Fréttablaðið - 05.10.2003, Blaðsíða 4
4 5. október 2003 SUNNUDAGUR
Á að rannsaka hver lak
stefnuræðu forsætisráðherra?
Spurning dagsins í dag:
Hvenær lætur Jóhannes Páll páfi II af
starfi?
Niðurstöður gærdagsins
á www.frett.is
44,4%
55,6%
Nei
Já
Kjörkassinn
Farðu inn á frett.is og segðu þína skoðun
frétt.is
Drög að stjórnarskrá Evrópusambandsins tilbúin fyrir jól:
Búist við miklum átökum
RÓM, AP Stefnt er að því að drög að
stjórnarskrá Evrópusambandsins
verði tilbúin fyrir miðjan desem-
ber, að því er fram kom á fundi
leiðtoga sambandsins, sem fram
fór í Rómarborg í gær. Leiðtog-
arnir fá því einungis tíu vikur til
þess að vinna úr ágreiningi sem
upp hefur komið um nýju stjórn-
arskrána.
Vonast er til að nýja stjórnar-
skráin muni taka gildi árið 2005
en til þess að svo megi vera verða
allir löggjafar sambandsins auk
Evrópusambandsins að sam-
þykkja drögin.
Stærstu breytingarnar sem
stjórnarskráin mun hafa í för með
sér eru að stofnuð verða embætti
forseta og utanríkisráðherra Evr-
ópusambandsins, endurskipulagn-
ing framkvæmdavalds, umfangs-
mikil stefna í varnarmálum og
nýjar reglur um þjóðaratkvæða-
greiðslur.
Búist er við miklum átökum er
þjóðirnar reyna hver um sig að
gæta hagsmuna sinna við smíði
stjórnarskrárinnar. Minni þjóðir
sambandsins leggja áherslu á að
jafnræðis verði gætt í ákvarðana-
töku. Þá vilja Pólland, Spánn og
Ítalía að stjórnarskráin innihaldi
tilvísanir í kristna trú, sem sam-
ræmist ekki hugmyndum Frakka
um trúfrelsi. ■
ATVINNUMÁL Næstu dagar verða
notaðir til að greina atvinnutæki-
færi á Bíldudal. Þetta er niður-
staða fundar sveitarstjórnar,
þingmanna kjördæmisins og full-
trúa Fjórðungssambands Vest-
firðinga. Atvinnuástandið á Bíldu-
dal hefur verið afar bágt um hríð
og margir heimamenn svartsýnir
á framhaldið.
Kristinn H. Gunnarsson, þing-
maður Framsóknarflokksins,
sagði fundinn gagnlegan og að
ákveðið hefði
verið að halda
annan fund á
miðvikudaginn
kemur. „Þarna
var fyrst og
fremst um skoð-
anaskipti og um-
ræður að ræða.
Það liggur fyrir
að ástandið er
alvarlegt og
þörf á peningum
og kvóta inn í þetta bæjarfélag ef
eitthvað hald á að vera til staðar.
Margvíslegar tillögur komu fram
og nú er boltinn hjá Atvinnuþró-
unarfélaginu að koma þessum
hugmyndum á rekspöl fyrir
næsta fund.“
„Okkur var falið að vinna
stutta haglýsingu á staðnum og
stöðu mála,“ segir Aðalsteinn
Óskarsson, framkvæmdastjóri
Atvinnuþróunarfélags Vestfjarða.
„Við drögum saman það sem rætt
var á þessum fundi og leggjum
fram okkar mat. Staðan er alvar-
leg á þessari stundu en hins vegar
er ljóst að þarna eru tækifæri.
Það eru líkur til að rætist úr með
fiskvinnsluna. Nú er allt klárt
undir vinnslu hjá Rækjuveri ef til
þess kemur að vinnsla hefjist aft-
ur. Þarna er kræklingarækt sem
möguleiki er á að styðja betur við
bakið á og ekki má gleyma kalk-
þörungavinnslunni. Hún er ennþá
á borðinu og ljóst að aðstæður til
vinnslu eru góðar á staðnum,“
segir Aðalsteinn.
„Ef Bílddælingar segja að
ástandið sé slæmt, þá er það
verra,“ sagði Árni Kópsson kaf-
ari, sem er fæddur og uppalinn á
Bíldudal.
„Ég er með einfalda og barna-
lega lausn á vanda Bíldudals. Það
á að binda 30-40 tonna kvóta við
hvern haus í byggðarlaginu og
hafa hann bundinn á meðan við-
komandi býr á staðnum. Það
myndi strax leysa vandann.“
Árni segir að nú sé upplagt að
gera tilraun með að binda kvóta
við hvern haus á Bíldudal. Stjórn-
völdum gæfist þannig tækifæri til
að skoða kosti og galla slíks kerfis
og komast að því hvort að slík
lausn geti gefið fólki viðunandi
tækifæri til að búa og lifa úti á
landi.
albert@frettabladid.is
STALDRAR STUTT VIÐ Flugmála-
stjórn fær 40 milljónir króna á
fjáraukalögum vegna kostnaðar við
lækkun langbylgjumasturs á Eið-
um, samkvæmt frumvarpi fjár-
málaráðherra. Upphæðina þarf
Flugmálastjórn að greiða Ríkisút-
varpinu þar sem lækkun masturs-
ins er að kröfu Flugmálastjórnar.
FARIÐ FRAM Á BIÐLAUN Í fjár-
aukalagafrumvarpinu er farið fram
á 6,5 milljóna króna viðbótarfjár-
heimild til handa Greiningar- og
ráðgjafarstöðvar ríkisins til að
greiða biðlaun framkvæmdastjóra.
Staða hans var lögð niður þegar ný
lög um stofnunina tóku gildi. Á síð-
asta ári var hart deilt á fjárskort
stöðvarinnar þannig að skera varð
niður þjónustu. Í kjölfarið var ráð-
ist í skipulagsbreytingar.
ARROYO
Forseti Filippseyja mun bjóða sig fram til
embættisins að nýju.
Forseti Filippseyja:
Býður sig
fram að nýju
FILIPPSEYJAR, AP Gloria Macapagal
Arroyo, forseti Filippseyja, hefur
ákveðið að bjóða sig fram til emb-
ættisins að nýju, en kosið verður í
maí á næsta ári.
Arroyo kom þjóð sinni mikið á
óvart þegar hún tilkynnti að hún
hygðist draga sig í hlé rétt fyrir
síðustu áramót. Hún hefur hins
vegar slegið þeirri ákvörðun á
frest, en yfirlýsingin olli nokkrum
sviptingum í heimalandi hennar,
óstöðugleika í stjórnmálum sem
skaðaði efnahag landsins meðal
annars með þeim afleiðingum að
gengi gjaldmiðils landsins er nú í
sögulegu lágmarki. ■
VIÐBÚNAÐUR
Nokkur þúsund andstæðingar hnattvæðingar
söfnuðust saman í tilefni af fundahöldum um
stjórnarskrá Evrópusambandsins.
Evrópusambandið:
Stjórnarskrá
mótmælt
RÓM, AP Lögreglan í Róm beitti
táragasi og kylfum til þess að hafa
hemil á nokkrum þúsundum and-
stæðinga hnattvæðingar sem
safnast höfðu saman í borginni í
tilefni af ráðstefnu leiðtoga Evr-
ópusambandsins, en þeir ræða
drög að stjórnarskrá Evrópusam-
bandsins.
Mótmælendurnir söfnuðust
saman fyrir utan ráðstefnuhöllina
þar sem leiðtogarnir funda og
köstuðu trjákubbum, eggjum og
rotnu grænmeti í lögregluna. Að
minnsta kosti einn særðist í átök-
unum og var fluttur á sjúkrahús.
„Við viljum að Evrópa verði
ekki skrifuð í höllum valdsins eða
í stjórnarskránni, heldur á lýð-
ræðislegan hátt í samráði við fólk-
ið,“ sagði einn mótmælendanna í
gær. Segjast mótmælendurnir
vera að berjast gegn kynþáttafor-
dómum, stríði og atvinnuleysi. ■
SLAGSMÁL Á SELFOSSI Lögreglan
á Selfossi hafði í nógu að snúast í
fyrrinótt. Fimm útköll voru
vegna slagsmála í bænum. Tveir
gistu fangageymslur eftir átökin.
Engin slys urðu á fólki. Ekki er
vitað hvað olli slagsmálunum.
TVÆR BÍLVELTUR Tvær bílveltur
voru tilkynntar til lögreglunnar á
Selfossi í gærmorgun. Sendibíll
valt á Suðurlandsvegi við
Þrengslavegamót um áttaleytið.
Ein kona var í bílnum og slasað-
ist hún lítillega. Þá valt bíll við
Þingvallaveg við Kjósarskarðs-
veg um níuleytið. Engin slys urðu
á fólki. Að sögn lögreglu var
nokkur hálka á götum.
ÓLÖGMÆT MYNDLYKLANOTKUN
Starfsmenn Norðurljósa voru í
síðustu viku á Akureyri til að
kanna ólöglega notkun myndlykla
í fjölbýlishúsum. Lögreglan var
kölluð til í nokkrum tilfellum, Að
sögn lögreglu mega þeir sem
grunaðir eru búast við að verða
kærðir. Þá mun þessum aðgerð-
um verða haldið áfram á næst-
unni. Fólk er hvatt til að koma
þessum málum í rétt horf.
Samþykkja Evrópunefnd:
Nýtt til að
þróa málið
STJÓRNMÁL Össur Skarphéðinsson,
formaður Samfylkingarinnar, seg-
ir að flokkur hans muni taka þátt í
nefnd um Evrópumál. Þegar for-
sætisráðherra velti hugmyndinni
fyrst upp fyrr á árinu tók Samfylk-
ingin þá afstöðu að
rétt væri að bíða
með stofnun
n e f n d a r i n n a r
þangað til fram
yfir kosningar.
Össur segir að
nú séu þessi mál
frá og því sé tíma-
bært að hefja
þessa vinnu. Össur
segir það ætíð
hafa verið stefnu
Samfylkingarinnar að stuðla að
nauðsynlegri samstöðu um það
markmið flokksins að Ísland sæki
um aðild að Evrópusambandinu.
„Við munum að sjálfsögðu
reyna að nýta þetta til að þróa
málið áfram,“ segir Össur. ■
VIÐSKIPTI „Okkur þykir ekki fýsi-
legt að missa fyrirtækið héðan og
því höfum við lýst yfir áhuga,“
sagði Andri Teitsson, fram-
kvæmdastjóri KEA á Akureyri,
en hann hefur fyrir hönd félags-
ins haft samband við bankastjóra
Landsbankans og óskað eftir við-
ræðum um kaup á Útgerðarfélagi
Akureyringa.
„Ég kom erindi okkar áfram en
engin ákvörðun verður tekin fyrr
en ný stjórn tekur við taumum í
Eimskipafélaginu næsta fimmtu-
dag. Ætlunin með kaupunum er að
reka fyrirtækið á arðsemisgrund-
velli en jafnframt að halda fyrir-
tækinu og starfseminni hér fyrir
norðan. Félagið var selt fyrir
nokkrum árum og það þótti eðli-
legt á þeim tíma en nú eru blikur
á lofti og við teljum okkur ekki
stætt á öðru en að reyna að halda
þessu stóra fyrirtæki á Akureyri.
Ýmsir hagsmunir eru í húfi.“
Á Akranesi hafa heimamenn
einnig haft samband við Lands-
bankamenn með það fyrir augum
að kaupa Harald Böðvarsson af
Brimi, en það félag er dótturfélag
Eimskipafélagsins. ■
SILVIO BERLUSCONI
„Okkar bíður erfitt verkefni,“ sagði forseti
Ítalíu, en drög að stjórnarskrá Evrópusam-
bandsins eiga að vera tilbúin um miðjan
desember.
■ Fjáraukalög
■ Lögreglufréttir
■ Lögreglufréttir
ÖSSUR SKARP-
HÉÐINSSON
Samfylkingin
mun taka þátt í
nefnd um Evr-
ópumál.
ÚTGERÐARFÉLAG AKUREYRINGA
Stjórn KEA hefur sýnt áhuga á að
kaupa fyrirtækið.
KEA sýnir áhuga á að kaupa ÚA:
Miklir hagsmunir í húfi
Nói Albinói:
Ljóðræn
nálgun
MENNING Kvikmynd Dags Kára Pét-
urssonar, Nói Albinói, hefur fengið
sérstaka viðurkenningu dómnefnd-
ar á alþjóðlegri barnakvikmynda-
hátíð í Kaupmannahöfn.
Í umsögn dómnefndar um
myndina kemur fram að nálgun
Dags Kára gagnvart viðfangsefn-
inu sé einkar ljóðræn og að í
myndinni sé harmræn saga sögu-
hetjanna sögð á einkar látlausan
hátt og að slík nálgun krefjist hug-
rekkis af hálfu leikstjórans. Dóm-
nefndin segist hlakka til að sjá
fleiri myndir frá hinum unga ís-
lenska leikstjóra. ■
BÍLDUDALUR
Atvinnuástandið á staðnum er slæmt en ljóst er einnig að tækifæri eru til staðar.
„Það á að
binda 30 - 40
tonna kvóta
við hvern
haus í
byggðarlag-
inu.
ÁRNI KÓPSSON
Stjórnvöld ættu að gera tilraun með nýjar
leiðir á Bíldudal.
KRISTINN H. GUNNARSSON
Þörf er á peningum og kvóta inn í
bæjarfélagið.
Atvinnutækifæri
tekin til skoðunar
Kortleggja á möguleika í atvinnumálum á Bíldudal. Staðan er alvarleg
en líkur til að rætist úr með fiskvinnsluna, segir framkvæmdastjóri At-
vinnuþróunarfélags Vestfjarða.