólans að samþætta þessi
verkefni, draga þau saman og auðvelda
skólum að nýta sér það fjölbreytilega fram-
boð af umhverfisfræðslu sem ýmsir aðilar
og félagasamtök bjóða nú þegar upp á. Má
þar nefna Grænfánaverkefnið sem Land-
vernd hefur umsjón með og einnig verk-
efnið Grenndarskóga sem er samstarfsverk-
efni Skógræktar ríkisins, menntasviðs
Reykjavíkur, Kennaraháskóla Íslands,
Skógræktarfélags Reykjavíkur og umhverf-
issviðs Reykjavíkur.
Ratleikir og útikennsla
Helena Óladóttir, verkefnisstjóri Nátt-
úruskóla Reykjavíkur, segir nýjar aðstæður
til útikennslu hafa skapast í skólum með
lengingu skólaársins. „Þörf á námsefni sem
tengist útiveru hefur aukist og áhugi vaxið
á samþættingu umhverfismenntar við aðrar
námsgreinar grunnskólans,“ segir Helena.
„Hlutverk Náttúruskólans verður fyrst og
fremst að koma upp virku samstarfi milli
þeirra sem nú þegar sinna þessum þætti
skólastarfs og hlúa að þeim verkefnum sem
kennurum standa til boða um útikennslu.
Náttúruskólinn kemur einnig til með að
þróa nýjar leiðir og fræðslu sem styðja
kennara til að uppfylla þær kröfur sem
gerðar eru til umhverfismenntar og úti-
kennslu í námskrá.“
Helena segir framundan að kortleggja
þau verkefni sem eru í boði fyrir skólana og
fá beinagrind af verkefnum. „Við getum
vonandi sett kjöt á beinin, bæði stutt verk-
efnin inn í skólana og sett kennslu-
fræðivinkilinn á þau og síðan stutt skólana í
að taka þátt í þeim,“ segir Helena. „Svo
getum við búið til fleiri verkefni og tengt
fleiri stofnanir, fyrirtæki og fræðimenn inn
í þetta verkefni.“
Tryggvi Felixson, framkvæmdastjóri
Landverndar, kveðst afar ánægður með það
að skólinn sé nú kominn í gang, enda sé
mikið undirbúningsstarf að baki. Kann hann
Katrínu Jakobsdóttur, formanni umhverf-
isráðs Reykjavíkurborgar, miklar þakkir
fyrir að drífa verkefnið í höfn.
Á kynningunni fóru börn úr Selásskóla og
nýjum grunnskóla í Norðlingaholti með
gestum yfir mikilvægi umhverfismenntunar
og leiddu þau í ratleik þar sem ýmiss konar
umhverfisfræðslu var að finna. M.a. lærðu
„nemendurnir“ að greina aldur trjáa, hlusta
eftir náttúruhljóðum og taka eftir sjaldséð-
um litum í náttúrunni. Þá var blandað inn í
útikennsluna ljóðlist og myndlist og segir
Katrín Jakobsdóttir að afar mikilvægt sé að
skilja hvernig umhverfisfræðsla fléttast inn
í ýmsar aðrar fræðigreinar. „Það er líka svo
mikið lykilatriði að fræðast með þátttöku og
að krakkarnir komist út úr skólastofunum,“
segir Katrín. „Ég held að fólk geri sér ekki
grein fyrir því hvað er hægt að læra mikið
og vel með því að taka svona þátt í úti-
kennslu. Til dæmis hafði ég ekki hugmynd
um það hvernig ætti að aldursgreina greni-
tré með því að telja greinakransana, en nú
veit ég það.“
Stefán Jón Hafstein, formaður mennta-
ráðs Reykjavíkurborgar, segir fjölda fé-
lagasamtaka, þ.á m. Landvernd og Skóg-
ræktarfélagið, hafa komið til
Reykjavíkurborgar og leitað eftir samstarfi
um náttúruskóla og ná þannig allri þeirri
náttúrufræðslu sem ætti sér stað í borginni
í einn brennipunkt. „Þessum hugmyndum
var velt lengi á milli okkar og þróuðust
mjög mikið, frá þeirri hugmynd að hafa
húsnæði með starfsliði og út í það að við
ákváðum að við þyrftum ekki að finna upp
hjólið aftur heldur að ná öllu þessu fólki
saman og síðan að auðga og miðla á milli,“
segir Stefán Jón. „Verkefnið er ekki hugsað
sem hús heldur sem hugmynd, eins og
Katrín Jakobsdóttir sagði. Skólinn er hugs-
aður sem netverk milli ýmissa fræðsluaðila
og skólanna til að efla þennan þátt skóla-
starfsins.“
Náttúruskóli Reykjavíkur tekur til starfa með grunn- og leikskólum borgarinnar
Fjölbreyttu framboði náttúrufræðslu miðlað
Morgunblaðið/Kristinn
Dagskráin kynnt í Heiðmörk Meginmarkmið Náttúruskóla Reykjavíkur eru að efla útikennslu
og skapa vettvang fyrir heilsteypt umhverfisstarf í grunn- og leikskólum borgarinnar.
Eftir Svavar Knút Kristinsson
svavar@mbl.is