Fréttablaðið - 18.01.2004, Blaðsíða 18

18 18. janúar 2004 SUNNUDAGUR
Fækkun í þjóðkirkjunni
Þegar hann sá mannfjöldann,gekk hann upp á fjallið. Þar
settist hann, og lærisveinar hans
komu til hans. Þá lauk hann upp
munni sínum, kenndi þeim og
sagði: „Sælir eru fátækir í anda,
því að þeirra er himnaríki.“.“ Á
þessum orðum hefst Fjallræðan í
Biblíunni, en í henni er kjarninn í
kenningu Jesú Krists. Senn hefst
Alfa III námskeið í Neskirkju þar
sem Fjallræðan verður skoðuð og
er séra Örn Bárður Jónsson sókn-
arprestur leiðbeinandi. „Það er
upp og ofan hversu vel fólk þekk-
ir til Biblíunnar, sumir eru vel
lesnir á meðan aðrir kunna vart
að fletta í henni,“ segir Örn Bárð-
ur og bætir við að námskeiðið sé
öllum opið, byrjendum sem
lengra komnum. „Þegar hafa yfir
tvö hundruð manns setið þau átta
Alfanámskeið sem ég hef haft
umsjón með. Þetta er fólk á öllum
aldri en flestir eru yfir fertugu
enda hugsar fólk öðruvísi um
grundvallarspurningar lífsins
þegar þeim aldri er náð, börnin
komin til sögunnar og ábyrgðin
eftir því.“ Námskeiðin eru með
þægilegu og afslöppuðu sniði:
„Við byrjum á að borða saman,
fáum dýrindismat utan úr bæ,
svo er spjallað um heima og
geima og jafnvel sungið. Að því
loknu fer ég yfir efnið í klukku-
stund og síðan fara fram umræð-
ur í tíu manna hópum. Og það er í
umræðuhópunum sem hinn eig-
inlegi lærdómur verður til.“ Að-
spurður segir Örn misjafnt hver-
su viljugt fólk er til þátttöku í
umræðunum, sumir tali mikið en
aðrir ekki neitt. „Hver og einn
verður að fá að ráða því.“
Skemmtilegt og spennandi
Benedikt Sigurðsson og eigin-
kona hans fóru á Alfanámskeið
fyrir ári. „Það var fyrir orð
kunningja okkar sem við fórum.
Þeir höfðu látið vel af þessu og
námskeiðið uppfyllti allar okkar
væntingar, var bæði skemmti-
legt og spennandi,“ segir Bene-
dikt. „Það hafði lengi blundað í
mér að lesa í Biblíunni og þetta
kom mér af stað.“ Aðspurður
segir Benedikt að þau hafi sótt
kirkju við og við en eftir nám-
skeiðið hafi messunum fjölgað.
„Ég er sannfærður um að þátt-
taka í Alfastarfinu er mannbæt-
andi en það er annarra að dæma
um hvort það hafi gengið eftir“.
Þau hjónin létu reyndar ekki
duga að sitja eitt námskeið held-
ur fóru aftur síðastliðið haust og
mæla óhikað með að aðrir geri
slíkt hið sama. Skilningurinn
dýpki enn frekar.
Fjórar milljónir í hundrað
og þrjátíu löndum
Alfanámskeiðin byrjuðu að
frumkvæði tveggja breskra presta
sem, fyrir tóma tilviljun, eru báðir
einnig löglærðir. Þeir hófu leikinn
fyrir rúmum áratug í kirkju í mið-
borg Lundúna rétt við Harrods-
verslunina frægu og má segja að
fólk hafi hreinlega dottið inn af
götunni. Nú hafa slík námskeið
verið haldin í eitt hundrað og þrjá-
tíu löndum og yfir fjórar milljónir
manna hafa sótt þau. Námskeið
Arnar Bárðar stendur í tíu vikur og
lýkur á sólarhringsdvöl í Skálholti.
Þátttaka kostar fjórtán þúsund
krónur sem er kostnaðurinn við
matinn og Skálholtsdvölina en þess
má geta að fjölmörg stéttarfélög
taka þátt í kostnaði félagsmanna
sinna. Kynning verður haldin í
safnaðarheimili Neskirkju, þriðju-
dagskvöldið 20. janúar kl. 20. ■
Bókmenntaverðlaun
Tómasar Guðmundssonar
Hér með ítrekar Reykjavíkurborg auglýsingu sína eftir handritum að óprentuðu skáldverki,
frumsömdu á íslensku; skáldsögu, smásagnasafni, ljóðabók eða leikriti til að keppa um Bók-
menntaverðlaun Tómasar Guðmundssonar sem verða til úthlutunar á síðari hluta árs 2004.
Verðlaun að upphæð 600 þúsund krónur verða veitt fyrir eitt handrit.
Þriggja manna dómnefnd metur verkin; Árni Sigurjónsson formaður, tilnefndur af borgarráði, Þorgerður
E. Sigurðardóttir, tilnefnd af menningarmálanefnd og Jón Kalman Stefánsson tilnefndur af Rithöfunda-
sambandi Íslands. Sé dómnefnd á einu máli um að ekkert þeirra verka sem borist hafa fullnægi þeim
kröfum sem hún telur að gera verði til verðlaunaverka, má fella verðlaunaveitingu niður það ár.
Handritum sem keppa til verðlaunanna þarf að skila merktum dulnefni, en nafn og heimilisfang fylgi með
í lokuðu umslagi. Handrit berist í síðasta lagi 1. maí 2004.
Utanáskrift:
Bókmenntaverðlaun Tómasar Guðmundssonar
b.t. Signýjar Pálsdóttur, menningarmálastjóra Reykjavíkur
Ráðhúsi Reykjavíkur
101 Reykjavík
Nánari upplýsingar fást á skrifstofu menningarmála,
sími 563-6615, netfang menning@rhus.rvk.is
Borgarstjórinn
í Reykjavík
18. janúar 2004
Þrjóskur,
stríðinn,
skemmtilegur
Hann er fastur á sínu og errosalega þrjóskur. Hann læt-
ur engan standa upp í hárinu á
sér,“ segir Einar Ágúst Víðisson
tónlistarmaður um manninn sem
spurt er um að þessu sinni. Einar
Ágúst hefur unnið með umrædd-
um um nokkurt skeið, þar á meðal
í útvarpi. „Hann er með mjög
beittan húmor og talar oft áður en
hann hugsar. Hann klárar sín mál
og það er gott að treysta á hann.
Hann er vel liðinn alls staðar og
traustur, heiðarlegur fram í fing-
urgómana.“ Einar Ágúst segir
umræddan þó hafa einn stóran
galla. „Hann kemur frá stað sem
liggur ekki að sjó og því hefur
hann ekki migið í saltan sjó.“
Samferðarmaður hans á ung-
dómsárunum, Halldór Benedikts-
son, verslunarstjóri BT, segir
okkar mann stríðinn með ein-
dæmum. „Hann var prakkari hinn
mesti og nýtti hvert tækifæri til
að gera grikk.“ Stríðnin er þó ekki
það eina sem hann vill segja:
„Strax í bernsku sýndi hann mikið
frumkvæði og var alltaf viss um
hvað hann vildi. Síðar kom svo í
ljós að hann var, og er, afar hug-
myndaríkur og frjór“. Þráinn
Hafsteinsson frjálsíþróttaþjálfari
tekur í svipaðan streng og bætir
við að okkar maður sé afskaplega
skemmtilegur. „Hann hefur líka
þörf fyrir að vera í sviðsljósinu og
nýtur þess vel,“ segir Þráinn. Um
íþróttahæfileikana segir hann:
„Jú, jú þeir voru til staðar en þó
virtist mér sem hann hefði ekki
þá brennandi löngun sem þarf til
að berja á sjálfum sér líkamlega
til að ná árangri. Hugurinn virtist
stefna í aðrar áttir.“ Og nú er
spurt: Hver er maðurinn? Svarið
er á síðu 22. ■
BENEDIKT SIGURÐSSON
Hefur setið tvö Alfanámskeið og mælir
með þeim.
Alfanámskeið er að fara af stað í Neskirkju. Yfir tvö hundruð manns hafa þegar setið slík námskeið:
Hver er tilgangurinn með þessu jarðlífi?
ÖRN BÁRÐUR JÓNSSON
„Upp og ofan hversu vel fólk þekkir Biblíuna.“
Hlutfall þeirra sem skráðir eruí þjóðkirkjuna hefur fækkað
úr 92% í 86,1% á síðustu tíu árum.
Þetta kemur fram í tölum frá
Hagstofu Íslands. Þjóðkirkjan
hefur þó yfirburðastöðu hvað
varðar fjölda skráðra einstak-
linga miðað við önnur trúfélög.
Þann 1. desember 2003 voru
250.051 skráðir í kirkjuna.
„Í fyrsta lagi vil ég nefna að
þarna er um hlutfallstölur að
ræða. Þegar við skoðum fjölda
einstaklinga þá hefur fjölgað í
þjóðkirkjunni á undanförnum
árum,“ segir Halldór Reynisson,
verkefnisstjóri á biskupsstofu,
spurður um þá fækkun sem hefur
átt sér stað í söfnuðinum. „Í annan
stað hefur orðið mikil fjölgun ný-
búa á Íslandi síðustu ár sem hefur
breytt hlutföllunum og því hefur
fjölgað í öðrum trúfélögum en
þjóðkirkjunni.“
Halldór segir einnig að sú til-
hneiging hafi verið á Vesturlönd-
um síðustu ár að efla hinn frjálsa
markað og frjáls félög og um leið
minnka áhrif ríkisins og stofnana
sem tengjast ríkinu beint eða
óbeint. Þar af leiðandi hafi
kannski fjölgað í öðrum trúfélög-
um en þjóðkirkjunni.
„Þetta á eflaust einnig við um
íslensku þjóðkirkjuna sem og aðr-
ar kirkjur á Norðurlöndum og í
Vestur-Evrópu. Þetta hefur meðal
annars gerst í Bretlandi og Þýska-
landi,“ segir Halldór.
Fjölgun hjá fríkirkjusöfnuðum
Rúmlega 12.500 manns eru
skráðir í fríkirkjusöfnuðina þrjá,
Fríkirkjuna í Reykjavík, Óháða
söfnuðinn og Fríkirkjuna í Hafn-
arfirði. Hlutfallið hefur hækkað
úr 3.2% landsmanna í 4,5% á síð-
ustu tíu árum.
„Við erum gríðarlega ánægð
með fjölgunina hjá okkur. Það
hefur gengið vel og við höfum
haft góðan meðbyr,“ segir Einar
Eyjólfsson, prestur í Fríkirkjunni
í Hafnarfirði. Í fyrra voru 4.127
skráðir í söfnuðinn en til saman-
burðar voru 2.954 árið 1996.
Einar segir mikið af ungu
fjölskyldufólki hafa gengið í söfn-
uðinn síðustu ár oft í tengslum við
fermingu og barnastarf. Hann
þakkar fjölgunina einnig góðum
leiðtogum í safnaðarstarfinu.
„Fjölgunin skiptir okkur gríð-
arlega miklu máli að því leytinu
til að sóknargjöld eru okkar einu
tekjur. Það skiptir okkur líka máli
að fá fólk inn til að standa undir
þessu öfluga starfi,“ segir Einar,
sem tók við sem prestur í
Fríkirkjunni árið 1984. Þá voru
1.800 manns skráðir í söfnuðinn.
Aukinn fjöldi trúfélaga
Skráðum trúfélögum utan þjóð-
kirkju og fríkirkju hefur fjölgað
úr ellefu í 21 síðustu tíu ár. Þessum
trúfélögum tilheyra nú rúm 4%
íbúa samanborið við 3,5% árið
1993. Flest félaganna eru afar fá-
menn. Kaþólska kirkjan er eina
trúfélagið þar sem hlutfallið er
yfir 1%. Þar hefur meðlimum
fjölgað um meira en helming frá
árinu 1993, úr 2.484 í 5.582.
„Það er mikið af kaþólskum inn-
flytjendum sem kemur hingað til
lands. Fólk frá Póllandi, Litháen,
Filippseyjum og Suður-Ameríku,“
segir séra Jakob Roland.
Þó nokkrir Íslendingar taka upp
kaþólska trú á ári hverju. Séra
Jakob segist ekki vita nákvæma
tölu yfir hlutfall Íslendinga í söfn-
uðinum. „En ég gæti trúað að um
helmingur safnaðarmeðlima sé
með íslenskan ríkisborgararétt,“
segir séra Jakob.
Til óskráðra trúfélaga og með
ótilgreind trúarbrögð heyrðu 2,7%
þjóðarinnar og 2,4% eru utan trú-
félaga samanborið við 1,4% árið
1993.
kristjan@frettabladid.is
Þjóðkirkjan 86.08%
Fríkirkjan í Reykjavík 2.04%
Kaþólska kirkjan 1.92%
Fríkirkjan í Hafnarfirði 1.42%
Óháði söfnuðurinn 0.86%
Hvítasunnukirkjan á Íslandi 0.59%
Ásatrúarfélag 0.27%
Fríkirkjan Vegurinn 0.24%
Krossinn 0.20%
Búddistafélag Íslands 0.18%
Félag múslima á Íslandi 0.10%
Önnur trúfélög og ótilgreint 3.71%
Utan trúfélaga 2.39%
Heimild: Hagstofa Íslands
HLUTFALL ÍBÚA EFTIR TRÚFÉLÖGUM
1. desember.
HALLDÓR REYNISSON
Hann segir að fjölgað hafi í þjóðkirkjunni
síðustu ár.
KRISTSKIRKJA VIÐ LANDAKOT
Með komu fólks frá Litháen, Filipps-
eyjum og Suður-Ameríku hefur
fjölgað í kaþólsku kirkjunni.
FR
ÉT
TA
B
LA
Ð
IÐ
/G
VA
Hver er maðurinn?