Fréttablaðið - 23.05.2003, Blaðsíða 8

8 23. maí 2003 FÖSTUDAGUR
Obbobbobb ég
fæ ekkert að
vita
Ég skal ekki
segja. Það er
leyndarmál sem
Halldór er að
bræða með sér.
Guðni Ágústsson um upp-
stokkun á ráðherraliði
Framsóknar. DV, 22. maí.
Grasrót en engin blóm
Jafnréttisstarf innan flokksins
hefur verið virkt og grasrótar-
starf í kringum hann öflugt.
Helga Guðrún Jónasdóttir.
Morgunblaðið, 22. maí.
Lágmarkslögregluríkið
Svo er það annar handleggur
hversu lögreglan á að vera um-
svifamikil.
Böðvar Bragason, lögreglustjóri í Reykjavík.
Morgunblaðið, 22. maí.
Orðrétt
Á MANNAVEIÐUM
Bandarískar hersveitir leita dyrum og
dyngjum að íröskum ráðamönnum úr
stjórnartíð Saddams Husseins.
Eftirlýstir ráðamenn:
Baath-leið-
togi hand-
tekinn
WASHINGTON, AP Hersveitir Banda-
ríkjanna í Írak handsömuðu hátt-
settan mann innan Baath-flokks-
ins skammt fyrir utan Bagdad.
Aziz Sajih al-Numan er númer
átta á lista bandarískra yfirvalda
yfir eftirlýsta ráðamenn í Írak og
sá valdamesti sem náðst hefur
hingað til. Al-Numan er einn af
leiðtogum Baath-flokksins og
fyrrum borgarstjóri í Karbala og
Najaf.
Bandarísk yfirvöld hafa nú í
haldi 25 af þeim 55 írösku ráða-
mönnum sem hafa verið eftirlýst-
ir síðan innrásin í Írak hófst. ■
SPRENGING Á VEITINGASTAÐ Að
minnsta kosti sjö manns særðust
þegar sprenging varð á veitinga-
stað í miðborg Istanbúl. Veggir
hússins hrundu og rúður sprungu
í nærliggjandi verslunum. Ekki
liggur fyrir hvað olli sprenging-
unni en grunur leikur á því að
gasleka hafi verið um að kenna.
NÍUNDA SINFÓNÍAN SELD Á UPP-
BOÐI Handrit af Níundu sinfóníu
Beethovens var selt á uppboði í
London fyrir sem svarar 252
milljónum íslenskra króna. Á
handritinu eru handskrifaðar
endurbætur tónskáldsins auk
skammaryrða í garð afritarans.
Handritið var í einkaeigu og
stendur til að nota ágóðann af
sölunni til þess að koma á fót
líknarsjóði.
RÉTTAÐ YFIR HRYÐJUVERKA-
MÖNNUM Réttarhöld eru hafin
yfir tveimur túnískum stuðnings-
mönnum al-Kaída. Mennirnir eru
ákærðir fyrir að hafa skipulagt
hryðjuverkaárásir í Evrópu og
tekið þátt í að myrða andstæðing
Talíbana-stjórnarinnar í Afganist-
an. Annar mannanna hefur viður-
kennt að hafa ætlað að ráðast á
bandaríska þegna, fyrirtæki og
stofnanir í Evrópu.
■ Evrópa
INDÓNESÍA,AP Indónesíski herinn
ætlar að fjölga árásum sínum á að-
skilnaðarsinna í Aceh-héraði. Hann
hefur jafnframt hótað því að koma
á útgöngubanni á þeim svæðum þar
sem mestir bardagar hafa orðið.
Foringi hersins neitaði í gær
ásökunum aðskilnaðarsinna um að
herinn hefði drepið 10 óbreytta
borgara í árás á fiskiþorp í fyrra-
dag.
Að minnsta kosti 12 þúsund
manns, þar af fjölmargir óbreyttir
borgarar, hafa látist í Aceh-héraði
frá árinu 1976. Þá hóf Aceh-frelsis-
hreyfingin baráttu sína gegn
indónesískum yfirvöldum. ■
Átök í Indónesíu:
Árásum fjölgað
HERMAÐUR
Indónesíski herinn segist hafa drepið eða
handsamað 27 aðskilnaðarsinna á undan-
förnum fimm dögum.
SAMEINUÐU ÞJÓÐIRNAR, AP Öryggis-
ráð Sameinuðu þjóðanna samþykkti
í gær með yfirgnæfandi meirihluta
atkvæða ályktun þar sem Banda-
ríkjunum og Bretum er veitt leyfi
til að fara með stjórn mála í Írak
þar til ný stjórn hefur verið kjörin í
landinu.
Efnahagsþvingunum gegn Írak,
sem hafa staðið yfir í 13 ár, var
einnig aflétt. 14 þjóðir samþykktu
ályktunina, þar á meðal Frakkland,
Rússland og Þýskaland, sem hafa
verið andvíg stríðinu í Írak. Sýr-
land var eina þjóðin sem mætti ekki
til atkvæðagreiðslunnar.
Niðurstaðan er mikill sigur fyrir
Bandaríkjamenn sem hafa barist
fyrir samþykktinni frá því stríðinu
í Írak lauk.
John Negroponte, erindreki
Bandaríkjanna, lýsti yfir mikilli
ánægju með niðurstöðuna. Hann
sagði að tími væri kominn fyrir
írösku þjóðina til að njóta góðs af
náttúruauðlindum sínum eftir að
hafa verið úti í kuldanum í alþjóða-
viðskiptum í rúman áratug undir
stjórn Saddams Husseins. „Þetta er
tímamótaviðburður fyrir Íraka.
Sögunni hefur verið snúið í réttan
farveg.“
Talið er að olíuútflutningur frá
Írak hefjist skjótt í kjölfar sam-
þykktarinnar. Átta milljónir olíu-
tunna frá landinu eru í geymslu í
Tyrklandi og er reiknað með að þær
seljist undir eins. ■
Öryggisráð SÞ samþykkir ályktun:
Efnahagsþvingunum aflétt
VÉR SAMÞYKKJUM
John Negroponte, erindreki Bandaríkjanna, og Jeremy Greenstock, erindreki Bretlands, lyfta
höndum við atkvæðagreiðsluna í gær. Í ályktuninni er m.a. kveðið á um að rannsakað verði
hvort senda eigi vopnaeftirlitsmenn að nýju til Íraks í leit að gjöreyðingarvopnum.
AP
/M
YN
D
Bílslys í Vestmanna-
eyjum:
Enn á
gjörgæslu
SLYS Stúlkan sem lenti í bílslysi í
Vestmannaeyjum um þar síðustu
helgi liggur enn á gjörgæslu-
deild Landspítala-háskóla-
sjúkrahúss.
Að sögn vakthafandi læknis
er líðan hennar óbreytt. Hin
stúlkan sem einnig var flutt á
Landspítalann er á batavegi.
Þrjár stúlkur voru í bílnum þeg-
ar slysið varð. Ein þeirra lést.
Slysið var með þeim hætti að
bíllinn sem stúlkurnar voru á
lenti utan vegar og hafnaði á
steinvegg. ■
Bandarískar rannsóknir:
Búddistar
lífsglaðari
HEILSA Fólk sem iðkar búddatrú er
hamingjusamara og rólyndara en
annað fólk. Þetta kemur fram í nið-
urstöðum tveggja bandarískra
rannsókna sem voru birtar í tíma-
ritinu New Scientist.
Í annarri þeirra kemur fram að
svæði í heilanum sem tengjast góðu
skapi og jákvæðum tilfinningum
eru virkari hjá búddistum en hjá
öðru fólki. Í hinni rannsókninni
kemur fram að reyndir búddistar
sem stunda íhugun reglulega eru
rólyndari en annað fólk. Með íhug-
uninni ná þeir að þjálfa upp amyg-
dala-svæðið í heilanum sem er mið-
depill óttatilfinningar. ■
NETIÐ Foreldrar virðast vita lítið
um hvað börn þeirra aðhafast á
netinu. Þetta er meðal atriða sem
fram komu í niðurstöðum um-
fangsmikillar könnunar sem
Heimili og skóli hafa staðið fyrir.
Verkefnið er stutt af Evrópusam-
bandinu og fer fram í fjórum
löndum auk Íslands.
„Foreldrar í dag ólust ekki upp
með netinu,“ segir Kristbjörg
Hjaltadóttir, framkvæmdastjóri
Heimilis og skóla. Í ljós kom að
þrátt fyrir að fimmtungur barna
sem stunda spjallrásir hafi hitt í
eigin persónu manneskju sem þau
kynntust á netinu telja einungis
4% foreldra að svo sé. Foreldrar
telja sig einnig fylgjast mun betur
með internetnotkun barna sinna
en börnin sjálf upplifa. „Börn
telja ekki að við séum að yfir-
keyra þau með umræðum um net-
ið,“ segir Kristbjörg. „Það gefur
okkur svigrúm til umræðna.“
Í undirbúningi er kennsluefni
fyrir foreldra og skólastarfsmenn
til að leiðbeina börnum og ung-
lingum um örugga netnotkun.
„Við erum að biðla til foreldrafé-
laga að foreldrar og skóli vinni
saman,“ segir Kristbjörg. ■
BÖRN
Þörf er á meira eftirliti foreldra
með netnotkun barna sinna.
Netnotkun barna:
Foreldrar grandalausir