Fréttablaðið - 15.01.2004, Blaðsíða 10
10 15. janúar 2004 FIMMTUDAGUR
GANGANDI VEGFARENDUR
Þessir gaggandi gangandi vegfarendur á
þjóðveginum í DuBois í Pennsylvaníu í
Bandaríkjunum tóku sér nægan tíma á leið
sinni til nærliggjandi gæsapolls.
Fjármálaráðuneytið fellir úrskurð skattstjóra úr gildi:
Sigur fyrir frjáls félagasamtök
STJÓRNMÁL Frjáls félagasamtök
geta á ný fengið úthlutað kenni-
tölu eftir að fjármálaráðuneytið
felldi úr gildi úrskurð ríkisskatt-
stjóra, sem synjaði nemendafé-
lagi í Háskóla Íslands um skrán-
ingu í fyrirtækjaskrá.
Stúdentaráð Háskóla Íslands
kærði til ráðuneytisins ákvörðun
ríkisskattstjóra um að synja ný-
stofnuðu Félagi fornleifafræði-
nema um kennitölu. Frá 1. júlí
2003 hefur það embætti haft um-
sjón með úthlutun kennitala og
frá þeim tíma hafa fjölmörg ný-
stofnuð félög fengið synjun um
úthlutun kennitölu.
Stúdentaráð hélt því fram að
túlkun Ríkisskattstjóra á laga-
heimildum væri of þröng auk þess
sem þeirri röksemd var haldið
fram að með synjun á kennitölu-
skráningu væri mjög vegið að
möguleika fólks til þess að stofna
með sér frjáls félagasamtök.
„Við erum mjög ánægð með úr-
skurð fjármálaráðuneytisins og
þetta er mikill sigur fyrir frjáls
félagasamtök í landinu. Með
þessu eru tekin af öll tvímæli um
að félög geti fengið kennitölur og
þar með stofnað bankareikninga í
sínu nafni. Þetta er auðvitað
grunnskilyrði fyrir starfsemi
margra frjálsra félagasamtaka og
það var mjög bagalegt ástand þeg-
ar Ríkisskattstjóri neitaði þessum
aðilum um kennitölu,“ segir Davíð
Gunnarsson, formaður Stúdenta-
ráðs Háskóla Íslands. ■
Hlupu úr brennandi
húsi á náttfötunum
Mæðgur á Suðureyri sluppu án meiðsla þegar heimili þeirra varð eldi
að bráð. Mikil ófærð hamlaði slökkviliðsmönnum frá Ísafirði að komast
að húsinu. Allar minningarnar voru í húsinu, segir móðirin.
BRUNI „Ég á sjálfsagt eftir að átta
mig á að í húsinu voru allar mínar
minningar, myndir af börnunum
frá fæðingu, hreinlega allt sem
tengist mínu lífi. Andvirði slíkra
muna er ekki hægt að mæla í pen-
ingum,“ segir Valgerður Krist-
jánsdóttir, sem hljóp út af alelda
heimili sínu í fyrrinótt ásamt ell-
efu ára dóttur sinni, Eydísi Sæv-
arsdóttur.
Valgerður var sofandi á efstu
hæð hús síns við Stefnisgötu á
Suðureyri þegar eldurinn kom
upp. Eldurinn kviknaði í stofunni
á miðhæð þriggja hæða timbur-
hússins. „Ég vaknaði ekki við eld-
inn heldur bærði á mér eins og
gerist stundum. Ég settist upp í
rúminu en varð ekki vör við neitt
óvenjulegt. Það var ekki fyrr en
ég fór út á stigapallinn að ég sá
reykinn.“ Valgerður segist strax
hafa áttað sig á hvað væri að ger-
ast, rokið til baka og dregið dóttur
sína út. „Mér fannst eins og eld-
tungurnar væru á eftir okkur.“
Valgerður hljóp út á náttfötun-
um einum saman og leitaði skjóls
hjá nágrönnum sínum. „Það var
snælduvitlaust veður en ég fann
ekki fyrir kuldanum. Eftir á að
hyggja man ég lítið eftir atburða-
rásinni.“
Valgerður hrósar slökkviliðinu
4. flokki 1992 – 41. útdráttur
4. flokki 1994 – 34. útdráttur
2. flokki 1995 – 32. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. mars 2004.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is
HVALVEIÐAR Enn er nóg af
hvalkjöti á Íslandi eftir
vísindaveiðarnar í lok
sumars, en vegna skorts
á eftirspurn er það ekki
lengur á boðstólum í
verslunum hérlendis.
Þetta var á meðal þess
sem kom fram á blaða-
mannafundi Greenpeace
í Norræna húsinu í gær.
Frode Pleym, talsmaður
samtakanna, sagði að
Greenpeace væri síður
en svo hætt baráttunni
gegn hvalveiðum Íslend-
inga. Reyndar hefði auk-
inn kraftur verið settur í
hana, því samtökin hefðu
opnað íslenska heimasíðu
(www.greenpeace.com). Á fundin-
um kynnti Pleym niðurstöðu nýrr-
ar skoðanakönnunar, sem Gallup
vann fyrir samtökin. Samkvæmt
henni telja 48% Íslendinga að til-
vist samtaka eins og Greenpeace
sé mikilvæg eða mjög mikilvæg.
Pleym sagði þessa niðurstöðu
hafa komið sér á óvart. Hún end-
urspeglaði jákvætt hugarfar Ís-
lendinga í garð náttúruverndar-
samtaka.
Þegar Rainbow Warrior, skip
Greenpeace, sigldi kringum landið
í lok sumars til að mótmæla hval-
veiðunum gerðu samtökin íslensk-
um stjórnvöldum tilboð um að
auka ferðamannastraum til lands-
ins. Á fundinum í gær sagði Kevin
Jardine, yfirmaður hjá Green-
peace, að 18 þúsund manns hefðu
þegar skráð nafn sitt meðal þeirra
sem ætla að íhuga að koma til
landsins hætti stjórnvöld hvalveið-
um. Hann sagðist reikna með því
að 50 þúsund manns myndu skrá
sig á þennan lista og kæmu þeir
allir til landsins myndi það þýða 4
milljarða króna í gjaldeyristekjur.
Aðspurður sagðist hann ekki telja
þetta óraunhæft tilboð. ■
■ Asía
HRYÐJUVERKAMENN HANDTEKNIR
Stjórnvöld í Singapúr segjast hafa
handtekið tvo menn sem taldir eru
tengjast hryðjuverkasamtökunum
Jemaah Islamiyah. Alls eru 37
meintir hryðjuverkamenn í haldi
yfirvalda í Singapúr en að minnsta
kosti tólf aðrir eru undir eftirliti
lögreglu. Liðsmenn Jemaah Islami-
yah eru taldir hafa staðið á bak við
árásirnar á Balí í október 2002.
ÞRETTÁN DREPNIR Að minnsta
kosti þrettán uppreisnarmenn
maóista hafa fallið í átökum við
hermenn í Nepal það sem af er
vikunni. Uppreisnarmennirnir
hafa staðið fyrir fjölda árása á
embættismenn og óbreytta borg-
ara síðan friðarviðræður fóru út
um þúfur. Þeir vilja koma á fót
kommúnistaríki í Nepal.
DAVÍÐ GUNNARSSON
Formaður SHÍ segir úrskurð fjármálaráðu-
neytisins vera sigur fyrir frjáls félagasamtök.
KOMNAR Í SKJÓL
Mæðgurnar Valgerður Kristjánsdóttir og Eydís Sævarsdóttur áttu fótum fjör að launa að
komast úr brennandi húsi.
LJ
Ó
SM
YN
D
IR
/J
Ó
N
A
R
N
AR
G
ES
TS
SO
N
Greenpeace segir litla eftirspurn eftir hvalkjöti á Íslandi:
Kraftur í baráttuna
gegn hvalveiðum
TALSMENN GREENPEACE
Frode Pleym og Kevin Jardine telja raunhæft að auka
gjaldeyristekjur Íslendinga verulega með því að hætta
hvalveiðum.