Fréttablaðið - 19.09.2002, Blaðsíða 4

4 19. september 2002 FIMMTUDAGUR
KVIKMYNDASJÓÐUR Enn örlar ekki á
niðurstöðu í máli Þorfinns Ómars-
sonar tveimur mánuðum eftir að
honum var vikið úr starfi sem
framkvæmdastjóri Kvikmynda-
sjóðs. Í gær barst menntamála-
ráðherra bréf frá European Film
Promoters þar sem lýst er yfir
stuðningi við Þorfinn og hann
sagður hafa unnið þarft verk við
kynningar á íslenskum kvikmynd-
um erlendis, starf sem væri í
hættu ef hans nyti ekki lengur við.
Í samtökunum sem hér um ræðir
eiga 20 lönd fulltrúa sem eiga það
sameiginlegt að vinna við kynn-
ingar á kvikmyndum hver frá
sínu heimalandi..
„Ég er vissulega ánægður með
þennan stuðning,“ segir Þorfinnur
sem er farið að lengja eftir niður-
stöðu nefndar sem fjalla um mál
hans en formaður hennar er Björg
Thorarensen lögfræðingur. Þor-
finnur hefur verið á hálfum laun-
um hjá Kvikmyndasjóði eftir að
honum var vikið þar úr starfi og
skilur ekki hvers vegna: „Annað
hvort eru menn á launum eða
ekki,“ segir hann. 
ÞORFINNUR ÓMARSSON
Enn örlar ekki á niðurstöðu í máli Þorfinns.
Þorfinnur Ómarsson fær evrópskan stuðning:
Í biðstöðu á
hálfum launum
Tvísköttunarsamningar:
Dráttur á
gildistöku
SEINKUN Tvísköttunarsamningar
sem gerðir hafa verið við fjögur ríki
hafa ekki enn tekið gildi þrátt fyrir
ákvæði þess efnis í samningunum.
Ástæðan er sú að dregist hefur að
kynna gildistöku þeirra í stjórnartíð-
indum.
Indriði H. Þorláksson, ríkis-
skattsstjóri, segir ekki gefið að fólk
hafi beðið skaða af því að dregist
hafi að birta tvísköttunarsamninga.
„Það er heimild í lögum til að koma
til móts við fólk vegna skatta sem
það hefur greitt í öðrum löndum. Sú
heimild hefur verið notuð.“ Hann
segir að sú grein gangi ekki jafn
langt og tvísköttunarsamningar. 
RÁÐHÚS REYKJAVÍKUR
Borgarfulltrúar telja mikilvægt að fyrir
liggi hlutlægar upplýsingar um leiguverð í
borginni.
Sjálfstæðisflokkurinn í
borgarstjórn:
Vilja hald-
góðar upp-
lýsingar um
leiguverð
BORGARMÁL Borgarfulltrúar
Sjálfstæðisflokksins hafa óskað
eftir því að borgaryfirvöld taki
saman upplýsingar um húsaleigu-
kjör í borginni í því skyni að
skýra þróun þeirra.
Í bókun sem flokkurinn lagði
fram í borgarráði í fyrradag kem-
ur segir: „Undanfarið hafa verið
miklar umræður um gífurlega
hækkun húsaleigu á almennum
markaði í Reykjavík. Telur félags-
málaráðherra að menn ofmeti
húsaleiguna og séu jafnvel að
reyna að „kjafta hana upp.“ Full-
trúar leigusala og leigutaka mót-
mæla þessum fullyrðingum ráð-
herrans.“
Borgarfulltrúar Sjálfstæðis-
flokksins telja mikilvægt að fyrir
liggi haldgóðar og hlutlægar upp-
lýsingar um leiguverð til þess að
ekki sé deilt um það með þeim
hætti sem gert hafi verið. Beindu
því þeir þeim tilmælum til borg-
arstjóra, að af hálfu borgaryfir-
valda verði teknar saman upplýs-
ingar um húsaleigukjör. 
DÓMSMÁL Séra Flóki Kristinsson
sóknarprestur á Staðarhóli í
Borgarfirði hefur verið ákærður
fyrir líkamsárás.
Í ákæru Lögreglustjórans í
Reykjavík segir að Flóki hafi
kýlt myndlistarmanninn Magnús
Kjartansson svo miklu hnefa-
höggi í andlit að Magnús féll af
stól sem hann stóð á. Þetta er
sagt hafa gerst í vinnustofu
Magnúsar á Álafossvegi í Mos-
fellsbæ í október í fyrra.
Við fallið er Magnús sagður
hafa fengið þriggja sentímetra
skurð á hægri augabrún sem
sauma þurfti saman. Einnig
bólgnaði hann undir hægra kinn-
beini og skrámaðist á vinstri
handlegg og hægri hendi.
Flóki sagði svo frá í Héraðs-
dómi Reykjavíkur á þriðjudag
að Magnús hefði fyrst slegið
hann í höfuðið með málningar-
bakka. Þá hafi hann ósjálfrátt
borið hönd fyrir höfuð sér en
hún rekist í augabrún Magnúsar.
Miklar deilur munu vera uppi
í húsinu að Álafossvegi sem áður
hýsti Álafossverksmiðju.
Ágreiningurinn mun vera á milli
þeirra sem þar eru þar með at-
vinnustarfsemi og svo hinna
sem þar hafa innréttað íbúðir.
Eiginkona Flóka rekur atvinnu-
starfsemi í húsinu. Hún og
Magnús munu hafa verið að
munnhöggvast þegar Flóki kom
að til að skakka leikinn.
Meint átök í vinnustofu listamanns til kasta héraðsdóms:
Séra Flóki segist hafa kýlt
listmálara í sjálfsvörn
ÁLAFOSSVEGUR 23
Í þessu húsi á séra Flóki Kristinsson að
hafa slegið Magnús Kjartansson myndlist-
armann ofan af stól.
BARNALÖG „Ég tel að í frumvarpinu
sé að finna mikilvæga réttarbót
frá gildandi rétti og vona svo
sannarlega að Alþingi taki þessu
máli vel,“ segir Sólveig Péturs-
dóttir, dóms- og kirkjumálaráð-
herra.
Hún kynnti ríkisstjórn frum-
varp til barnalaga sem samið var
af sifjalaganefnd. Frumvarpið er
ávöxtur endurskoð-
unar sem hófst árið
1999 og eru í því
fjölmörg nýmæli.
Þar er fjallað um
móðerni og faðerni
barna, forsjá og
deilur um forsjá, foreldraskyldur
og umgengnisrétt, framfærslu og
meðlagsskyldu. Meðal annars
verður móðir skylduð til að feðra
barn sitt en í gildandi barnalögum
er ekki að finna slíkt ákvæði.
Móðir sem lætur hjá líða að feðra
barn verður þó ekki beitt viður-
lögum.
Þá er lagt til að lögfest verði
ákvæði um að kona, sem elur
barn eftir tæknifrjóvgun, teljist
móðir þess og er ákvæðinu ætlað
að koma í veg fyrir hugsanlegar
deilur um móðerni í þeim tilvik-
um þegar notaðar eru gjafaegg-
frumur við tæknifrjóvgun. Enn-
fremur eru í frumvarpinu ákvæði
um réttarstöðu sæðisgjafa. Þá er
lagt til að maður, sem telur sig
föður barns, geti höfðað faðernis-
mál.
Ennfremur verður réttur
barns til að tjá sig um mál sem til
úrlausnar eru, ekki bundinn við 12
ára aldur og lagt er til að heimild
dómsmálaráðuneytisins til að
skera úr ágreiningi um forsjá
verði afnumin, aðeins dómstólar
leysi úr slíkum málum.
Loks er lagt til að lögfest verði
nýtt þvingunarúrræði vegna
brota á umgengnisrétti, en það er
að umgengni verði komið á með
beinni aðfarargerð. Samkvæmt
gildandi lögum er eina úrræðið
álagning og innheimta dagsekta.
„Það sem býr þarna að baki er
mikilvægi þess að barn hafi tæki-
færi til þess að bæði þekkja og
njóta samvista við það foreldri
sem það býr ekki hjá. Sektarúr-
ræðin hafa ekki dugað ein og sér í
öllum tilvikum,“ segir Sólveig
Pétursdóttir.
Hún mun að líkindum leggja
frumvarpið fram á fyrstu dögum
haustþings.
„Þingflokkar stjórnarflokk-
anna eiga eftir að fjalla um málið
og samþykkja framlagningu þess
en ég vona að málið geti fengið af-
greiðslu í vetur,“ segir Sólveig
Pétursdóttir.
the@frettabladid.is
Mikil réttarbót í
nýjum barnalögum
Frumvarp til nýrra barnalaga kynnt í ríkisstjórn. Hægt verður að þvin-
ga fram umgengnisrétt með beinni aðfaragerð ef sektir duga ekki til.
Móður skylt að feðra barn sitt. Réttarstaða sæðisgjafa skýrð. Dómstólar
skeri einir úr ágreiningi vegna umgengni.
SÓLVEIG PÉTURSDÓTTIR
Mörg mikilvæg nýmæli í frumvarpinu sem miða öll að auknum rétti barnsins.
Sektarúrræðin
hafa ekki dug-
að ein og sér í
öllum tilvikum
Spilling í Afríku kostar álfunaum 13.000 milljarða á ári
hverju, samkvæmt nýútkominni
skýrslu. Afríkusambandið ætlar
að semja lög sem eiga að draga
úr spillingu í álfunni. Fátækt fólk
kemur verst út úr spillingunni.
ERLENT
Höfuðborgarsvæðið:
Innbrotafar-
aldur í bíla
LÖGREGLUMÁL Ekkert lát virðist á
innbrotum í bíla á höfuðborgar-
svæðinu. Í fyrrdag voru ellefu
innbrot framin og svipuð tala var
deginum á undan. Auk þess að
verðmætum sé stolið eru unnar
töluverðar eignaskemmdir. Lög-
reglan í Reykjavík segir innbrots-
þjófana vera farna að færa sig
upp á skaftið og brjótast inn í bíla
um hábjartan dag. Þá séu tíð inn-
brot við kvikmyndahús.
Lögreglan vill enn og aftur ít-
reka að engin ástæða sé fyrir
þjófana að brjótast inn í bíla ef
engin verðmæti eru fyrir hendi.
Er því brýnt fyrir ökumönnum að
skilja ekki eftir verðmæti.
Samkvæmt upplýsingum úr
ársskýrslu lögreglunnar í Reykja-
vík fyrir árið 2001 áttu flest inn-
brot sér stað við bílastæði. Sömu
sögu var að segja árið 2000. 
Fjölgun ferða til Eyja:
Ekki
fullnægjandi
lausn
SAMGÖNGUR Forvígismenn áhuga-
hóps um bættar samgöngur milli
lands og Vestmannaeyja telja að
ákvörðun Sturlu Böðvarssonar,
samgönguráðherra, um að fjölga
ferðum Herjólfs í vetur sé ófull-
nægjandi svar við kröfum Vest-
mannaeyinga um að bætt verði úr
ófremdarástandi í samgöngumál-
um Eyjamanna.
Þá furða forvígismenn hópsins
sig á því að ráðherra sjái sér ekki
fært að mæta á opinn fund um
samgöngumál þar sem hann sé á
fundum í kjördæmi sínu. Það lýsi
áhugaleysi um málefni utan eigin
kjördæmis.
1.800 Vestmannaeyingar hafa
skrifað sig á undirskriftalista þar
sem úrbóta er krafist. 
Umhverfisnefnd Ísafjarðar-bæjar hefur samþykkt teikn-
ingar að væntanlegu sýningar- og
geymsluhúsi Byggðasafns Vest-
fjarða í Neðstakaupstað á Ísafirði.
bb.is
Fyrirhugað er að halda æfingu áviðbrögðum vegna slysa sem
verða í Vestfjarðagöngum í byrj-
un nóvember. Ekkert hefur verið
ákveðið um tilhögun æfingarinn-
ar, hvers konar slys verður svið-
sett eða hver þáttur hvers aðila
verður. bb.is
Háskóli Íslands mun leita eftirsamstarfsaðilum við rekstur
háskólaseturs á Ísafirði. Þetta er
niðurstaða fundar sem Halldór
Halldórsson bæjarstjóri Ísafjarð-
arbæjar átti í síðustu viku með
Páli Skúlasyni háskólarektor. bb.is
INNLENT
FR
ÉT
TA
B
LA
Ð
IÐ
/R
Ó
B
ER
T
KJÖRKASSINN
Farðu inn á frett.is og segðu
þína skoðun
frétt.is
66,3%
Nei 33,7%
Eru Írakar trúverðugir þegar
þeir bjóða vopnaeftirlit í
landinu?
Spurning dagsins í dag:
Verður KR Íslandsmeistari í knatt-
spyrnu?
Niðurstöður gærdagsins
á www.frett.is
Já
ÍRAKAR
TRÚVERÐUGIR
Næstum 70% kjós-
enda á frett.is þykja
Írakar trúverðugir
þegar þeir bjóða
vopnaeftirlit í
landinu.