Fréttablaðið - 03.01.2004, Blaðsíða 4

4 3. janúar 2004 LAUGARDAGUR
Ertu sammála vali á íþróttamanni
ársins 2003?
Spurning dagsins í dag:
Hvernig fannst þér áramótaskaupið?
Niðurstöður gærdagsins
á www.frett.is
17%
73%
Nei
Já
Kjörkassinn
Farðu inn á frett.is og segðu þína skoðun
frétt.is
■ Flugmál
■ Ameríka
Þingmaður í mótmælaaðgerðum:
Látinn laus úr haldi
JERÚSALEM, AP Yfirvöld í Ísrael hafa
látið lausan úr haldi sænskan þing-
mann sem var handtekinn þegar
hann tók þátt í mótmælaaðgerðum
gegn byggingu ísraelsks varnar-
múrs á Vesturbakkanum. Gustav
Fridolin, sem er þingmaður Græn-
ingja, snýr sjálfviljugur aftur til
Svíþjóðar á sunnudag.
Fridolin, sem er tvítugur, var
einn fjögurra útlendinga sem voru
handteknir á gamlársdag þegar
ísraelskir hermenn leystu upp mót-
mælafund við þorpið Budrus á
Vesturbakkanum. Á fundinum var
verið að mótmæla byggingu 750
kílómetra varnarmúrs í kringum
byggðir Ísraela á Vesturbakkan-
um. Fridolin heldur því fram að
Ísraelar hafi beitt hann harðræði
þegar hann var handtekinn. ■
Líst ekki vel á
breytingarnar
Jóhanna Sigurðardóttir segir hugmyndir um breytingar á húsnæðislána-
kerfinu vera lið í að færa kerfið úr höndum ríkis til einkaaðila. Þá myndu
bankarnir „mala gull“ en kjör til almennings ekki batna, segir hún.
HÚSNÆÐISLÁN Jóhanna Sigurðardótt-
ir, þingmaður Samfylkingarinnar og
fyrrverandi félagsmálaráðherra, er
ekki hrifin af þeim breytingum sem
kynntar hafa verið á húsnæðislána-
kerfinu. Hún telur að hugmyndirn-
ar séu skref í þá átt að færa hús-
næðislánakerfið frá ríkinu og yfir
til einkaaðila.
„Mér finnst þessi kerfisbreyting
líkjast óþægilega mikið því biðraða-
kerfi sem var hér
frá 1986. Það
kerfi hrundi og
húsbréfakerfið
leysti það af
hólmi,“ segir Jó-
hanna.
Hún segir að
aðstæðurnar séu
að einhverju leyti
aðrar nú þar sem
meiri peningar
séu í umferð en
telur engu að síð-
ur að í þessum
breytingum felist
möguleiki á því
að verið sé að
taka upp „biðraðakerfi.“
„Mér finnst að þessi leið stað-
festi að það er einungis tímaspurs-
mál þar til opinbera húsnæðislána-
kerfið fari alveg inn í bankakerfið.
Bankarnir munu mala gull á þeirri
breytingu,“ segir Jóhanna. Hún tel-
ur að bankarnir muni bæta sér upp
lægri vaxtatekjur með auknu vaxta-
og áhættuálagi. „ Það er því alls
óvíst að þetta muni bæta hag íbúð-
areigenda,“ segir hún. Sérstaklega
varar hún við því að ríkisábyrgð á
húsnæðislánum verði aflétt.
Jóhanna telur að í þessum hug-
myndum felist uppgjöf gagnvart
því markmiði að hækka húsbréfa-
lánin upp í 90%. „Mér finnst þetta
svolítið endurspegla að félagsmála-
ráðherra hafi gefist upp og að fram-
sóknarmenn hafi eina ferðina enn
beygt sig fyrir Sjálfstæðisflokknum
sem vill sjá almenna húnsæðiskerf-
ið fara inn í bankanna og afnema
ríkisábyrgðina,“ segir hún.
Jóhönnu finnst „furðulegt að það
skuli verið að leggja af húsbréfa-
kerfi sem hefur gengið fullkom-
lega“ og segist ekki eiga von á því
að haft hafi verið samráð við verka-
lýðshreyfinguna eða aðra um þessa
breytingu.
thkjart@frettabladid.is
Uppgjör við fortíðina:
Allir náðaðir
BERN, AP Nú þegar tæp sextíu ár eru
liðin frá lokum síðari heimsstyrjald-
arinnar hafa yfirvöld í Sviss náðað
alla þá sem dæmdir voru fyrir að
hjálpa gyðingum sem lagt höfðu á
flótta frá öðrum Evrópuríkjum.
Með lögum sem gengu í gildi 1.
janúar hafa allir dómar sem kveðnir
voru upp yfir þeim sem aðstoðuðu
gyðinga á meðan á stríðinu stóð
verið felldir úr gildi. Fólkið, sem
ýmist sat í fangelsi eða var gert að
greiða sektir, á þó ekki rétt á bótum
frá svissneska ríkinu.
Sviss var hlutlaust í síðari heims-
styrjöldinni. Árið 1942 lokuðu Sviss-
lendingar landamærum sínum fyrir
fólki sem sætti ofsóknum í öðrum
Evrópuríkjum vegna kynþáttar. ■
OLÍUHÖFN LOKAÐ Í ALASKA Olíu-
höfninni í Prins Williams sundi í
Alaska var lokað á þriðjudaginn í
tvo daga vegna ótta við hugsanlega
hryðjuverkaárás. Að sögn tals-
manns bandaríska öryggismála-
ráðuneytisins var lokunin hluti af
áframhaldandi viðleitni stjórnvalda
til þess að tryggja
öryggi heima fyrir með tilliti til
hækkaðs viðbragðsstigs af ótta við
hryðjuverkaárásir yfir hátíðarnar
JARÐSKJÁLFTI Í MEXÍKÓ Sterkur
jarðskjálfti um 5,7 á Richter-
kvarða skók Mexíkóborg og borg-
ina Acapulco í Mexikó á nýársdag
og fylgdi annar nokkru vægari í
kjölfarið. Skjálftarnir ollu litlum
sem engum skemmdum og engar
fréttir höfðu í gær borist af meiðsl-
um. Í Mexíkóborg varð fólk þó
óttaslegið minnugt stóra skjálftans
árið 1985 þegar um 10.000 manns
fórust.
ARISTIDE LOFAR KOSNINGUM Jean
Bertrand Aristide, forseti Haiti,
lofaði því í hátíðarræðu á nýárs-
dag, þegar Haiti-búar minntust
þess að 200 ár voru liðin frá því að
þeir hlutu sjálfstæði frá Frökkum,
að þingkosningar færu fram á
þessu ári. Hann nefndi þó enga
dagsetningu en lofaði aukinni að-
stoð við fátæka. Til átaka kom milli
stuðningsmanna og andstæðinga
forsetans við hátíðarhöldin.
LÉTTUR Í SPORI
Bush Bandaríkjaforseti ávarpaði frétta-
menn áður en hann fór um borð í forseta-
flugvélina, Air Force One, á Brooks County
flugvellinum í Texas.
Áramótaheit Bandaríkja-
forseta:
Vill komast
í form
TEXAS, AP George W. Bush Banda-
ríkjaforseti strengdi þess heit að
vera duglegri við að fara út að
hlaupa á nýja árinu. Forsetinn seg-
ist ætla að reyna að komast í betra
form en hann hefur ekki getað
stundað mikla líkamsrækt að und-
anförnu vegna meiðsla á hné.
„Ég sakna þess að hlaupa,“ sagði
Bush þegar hann ávarpaði blaða-
menn í Texas á nýarsdag. Forsetinn
sagði að til greina kæmi að minnka
sætindaát en þvertók fyrir að hann
ætlaði að hætta að borða nautakjöt
af ótta við kúariðu. Bush ítrekaði að
Bandaríkjamenn gætu áhyggjulaus-
ir lagt sér nautakjöt til munns þar
sem allt hefði verið gert til að koma
í veg fyrir að sjúkdómurinn næði að
breiðast út. ■
Fyrrum forsetar Skáksambands ósáttir við takmarkanir á fjölda erlendra skákmanna:
Telja að breyta verði reglunum
SKÁK Reglur um takmarkanir við
þátttöku erlendra skákmanna í
Íslandsmóti skákfélaga þjónar
ekki hagsmunum íslensku skák-
hreyfingarinnar og réttast er að
þeim verði breytt. Þetta segja
þrír fyrrverandi forsetar Skák-
sambands Íslands sem voru í
mótsstjórn Íslandsmótsins.
Samkvæmt reglunum mega
einungis fjórir erlendir skák-
menn vera í hverri átta manna
sveit félaga. Á grundvelli þeirra
voru sigurskákir fimmta er-
lenda skákmanns Hróksins
dæmdar tapaðar þó mótsstjórn-
in væri öll andvíg þessum tak-
mörkunum. Hún vill að lögunum
verði breytt.
„Yfirlýsing mótsstjórnarinn-
ar er til marks um að þeir ágætu
herramenn sem hana skipa telja
reglur um Íslandsmótið á skjön
við landslög á Íslandi þó þeir
treysti sér ekki til annars en að
dæma eftir þessum vafasömu
reglum,“ segir Hrafn Jökulsson,
formaður Hróksins, sem segir
að farið verði með málið jafn
langt og þörf krefur. „Okkar er-
lendu meistarar eiga einna
mestan þátt í þeirri allsherjar-
vakningu sem er í skáklífinu á
Íslandi. Við munum aldrei gera
málamiðlanir um réttindi þeirra
til að tefla á Íslandi.“ ■
SNÆFUGL SU
Snæfugl er brunnbátur sem aðallega hefur
verið notaður er til að flytja lax úr eldis-
kvíum Sæsilfurs til slátrunar hjá Síldar-
vinnslunni hf. Í Neskaupstað.
Fjarðabyggð:
Snæfugl SU
flytur eldis-
þorsk
SJÁVARÚTVEGUR Brunnbáturinn Snæ-
fugl SU flutti fyrir skömmu lifandi
þorsk úr kvíum Útgerðarfélags Ak-
ureyringa, sem staðsettar eru í
Steingrímsfirði á Ströndum, í kvíar
við Krossanes í Eyjafirði. Alls voru
tæp 30 tonn af þorski flutt og virtist
honum ekki hafa orðið meint af
ferðalaginu að því er segir á heima-
síðu SVN. Snæfuglinn mun á milli
hátíðanna flytja lifandi þorsk úr
eldiskvíum Síldarvinnslunnar í
Norðfirði til slátrunar í fiskiðjuveri
Síldarvinnslunnar.
Snæfugl er brunnbátur sem aðal-
lega hefur verið notaður er til að
flytja lax úr eldiskvíum Sæsilfurs
til slátrunar hjá Síldarvinnslunni hf.
Í Neskaupstað. ■
FRIDOLIN
Sænski þingmaðurinn Gustav Fridolin (fyrir miðju) var fluttur á lögreglustöð Givat Zeev,
skammt frá Jerúsalem, ásamt þremur öðrum útlendingum.
FRÉTTABLAÐIÐ/ELMA GUÐMUNDSDÓTTIR
VIÐ SKÁKBORÐIÐ
Hrafn Jökulsson segir þá sem vilja
takmarka fjölda erlendra skákmanna
vera afturhaldsöfl í skáklífinu.
JÓHANNA SIGURÐARDÓTTIR
Jóhanna átti mikinn þátt í að setja núverandi kerfi húsbréfa á fót. Hún telur að það kerfi
hafi sýnt gildi sitt og ekki þurfi að breyta því.
„Mér finnst
að þessi leið
staðfesti að
það er ein-
ungis tíma-
spursmál þar
til opinbera
húsnæðis-
lánakerfið fari
alveg inn í
bankakerfið.“
FRAMTÍÐARSKIPAN FLUGMÁLA
Samgönguráðherra hefur skipað
fimm manna nefnd til að gera til-
lögur að nýrri framtíðarskipan
flugmála. Hún mun skoða starf-
semi Flugmálastofnunar og meðal
annars hvort aðskilja beri þjónustu
hennar frá stjórnsýslu og eftirlits-
hlutverki. Þá verður staða Kefla-
víkurflugvallar skoðuð en hann
heyrir undir utanríkisráðuneytið.