Fréttablaðið - 13.12.2003, Qupperneq 64

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
REYNIS TRAUSTASONAR
Ég, ráðherra
Opið til 22:00 til jóla
Nýtt kortatímabil
Ég hef verið að hugsa hvernig bestverði að samræma ellilífeyri og
höfundarlaun. Stöðug heilabrot hafa
leitt mig að þeirri niðurstöðu að eina
leiðin sé sú að verða forsætisráð-
herra.
ÉG ÆTLA á valdaferli mínum að
stela örlítið frá höfundi stafrófsins og
rita smásagnabækur til að undirbúa
jarðveginn fyrir hömlulítil skrif á
óskertum bótum. Þegar er kominn tit-
ill á fyrstu smásögubókina sem ég
ætla að lesa upp úr á Gráa kettinum.
Hún mun heita Margir súrir dagar á
sjómannaafslætti og vísar til ferils
míns sem sjómanns þegar ég hafði
milljónir af ríkinu. Ég verð í senn góð-
ur og virðulegur forsætisráðherra og
ætla að láta mér vaxa krullur að því
marki sem kalblettir á höfði leyfa. Svo
ætla ég að vera óspar á að berja ör-
yrkja til hlýðni. Þeir hafa verið ofaldir
í allsnægtaþjóðfélaginu líkt og at-
vinnuleysingjar sem hafa fengið allt
of marga daga greidda. Og bankastjór-
ana ætla ég að tukta til eftir and-
vökunætur í stjórnarráðinu.
JARÐVEGURINN fyrir valdatöku
mína hefur þegar verið undirbúinn.
Fráfarandi forsætisráðherra hefur
unnið gott starf á því sviði með aðstoð
vina sinna á Alþingi. Þannig hefur
hann tryggt að ég geti farið á eftirlaun
55 ára með 555 þúsund krónur á mán-
uði. Þetta er fjármagnað með því að
afnema sjómannaafslátt sem hefur
verið misnotaður af mönnum sem fátt
gera annað en að veiða fisk. Þá hefur
fráfarandi forsætisráðherra fengið fé-
laga sína til að skjóta inn í lög bráð-
nauðsynlegu ákvæði um að ritstörf
mín skerði ekki lífeyrisréttindin.
Reyndar hefði mér fundist að þetta
ákvæði hefði átt að vera bundið við þá
ráðherra eina sem eru uppaldir á Vest-
fjörðum eða fæddir á Selfossi í skjóli
skammlífra afa.
FRAMBOÐ mitt til forsætisráðherra
verður að eiga sér stað hið bráðasta
svo ég geti sest í helgan stein 55 ára.
Þangað til eru aðeins fimm ár. Sem fé-
lagi í Sjálfstæðisfélagi Árbæjarsóknar
hef ég hugsað mér að hefja hina póli-
tísku för mína á efsta tind. Ég ætla að
byrja á því að bjóða mig fram til vara-
formanns þar sem skýrt mun koma
fram að ég verði formaður á þarnæsta
tímabili. Á meðan ég bíð eftir því ætla
ég að móta stefnu flokksins og sækja
nokkur góð námskeið á Grænlandi.
Eftir þrjú ár mun ég stökkva fullskap-
aður á formannsstólinn. Þegar ég loka
augunum sé ég fyrir mér þúsundir
sjálfstæðismanna sem falla með and-
köfum að fótum mér. Svo verð ég for-
sætisráðherra í tvö ár. ■