Fréttablaðið - 13.01.2004, Blaðsíða 2
2 13. janúar 2004 ÞRIÐJUDAGUR
„Það kemur meira bensín í lok
mánaðarins. Vonandi verður
enginn bensínlaus á meðan.“
Hugi Hreiðarsson er markaðsstjóri Atlantsolíu en
svo mikil sala hefur verið á stöð félagsins í
Kópavogi að sennilega klárast bensínbirgðirnar
fyrir mánaðamót.
Spurningdagsins
Hugi, er hægt að panta úr næstu
sendingu?
Geðsjúkur maður var
í gluggalausum klefa
Ósakhæfur maður var vistaður í einangrunarklefa á yfirfullri réttargeðdeildinni að Sogni.
Eftir að annar vistmaður útskrifaðist fékk hann inni í viðtalsherbergi. Stórfjölga þyrfti
rúmum og stækka deildina um helming, segir deildarstjóri.
MEÐFERÐARSTOFNANIR Steinn Ár-
mann Stefánsson, sem dæmdur
var ósakhæfur fyrir jólin, varð að
eyða fyrstu dögunum um jólahátíð-
ina á réttargeðdeildinni áaðSogni í
einangrunarklefa. Þetta var gert
vegna þess að hvert rúm var skip-
að að Sogni. Einangrunarklefinn er
í kjallara hússins, en þangað eru
vistmenn sendir þegar þeir missa
þannig stjórn á sér að starfsfólk
fær ekki við neitt ráðið. Steinn Ár-
mann er mjög veikur og er talinn
afar hættulegur fái hann ekki þá
meðferð sem þarf til að halda sjúk-
dómi hans niðri. Hann var dæmd-
ur á sínum tíma fyrir innflutning á
kókaíni og að hafa ekið á lögreglu-
mann. Eftir að hann losnaði úr
fangelsi var hann á götunni þrátt
fyrir veikindin og varð mannsbani
haustið 2002. Um 15 mánaða skeið
eftir það var hann á Litla Hrauni
eða þar til hann var dæmdur ósak-
hæfur.
Drífa Eysteinsdóttir deildar-
stjóri segir að það hafi verið al-
gjört neyðarúrræði að vista Stein
Ármann í einangrunarklefanum.
Þar hafi verið komið fyrir hús-
gögnum og klefinn opnaður.
„Því miður stóð þetta ástand í
nokkra daga en á meðan breyttum
við þessu umhverfi. Þetta er sjö
manna deild og við fengum hann
inn sem níunda mann. Við opnuð-
um klefann og notuðum hann ekki
sem einangrunarklefa,“ segir
Drífa.
Hún segir að þetta mál hafi ver-
ið leyst þegar einn vistmannanna
útskrifaðist og Steinn Ármann
fékk hans pláss.
„Við erum með átta manns á
deildinni núna. Hér er kennslu-
stofa og tvö viðtalsherbergi og
hann fær annað þeirra,“ segir
Drífa.
Drífa segir að þörfin sé brýn
enda séu margir geðsjúkir
afbrotamenn vistaðir í fangelsum.
„Svo sannarlega þyrfti að stæk-
ka. Helmingsstækkun upp í 14 rúm
gæti orðið mikil búbót þótt fljót-
lega mætti svo stækka enn meira.
Við höfum tekið við fólki jafnóðum
og pláss losnar og reyndar líka
þótt við höfum ekki haft pláss,“
segir Drífa
rt@frettabladid.is
Hátíðahöld vegna 100 ára afmælis heimastjórnar hafin:
Afhenti skrifborð fyrsta ráðherrans
TÍMAMÓT Guðni Ágústsson landbún-
aðarráðherra afhenti Þjóðmenn-
ingarhúsinu skrifborð Hannesar
Hafsteins, fyrsta íslenska ráðherr-
ans, til vörslu í gær. Athöfnin fór
fram í Þjóðmenningarhúsinu og
markaði upphaf hátíðahalda í til-
efni þess að hundrað ár eru í ár lið-
in frá því Ísland fékk heimastjórn.
Skrifborðið á sér langa sögu.
Það var keypt í ráðherratíð Hann-
esar og var vinnuborð hans. Skrif-
borðið var um áratugaskeið vinnu-
borð Gunnlaugs E. Briem, ráðu-
neytisstjóra í atvinnumálaráðu-
neytinu, að sögn Sveinbjörns Dag-
finnssonar, fyrrum ráðuneytis-
stjóra, sem tók við af Gunnlaugi
1973. Þá var borðið orðið ansi lúið
og lét Gunnlaugur setja það í við-
gerð. Daglegri notkun þess var að
mestu hætt 1986 en síðan hefur
það tvisvar fylgt landbúnaðarráðu-
neytinu í nýtt húsnæði og var not-
að skamma stund af Halldóri Blön-
dal, þáverandi landbúnaðar- og
samgönguráðherra, 1994.
Sveinbjörn segir ánægjulegt að
borðinu hafi verið fundinn verðug-
ur staður í Þjóðmenningarhúsinu og
að fyrirhöfnin við varðveislu borðs-
ins hafi skilað fullum árangri. ■
AUKIÐ ÖRYGGI
Alls 496 bandarískir hermenn eru fallnir
í Írak.
Hermaður féll:
Dregur úr
árásum
ÍRAK Einn bandarískur hermaður
fórst og tveir aðrir slösuðust þeg-
ar sprengja sprakk í vegkanti í
miðborg Bagdad í gær. Þetta er
fyrsta mannfallið sem Banda-
ríkjamenn verða fyrir síðan á
föstudaginn en þá fórust níu
bandarískir hermenn þegar
sjúkraþyrla var skotin niður í ná-
grenni óróabæjarins Fallujah.
Að sögn talsmanns Bandaríkja-
hers hefur daglegum skæruárás-
um á bandaríska hermenn í Írak
fækkað mjög að undanförnu, eða
síðan Saddam Hussein var hand-
tekinn og verða hersveitir Banda-
ríkjamanna nú að meðaltali fyrir
17 árásum að meðaltali á dag í
stað 30 fyrir handtöku Saddams. ■
AFKOMUVIÐVÖRUN Afkoma
Fiskeldis Eyjafjarðar hf. verður
mun lakari seinnihluta ársins en
áætlanir gerðu ráð fyrir. Megin-
ástæðan er sú að félagið náði
ekki sölumarkmiðum sínum
hvað varðar seld seiði á tímabil-
inu. Aftur á móti hefur seiða-
framleiðslan gengið vel og var í
takt við áætlanir. Minni seiða-
sölu má rekja til þeirra erfið-
leika sem eru í fiskeldi í Noregi
og Skotlandi.
SKRIFBORÐIÐ AFHENT
Forstöðumaður Þjóðmenningarhúss,
Guðríður Sigurðardóttir, tekur við skrifborði
fyrsta ráðherra Íslands.
FR
ÉT
TA
B
LA
Ð
IÐ
/R
Ó
B
ER
T
■ Viðskipti
HEIMAHJÚKRUN „Það verður að segj-
ast eins og er að enn ber töluvert
mikið í milli. Ég er því ekki ýkja
bjartsýn fyrir samningafundinn á
morgun,“ sagði Kristjana Guðjóns-
dóttir, sjúkraliði og talsmaður
starfsfólks í heimahjúkrun.
Starfsfólk í heimahjúkrun
ræddi á föstudag tillögur að lausn
í deilu starfsfólks í heimahjúkrun
og Heilsugæslunnar í Reykjavík.
Deilan er tilkomin vegna upp-
sagnar Heilsugæslunnar á akst-
urssamningum í heimahjúkrun.
Starfsfólkið lítur á uppsögn akst-
urssamninga sem uppsögn á ráðn-
ingarsamningi og hættir störfum
1. mars næstkomandi, ef ekki
semst um annað.
Á samningafundi fyrir tæpri
viku lögðu fulltrúar Heilsugæsl-
unnar í Reykjavík fram tillögur
sínar að lausn deilunanr. Í þeim
felast engar grundvallarbreyting-
ar frá því sem áður hafði verið
boðað, heldur er er um nánari
útlistanir að ræða.
Starfsfólk í heimahjúkrun
féllst ekki á tillögurnar og leggur
á morgun fram gagntillögur til
Heilsugæslunnar í Reykjavík. ■
Heimahjúkrun á höfuðborgarsvæðinu:
Samningafundur á morgun
ENN DEILT UM AKSTURSSAMNINGA
Starfsfólk í heimahjúkrun þingar með Heilsugæslunni í Reykjavík á morgun vegna upp-
sagnar á aksturssamningum. Starfsfólk heimahjúkrunar leggur á fundinum fram tilboð um
lausn deilunnar.
Mercedes:
Ræsir vill
fá lénið
DÓMSMÁL Ræsir hf. hefur höfðað
mál á hendur eiganda lénsins mer-
cedes.is. Ræsir fer fram á að fá
yfirráð yfir léninu þar sem það sé
hluti af vörumerki sem Ræsir hafi
einkaleyfi á hér á landi og félagið
hafi skriflega heimild frá einkaleyf-
ishafanum til að notast við lénið.
„Eigandi vörumerkis á mjög rík-
an rétt yfir þeim vörumerkjum sem
hann hefur skráð,“ segir Margrét
Einarsdóttir, lögmaður Ræsis.
Mercedes.is hyggst bjóða upp á
Mercedes bifreiðar í samkeppni við
Ræsi og á lægra verði. Einkaleyfi
bílainnflytjenda voru afnumin með
breyttum reglum Evrópusambands-
ins um síðustu áramót. ■
ÞINGMENN Í SETUVERKFALLI Þingmenn úr röðum umbótasinna hófu setuverkfall í íranska þinghúsinu eftir að harðlínumenn, sem
ráða því hverjir fá að bjóða sig fram í þingkosningum, felldu þann úrskurð að umbótasinnarnir hefðu brotið gegn lögum sem kveða á
um kjörgengi.