Fréttablaðið - 18.01.2004, Blaðsíða 15
15SUNNUDAGUR 18. janúar 2004
almennings einfaldlega verið
kæfð.
„Þegar stór opinber fyrirtæki
voru að sóa opinberu fé þá talaði
enginn um að það væri verið að
misnota frelsi einstakra valda-
manna eða að valdamenn væru að
misnota frelsi sitt. Þeir áttu í raun
og veru ekki að hafa þetta frelsi,“
segir hann. Þór bendir einnig á að
erlendis sé sérstaklega átt við það
þegar fyrirtæki segja upp fólki í
stórum stíl en hækka laun for-
stjóra. „Hér eru fyrirtæki að ráða
fólk og efla útrás sína.“
Hlutafélög þurfa stuðning
fólksins
Þór segir aðhald markaðarins
vera mjög öflugt. „Nú er frelsi á
markaði stóraukið og við erum
einmitt að upplifa, ekki bara hér
heldur víða annars staðar, að al-
menningshlutafélög hafa veru-
lega hagsmuni að gæta að almenn-
ingur sé hliðhollur fyrirtækinu.
Það er mesta aðhaldið,“ segir Þór.
Minni ríkisumsvif - fleiri
tækifæri
Verslunarráð hefur löngum
starfað bæði sem þrýstihópur um
málefni viðskiptalífsins en einnig
sem hugmyndauppspretta. Versl-
unarráð hefur til að mynda sett
fram hugmyndir bæði í mennta-
og heilbrigðismálum. Þessar hug-
myndir verða meðal annars við-
fangsgefni á Viðskiptaþingi hinn
11. febrúar undir yfirskriftinni
„Minni ríkisumsvif margfalda
tækifærin“.
Þór segir þróun háskólasam-
félagsins á Íslandi undanfarin ár
hafa verið mjög gleðilega. Nú eigi
fólk mun auðveldara en áður með
að stunda háskólanám enda hafi
verið opnað mjög fyrir samkeppni
á háskólastiginu. Þór telur mikil-
vægt að leitað sé leiða til þess að
auka einnig fjölbreytni á öðrum
skólastigum. „Það þarf að hleypa
fjölbreytninni inn í grunnskóla og
menntaskóla,“ segir hann.
Samkeppni í grunnskóla
Þór segir að þótt áfram verði
boðið upp á endurgjaldslaust
grunnskólanám sé hægt að auka
fjölbreytnina með því að hleypa
samkeppni að og skapa þannig
grundvöll til samanburðar. „Það
er bara eins og í öllu öðru. Saman-
burður er lykilatriði og saman-
burður innan lokaðs kerfis er
mjög erfiður,“ segir hann.
Sósíaldemókratarnir sem
fyrirmynd
Þór segir að taka megi til fyrir-
myndar aðgerðir í ýmsum ná-
grannalöndum okkar þar sem hlut-
ur einkaframtaksins hefur verið
aukinn í heilbrigðis- og mennta-
málum. „Við trúum því að ef við
fylgdum einungis frændum okkar
og ríkisstjórnum sósíaldemókrata
á Norðurlöndum þá værum við að
taka skref fram á við.“
Hann segir að breytingar á
mennta- og heilbrigðiskerfinu séu
liðir í því að auka samkeppnis-
hæfni Íslands. Hann segir að
ýmsar ástæður séu fyrir því að
fólk vilji reka fyrirtæki á Íslandi
og að umhverfið sé á margan hátt
gott.
Tregða gagnvart breytingum
„Það er góður vinnukúltúr á Ís-
landi, gott starfsfólk og gott
rekstrarumhverfi. Við erum hins
vegar að keppa við önnur lönd og
mörg þeirra eru að bjóða svipað
skattaumhverfi og við eða betra
þannig að við verðum að passa
okkur,“ segir Þór og óttast að nú
sé til staðar tregða í íslenska
stjórnkerfinu við áframhaldandi
breytingum á skattkerfi sem geri
Ísland samkeppnishæfara.
„Mér finnst stundum eins og
það sé hætta í kerfinu núna að
vegna þess að tekjuskattshlutföll
hafi verið lækkuð þá finnist
stjórnkerfinu að nóg hafi verið
gert. Svo nóg að það megi eigin-
lega ekki brydda upp á hugmynd-
um sem geta bætt starfsumhverfi
fyrirtækja og aukið um leið ríkis-
og þjóðartekjur til lengri tíma.
Staðreyndin er hins vegar sú að
við erum í keppni við aðrar þjóðir
og þurfum að vera með stjórn-
kerfi og stjórnsýslu sem er fyrir-
tækja- og fólksvæn,“ segir Þór.
Útlendingar geti starfað á
Íslandi
Eitt af því sem Þór telur að
þurfi að skoða sérstaklega eru
ástæður þess að íslensk fyrirtæki,
sem starfa á alþjóðlegum mark-
aði, eigi erfitt með að fá fólk til að
flytja til Íslands. Hann hefur
áhyggjur af því að útrás íslenskra
fyrirtækja sé fyrst og fremst í
aðra áttina, þ.e. verið sé að kaupa
fyrirtæki og rekstur erlendis en
ekki flytja þá þætti til Íslands.
Þór segir mikilvægt að tekið sé
til skoðunar hvernig hægt sé að
mæta betur þörfum þeirra útlend-
inga sem Íslendingar vilja fá til
vinnu hérlendis, t.d. með stofnun
skóla sem henti fyrir börn starfs-
manna.
Þór segir að sérstaklega þurfi
að taka til athugunar hvernig
hægt sé að gera íslenskum
fyrirtækjum kleift að hafa stærri
hluta starfsemi sinnar á Íslandi.
Nú þurfi mörg þeirra að flytja
stóra þætti út þar sem erfitt sé að
fá útlendinga til þess að flytja til
Íslands.
Hann segir að staðan hvað
þetta varðar sé ekki góð og að í
raun og veru sé illmögulegt fyrir
fólk að flytja hingað með fjöl-
skyldur sínar. „Við eigum ekki að
fúlsa við því að fólk vilji koma til
Íslands,“ segir hann og bætir við
að víða sé það nýinnflutt fólk sem
láti hvað mest að sér kveða í
athafnamennsku og nýsköpun.
thkjart@frettabladid.is
NÝJAR HUGMYNDIR Í RÍKISREKSTRI
Viðskiptaþing í febrúar mun fjalla um betri
leiðir til að nýta skattfé og þannig auka
tækifæri í hagkerfinu.
FR
ÉT
TA
B
LA
Ð
IÐ
/R
Ó
B
ER
T