Fréttablaðið - 18.01.2004, Blaðsíða 16

Erlendur Hjaltason, fram-kvæmdastjóri Eimskips ehf.,
segir að nokkur óvissa hafi ríkt
hjá starfsmönnum félagsins þeg-
ar mikil umskipti urðu á eignar-
haldi á félaginu síðasta haust en
þá eignaðist Landsbankinn ráð-
andi hlut í félaginu. Hann telur að
þessi óvissa sé ekki eins mikil nú,
enda hafi fyrirætlanir um rekstur
félagsins sífellt komið betur í ljós.
Heppin með Magnús
„Við erum heppin með stjórnar-
formann, Magnús Gunnarsson.
Mjög góður maður og hefur að
okkar mati nálgast þetta verkefni
með mjög skemmtilegum hætti,“
segir Erlendur. Hann segir að nú-
verandi stjórn Eimskipafélagsins
sýni viðfangsefninu mikinn áhuga.
„Stjórnin hefur áhuga á verkefn-
inu og hefur skoðanir á þessu og
segir þær og það er bara gott fyrir
stjórnendur,“ segir hann.
Erlendur varð framkvæmda-
stjóri Eimskips ehf. þegar gamla
Eimskip var skipt upp í þrjú að-
skilin fyrirtæki fyrir rúmu ári síð-
an. Þá urðu til Eimskip ehf., Burða-
rás og Brim sjálfstæðar rekstrar-
einingar innan móðurfélagsins. Nú
hefur móðurfélagið selt frá sér út-
gerðarhlutann og áformað er að
skipta Hf. Eimskipafélagi Íslands í
tvö aðskilin hlutafélög á næsta að-
alfundi, annars vegar flutninga-
fyrirtækið Eimskip og hins vegar
fjárfestingarfyrirtækið Burðarás.
Góð framtíð hjá Eimskip
Erlendur hefur starfað hjá Eim-
skip allt frá árinu 1984 og verið yf-
irmaður erlendrar starfsemi síð-
asta áratug eða svo. Hann telur að
flutningafélagið Eimskip eigi
mikla framtíð fyrir sér og ætlar
því stóra hluti á því markaðssvæði
sem það starfar.
„Heimamarkaður okkar er
Norður Atlantshafið,“ segir Er-
lendur en hann telur að markaður-
inn þar sé mjög sambærilegur.
„Það er útflutningur á fiski og
fiskafurðum og innflutningur á
öllu öðru,“ segir hann.
Eimskip gerir út sjö skip sem
hafa heimahöfn í Reykjavík en þar
er umfangsmikil umskipunarhöfn,
sú fjórða stærsta á Norðurlöndum.
Þetta er grundvöllur framtíðará-
ætlana um Eimskip. „Það er ekkert
annað félag með sambærilega
flutninga á okkar heimamarkaði,“
segir Erlendur.
„Við erum með um 70% mark-
aðshlutdeild í flutningi á frystum
vörum frá Nýfundnalandi til Evr-
ópu og við erum að nota þá þekk-
ingu til að stækka,“ segir hann. Er-
lendur segir mikilvægt í stjórnun
fyrirtækja að langtímamarkmið
séu ætíð látin ráða um daglegar
ákvarðanir og þess vegna muni
Eimskip, undir hans stjórn, fyrst
og fremst vinna að því að styrkja
Norður Atlantshafs markaðinn og
tengda markaði.
Langtímaáætlanir gangi fyrir
Eimskip er einnig í samstarfi við
önnur flutningafyrirtæki, sem
sinna öðrum mörkuðum svo sem í
Austursjó. „Þar höfum við byggt
upp traustan markað á síðustu tíu
árum og við sinnum honum vel. Út-
rásarverkefnin eru víða en ljóst er
að menn verða að líta til langtíma-
sjónarmiða þegar slíkar ákvarðanir
eru teknar,“ og bætir við: „Þegar við
erum að hugsa um þessi vaxtar-
tækifæri þá þýðir ekkert að fara út
og suður og vera með handahófs-
kenndan vöxt. Það skilar yfirleitt
ekki góðum árangri fyrir heildina“.
Kaup Eimskips á meirihluta í
norska flutningafyrirtækinu CTG
er hluti af þeirri stefnu að styrkja
félagið á Norður Atlantshafinu.
„Ef maður tekur einhver tæki-
færi sem eru fjarri grunnvextin-
um og því sem menn eru að hugsa
þá eiga menn að láta það vera,“
segir Erlendur.
En Eimskip rekur þjónustu sem
nær langt út fyrir rekstur á þeim
flutningaleiðum sem skipin bjóða
upp á. Félagið rekur þéttriðið net
landflutninga á Íslandi og býður
upp á heildarlausnir í flutningum
fyrir viðskiptavina sína. Í því skyni
á félagið í samstarfi við fjölmörg
fyrirtæki víða um heim og segir
Erlendur mjög mikilvægt að vand-
að sé til vals á samstarfsaðilum því
ábyrgðin á flutningunum liggi hjá
Eimskipi jafnvel þótt allt aðrir
aðilar sjái um flutninginn sjálfan.
Eimskip endurspeglar sam-
félagið
Erlendur segir að rekstur fé-
lagsins hafi farið batnandi. „Rekst-
urinn fyrri part síðasta árs var erf-
iður en betri á seinni hlutanum.
Við erum að ná vopnum okkar í
því,“ segir hann og bendir á að
afkoma flutningafélagsins sé góð-
ur mælikvarði á efnahagsástandið
á Íslandi. „Við endurspeglum það
sem er að gerast í landinu á hverj-
um tíma,“ segir hann.
thkjart@frettabladid.is
16 18. janúar 2004 SUNNUDAGUR
■ Viðskipti
Við endurspeglum
það sem er að gerast í land-
inu á hverjum tíma.
,,
Norður Atlantshafið er
okkar heimamarkaður
Erlendur Hjaltason, framkvæmdastjóri Eimskips ehf., er bjartsýnn á framtíð félagsins. Fyrirhugað er að skipta gamla
Eimskipi upp á árinu og þá verður til flutningafélag sem er með svipaða starfsemi og Eimskip var með fram eftir síðustu öld.
Fréttablaðið ræddi við hann í tilefni af 90 ára afmæli Eimskipafélags Íslands sem var í gær.
ERLENDUR HJALTASON
Flutningafélagið Eimskip leggur áherslu á vöxt á þeim
markaði þar sem félagið er sterkt fyrir. Erlendur segir
mikilvægt að vaxtartækifæri séu valin af kostgæfni.
FR
ÉT
TA
B
LA
Ð
IÐ
/G
VA