Fréttablaðið - 19.09.2002, Blaðsíða 22
22 19. september 2002 FIMMTUDAGUR
HVAR?
Súsanna Svavarsdóttir, blaða-maður og rithöfundur, segir
það henta sér aldeilis ágætlega
að hafa lítið verið í sviðsljósinu.
„Mér fannst kominn tími til þess
að taka mér frí frá fjölmiðlum,
ég var búin að fá svo yfir mig
nóg. Nú vakna ég ekki lengur í
kvíðakasti og fer ekki að sofa í
vondu skapi, þetta er hreint dá-
samlegt,“ segir Súsanna. „Ég hef
líka verið í mjög skemmtilegum
verkefnum þetta árið, allt tengt
leikhúsi, sem er nógu kaótískt og
öryggislaust til að mér líði vel
þar.“ Núna vinnur Súsanna hjá
Draumasmiðjunni sem kynning-
ar- og markaðsstjóri. „Þetta er
skemmtilegt. Við ætlum að frum-
sýna dásamlegt stykki, barnaleik-
ritið Benedikt búálf eftir Ólaf
Gunnar Guðlaugsson, í október.
Annars hef ég flakkað dálítið á
milli Íslands og Bandaríkjanna.
Fjölskyldan er eins og hún leggur
sig flutt til Kaliforníu,“ segir
hún. „Ég fer þangað til að komast
í var en veit ekki enn hvort ég vil
búa þar.“ Hún viðurkennir að hún
sé með bók í undirbúningi en það
sé engan veginn tímabært að tala
um hana. „Sú bók kemur ekki út
fyrr en á næsta ári. Ég er hins
vegar alsæl í því sem ég er að
gera núna, og hlakka til að vera
hér fram eftir vetri.
TÍMAMÓT
Nokkrir mannfræðingar hafa ívor og sumar undirbúið stofn-
un mannfræðifélags. Hallfríður
Þórarinsdóttir er í undirbúnings-
hópnum. Hún segir félaginu ekki
síst vera ætlað að skapa faglegan
umræðuvettvang fyrir greinina
og stuðla að samstarfi við önnur
hliðstæð fagfélög í félags- og hug-
vísindum. Þeim sem ljúka há-
skólaprófi í greininni fer stöðugt
fjölgandi og þörfin fyrir félags-
skap af þessu tagi hefur aukist í
samræmi við það. Félagið verður
fagfélag, opið öllum sem lokið
hafa háskólaprófi í mannfræði.
„Við horfum með mikilli aðdá-
un til sagnfræðinganna sem hafa
verið mjög duglegir.“ Hallfríður
segir mannfræðina koma víða við
enda viðfangsefni hennar fjöl-
breytt. „Það skortir alla yfirsýn
yfir það hvar þessi þekking liggur
og með félaginu opnast möguleiki
til að kortleggja hana.“ Hallfríður
segir það einnig spennandi að sjá
í hvaða kimum atvinnulífsins
mannfræðimenntað fólk sé niður
komið. „Við vonumst til að félagið
muni laða að sér allt það skemmti-
lega og frjóa fólk sem lagt hefur
stund á mannfræði og virki það til
þátttöku í faglegri umræðu.“
Hallfríður er doktor í menning-
armannfræði frá New York og
kom til landsins fyrir tæpum
þremur árum eftir langa dvöl í
Bandaríkjunum. Sjálfsmynd-
arpólitík er henni ofarlega í huga
og hún hefur meðal annars skrif-
að um íslenska þjóðarímynd, til-
urð hennar og þróun, með sér-
stakri áherslu á hlutverk tungu-
málsins fyrir þjóðarímyndina.
Stofnfundur mannfræðingafé-
lagsins verður haldinn í kvöld
klukkan 20 í stofu 201 í Odda.
Hallfríður Þórarinsdóttir hefur í félagi við
aðra mannfræðinga unnið að stofnun
mannfræðifélags. Stofnfundurinn
verður í kvöld.
Persónan
Mannfræðingum smalað saman
FÓLK Í FRÉTTUM
MEÐ SÚRMJÓLKINNI
Þrátt fyrir friðun rjúpunnar mun hún
halda áfram að rembast við staurinn
eftir sem áður.
Leiðrétting
FR
ÉT
TA
B
LA
Ð
IÐ
/B
IL
LI
Í gær voru liðin 25 ár síðan JónL. Árnason varð heimsmeistari
sveina í skák. Hann varð þar að
auki fyrstur Íslendinga til að hljó-
ta heimsmeistaratign í íþróttinni.
Aðspurður sagðist Jón ekki halda
sérstaklega upp á daginn. „Það
eru önnur mun merkilegri tíma-
mót í fjölskyldunni,“ segir hann.
„Hugrún litla dóttir mín verður
átta ára í dag og það er miklu
merkilegra.“ Jón minnist þess að
mikið var gert úr afrekinu í fjöl-
miðlum. „Ég var svo sem enginn
nýgræðingur á skáksviðinu á
þessum tíma, fór í þetta mót sem
Íslandsmeistari og Norðurlanda-
meistari unglinga svo ég gerði
mér alltaf vonir um að ná einu af
efstu sætunum. En ég átti kannski
ekki endilega von á því að ég yrði
heimsmeistari, og vissulega var
mikið látið með mig þegar ég kom
heim.“
Jón lagði svo skákina fyrir sig,
tók þátt í skákmótum, skrifaði um
skák og stundaði störf henni teng-
dri. „Það er heilmikið starf að
vera í skákinni og lítið annað sem
kemst að á meðan.“ Hann segir
ekkert eitt einkenna góðan skák-
mann, en þeir þurfi vissulega að
temja sér aga og leggja á sig
mikla vinnu. Jón er viðskipta-
fræðingur að mennt og rekur fyr-
irtækið Fjárstoð. „Þetta er fyrir-
tæki sem við Gunnar Thoroddsen
stofnuðum í fyrra og okkur hefur
vaxið mjög fiskur um hrygg und-
anfarið.“
Jón er kvæntur Þórunni Guð-
mundsdóttur og þau eiga þrjár
dætur, Ingibjörgu, Helgu Birnu
og Hugrúnu, sem í dag er afmæl-
isbarn. „Þær kunnu mannganginn
áður en þær fóru sjálfar að
ganga,“ segi Jón, „en svo hefur nú
ekki tekist neitt sérstaklega að
halda þeim að skákinni. Það er
erfiðara með stelpurnar, þær vilja
frekar vera með vinkonunum að
gera eitthvað annað.“ Jón segir að
eftir svolitla lægð í skákinni séu
mjög efnilegir skákmenn að koma
upp og skákvor framundan.
„Skákin hefur alltaf verið vinsæl í
skólum þó það hafi ekki farið
mjög hátt og svo er auðvitað vin-
sælt að tefla á internetinu. Það
geri skákina ekki eins sýnilega og
hún var en það er mjög auðvelt að
ánetjast skákinni á netinu,“ segir
Jón að lokum.
edda@frettabladid.is
JÓN L. ÁRNASON
Helgaði sig ungur skákíþróttinni og hefur
teflt allar götur síðan.
TÍMAMÓT
JARÐARFARIR
13.30 Helga Halldórsdóttir, Hulduborg-
um 15, Reykjavík, verður jarð-
sungin frá Fossvogskirkju.
13.30 Hjálmtýr E. Hjálmtýsson, Sól-
vallagötu 33, verður jarðsunginn
frá Háteigskirkju.
14.00 Ingimar Jónsson, Kaldrananesi,
verður jarðsunginn frá Kaldrana-
neskirkju.
ANDLÁT
Eufemia (Effa) Georgsdóttir lést 17.
september.
Guðni Eyjólfsson, Eyjum, Kjós, lést 16.
september.
Steingrímur Þórisson, Kópavogsbraut
1a, lést 16. september.
Jóna Kristmundsdóttir, Logafold 20,
Reykjavík, lést 15. september.
Ólafía G.E. Jónsdóttir, Vífilsgötu 17, lést
15. september.
Steindór Ágústsson lést 13. september.
Gullskipið Het Wapen vanAmsterdam strandaði á Skeið-
arársandi árið1667 og fórust þar
um 140 manns. Skipið var hlaðið
dýrum farmi, gulli, silfri, perlum
og fleira. Meira en þrjú hundruð
árum síðar var mikil leit gerð að
skipinu.
Kona á Hellnahól í Rangárvalla-sýslu fæddi andvana tvíbura
árið 1802, stúlkubörn, sem voru
„samangróin frá öxlum niður til
naflans“ eins og segir í Prestþjón-
ustubók. Þótti þetta tíðindum sæta.
Fatlaðir og stuðningsmenn þeir-ra efndu til kröfugöngu í
Reykjavík árið 1978 og lögðu áher-
slu á jafnrétti. „Nú er lag til að
breyta hugsjónum í veruleika,“
sagði Magnús Kjartansson alþing-
ismaður í ávarpi á Kjarvalsstöð-
um.
Nýja Sjáland varð fyrst allralanda til að veita konum kosn-
ingarétt. Þetta var árið 1893.
SAGA DAGSINS
19. SEPTEMBER
Mikið látið með unga
heimsmeistarann
Gerði ekkert í tilefni dagsins, segir Jón. L. Árnason, skákmeistari, en í
gær voru liðin 25 ár síðan hann var krýndur heimsmeistari sveina í
skák. Honum finnst miklu merkilegra að dóttir hans, Hugrún, á átta
ára afmæli í dag.
HALLFRÍÐUR ÞÓRARINSDÓTTIR
Vonast til að stofnun fagfélags mannfræð-
inga verði til þess að mannfræðingar blan-
di sér af krafti í þverfaglega umræðu.
Það styttist í prófkjör Samfylk-ingarinnar í Reykjavík sem lík-
lega verður haldið 9. nóvember.
Ungir jafnaðarmenn í Reykjavík
leggja áherslu á að ungt fólk kom-
ist til áhrifa og lýsa stuðningi við
Ágúst Ólaf Ágústsson, formann
sinn á landsvísu, í prófkjörinu.
Segja hann verðugan fulltrúa nýrr-
ar kynslóðar á Alþingi og góðan
málsvara frjálslyndrar jafnaðar-
stefnu auk þess að vera einn öflug-
asti talsmaður aðildar Íslands að
Evrópusambandinu.
Steinunn Valdís Óskarsdóttir,borgarfulltrúi, mun vera að
íhuga alvarlega hvort hún skelli
sér í slaginn um sæti á lista Sam-
fylkingarinnar í Reykjavík fyrir
næstu þingkosningar. Steinunn
Valdís hefur setið í borgarstjórn
síðustu átta árin. Láti hún verða af
framboði og nái tilætluðum ár-
angri myndi hún vera tengingin
sem ýmsir í Reykjavíkurlistanum
hafa talið nauðsynlega milli borg-
arstjórnar og landsmálastjórnmál-
anna á Alþingi.
Það er mikill hiti í mörgumknattspyrnuáhugamönnum fyr-
ir lokaumferðina í Íslandsmótinu.
Sérstaklega hafa orð Ólafs Þórðar-
sonar, þjálfara ÍA, fyrir síðustu
helgi um að hann vonaðist eftir
Fylkissigri gegn KR orðið til þess
að kveikja í KR-ingum. Óttast
margir þeirra að Skagamenn tapi
viljandi í lokaumferðinni. Hefur
það leitt til líflegrar og oft orð-
ljótrar umræðu á spjallþráðum KR
og ÍA. Hafa menn haft stór orð
uppi í skjóli nafnleysisins og sumir
jafnvel skrifað í orðastað leik-
manna. Sáu stjórnendur spjallþráð-
ar KR sér ekki annað fært en að
loka á aðgang níu einstaklinga að
spjallþræðinum einn og sama dag-
inn.
Það var komið að útsölu aldar-innar í einni af raftækja-
verslunum borgarinnar. Klukk-
an var farin að halla í 9 og átti
að fara að opna búðina en löng
röð áhugasamra kaupenda hafði
myndast fyrir framan. Að kem-
ur frekar lítill karl og fer að
olnboga sig fram röðina. Þegar
hann er kominn langleiðina að
dyrunum taka þeir sem lengst
höfðu beðið í röðinni og stóðu
því fremstir höndum saman og
ýta honum til baka. Okkar mað-
ur lætur ekki deigan síga og
gerir aðra atlögu en allt fer á
sömu leið og heldur voru hand-
tökin harðari en í fyrra skiptið.
„Ég reyni þetta ekki nema einu
sinni enn,“ kallaði maðurinn ör-
væntingarfullur. „Við opnum þá
ekkert í dag.“
Heimsendingar og sótt!
O p n u n a r t í m i : 1 1 - 0 1 v i r k a d a g a o g 1 1 - 0 6 u m h e l g a r
Grensásvegur 12
533 2200
Tilboð sótt
1. 12“ m/3 álegg og 1/2 litr. gos
990 kr,-
2. 16“ m/2 áleg. og 2 litr. gos
1.390 kr,-
2 fyrir 1
Pizza að eigin vali
a) ostabrauðstangir eða
b) hvítlauksbrauð 12“ og önnur
pizza af sömu stæð FRÍTT
(greitt er fyrir dýrari pizzuna)
Tilboð sent
1. 12“ m/3 álegg og 1litr. gos
1.490 kr,-
2. 16“ m/3 álegg og
ostabrauðstangir eða 2 litr. gos.
1.900 kr,-
3. 18“ m/3 áleg. og
ostabrauðstangir eða 2 litr. gos
2.390 kr,-
FR
ÉT
TA
B
LA
Ð
IÐ
/R
Ó
B
ER
T