Fréttablaðið - 03.01.2004, Blaðsíða 6

6 3. janúar 2004 LAUGARDAGUR
■ Eldur
Veistusvarið?
1Hvað heitir nýr aðstoðarmaðurmenntamálaráðherra?
2Hvaða íþróttamaður var sæmdurriddarakrossi á nýársdag fyrir afrek í
íþróttum?
3Hvar á landinu fæddist fyrsta barnársins 2004?
Svörin eru á bls. 38
VERSLUN „Engin lög skylda verslan-
ir til að taka við ógölluðum vör-
um,’’ að sögn Emils Karlssonar hjá
Samtökum verslunar og þjónustu,
en nú eru margir að skila jólagjöf-
um. Fæstir gefendur vilja láta
kassakvittunina fylgja með í jóla-
pakkann. Þess vegna hefur færst í
vöxt að verslanir setji gjafamerki
á jólagjafir sem keyptar eru og þá
er tilgreint hversu lengi má skila
þeim inn. Flestar verslanir eru
með lengri frest. Sé vöru skilað á
útsölu er oftast hægt fá inneign-
arnótu á sama verði og varan var
keypt á en þá er ekki hægt að nota
inneignarnótuna á útsölu,’’ segir
Emil.
Fyrir þremur árum voru, að
frumkvæði viðskiptaráðherra,
settar viðmiðunarreglur eða leið-
beiningarreglur og er þar megin-
reglan sú að skilafrestur er í
fjórtán daga gegn framvísun
kassakvittunar nema þegar vara
er gölluð, þá lengist hann í tvö ár.
Neytendandinn á rétt á að
verslunin veiti upplýsingar um
rétt til að skila því sem keypt er. ■
NEYTENDUR Tími útsölunnar er
runninn upp. Fréttablaðið fór á
stúfana í gærdag og kíkti inn í
nokkrar verslanir í Kringlunni.
Ljóst var að ekki voru allir komn-
ir á fullt enda vörutalning í mörg-
um verslunum. Búast má við að
enn fleiri verslanir bætist í hóp-
inn í dag.
Víða var handagangur í öskj-
unni. Margir voru með stóra
stafla af fötum á handleggnum
eða handléku annan varning og
voru í óða önn að tína enn fleiri til.
Engar samræmdar reglur eru
milli verslana þegar útsölur hefj-
ast hvernig skil á jólagjöfum er
háttað. Jóhannes Gunnarsson, for-
maður Neytendasamtakanna, seg-
ir vandamál oft skapast við upp-
haf útsölu. „Það eru engar laga-
legar reglur til um skilarétt á
ógölluðum vörum heldur setja
verslanir sjálfar skilyrðin.“
Dæmi eru um að verslanir
bjóði útsöluverð fyrir skil á vör-
um. Þá þekkist að inneignarnótur
gildi ekki á útsölum og í öðrum
fást þær ekki. Eins eru dæmi að
viðskiptavinir fái fullt verð fyrir
jólagjafirnar.
Jóhannes segir leiðbeinandi
reglur um skil á vörum til staðar
en fæstar verslanir virtust þekkja
þær. „Við brýndum fyrir fólki fyr-
ir jól að spyrja um skilaréttinn.
Flestar verslanir taka við vörum
ef þær eru sannarlega frá þeim.
Síðan er allur gangur á þessu.“ ■
Lífeyrissjóður sjómanna:
Hvatt til
sameiningar
LÍFEYRISSJÓÐIR Aðalfundur Sjó-
mannafélags Reykjavíkur vill
skoða hvort ekki megi draga úr
rekstrarkostnaði Lífeyrissjóðs
sjómanna með því að bjóða út
rekstur sjóðsins. Fundurinn varar
við vaxandi rekstrarkostnaði og
hvetur stjórn sjóðsins til að draga
úr þessum kostnaði með öllum til-
tækum ráðum. Jafnframt er
stjórn Lífeyrissjóðs sjómanna
hvött til að kanna möguleika á
sameiningu sjóðsins við aðra öfl-
uga sjóði með það fyrir augum að
lækka rekstrakostnað og tryggja
réttindi sjóðfélaga. ■
ELDUR Í TIMBURHÚSI Eldur
varð laus í timburhúsi við
Ingólfsstræti í gærmorgun.
Slökkviliði barst tilkynning
rúmlega átta um að mikill reyk-
ur væri í kjallaraíbúð hússins.
Fljótt tókst að slökkva eldinn
sem talið er að hafi kviknað út
frá eldavél eða ofni. Íbúðin var
mannlaus. Að sögn varðstjóra
slökkviliðsins er talið að hætta
hafi verið á stórtjóni.
ÚTSALAN HAFIN
40 - 70 % afsláttur af öllu
Ath. Park er núna á 3. hæð í Kringlunni
rétt hjá SAM-bíóunum
HANDAGANGUR Í ÖSKJUNNI
Sé vöru skilað á útsölu er oftast
hægt að fá inneignarnótu á sama
verði og varan var keypt á
en þá er ekki hægt að nota
inneignarnótuna á útsölu.
Jólagjafir:
Má skila aftur
ERLENDAR VÍSITÖLUR
DJ* 10.511,6 0,6%
Nasdaq* 2.020,6 0,9%
FTSE 4.510,2 0,7%
DAX 4.018,5 1,4%
NK50 1.345,5 0,0%
S&P* 1.116,6 0,4%
*Bandarískar vísitölur kl. 17.00
Kauphöll Íslands og helstu fjármálastofnanir
voru lokaðar í gær.
FATAKAUP FYRIR ÁTTA MANNS
Sigrún Helga Löverud er stödd í jólafríi á Íslandi
ásamt fjölskyldu sinni en þau eru búsett í nágrenni
Stavanger í Noregi. Aðspurð hvort munur væri á
útsöluvörum á Íslandi og Noregi segir hún meiri
gæði í útifatnaði hér á landi miðað við verðlag. Á
myndinni eru ásamt Sigrúnu eiginmaður hennar
Sveinn og börnin þeirra Jakob Ares og Hákon Ómar.
Útsölur:
Meira fyrir
peninginn
Sladjana Vikovic:
Fín föt á Íslandi
„Ég hef farið á
nokkrar útsölur frá
því ég flutti hingað
til lands,“ segir
Sladjana sem flutti hingað frá
Serbíu fyrir einu og hálfu ári síð-
an. „Þau föt sem eru á útsölunum
hér á landi eru í fínasta lagi. Ég er
þokkalega bjartsýn að finna eitt-
hvað þrátt fyrir að ég sé nýbúin
að róta í stórum haugi af fötum
sem annaðhvort eru nokkrum
númerum of stór eða of lítil.“
Steinunn Guðmundsdóttir og
Hilmar Jensson:
Leiðinlegt á útsölum
Steinunn og Hilmar segjast ekki
binda sig fram yfir áramót til að
versla föt. „Við förum helst ekki á
útsölur. Þetta er ekki það
skemmtilegasta sem við gerum.“
Steinunn og Hilmar sögðust ætla
að gera heiðarlega tilraun til að
finna föt á sig í ár.
Magnea Rós Svansdóttir:
Notar jólapeninginn í útsölur
Magnea Rós var
að versla sér föt
fyrir peninga
sem hún fékk í
jólagjöf. „Ég er
ekki búin að
finna mikið. Ég
er helst að leita
eftir Bratz-dúkkum, mig minnir
að þær séu komnar á útsölur.“ ■
Útsölur í verslunum að komast á fullt skrið:
Engar samræmdar
reglur um skil
ÞYRLA Á EFTIRLITSFLUGI
Nokkrar bandarískar þyrlur hafa verið
skotnar niður í nágrenni Falluja.
Óróasvæðið í Falluja:
Smáþyrla
skotin niður
ÍRAK Bandarísk smáþyrla var skot-
in niður í nágrenni bæjarins Fallu-
ja í Írak í gær með þeim afleiðing-
um að einn bandarískur hermaður
lét lífið og annar særðist. „Það
hefur komið í ljós við nánari rann-
sókn að hún var skotin niður af
andstæðingum okkar,“ sagði Mark
Kimmitt, herforingi og talsmaður
herstjórnarinnar í Írak.
Þyrlan var í eftirlitsflugi þegar
hún varð fyrir flugskeyti og að
sögn sjónarvotta klofnaði hún í
tvennt áður en hún féll logandi til
jarðar á opnu svæði. ■