Fréttablaðið - 03.01.2004, Blaðsíða 25

Kringlunni og Smáralind
Útslan hefst í dag
Mikil
verðlækkun
Mikið úrval
s í m i 5 5 3 8 0 5 0 • w w w . e c c o . c o m
G E R Ð U F R Á B Æ R K A U P !
afsláttur af völdum tegundum
20-50%
Kringlunni
50%
Útsala hefst í dag
LAUGARDAGUR 3. janúar 2004
Metsölubækur ársins í Bretlandi
Harry Potter siguvegari ársins
J. K. Rowling, getur fagnað nýjuári sem sigurvegari. Bækur
hennar um Harry Potter eru met-
sölubækur um allan heim og á síð-
asta ári seldi hún á Bretlandi 3.3
milljónir eintaka af nýjustu bók
sinni, Harry Potter og Fönix-
reglan, auk ríflega milljón eintaka
af eldri bókunum. Hún er met-
söluhöfundur ársins í Bretlandi
og á fyrstu fimm bækurnar á
barnabókalista Sunday Times yfir
mest seldu barnabækurnar, sem
er ansi vel af sér vikið af höfundi
sem hefur skrifað fimm bækur.
Hinn bandaríski Michael Moore
getur einnig fagnað því bók hans
Stupid White Men er í efsta sæti í
Bretlandi yfir bækur almenns eðlis
og seldist árið 2003 í nær hálfri
milljón eintaka. Hann seldi á sama
ári rúm 100.000 eintök af Dude,
Where’s My Country? og víst er að
sú bók á einnig eftir að seljast vel á
þessu ári.
Alice Sebold seldi skáldsögu
sína, Svo fögur bein, í rúmlega hál-
fri milljón eintaka og Yann Martel
seldi örlítið minna af Sögunni af Pi.
Að lokum má geta þess að ævi-
saga Davids Beckham, My Side,
seldist í rúmum 400.000 eintökum,
jafnvel þótt einhverjir gagn-
rýnendur leyfðu sér að gera
stólpagrín að bókinni fyrir það
sem þeim fannst vera barnsleg
heimsýn. ■
Auglýsinga-
banni aflétt í
Frakklandi
Rúmlega þrjátíu ára banni viðbókaauglýsingum hefur verið
aflétt í Frakklandi. Bannið var í upp-
hafi hugsað sem eins konar verndar-
aðgerð gagnvart
minni bókaútgáfu-
fyrirtækjum sem
hefðu ekki fjárráð
til að auglýsa. Nú
hefur ströng
tilskipun frá
Brussel um
frjálsa samkeppni
orðið til að breyta
stöðu mála og
bókaauglýsingar
eru nú heimilaðar.
Fyrsta auglýsing-
in birtist 1. janúar
síðastliðinn en þá var bók Paus
Burrell um Díönu prinsessu auglýst í
30 sekúndur. Útgefandinn Michel
Lafon kaus að hafa auglýsingu sína í
svart hvítu til að leggja áherslu á að
bókin væri klassísk spennusaga.
Ekki eru allir franskir útgefendur
jafn ánægðir með að auglýsinga-
banninu skuli hafa verið aflétt. Einn
útgefandi, Bernard Lefort, sem er
rétt að hefja útgáfu telur að þetta
muni leiða til þess að æ erfiðara
verði að koma bókum nýrra höfunda
á framfæri. ■
Metsölubók
orðin kvikmynd
Ein þeirra bóka sem kom út hérá landi fyrir jól í íslenskri þýð-
ingu er Stúlka með perlueyrna-
lokk eftir Tracy Chevalier. Bókin
varð nýlega að kvikmynd sem
hefur fengið afar góða dóma
gagnrýnenda. Í millitíðinni hefur
höfundurinn skrifað tvær aðrar
skáldsögur.
Í bókinni segir frá sambandi
listmálarans Vermeers og ungrar
þjónustustúlku sem verður fyrir-
sæta á einu þekktasta málverki
hans. Bókin kom fyrst út árið 1999
og höfundurinn, Tracy Chevalier,
var einungis átta mánuði að skrifa
hana en hún varð barnshafandi á
ritunartímanum og segist hafa
lagt allt kapp á að ljúka bókinni
fyrir fæðingu barns síns. Fram að
þessu hefur bókin selst í tveimur
milljónum eintaka, nokkuð sem
höfundurinn segist aldrei hafa
getað ímyndað sér. Chevalier við-
urkennir þó að meðan hún vann að
bókinni hafi hún ímyndað sér leik-
ara í hlutverkum persóna og nefn-
ir þar Alan Rickman sem
Vermeer. Í hlutverki þjónustu-
stúlkunnar Griet hafi hún ímynd-
að sér einhverja óþekkta unga
leikkonu í leiklistarnámi.
Eitt skilyrði sem Chevalier
setti áður en hún seldi kvik-
myndaréttinn að bók sinni var að
aðalpersónurnar svæfu ekki sam-
an. Að þessu var gengið og eftir
það skipti hún sér ekki meir að
handritagerðinni. Alan Rickman
fékk ekki hlutverk Vermeers
heldur Colin Firth og hin sautján
ára Scarlett Johansson leikur
Griet. Hún þykir standa sig svo
vel að jafnvel er veðjað á að hún
fái Óskarstilnefningu fyrir leik
sinn. ■
■ Sagt og skrifað
J.K. ROWLING
Hún getur fagnað nýju ári sem sigurvegari.
DÍANA PRINSESSA
Bók um hana er
sú fyrsta sem
auglýst er í frönsku
sjónvarpi í 30 ár.TRACY CHEVALIERBók hennar, Stúlkan með perlueyrnalokk,
er nú orðin að kvikmynd sem fær góða
dóma.
Frábært fjöldasjálfsmorð
Síðasta bók sem er ég las erDýrðlegt fjöldasjálfsmorð eftir
Arto Paasilinna,“ segir lesandi vik-
unnar, Davíð Þór Jónsson. „Konan
mín hafði fyrr á árinu gefið mér
Ár hérans eftir sama höfund og ég
las hana mér til mikillar ánægju
og tengdamóðir mín gaf mér
þessa. Hún er skemmtilegasta bók
sem ég hef lesið í háa herrans tíð.
Nú er ég að myndast við að lesa á
sænsku fleiri bækur eftir Paasil-
inna sem ég varð mér út um.
Af íslenskum bókum sem ég
hef lesið líkar mér best við Andlit
eftir Bjarna Bjarnason. Hún er
skemmtilega dularfull og óvenju-
leg að mörgu leyti. Aðalsöguhetjan
jaðrar til dæmis við að vera af öðr-
um heimi.
Ég las Storm eftir Einar Kára-
son. Hún er örugglega mjög
skemmtileg en ég hef bara svo lítið
þol fyrir óþolandi fólki að það trufl-
aði mig stundum hvað mig langaði
mikið til að fara inn í bókina og
hrista þennan gæja aðeins. Það
þarf líklega ákveðna hæfileika til
að skapa persónu sem er svo leiðin-
leg en um leið svo trúverðug að
maður verður í alvöru fúll út í hana.
Ég las líka Herra Alheim
eftir Hallgrím Helgason
og mér fannst hún ekki
skemmtileg. Ég hef
gaman af fantasíuskáld-
skap og les þó nokkuð
mikið af honum. Love
Star eftir Andra Snæ
Magnason fannst mér til
dæmis frábær bók og ég
var því spenntur þegar
ég frétti af Herra
A l h e i m i .
Grunn-
hug-
myndin í bókinni er vissulega
skemmtileg en mér finnst verða
minna úr henni en efni hefðu getað
staðið til. Fólk sem hefur gaman af
Hallgrími hefur örugglega gaman
af Herra Alheimi, en ég hef aldrei
verið í aðdáendahópi Hall-
gríms og haft lítið þol fyrir
þeim merkingarlausa
vaðli sem einkennir oft
hans skrif. Þetta er stíl-
bragð sem sumum finnst
alveg frábært en ég hef
ekki þolinmæði gagnvart.
Þegar ég les Hallgrím líður
mér stundum eins og ég sé að
hlusta á nútímadjass - ég er
týndur einhvers staðar og veit
ekkert hvar ég er í laginu. Á
sama hátt og nútímadjass
klikkar á því að spila fyrir
mann lag þá klikkar Hall-
grímur stundum á því að
segja manni sögu. Ég
komst þó í gegnum
þessa bók, sem er
meira en ég get sagt
um síðustu bók eftir
hann sem ég reyndi
að lesa, Þetta er allt
að koma.“ ■
DAVÍÐ ÞÓR
JÓNSSON
Hann segir Dýrðlegt
fjöldasjálfsmorð vera
skemmtilegustu bók
sem hann hafi lesið í
háa herrans tíð.
Ég las Storm eftir
Einar Kárason.
Hún er örugglega mjög
skemmtileg en ég hef bara
svo lítið þol fyrir óþolandi
fólki að það truflaði mig
stundum hvað mig langaði
mikið til að fara inn í bók-
ina og hrista þennan gæja
aðeins.“
,,