Morgunblaðið - 18.12.2005, Page 16

16 | 18.12.2005
V ið höfum börnin annan hvorn aðfangadag og önnur hver áramót. Í árhittist það þannig á að við erum með þau um áramótin. Því verðumvið hjá foreldrum mínum á aðfangadag. Þar hefur verið kalkúnn á
borðum á aðfangadag frá því að ég man eftir mér. Ég er reyndar opin fyrir
öllu og finnst lítið mál hvað er í matinn. Samveran með fjölskyldunni er aðal-
atriðið. Foreldrar mínir eru ávallt með boð fyrir stórfjölskylduna á jóladag og
bjóða þá upp á dýrindis jólahlaðborð, sem er algjör lúxus. Áður en boðið
byrjar er maður bara á náttfötunum og les og fer helst ekki fram úr. Annan í
jólum er ekkert sérstakt á döfinni, en við Steini (Þorsteinn Guðbjörnsson)
höfum vanið okkur á að fara alltaf í langan göngutúr til þess að fá svolítið súr-
efni. Á gamlárskvöld verða börnin hjá okkur og þá erum við að spá í að bjóða
foreldrum hans og bróður í mat. Það verður í fyrsta skipti sem við gerum það.
Við erum að pæla í því að bjóða upp á hreindýrakjöt, en Steini skýtur hrein-
dýr. Hann er líka voða góður kokkur. Á þrettándanum er annað jólaboð fyrir
stórfjölskylduna hjá móðursystur minni og við förum alltaf í það,“ segir Jó-
hanna Vigdís Arnardóttir um sín jól.
Hansa (Jóhanna Vigdís) – Mannsöngvar
Mannsöngvar er fyrsta sólóplata Hönsu, en á henni flytur hún fjórtán lög sem
þekkt eru í flutningi karlmannsradda. Af upprunalegum flytjendum má nefna
Tom Waits, Megas, Hauk Morthens, Luccio Dalla, Egil Ólafsson, Leonard
Cohen og Nick Drake. Útgefandi: 21 12 CC.
L
jó
sm
yn
d:
B
ry
nj
ar
G
au
ti
Jóhanna Vigdís Arnardóttir og fjölskylda
Hjá foreldrunum á aðfangadag
Vigdís Birna, níu ára,
Jóhanna Vigdís, með
barn undir belti,
Þorsteinn og Helgi
Hrafn, sjö ára.
JÓLASIÐIR