Fréttablaðið - 19.09.2002, Blaðsíða 16
16 19. september 2002 FIMMTUDAGURHVER ER TILGANGUR LÍFSINS?
FIMMTUDAGUR
19. SEPTEMBER
Elín Dís Vignisdóttir, nemi.
Lifa lífinu og læra sem mest.
BÓKMENNTIR Bresku rithöfundarnir
Ian McEwan, Graham Swift,
Michele Roberts og Bernadine
Evaristo taka þátt í breskri bók-
menntahátíð sem hefst í dag. Þetta
eru stór nöfn í bókmenntaheimin-
um og því mikill fengur í heimsókn
þeirra til landsins. McEwan og
Graham Swift hafa báðir hlotið
Booker verðlaunin, Swift árið 1996
fyrir Last Orders og McEwan 1998
fyrir Amsterdam.
Breska sendiráðið á Íslandi ber
hitann og þungann af hátíðinni og
að sögn Öldu Sigmundsdóttur hjá
sendiráðinu hefur það vakið mikla
athygli að jafn þekktir rithöfund-
ar skuli hittast hér á sama tíma.
Hugmyndin að hátíðinni kom upp
í sendiráðinu en Fríða Björk Ingv-
arsdóttir, bókmenntafræðingur
og blaðamaður, Jon Cook, prófess-
or við East Anglia háskólann í
Bretlandi, og bókaútgáfan Bjart-
ur hafa tekið virkan þátt í undir-
búningnum. Fríða kynntist höf-
undunum þegar hún var við nám í
Bretlandi og tók viðtöl við þá fyr-
ir BBC, auk þess sem Last Orders
hefur komið út í íslenskri þýðingu
hennar undir heitinu Hestaskálin.
Cook er mikilsvirtur gagnrýnandi
og mikill vinur McEwans.
Bókmenntahátíðin hefst í Há-
skólabíói klukkan 20 í kvöld með
upplestrum, viðtölum og umræð-
um með þátttöku McEwans og Ro-
berts. Dagskráin heldur áfram
annað kvöld þegar Swift og Evari-
sto mæta til leiks. Þjóðleg ein-
kenni bókmennta eru í brennid-
epli á hátíðinni og á laugardaginn,
sem er síðasti dagur hátíðarinnar,
verða pallborðsumræður um
þjóðina, sjálfsmyndina og skáld-
söguna. Bresku höfundarnir taka
þátt í umræðunum, sem Cook
stjórnar, ásamt íslensku rithöf-
undunum Braga Ólafssyni, Gerði
Kristný, Steinunni Sigurðardóttur
og Sigurði Pálssyni.
Bresk bókmenntahátíð í Reykjavík:
Úrvalshöfundar á bókmenntahátíð
IAN MCEWAN
Er Íslendingum að góðu kunnur. Fjórar
bækur eftir hann, Steinsteypugarðurinn,
Vinarþel ókunnugra, Eilíf ást og Amsterdam,
hafa komið út á íslensku. Þá kemur bókin
Child in Time út hjá Bjarti innan skamms.
VÍGSLA
12.00 Nýnemar í Menntaskólanum í
Reykjavík verða boðnir velkomnir
í skólann með tolleringu.
FYRIRLESTUR
12.00 Dr. Richard R. Nelson flytur fyrir-
lestur á vegum Viðskipta- og hag-
fræðideildar Háskóla Íslands í
stofu 101 í Odda. Fyrirlesturinn
fjallar um hlutverk háskóla við að
efla tækni í atvinnulífinu og nefn-
ist á ensku, Key Factors Behind
the Productive Role of American
Universities in Supporting
Technical Progress in Industry.
15.30 Lára S. Baldursdóttir flytur meist-
arafyrirlesturinn sinn í opinberri
stjórnsýslu við stjórnmála-
fræðiskor í stofu 201 í Odda. Fyr-
irlesturinn nefnist Hið endanlega
takmark: Góð og hagkvæm þjón-
usta með árangursstjórnun í opin-
berri sjórnsýslu.
16.30 Katherine Nelson, Ph.D., prófess-
or við New York háskóla, flytur er-
indið: Origins of autobiographical
memory á vegum Sálfræðiskorar
Háskóla Íslands. Þar verður meðal
annars fjallað um þróunarfræði-
legan og menningafræðilegan
mun á starfsemi minnis. Fyrirlest-
urinn verður í hátíðasal Háskóla
Íslands, Aðalbyggingu og er öllum
opinn.
HÁTÍÐ
Þýskir dagar í Reykjavik eru í Tjarnasal
Ráðhúss Reykjavíkur. Þar er þess minnst
að nú eru 50 ár liðin frá því stjórnmála-
samband milli Íslands og Þýskalands
komst á.
RÁÐSTEFNA
Ráðstefna um lýðræði í daglegu skóla-
starfi á Norðurlöndum. Yfirskrift ráð-
stefnunnar er „Lýðræði í skólastarfi.
Gildismat í málefnum barna og ung-
menna á Norðurlöndum.“ Ráðstefnan
fer fram á Hótel Loftleiðum.
FUNDIR
20.00 Félag stjórnmálafræðinga og
sendiráð Þýskalands á Íslandi
boða til fundar um þýsku kosn-
ingarnar. Fundurinn verður hald-
inn í þýska sendiráðinu að Lauf-
ásvegi 31 og mun sendiherrann,
Dr. Hendrik Bernhard Dane,
bjóða fólk velkomið. Stjórnmála-
fræðingarnir Auðunn Arnórsson
og Rósa Erlingsdóttir munu flytja
stutt erindi í upphafi fundar.
SKEMMTUN
21.00 Ungmennafélagið Glætan heldur
sýningu í hátíðarsal Stúdenta-
kjallarans við Háskóla Íslands. Að
þessu sinni verður þremur félög-
um Glætunnar flaggað en þeir
eru Hemmi Feiti, Úlfar Linnet og
Jón Mýrdal. Aðgangseyrir er 1000
krónur en ókeypis fyrir 79 ára og
eldri.
LEIKSÝNINGAR
17.00 Möguleikhúsið sýnir barnaleikrit-
ið Prumpuhólinn eftir Þorvald
Þorsteinsson í samkomusal
Grunnskóla Ísafjarðar.