Fréttablaðið - 05.10.2003, Blaðsíða 34
■ ■ KVIKMYNDIR
15.00 Tvær heimildarkvikmyndir
verða sýndar í bíósal MÍR, Vatnsstíg 10.
Fyrri myndin er bresk og segir frá um-
sátri Þjóðverja um Leníngrad í síðari
heimsstyrjöldinni. Síðari myndin er sov-
ésk með skýringum á norsku og segir
frá borg og borgarlífi í Pétursborg.
Jafnframt hefur ljósmyndasýning um
borgina verið sett upp í salarkynnum
MÍR við Vatnsstíginn. Aðgangur að kvik-
myndasýningunni er ókeypis og öllum
heimill.
15.00 Sunnudagar eru barnadagar
í aðalsafni Borgarbókasafns, Tryggva-
götu 15. Í dag verður danska fjölskyldu-
myndin Krummarnir sýnd á Reykjavík-
urtorgi. Allir velkomnir - enginn að-
gangseyrir.
Sjá www.kvikmyndir.is Sambíóin
Kringlunni, s. 588 0800 Sambíóin Álfa-
bakka, s. 587 8900 Háskólabíó, s. 530
1919 Laugarásbíó, s. 5532075 Regn-
boginn, s. 551 9000 Smárabíó, s. 564
0000 Sambíóin Keflavík, s. 421 1170
Sambíóin Akureyri, s. 461 4666 Borg-
arbíó, Akureyri, s. 462 3500.
Kvikmyndahátíð Eddunnar í Regn-
boganum: Dirty Pretty Things kl. 14,
Thirteen kl. 14, Blue Car kl. 16, Hero kl
18 og 22, Stealing Rembrandt kl 18,
Young Adam kl. 20, Home Room kl. 20,
Elephant kl. 22 - stuttm. Síðasta Kyn-
slóðin sýnd á undan, Dogville kl. 22.
■ ■ TÓNLEIKAR
16.15 Vestur-Íslendingurinn Bill
Bourne trúbadúr heldur tónleika í Nor-
ræna húsinu. Aðgangseyrir er 1.000
krónur.
17.00 Sinfóníuhljómsveit áhuga-
manna heldur fyrstu tónleika fjórtánda
starfsárs síns í Seltjarnarneskirkju. Leik-
inn verður Myrkvi eftir Hildigunni Rún-
arsdóttur, Rococo-tilbrigðin eftir
Tsjaíkofskí og 7. sinfónía Síbelíusar.
Stjórnandi er Óliver Kentish og einleik-
ari á selló er Nicole Vala Cariglia.
20.00 Karlakórinn Þrestir, elsti
karlakór landsins, heldur hausttónleika í
Hafnarborg í Hafnarfirði. Stjórnandi er
Jón Kristinn Cortes.
20.00 Erling Blöndal sellóleikari
flytur einkar fallega efnisskrá ásamt
Ninu Kavtaradze píanóleikara í tón-
leikaröðinni Tíbrá í Salnum í Kópavogi.
Verkin eru eftir Beethoven, Chopin,
Fauré og Sjostakovitsj. Miðaverð 2.000
kr.
20.00 Íslenska óperan sýnir óp-
erutvennuna Frá Nagasaki til Alsír á 90
mínútum í Höllinni, Vestmannaeyjum.
Sýndar verða í stuttformi óperurnar
Madama Butterfly og Ítalska stúlkan í Al-
sír.
■ ■ LEIKLIST
14.00 Lína Langsokkur eftir Astrid
Lindgren verður á Stóra sviði Borgar-
leikhússins.
14.00 Dýrin í Hálsaskógi eftir
Thorbjörn Egner sýnd á Stóra sviði
Þjóðleikhússins.
14.00 Tveir menn og kassi eftir
Thorkild Lindebjerg verður sýnt í
Möguleikhúsinu við Hlemm.
14.00 Lína Langsokkur eftir Astrid
Lindgren verður á Stóra sviði Borgar-
leikhússins.
16.00 Furðuleikhúsið sýnir í Tjarn-
arbíói einþáttunginn Eldinn, sem
byggður er á ævi Jóhönnu af Örk.
17.00 Dýrin í Hálsaskógi leika
lausum hala á stóra sviði Þjóðleikhúss-
ins.
20.00 Verdensteatret frá Noregi
sýnir dans-, leik- og hljóðverkið Tsalal,
sem byggt er á texta eftir Heiner Müller
og ferð listamannanna til Úkraínu, í fjöl-
notasalnum í Hafnarhúsinu.
20.00 Veislan á Smíðaverkstæði
Þjóðleikhússins.
Tenórinn, nýtt leikrit eftir Guðmund
Ólafsson, verður frumsýnt í Iðnó.
■ ■ ÚTIVIST
10.00 Á vegum Ferðafélags Ís-
lands verður gengið á Akrafjall, bæði á
Geirmundartind (643 m) og Háahnúk
(555 m). Áætlað er að gangan taki um
5 tíma. Fararstjóri er Höskuldur Frí-
mannsson. Brottför er frá BSÍ og komið
verður við í Mörkinni 6. Verð kr. 2000
fyrir félagsmenn og 2300 fyrir aðra.
11.00 Fuglaverndarfélagið skipu-
leggur fuglaskoðun í Grafarvogi,
Reykjavík, sunnudaginn 5. október. Í
Grafarvogi er fuglaskoðunarskýli og
verða þar reyndir fuglaskoðarar til leið-
sagnar frá kl. 11-13. Grafarvogurinn er
þekktur fyrir fallega leiru og ríkulegt
fuglalíf árið um kring.
■ ■ FUNDIR
15.00 Hanna Christel Sigurkarls-
dóttir myndlistarmaður verður með
leiðsögn um sýninguna Grasrót 2003,
sýningu 13 ungra listamanna í Nýlista-
safninu. Þátttaka er ókeypis og allir vel-
komnir.
Stephansstefna Háskóla Íslands, ráð-
stefna um Stephan G. Stephansson
skáld og samtíð hans, heldur áfram í
stofu 101 í Odda í dag.
■ ■ SAMKOMUR
14.00 Hundrað ára vígsluafmælis
Ingjaldshólskirkju verður minnst með
tónlistarflutningi í kirkjunni undir stjórn
Kay Wiggs og síðan hátíðarguðsþjón-
ustu. Biskup Íslands herra Karl Sigur-
björnsson prédikar og séra Ingiberg J.
Hannesson prófastur þjónar fyrir altari
ásamt sóknarpresti séra Ragnheiði Kar-
ítas Pétursdóttur. Að lokinni guðsþjón-
ustu verður boðið til kaffisamsætis í fé-
lagsheimlinu Röst á Hellisandi.
14.00 Handverks- og uppskeru-
markaður verður haldinn að Stað, Eyr-
arbakka til klukkan 18. Þarna verður úr-
val veglegra handunninna muna, tilvald-
ir til jólagjafa. Nú eru aðeins 80 dagar til
jóla.
■ ■ MESSUR
10.30 Þýsk-íslensk göngumessa í
Hafnarfirði. Komið verður saman við
Minnismerkið um fyrstu lútersku kirkj-
una á Íslandi við Háagranda. Þaðan
verður gengið til messu í Hafnarfjarðar-
kirkju eftir göngukrossi og komið við á
söguslóðum. Alda Ingibergsdóttir syng-
ur einsöng, lesin verða ritingarorð og
Jónatan Garðarsson rifjar upp sögubrot
fyrri tíðar. Sr. Kristján Valur Ingólfsson
mun þýða það sem fram fer yfir á þýsku
og leiða gönguna ásamt sr. Gunnþóri Þ.
Ingasyni sóknarpresti.
20:00 Páll Rósinkrans leiðir söng í
fyrstu léttmessu sumarsins í Árbæjar-
kirkju ásamt gospel- og píanósnillingn-
um Óskari Einarssyni sem jafnframt út-
setur tónlistina. Sr. Þór Hauksson þjónar
fyrir altari og flytur hugvekju.
■ ■ SÝNINGAR
Sýningin Grasrót 2003 stendur yfir í
Nýlistasafninu. Að þessu sýna verk sín
þau Arndís Gísladóttir, Baldur G.
Bragason, Birgir Örn Thoroddsen,
Birta Guðjónsdóttir, Bryndís E. Hjálm-
arsdóttir, Bryndís Ragnarsdóttir, Elín
Helena Evertsdóttir, Hanna Christel
Sigurkarlsdóttir, Hrund Jóhannesdóttir,
Huginn Þór Arason, Hugleikur Dags-
son, Magnús Árnason og Rebekka
Ragnarsdóttir. Sýningarstjórar eru
Dorothée Kirch og Erling T.V. Klingen-
berg.
Nú stendur yfir sýning á krosssaums-
myndum eftir Guðrúnu Bergsdóttur í
Borgarbókasafninu í Gerðubergi. Sýn-
ingin er hluti af listahátíðinni List án
landamæra.
Sýning á verkum tveggja félags-
manna FÍM, þeirra Braga Ásgeirssonar
og Guðrúnar Einarsdóttur, stendur yfir í
SÍM-húsinu, Hafnarstræti 16. Sýningin
stendur til 15. október og verður opin á
virkum dögum kl 10-16.
Box - ílát - öskjur nefnist sýning í
sal Handverks og hönnunar í Aðal-
stræti. Box ílát öskjur. Valin voru verk
frá 27 aðilum á sýninguna, sem stendur
til 12. október. Opið þri-sun 13-17.
Úr Byggingarlistarsafni, sýning á
húsateikningum og líkönum íslenskra
arkitekta verður opnuð í Hafnarhúsinu í
tilefni þess að tíu ár eru liðin frá stofun
byggingarlistardeildar við Listasafn
Reykjavíkur. Í safni deildarinnar eru varð-
veitt söfn teikninga eftir ýmsa af merk-
ustu frumherjum íslenskar byggingarlist-
ar á 20. öld. Sýningin stendur til 2. nóv-
ember.
Yfir bjartsýnisbrúna - Samsýning
alþýðulistar og samtímalistar nefnist
sýning sem Listasafn Reykjavíkur hefur
unnið í samstarfi við Safnasafnið á Sval-
barðsströnd við Eyjafjörð. Hér leiða sam-
an hesta sína tuttugu og fimm lista-
menn sem ýmist kenna sig við alþýðu-
list eða samtímalist. Sýningin verður í
Hafnarhúsinu til 2. nóvember.
Teikningar sjö til sextán ára barna í
Hafnarfirði og hugmyndir þeirra um
vinabæjarsamstarf Hafnarfjarðar og
Cuxhaven eru sýndar í Hafnarborg,
menningar- og listastofnun Hafnarfjarð-
ar. Sýningin stendur til 6. október.
Sýning á verkum Jóhannesar S.
Kjarvals stendur yfir á Kjarvalsstöðum.
Vögguvísur nefnist innsetning Bryn-
dísar Snæbjörnsdóttur og Mark Wil-
sons í Listasafni Reykjavíkur – Hafnar-
húsi, sem stend-
ur til 2. nóvem-
ber.
Einkasýning
Eyjólfs Einars-
sonar stendur
yfir á Kjar-
valsstöðum
til 12. októ-
ber.
María Guðnadóttir er með mynd-
listarsýningu á Kaffi Expresso í Spöng-
inni Grafarvogi. Sýningin stendur til 7.
október.
Sýning á verkum Guðmundar
Thoroddsen stendur yfir í sal SÍM, Hafn-
arstræti 16. Guðmundur Thoroddsen
myndlistarmaður lést árið 1996. Á sýn-
ingunni verða nokkur verk sem hann
vann að síðustu árin sem hann lifði.
María Pétursdóttir, Helga Þórsdótt-
ir, Helga Óskarsdóttir og Marta Val-
geirsdóttir opnuðu í gær sýningu í
Slunkaríki á Ísafirði.
Sýningin „Humar eða frægð –
Smekkleysa í 16 ár“ stendur yfir í Þjóð-
arbókhlöðunni í Reykjavík. Menningar-
borgarsjóður styrkir sýninguna, sem
stendur til 23. nóvember.
Einar Garibaldi Eiríksson og Bruno
Muzzolini eru með einkasýningar í
Listasafni ASÍ við Freyjugötu. Einar
Garibaldi sýnir málverk og kallast sýn-
ing hans Ísland í níu hlutum. Bruno
sýnir ljósmyndir og myndbandsverk og
kallast sýning hans Augnagildrur. Lista-
safn ASÍ er opið 13-17 alla daga nema
mánudaga. Sýningarnar standa til 12.
október.
Einkasýning Sæmundar Valdimars-
sonar á Kjarvalsstöðum stendur yfir til
12. október.
Sýningin UrmUll eftir listakonuna
Snjólaugu Guðmundsdóttur stendur
yfir í Listasafni Borgarness, sem er til
húsa í Safnahúsi Borgarfjarðar, Bjarnar-
braut 4-6, Borgarnesi. UrmUll er hand-
verks- og listíðasýning og eru öll verkin
á sýningunni unnin úr ull.
Sýning á málverkum eftir Björn Birn-
ir var opnuð í gær í Húsi málaranna við
Eiðistorg á Seltjarnarnesi. Myndirnar eru
unnar með akrýllitum á striga og pappír
og eru flestar gerðar á sl. 10 árum. Sýn-
ingunni lýkur 19. október.
Sigurður Þórir listmálari
opnaði sýningu í gær á ný-
legum málverkum í Véla-
salnum í Vestmannaeyjum.
Í Sverrissal Hafnarborgar,
menningar- og listastofnunar
Hafnarfjarðar, stendur yfir sýn-
ing á málverkum Kristbergs
Péturssonar. Sýningunni lýkur 6.
október.
Leifur Breiðfjörð myndlistar-
maður sýnir pastelmyndir í nýju örgall-
erí, sem nefnist Gallerí Veggur, í húsa-
kynnum Stafrænu prentstofunnar að
Síðumúla 22.
■ ■ SÍÐUSTU FORVÖÐ
Þrjár einkasýningar eru nú í Lista-
safni Kópavogs-Gerðarsafni. Helgi
Hjaltalín Eyjólfsson er í Austursal með
sýninguna Skraut/Kjöraðstæður þar
sem hann sýnir skúlptur- og ljósmynda-
verk. Sýning Katrínar Þorvaldsdóttur í
vestursal heitir Borðhald/Ef ég segi þér
hver ég er þá gleymir þú hver ég var.
Á neðri hæð safnsins opnar Olga Berg-
mann í samstarfi við stofnun Dr. B sýn-
inguna Náttúrugripasafn. Sýningarnar
standa til 5. október. Safnið er opið alla
daga frá kl. 11.00-17.00 nema mánu-
daga.
Pétur Gautur sýnir olíumálverk í
Baksalnum í Galleríi Fold, Rauðarárstíg
14. Sýningin stendur til 5. október. Gall-
erí Fold er opið daglega frá kl. 10 til 18,
laugardaga frá kl. 10 til 17 og sunnu-
daga frá kl. 14 til 17.
Jóna Þorvaldsdóttir er með sýningu
á ljósmyndum í Ljósfold í Galleríi Fold,
Rauðarárstíg 14 til 16. Listakonan nefnir
sýninguna Þjóðsögu. Sýningin stendur til
5. október.
34 5. október 2003 SUNNUDAGUR
hvað?hvar?hvenær?
2 3 4 5 6 7 8
OKTÓBER
Sunnudagur
Ég er mjög ánægður með aðfinna stað þar sem enn er þörf
fyrir starf af þessu tagi,“ segir
Kurt Kopecki, nýr tónlistarstjóri
Íslensku óperunnar.
Segja má að hann verði allt í
öllu því jafnframt því að skipu-
leggja tónleikahald hefur hann
tekið að sér bæði hljómsveitar-
stjórn og píanóleik fyrir óperuna.
„Þetta er mjög sérstakt því
yfirleitt er allt orðið svo sérhæft í
óperuheiminum.“
Kurt Kopecki er hins vegar
ekki alveg óvanur þessu fjölhæfa
starfssviði, því áður en hann kom
hingað starfaði hann í þrjú ár við
óperuna í Biel í Þýskalandi.
„Það er lítil ópera, minni en Ís-
lenska óperan og með ungum
söngvurum. Ég stjórnaði 15 eða 16
óperum þar og sinnti þar bæði
hljómsveitarstjórn og sá um pí-
anóleik.“
Kurt Kopecki lærði hljóm-
sveitarstjórn og píanóleik í Vínar-
borg. Hann kom hingað til lands
tvisvar sinnum fyrr á árinu til
þess að kynna sér starfið og taka
þátt í að ákveða verkefni vetrar-
ins fyrir óperuna.
Síðastliðinn sunnudag kom
hann svo til landsins og verður
hér að minnsta kosti næstu þrjú
árin, því til þess tíma hefur hann
verið ráðinn.
„Ég er mjög hrifinn af þessari
íslensku aðferð að taka lífinu létt
og rétta hver öðrum hjálparhönd.
Allir sem ég hef hitt hingað til eru
frábærir. Það eru svo margir sem
hjálpa mér við að koma mér fyrir
í íbúðinni og á skrifstofunni.“
Fyrsta verk hans verður að
halda til Vestmannaeyja ásamt fríð-
um flokki óperusöngvara. Í kvöld
ætla þau að flytja þar óperutvenn-
una vinsælu Frá Nagasaki til Alsír
á 90 mínútum, þar sem sýndar eru í
stuttformi óperurnar Madama
Butterfly og Ítalska stúlkan í Alsír.
Tónlistarstjórinn gegnir þar hlut-
verki hljómsveitarinnar, þar sem
hann sér um píanóleikinn. ■
Byrjar starfið í
Vestmannaeyjum
Fimmtudagur 09.10. kl 20:30 uppselt
Föstudagur 10.10. kl. 20 uppselt
Fimmtudagur 16.10. kl. 20 uppselt
Sunnudagur 19.10. kl. 16 uppselt
Sunnudagur 19.10. kl. 20 uppselt
Föstudagur 24.10 kl. 20 örfá sæti laus
Föstudagur 31.10. kl. 20 laus sæti
Ósóttar pantanir seldar daglega.
■ TÓNLIST
KURT KOPECKI
Nýr tónlistarstjóri Íslensku óperunnar þarf að vera allt í öllu, en svoleiðis vill hann hafa það. Í dag leikur hann á píanóið í Vestmannaeyj-
um á flutningi óperutvennunnar Frá Nagasakí til Alsír á 90 mínútum.
FR
ÉT
TA
B
LA
Ð
IÐ
/A
LD
A
LÓ
A