Fréttablaðið - 30.11.2003, Blaðsíða 11

11SUNNUDAGUR 30. nóvember 2003
HÁTT Í 500 STÖÐVAÐIR
Lögreglan í Reykjavík stöðvaði á
milli 400 og 500 ökutæki í fyrr-
inótt. Sex ökumenn reyndust
vera með útrunnin ökuskírteini.
Þá voru lyklarnir teknir af tveim-
ur ökumönnum vegna áfengis-
neyslu, þeir voru undir mörkum
en urðu að leggja bílum sínum.
DATT ÚR INNKAUPAKÖRFU
Þriggja ára barn meiddist þegar
það datt úr innkaupakerru í
Holtagörðum rétt fyrir klukkan
tvö í gær. Barnið lenti með höfuð-
ið á járnlista á gólfinu og hlaut
áverka á hnakka og andlit. Það
var flutt með sjúkrabíl á slysa-
deild.
■ Lögreglufréttir
RÍKISSTJÓRN Stefnt er að því að ný
stofnun, Evrópska landamæra-
stofnunin, taki til starfa árið
2005.
Björn Bjarnason dómsmála-
ráðherra greindi frá þessu á síð-
asta ríkisstjórnarfundi. Stofnun
hinnar nýju landamærastofnunar
var rædd á fundi ráðherra um
málefni Schengen á fimmtudag-
inn, þar sem Björn var í forsæti.
Bæði Ísland og Noregur munu
eiga aðild að stofnuninni vegna
þess að hún byggir á Schengen-
samkomulaginu. Hin nýja stofn-
un mun hvorki fara með lagasetn-
ingarvald né bera ábyrgð á
landamæravörslu. Hún mun aftur
á móti vinna að því að samhæfa
samvinnu landamæravarða, að-
stoða ríki við þjálfun landamæra-
vörslu og framkvæma áhættu-
greiningu fyrir hvert ríki. Stofn-
unin mun enn fremur hafa það
hlutverk að aðstoða ríki þegar
upp koma sérstakar aðstæður
vegna álags á einstaka hluta ytri
landamæra og við að framkvæma
brottvísanir sameiginlega.
Á fundi ráðherra um málefni
Schengen náðist samkomulag um
aðgerðir til að berjast gegn ólög-
legum innflutningi fólks yfir
landamæri sem liggja að sjó. ■
BJÖRN BJARNASON
Dómsmálaráðherra hefur greint ríkisstjórn-
inni frá áætlunum um stofnun Evrópsku
landamærastofnunarinnar.
Evrópska landamærastofnunin tekur til starfa 2005:
Ísland þátttakandi
Georg Lárusson:
Fólk, ekki
vinnuafl
LEIÐRÉTTING „Við þurfum að gera
okkur grein fyrir því að við erum
að flytja inn fólk en ekki vinnuafl
og þurfum að gera það eftir
ákveðnu skipulagi til samræmis við
íslensk lög,“ segir Georg Lárusson,
forstjóri Útlendingastofnunar, um
fólksflutninga hingað til lands.
Í blaðinu í gær snerist orðalagið
við þannig að það varð að verið
væri að flytja inn vinnuafl en ekki
fólk. Þá er rétt að árétta að fólk
sem fær dvalarleyfi hérlendis
fær það oftast framlengt að ári
liðnu, en ekki hæli eins og mis-
ritaðist í myndatexta með frétt-
inni. ■
Hætta á faraldri
Í skýrslu WHO er einnig varað
við því að vandinn gæti vaxið
skjótt á næstu árum þar sem mik-
il hætta sé á faraldri í Austur-Evr-
ópu og Mið-Asíu. Talið er að um
14.000 manns smitist daglega í
heiminum og segja starfsmenn
WHO að með aukinni tækni við
upplýsingaöflun séu tölurnar í ár
mun áreiðanlegri en á undanförn-
um árum.
„Fólk sem býr á svæðinu sunn-
an Sahara í Afríku er enn í mestri
smithættu, en um 30% smitaðra í
heiminum búa á því svæði. Í Suður-
Afríku eru um 5,3 milljónir manna
HIV-smitaðar, fleiri en í nokkru
öðru landi í heiminum, og í
Botswana og Swazílandi eru 39%
íbúanna smituð. Af öllum nýjum
smitum í heiminum greinast tvö af
hverjum þremur á umræddu
svæði sunnan Sahara og þrír af
hverjum fjórum sem látast úr al-
næmi eru þaðan,“ segir meðal ann-
ars í skýrslunni, sem einnig sýnir
að lönd í Asíu og Austur-Evrópu
standa nú frammi fyrir hættunni á
meiriháttar alnæmisfaraldri. Þar
er um að ræða lönd eins og Kína,
Indland, Indónesíu og Rússland en
þar hefur HIV-smituðum fjölgað
ískyggilega á síðasta ári og er auk-
inni misnotkun vímuefna og ógæti-
legu kynlífi aðallega kennt um. Í
skýrslunni segir að grípa verði til
róttækra aðgerða í umræddum
löndum svo hægt verði að koma í
veg fyrir frekari útbreiðslu HIV-
veirunnar og jafnframt tryggja
meðferðarúrræði til bjargar millj-
ónum smitaðra. ■
SMITAÐIR Í HEIMINUM
ÁRIÐ 2002:
Ástralía og Nýja-Sjáland 15.000.
Karíbahafseyjar 440.000
Mið-Austurlönd og N-Afríka 550.000
Vestur-Evrópa 570.000
Norður-Ameríka 980.000
Austur-Evrópa og Mið-Asía 1.200.000
Austur-Asía og Kyrrahafseyjar 1.200.000
Mið- og Suður-Ameríka 1.500.000
Suður- og Suðaustur-Asía 7.200.000
Afríka sunnan Sahara 29.400.000
AUKNING HIV-SMITA
Á ÁRUNUM 1999-2002:
Austur-Evrópa og Mið-Asía 196,0%
Austur-Asía og Kyrrahafseyjar 75,5%
Mið-Austurlönd og Norður-Afríka 74,0%
Karíbahafseyjar 53,0%
Afríka sunnan Sahara 52,0%
Mið- og Suður-Ameríka 35,0%
Ástralía og Nýja-Sjáland 7,0%
Vestur-Evrópa 15,0%
Norður-Ameríka 16,0%
Suður- og Suðaustur-Asía (engar tölur)
40 MILLJÓNIR SMITAÐAR
Talið er að um 40 milljónir manna séu
HIV-smitaðar í heiminum í dag, sem er
meira en heildaríbúatala Póllands. Þar
af búa nærri tveir þriðju á svæðinu í
Afríku sunnan Sahara og í tveimur
löndum á því svæði eru nærri 40%
íbúanna smituð. Meira en 3 milljónir
manna hafa látist úr alnæmi í heimin-
um á árinu 2003 og aldrei hafa fleiri
greinst HIV-smitaðir á einu ári, um 5
milljónir. Varað er við hættu á faraldri í
Kína, Indónesíu, Papúa, Víetnam,
nokkrum löndum Mið-Asíu, Eystrasalts-
löndunum og Norður-Afríku, verði ekk-
ert að gert. Daglega smitast um
14.000 manns af HIV-veirunni í öllum
heiminum, þar af 95% í þróunarlönd-
unum.