Fréttablaðið - 30.11.2003, Blaðsíða 8

RANNSÓKN „Það sárasta í þessu máli
er hvernig stjórnvöld okkar hafa
mætt þessu fólki. Það er mér
óskiljanlegt,“ segir Karl Sigur-
björnsson, biskup Íslands, vegna
baráttu fjölskyldu Hjálmars heit-
ins Björnssonar,
sem lést voveif-
lega í Rotterdam
í Hollandi í júní
árið 2002. Fjöl-
skyldan hefur
krafist þess að
málið verði rann-
sakað með það
fyrir augum að
upplýsa hvort drengurinn hafi dáið
af mannavöldum.
Engin haldbær skýring hefur
fengist á því hvernig dauða piltsins
bar að en lík hans bar mikla
áverka. Hollenska lögreglan hefur
látið í veðri vaka að annað hvort
hafi verið um slys að ræða eða
hann fyrirfarið sér. Rannsóknin í
Hollandi stendur enn, 17 mánuðum
eftir dauðsfallið, en fjölskylda
Hjálmars telur að ekkert sé að ger-
ast í rannsókninni og hefur beðið
um aðstoð íslenskra stjórnvalda.
Davíð Oddsson forsætisráðherra
hefur í þrígang neitað að hitta fólk-
ið og vísað til þess að málið væri í
góðum höndum hjá dómsmálaráðu-
neyti og utanríkisráðuneyti.
Biskup Íslands hefur tvisvar
fundað með fjölskyldunni. Seinni
fundurinn var fyrr í vikunni. Þar
hét biskup allri þeirri aðstoð sem
væri á valdi kirkjunnar að veita.
Hann segir sárt að horfa upp á að
stjórnvöld bregðist fólkinu.
„Fjölskyldan á að baki mikla
þrautagöngu í kerfinu vegna þessa
máls. Það er sérkennilegt að þau
skuli koma að lokuðum dyrum þeg-
ar þau eru að leita hjálpar til þess
að krefja hollensk yfirvöld skýr-
inga á þessum hræðilega atburði,“
segir Karl.
Björn Hjálmarsson hefur beðið
íslensk yfirvöld að krefja þau hol-
lensku formlega um þau gögn sem
snúa að rannsókn á dauða Hjálm-
ars. Á það hafa stjórnvöld ekki fall-
ist en dómsmálaráðherra Íslands
hefur tekið málið óformlega upp
við hollenskan starfsbróður sinn en
án árangurs. Fjölskylda Hjálmars
hefur bent á viðbrögð hollenskra
yfirvalda þegar árás var gerð á
leikhúsið í Moskvu í október 2002
og 171 fórust; þeirra á meðal hol-
lensk stúlka. Þá hafi Hollendingar
krafist þess að rússnesk yfirvöld
afhentu öll gögn varðandi dauða
stúlkunnar. Karl segir stjórnvöld
bregðast fjölskyldunni og það sé
lágmarkið að hlusta.
„Við hvetjum stjórnvöld hér til
þess að taka á þessu máli strax og
krefjast rannsóknargagna. Málið
þolir enga bið og það verður að
taka formlega á því,“ segir Karl.
rt@frettabladid.is
8 30. nóvember 2003 SUNNUDAGUR
„Málið þolir
enga bið og
það verður
að taka form-
lega á því.
Hvílík gleði
„Hver sem er getur sett sig í
spor þeirra og ímyndað sér að
sitja þarna í leðurstól og hlusta
á tuðið í freku kynslóðinni.“
Mikael Torfason um hlutskipti ungra þing-
manna. DV, 29. nóvember.
Þó það
„Oft hafa mikil auðæfi safnast
að einstökum ættum og fjöl-
skyldum en þeir fjármunir hafa
hins vegar ekki reynst endingar-
góðir. Það veldi sem peningar
eða eignir skapa þessu fólki
duga í hundrað ár eða svo.“
Óskar Guðmundsson. DV, 29. nóvember.
Jæja já
„Er það trúlegt að Helgi Hjörvar
sé þeirrar skoðunar að í af-
greiðslu þingsins á auknum
stuðningi við öryrkja felist æru-
missir fyrir ráðherra?“
Haraldur Johannessen,
Morgunblaðið 29. nóvember.
Orðrétt
Formaður Stúdentaráðs harðorður í garð ráðamanna:
Háskólanum stillt upp við vegg
FJÁRLÖG Of lágar fjárveitingar til
Háskóla Íslands undanfarin ár,
sem duga ekki til að greiða fyrir
kennslu, gefa ekki til kynna að vilji
ráðamanna standi til þess að allir
þeir sem vilja stunda háskólanám
geti það, án þess að þurfa að sleppa
í gegnum síur eða greiða skóla-
gjöld. Þetta segir Davíð Gunnars-
son, formaður Stúdentaráðs.
„Við teljum stöðuna eins og hún
er orðin í dag mjög slæma,“ segir
Davíð og segir að ef stjórnvöld
leggi ekki fram fé til Háskólans í
samræmi við áætllaðan nemenda-
fjölda liggi fyrir að grípa þurfi til
víðtækra fjöldatakmarkana eða
leggja á skólagjöld. Háskóli Ís-
lands eigi nú þegar inni hjá ríkis-
sjóði greiðslur fyrir rúmlega 600
nemendur síðustu ár sem ekki hafi
verið greitt fyrir. Það jafngildi 300
til 400 milljónum króna.
„Í raun og veru er verið að stilla
Háskólanum upp við vegg og koma
honum í þá stöðu að innheimta
þurfi skólagjöld eða koma á allt of
víðtækum fjöldatakmörkunum,“
segir Davíð og leggur áherslu á að
það sé nokkuð sem Stúdentaráð
hafni alfarið. ■
Biskupinn segir að
stjórnvöld bregðist
Karl Sigurbjörnsson biskup hefur fundað tvisvar með fjölskyldu Hjálm-
ars heitins Björnssonar sem fannst látinn fyrir 17 mánuðum. Hann skor-
ar á stjórnvöld að krefja Hollendinga formlega um rannsóknargögn.
Jólapakkar til útlanda:
Fresturinn
styttist
PÓSTUR Þeir sem ætla að senda jóla-
pakka til landa utan Evrópu ættu að
hafa hraðan á því síðasti frestur til
að senda þá rennur út á miðvikudag.
Þeir sem ætla að senda pakka úr
landi en innan Evrópu hafa frest til
12. desember. Tekið er á móti jóla-
pökkum í öllum pósthúsum og af-
greiðslustöðum Póstsins. Í desem-
ber verða helstu pósthús opin lengur
og afgreiðsla í öllum Nóatúnsversl-
unum á höfuðborgarsvæðinu opin
alla daga frá morgni til kvölds. Þá
verða sérstök jólapósthús sett upp í
Kringlunni, Smáralind, Mjóddinni,
Firði í Hafnarfirði og Glerártorgi á
Akureyri í desember. ■
Dauði Díönu prinsessu:
Sýknaðir
PARÍS, AP Dómstólar í París sýkn-
uðu þrjá ljósmyndara sem tóku
myndir af Díönu prinsessu og
unnusta hennar Dodi Fayed í
dauðateygjunum. Ljósmyndar-
arnir voru ákærðir fyrir brot á
lögum um friðhelgi einkalífsins
og áttu yfir höfði sér allt að eins
árs fangelsi yrðu þeir fundnir
sekir. Myndirnar, sem voru tekn-
ar þegar Díana og Dodi Fayed
fórust í bílslysi í París árið 1997,
eru í vörslu lögreglunnar og
hafa aldrei verið gefnar út.
Ljósmyndararnir játuðu að
hafa tekið myndir á slysstað en
neituðu að hafa brotið lög um
friðhelgi einkalífsins þar sem
þeir hefðu ekki opnað dyrnar á
bílnum. Það var Mohammed Al
Fayed, faðir Dodis, sem kærði
ljósmyndarana. ■
Skráning nýnema:
Fá inni með
fyrirvara
ATVINNUMÁL Svæðisráð svæðis-
vinnumiðlun Suðurnesja skorar á
Menntamálaráðuneytið, fjárveit-
ingavaldið og Alþingi að tryggja
að framlög til Fjölbrautaskóla
Suðurnesja séu í samræmi við að-
sókn.
Í ályktun svæðisráðsins segir
að í ljósi alvarlegs ástands at-
vinnumála á Suðurnesjum og
fækkunar starfa hjá varnarliðinu,
þurfi vart að taka það fram hvaða
afleiðingar það hefði á atvinnu-
leysi ef þar bættust við 150-200
ungmennum af Suðurnesjum yrði
vísað frá Fjölbrautaskóla Suður-
nesja vegna skorts á fjárveiting-
um til kennslu, nýnemum er sagt
að inntaka þeirra sé háð fjárveit-
ingum. ■
SJÁVARÚTVEGUR „Stórt skref í átt til
aukinnar sáttar um sjávarútveg
fælist í því að takmarka verulega
eða jafnvel banna framsal afla-
heimilda innan ársins, nema þeg-
ar um tegundaskipti er að ræða,“
sagði Árni Bjarnason, forseti Far-
manna- og fiskimannasambands-
ins, í setningarræðu á þingi sam-
bandsins.
Árni sagði að öll umræða og
allt púður eftir kosningarnar í vor
hefði farið í að ræða línuívilnun
og byggðakvóta en vart hefði ver-
ið minnst einu orði á framsal afla-
heimilda. Það væri sannarlega
stórmál sem löngu væri tímabært
að taka á.
„Ég skora hér með á alla þá að-
ila sem saman stóðu að tillögunum
fyrir tveimur árum að dusta af
þeim rykið, skerpa á þeim og
knýja á um að stjórnvöld taki til
greina sameiginlegar óskir og til-
lögur aðila sjávarútvegsins,“
sagði Árni Bjarnason. ■
Forseti Farmanna- og fiskimannasambandsins:
Vill takmarka framsalið
FRÁ 41. ÞINGI FFSÍ
Framsalið hefur fallið í skuggann af umræðu um línuívilnun og byggðakvóta.
FR
ÉT
TA
B
LA
Ð
IÐ
/G
VA
KARL SIGURBJÖRNSSON
Óskiljanlegt að fjölskyldan skuli koma að
lokuðum dyrum.
BJÖRN HJÁLMARSSON
Hefur barist þrotlaust fyrir því að rann-
sókn fari fram á dauða sonar síns.
DAVÍÐ GUNNARSSON
Formaður Stúdentaráðs vill að einka-
leyfagjald Happdrættis Háskóla Ís-
lands verði afnumið og það notað til
að efla húsakost skólans.
Nýstárleg og
aðgengileg bók
um drauma
Íslendinga
fyrr og nú.
Draumalandið
komið í verslanir
Draumasetrið
Skuggsjá