Fréttablaðið - 19.09.2002, Blaðsíða 24
Eitt af því sem börn landsinsverða að gera á leið sinni til
meiri menntunar er að læra ljóð önd-
vegisskálda og annarra skálda. Í
minningunni var þetta einstaklega
leiðinlegur lærdómur. Sér í lagi þeg-
ar engin leið var að vita hvað höf-
undur meinti með kveðskapnum.
Sum ljóð sem eldra fólk dáir og telur
til gersema er ungu fólki stundum
ómögulegt að skilja. Sum ljóðanna
gætu allt eins verið á óþekktu tungu-
máli. Margt hefur verið reynt til að
sleppa sem léttast frá ljóðalærdómn-
um.
BEKKJARFÉLAGI MINN í Mela-
skóla forðum taldi sig hafa fundið
upp áður óþekkta en frábæra og ör-
ugga leið til að læra ljóð utanbókar.
Við hin horfðum undrandi á félaga
okkar. Loks kom að því að við feng-
um að vita hver aðferðin góða var.
Jú, öruggt var talið að ef við ætum
blaðsíðurnar sem ljóðin voru prentuð
á að kvöldi myndum við muna þau
öll að morgni. Fæstir trúðu þessu en
aðrir reyndu. Það varð enginn árang-
ur og aðferðin hefur því ekki erfst
mann fram af manni og hefur ekki
svo ég viti verið reynd síðan.
SÁ SEM TALDI sig hafa fundið
upp nýja aðferð til ljóðalærdóms er í
dag velmetinn athafnamaður að því
er ég best veit. Hann hefur sennilega
ekki skaðast af pappírsátinu. En svo
merkilegt sem það er, þá festast
hendingar úr dægurlagatextum í
minni mér - sama hvort ég vil það
eða ekki. Ég bara ræð ekkert við
þetta. Allt annað en með déskotans
ljóðin forðum. Og þar sem Davíð
Oddsson hefur verið lengi við völd
og er eðlilega umdeildur maður datt
mér í hug hending úr texta sem Hall-
björn söng Davíð til heiðurs.
ÉG VEIT EKKI HVER samdi text-
ann - en kúrekinn söng - svo mikið er
víst. Þar segir eitthvað á þá leið að
Davíð sé drengur góður. Um það get-
um við eflaust deilt. Af umræðu síð-
ustu daga og vikna eru margir sem
hreinlega samþykkja það ekki - bara
alls ekki. En ekki er nokkur leið að
deila um innihald uppáhaldssetning-
ar minnar í óðnum um Davíð Odds-
son. Þar segir svo listilega. „Það er
gustur í hárinu á honum og heilan-
um undir því.“
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Að éta ljóðin
Bakþankar
Sigurjóns M. Egilssonar
Byggðu á þínum tíma
Grafarvogi
Vestur í bæ
Kópavogi
Ármúla