Fréttablaðið - 13.01.2004, Blaðsíða 4

4 13. janúar 2004 ÞRIÐJUDAGUR
Ertu sátt/ur við frammistöðu
handboltalandsliðsins gegn Sviss?
Spurning dagsins í dag:
Ertu búin/n að lesa margar af
bókunum sem komu út fyrir jólin?
Niðurstöður gærdagsins
á www.frett.is
26,9%
46,4%
Nei
11,0%Engan veginn
Já
15,6%Fullkomlega
Kjörkassinn
Farðu inn á frett.is og segðu þína skoðun
frétt.is
KJARAMÁL „Þetta var í raun fyrsti
jákvæði fundurinn og fulltrúar
ríkisins eru tilbúnir til að setjast
niður, fara gaumgæfilega yfir all-
ar kröfur og bera saman laun og
aðra þætti. Kjaraviðræðurnar eru
því komnar í þann farveg sem við
óskuðum eftir,“ sagði Halldór
Björnsson, formaður Starfs-
greinasambands Íslands.
Samninganefndir Starfsgreina-
sambandsins og ríkisins hittust á
stuttum fundi í gær. Ákveðið var
að skipa tvær nefndir og á önnur
að bera saman laun og önnur kjör
á almennum markaði við kjör
starfsmanna hins opinbera. Hinni
nefndinni er ætlað að bera saman
almenn atriði kjarasamninga
þessara tveggja hópa.
„Niðurstaða þessa saman-
burðar á síðan að liggja fyrir
þegar samninganefndirnar
koma saman hjá ríkissáttasemj-
ara næstkomandi föstudag. Þá
hefur staðan skýrst til muna. Við
munum gefa okkur næstu þrjár
vikur til þess að ná samningum
við ríkið án átaka,“ sagði Hall-
dór Björnsson. ■
STJÓRNMÁL „Það var óneitanlega
sérstakt að vera boðaður á fund
sem síðan ekkert varð af. Eftir
langa bið frammi á gangi fengum
við þau skilaboð að fundinum
hefði verið slitið en ekki frestað
þannig að það liggur ekkert fyrir
hvað er framundan,“ segir Guð-
mundur Hauksson, framkvæmda-
stjóri SPRON, um fund efnahags-
og viðskiptanefndar Alþingis í
gær sem minna varð úr en til stóð.
Nefndin hafði áformað að ræða
málefni sparisjóðanna að beiðni
þingflokks Vinstri grænna, en mál-
ið komst aldrei á dagskrá. Á annan
tug manna úr bankageiranum
hafði verið boðaður á fundinn til að
gera grein fyrir áhrifum af kaup-
um KB-banka á SPRON, en eftir
rúmlega tveggja klukkustunda bið
var þeim tilkynnt um fundarslit og
að ekkert yrði rætt við þá.
Ástæðan var sú að fulltrúar
efnahags- og viðskiptanefndar
deildu hart um þá tillögu Samfylk-
ingarinnar að Pétur Blöndal, for-
maður nefndarinnar, viki sæti þar
sem hann væri vanhæfur til að
leiða umræðuna sem einn af stofn-
fjáreigendum SPRON sem hefði
því beina fjárhagslega hagsmuni
af niðurstöðunni. Ekki var fallist á
tillöguna en samþykkt að fela for-
sætisnefnd að úrskurða í málinu.
Vinstri grænir lýstu vonbrigðum
með að málefni sparisjóðanna
skyldu ekki hafa verið rædd og
töldu að Pétur hefði að eigin frum-
kvæði átt að víkja sæti. Pétur telur
tillögu Samfylkingarinnar ekki
þinglega, það er í samræmi við lög,
og hann bendir á að samkvæmt
þingsköpum beri nefnarmönnum
að sækja fundi og því sé ekki hægt
að vísa mönnum úr nefnd.
„Ef ég sit fund sem formaður
þá ber mér að stýra fundi. Ég
lagði fram þá sáttatillögu að
Kristinn H. Gunnarsson, varafor-
maður efnahags- og viðskipta-
nefndar, stýrði fundinum, gegn
því að tillaga Samfylkingarinnar
yrði dregin tilbaka, en því var
hafnað. Gestirnir tóku þessu illa
þar sem þeirra tíma hafði verið
sóað. Það er ófyrirgefanlegt að
hafa látið þá bíða, en dagskrár-
tillagan kom frá Samfylking-
unni,“ segir Pétur Blöndal og und-
irstrikar að fjárhagslegir hags-
munir sínir í málinu séu mjög litl-
ir, málið snúist aðallega um póli-
tíska hagsmuni í máli sem hann
hafi barist fyrir.
bryndis@frettabladid.is
Óvænt heimboð:
Assad boðið
til Ísraels
ÍSRAEL Moshe Katsav, forseta Ísra-
els, bauð í gær sýrlenska starfs-
bróður sínum, Bashar Assad, í
heimsókn til Ísraels til viðræðna
um frið í Miðaust-
urlöndum. „Ég er
að bjóða Assad til
alvöru friðarvið-
ræðna við Ísra-
ela,“ sagði Katsav
í útvarpsviðtali í
gær, en sjálfur
hafði Assad lýst
því yfir í blaðavið-
tali fyrir áramótin
að hann væri tilbú-
inn til viðræðna
við Ísraelsmenn.
Boð Katsavs kemur á óvart því
á sunnudaginn hafði Ariel Sharon,
forsætisráðherra Ísraels, lýst því
yfir að viðræður við Sýrlendinga
gætu ekki hafist fyrr en þeir hættu
stuðningi við hryðjuverkamenn.
Sýrlensk stjórnvöld sýndu boði
Katsavs lítinn áhuga og eru litlar
líkur taldar á að það verði þegið. ■
YFIRBORÐ MARS
Enn sem komið er hefur Spirit aðeins
myndað Mars en ekki ferðast um yfirborð
plánetunnar.
Spirit á Mars:
Á að fara á
flakk
KALIFORNÍA, AP Vísindamenn hjá
Bandarísku geimvísindastofnun-
inni, NASA, vonast til þess að far-
artækið Spirit, sem lenti á Mars í
ársbyrjun, geti farið í fyrsta
ferðalag sitt um yfirborð plánet-
unnar síðar í þessari viku.
Farartækið hefur tekið fjölda
mynda af yfirborði plánetunnar
en því hefur reynst um megn að
komast úr geimfarinu sem kom
því á yfirborð plánetunnar. Belgir
sem áttu að koma í veg fyrir að
farartækið skemmdist í lendingu
koma í veg fyrir að það komist úr
fari sínu en vonir eru bundnar við
að það takist á morgun eða
fimmtudag. ■
HÚSNÆÐISMÁL „Biðlistar eftir
félagslegu leiguhúsnæði í
Reykjavík hafa lengst mikið,
eða úr 450 manns í 1.022 frá ár-
inu 1999, og þótt um 100 íbúðir
hafi verið keyptar inn í kerfið á
síðasta ári þá er vandinn enn
mikill, og það er ekki verið að
hjálpa þeim fátæku,“ segir Lára
Björnsdóttir, félagsmálastjóri í
Reykjavík, um breytingarnar
sem stjórnvöld hafa boðað á
húsnæðiskerfinu.
Af þeim sem bíða eftir því að
fá félagslega leiguíbúð hjá borg-
inni eru 613 einstaklingar sem
hafa sótt um eins til tveggja her-
bergja íbúð. 251 bíður eftir
þriggja herbergja íbúð og 158 eru
á biðlistum eftir fjögurra her-
bergja íbúð eða stærri, en í þess-
um hópum eru öryrkjar langfjöl-
mennastir og mikið er um fátækt
eldra fólk sem getur séð um sig
sjálft og þarf ekki á þjónustuíbúð
að halda. Félagsmálastjóri bind-
ur vonir við áform borgarinnar í
húsaleigumálunum.
„Reykjavíkurborg er að
kanna möguleikann á því að
greiða út, frá mars næstkom-
andi, viðbótarhúsaleigubætur
sem bætast við almennu bæturn-
ar til þeirra sem eru verst stadd-
ir. Þannig getur fólk valið á milli
þess að fá fjárhagslegan stuðn-
ing eða vera á biðlistum,“ segir
Lára. ■
Meintir bankaræningjar:
Lengur í
varðhaldi
GÆSLUVARÐHALD Gæsluvarðhald,
yfir tveimur mönnum, sem hand-
teknir voru á föstudagskvöld
grunaðir um vopnað rán í SPRON
í Hátúni fyrr um daginn, hefur
verið framlengt um viku.
Gæsluvarðhaldið var lengt þar
sem fram komu fleiri vísbending-
ar í málinu. Þýfið er þó enn ófund-
ið og mennirnir neita sök.
Sex manns, sem taldir eru
tengjast meintum ræningjum,
voru handteknir í gleðskap í
heimahúsi á sunnudagsmorgun.
Þeir voru yfirheyrðir fram eftir
degi en sleppt að því loknu. ■
ÞJÓÐARSORG Í ALBANÍU Þjóðar-
sorg var lýst í Albaníu í gær vegna
þeirra sem fórust í sjóslysinu á
Adríahafi fyrir helgi en þá lenti
bátur með tugi albanskra flótta-
manna innanborðs í stórsjó og vél-
arbilun með þeim afleiðingum að
21 fórst auk þess sem á annan tug
er saknað. Ítalska strandgæslan
bjargaði ellefu manns.
TVEIR DÆMDIR Í RÚSSLANDI
Rússneskur dómstóll dæmdi tvo
menn í lífstíðarfangelsi fyrir þátt
þeirra í sprengjuárásum á fjölbýl-
ishús í Moskvu og Volgodonsk
1999. Mennirnir, sem tengjast tsjét-
sjéneskum skæruliðasamtökum,
voru dæmdir fyrir morð og hryðju-
verk. 246 létu lífið.
VARA VIÐ HITABYLGJU Svissneskir
vísindamenn vara við því að hita-
bylgjan, sem talin er hafa kostað
20.000 manns lífið í Evrópu í sum-
ar, geti verið forsmekkurinn að því
sem búast megi við næstu sumur.
Þeir óttast að hækkandi hitastig sé
afleiðing loftslagsbreytinga sem
rekja megi til aukinna gróðurhúsa-
áhrifa.
JÁKVÆTT HLJÓÐ Í RÍKINU
Halldór Björnsson, formaður Starfsgreina-
sambands Íslands, segir kjaraviðræður
sambandsins við ríkið komnar í þann far-
veg sem æskilegt sé. Línur muni skýrast
mjög í lok vikunnar.
Kjaraviðræður Starfsgreinasambandsins og ríkisins:
Jákvætt hljóð eftir fund í gær
BASHAR ASSAD
Moshe Katsav,
forseti Ísraels,
bauð Assad Sýr-
landsforseta
óvænt til friðar-
viðræðna.
■ Evrópa
■ Lögreglufréttir
LÁRA BJÖRNSDÓTTIR
Félagsmálastjóri í Reykjavík bindur miklar
vonir við áform Reykjavíkurborgar um að
greiða út viðbótarhúsaleigubætur til þeirra
sem eru hvað verst staddir.
Félagsmálastjóri í Reykjavík um breytingar á húsnæðiskerfinu:
Hjálpa þeim fátæku ekki
GUÐMUNDUR HAUKSSON
Framkvæmdastjóri SPRON segir það sérstakt að vera boðaður á fund, bíða í meira en tvo
tíma og fá svo tilkynningu um að ekkert verði af fundinum.
PÉTUR BLÖNDAL
Segir að ef hann sitji sem formaður þá
beri honum að stýra fundi. Hann bendir á
að samkvæmt þingsköpum sé ekki hægt
að vísa mönnum úr nefnd.
Ófyrirgefanlegt
að láta þá bíða
Hópur manna tengdur SPRON og KB-banka fór fýluferð til efnahags- og
viðskiptanefndar Alþingis. Beið á þriðju klukkustund en var vísað á braut
vegna deilna þingmanna. Slæmt að sóa tíma mannanna, segir Pétur.
Salan á Brimi:
Rætt við tíu
SJÁVARÚTVEGUR Tíu fjárfestar halda
áfram viðræðum um kaup á eignum
Brims, en upphaflega sýndu 20
kaupunum áhuga. „Þessir aðilar
settu fram hugmyndir sem við mun-
um skoða nánar,“ segir Magnús
Gunnarsson, stjórnarformaður
Eimskipafélagsins. Að þeirri skoð-
un lokinni mun verða ákveðið hvert
framhaldið verður.
Fyrirtækin sem nú mynda Brim
eru þrjú; ÚA á Akureyri, HB á
Akranesi og Skagstrendingur á
Skagaströnd. Vitað er að heima-
menn á hverjum stað hafa sent inn
tilboð, Skagamenn í samstarfi við
Granda hf. í Reykjavík, en viðræð-
ur um sölu Eimskips á HB til þess-
ara aðila voru komin af stað áður en
allar eignir Brims voru falboðnar. ■
FJÓRIR SLASAÐIR Fjórir voru
fluttir á slysadeild í Reykjavík
eftir árekstur við Litlu kaffistof-
una um hálfsex í gær. Bílar sem
komu úr gagnstæðri átt lentu
saman. Enginn þeirra sem voru í
bílunum slasaðist hættulega en
bílarnir eru taldir gjörónýtir.