Fréttablaðið - 05.10.2003, Blaðsíða 32

32 5. október 2003 SUNNUDAGUR
ÆFT FYRIR UNDANÚRSLITIN
Taryn Swiatek, markvörður Kanada, lét til
sín taka á æfingu liðsins daginn fyrir und-
anúrslitaleikinn gegn Svíum á heimsmeist-
aramóti kvenna í fótbolta. Í hinum leiknum
eigast við lið Þýskalands og Bandaríkjanna.
Fótbolti
hvað?hvar?hvenær?
2 3 4 5 6 7 8
OKTÓBER
Sunnudagur
Skoska úrvalsdeildin:
Celtic á toppinn
FÓTBOLTI Celtic er nú í efsta sæti
skosku úrvalsdeildarinnar eftir
eins marks sigur á Glasgow
Rangers í gær.
Upphaflega var sóknarmanni
Celtic, John Hartson, eignað sig-
urmarkið en síðar kom í ljós að
um sjálfsmark Zurab Khizanis-
hvili, varnarmanns Rangers, var
að ræða. Markið kom á 46. mínútu
leiksins.
Bæði liðin sýndu mikinn bar-
áttuvilja í leiknum og hefði
Rangers alveg eins getað farið
með sigur af hólmi. Á 23. mínútu
varð Celtic fyrir áfalli þegar bera
þurfti Alan Thompson af leikvelli
vegna meiðsla í kálfa. Michael
Gray var settur inn á í hans stað
og var þetta fyrsti leikur hans
með Celtic á tímabilinu.
Rangers, sem vann fyrstu sjö
leiki deildarinnar, er í öðru sæti
eftir leikinn í gær, einu stigi á eft-
ir Celtic.
Önnur úrslit í skosku deildinni
voru þau að Motherwell vann
Dundee United 2:0, Hearts gerði
2:2 jafntefli við Dundee, Aber-
deen vann Kilmarnock 3:1,
Livingston og Dunfermline gerðu
markalaust jafntefli og Hibernian
vann Partick Thistle með einu
marki gegn engu. ■
Arsenal-sigur á Anfield Road
FÓTBOLTI Arsenal vann mikilvægan
útisigur á Liverpool í ensku úr-
valsdeildinni í fótbolta í gær.
Michael Owen, framherji
Liverpool, meiddist undir lok
leiksins og hugsanlegt er að hann
verði ekki með enska landsliðinu
gegn því tyrkneska eftir sex daga.
Harry Kewell kom Liverpool
yfir snemma í leiknum með
góðu skoti. Þetta var fyrsta
deildarmark Kewells fyrir
Liverpool síðan hann kom frá
Leeds í sumar. Brasilíumaður-
inn Edu jafnaði metin fyrir
Arsenal undir lok fyrri hálfleiks
eftir að boltinn hafði átt við-
komu í Sami Hyypiä, varnar-
manni Liverpool. Frakkinn knái
Robert Pires skoraði síðan sig-
urmark leiksins fyrir Arsenal í
síðari hálfleik með fallegu skoti
rétt fyrir utan teig.
Liverpool var betri aðilinn í
fyrri hálfleik en leikmenn liðsins
fóru illa með mörg marktækifæri.
Arsenal var öllu sterkara í þeim
síðari. Liðið nýtti sín færi betur í
leiknum og því fór sem fór.
Með sigrinum komst Arsenal
níu stigum á undan Liverpool í
deildinni. Arsenal hefur 20 stig í
efsta sætinu en Liverpool er með
11.
Meistarar Manchester United
eru í öðru sæti eftir 3:0 sigur á
Birmingham á Old Trafford. Van
Nistelrooy, Scholes og Giggs skor-
uðu mörk United. Maik Taylor,
markvörður Birmingham, var
rekinn af leikvelli á 34. mínútu
eftir að hafa brotið á Paul Scholes
inni í vítateig.
Newcastle vann sinn fyrsta
leik á tímabilinu þegar liðið vann
Southampton 1:0. Markahrókur-
inn Alan Shearer skoraði sigur-
markið undir lok fyrri hálfleiks.
Þetta var 250. deildarmark kapp-
ans á ferlinum.
David Pleat, nýráðinn knatt-
spyrnustjóri Tottenham, fagnaði
sínum fyrsta sigri þegar liðsmenn
Everton voru lagðir af velli á
White Hart Lane, 3:0. Kanoute,
Poyet og Robbie Keane skoruðu
mörk heimamanna.
Charlton, lið Hermanns Hreið-
arssonar, vann Portsmouth 2:1 eft-
ir að hafa lent undir í leiknum.
Teddy Sheringham skoraði sitt
sjötta deildarmark fyrir
Portsmouth í leiknum. Hermann
lék ekki með Charlton vegna
meiðsla.
Wolves vann sinn fyrsta leik í
úrvalsdeildinni þegar liðið lagði
Manchester City 1:0. Hvorki Jó-
hannes Guðjónsson né Ívar Ingi-
marsson voru í leikmannahópi
Wolves, sem enn situr á botni deild-
arinnar þrátt fyrir sigurinn. ■
LARSON
Craig Moore, leikmaður Rangers, reynir að stöðva Svíann Henrik Larsson á Ibrox-vellinum
í gær.
GIGGS
Ryan Giggs, leikmaður Manchester United,
rekur boltann framhjá Matthew Upson,
leikmanni Birmingham. United vann leik-
inn með þremur mörkum gegn engu.
ANDERTON
Darren Anderton (til hægri), leikmaður Tottenham, í leik liðsins gegn Everton á White Hart Lane. Tottenham vann leikinn 3:0.
PIRES
Robert Pires, leikmaður Arsenal, í baráttu við Steven Gerrard hjá Liverpool á Anfield Road
í gær. Pires skoraði sigurmark leiksins með glæsilegu skoti.
Arsenal heldur efsta sætinu í ensku úrvalsdeildinni eftir leiki gærdagsins. Manchester United er
skammt undan eftir öruggan sigur á Birmingham. Newcastle og Wolves unnu sína fyrstu leiki.
LEIKIR GÆRDAGSINS:
Liverpool - Arsenal 1:2
Man. Utd. - Birmingham 3:0
Newcastle - Southampton 1:0
Tottenham - Everton 3:0
Leeds - Blackburn 2:1
Fulham - Leicester 2:0
Portsmouth - Charlton 1:2
Wolves - Man. City 1:0
Staðan: L S
Arsenal 8 20
Man. Utd. 8 19
Chelsea 6 16
Fulham 7 14
Birmingham 7 14
Man. City 8 12
Southampton 8 12
Liverpool 8 11
Charlton 8 11
Portsmouth 8 9
Blackburn 8 8
Everton 8 8
Tottenham 8 8
Leeds 8 8
Aston Villa 7 7
Middlesbr. 7 7
Bolton 7 7
Newcastle 7 6
Leicester 8 5
Wolves 8 5
Enska úrvalsdeildin í dag:
Aston Villa - Bolton
Middlesbrough - Chelsea
AP
/M
YN
D
IR

11.30 Boltinn með Guðna Bergs á
Sýn.

12.45 Enski boltinn á Sýn. Bein út-
sending frá leik Middlesbrough og
Chelsea.

14.50 Enski boltinn á Sýn. Bein út-
sending frá leik Aston Villa og Bolton.

17.00 Markaregn á RÚV. Valdir
kaflar úr leikjum í þýsku Bundesligunni.

17.00 PGA Tour á Sýn. Bandaríska
mótaröðin í golfi.

17.00 Haukar mæta Víkingum að
Ásvöllum í RE/MAX-deild kvenna í
handbolta.

17.55 European PGA Tour á Sýn.
Evrópska mótaröðin í golfi.

18.50 UEFA Champions League á
Sýn. Fréttaþáttur um Meistarakeppni
Evrópu.

19.15 HKkeppir við Stjörnuna í
Digranesi í RE/MAX Suðurdeild karla í
handbolta.

19.15 Grótta KR tekur á móti Val í
íþróttahúsinu Seltjarnarnesi í RE/MAX-
deild karla í handbolta.

19.20 Spænski boltinn á Sýn. Bein
útsending frá leik Valencia og
Barcelona.

21.20 Boltinn með Guðna Bergs á
Sýn.

21.30 Helgarsportið á RÚV. Það
helsta sem gerðist um helgina.
TEKIÐ Á Í BEYGJUNNI
Gilles Panazzi, sem hefur þrisvar unnið í
San Remo, má nú sætta sig við fimmta
sætið.
San Remo:
Martin vann
alla áfanga
RALL Markko Martin fór hamförum
á öðrum degi San Remo-rallísins í
gær og vann alla áfanga sem keppt
var í. Það dugði honum þó ekki til
að ná efsta sætinu. Frakkinn
Sebastian Loeb hélt forystu sinni
með því að ná öðru sæti í þremur af
fjórum áföngum gærdagsins.
Martin fékk 30 sekúndna refs-
ingu fyrir að mæta of seint til
keppni en kenndi vandræðum með
rafmagnsbúnað bílsins um. Hann
hélt öðru sætinu frá fyrri keppnis-
degi og er 43,2 sekúndum á eftir
Loeb. Heimsmeistarinn Marcus
Grönholm er þriðji, rúmlega mín-
útu og tíu sekúndum á eftir fyrsta
manni. Næstir eru Spánverjinn
Carlos Sainz og Frakkinn Gilles
Panizzi, sem hefur þrisvar fagnað
sigri í rallinu í San Remo.
Rallinu lýkur í dag. Bæði Loeb
og Martin eiga möguleika á að
vinna þriðja mót sitt á keppnistíma-
bilinu. ■