Fréttablaðið - 22.01.2004, Blaðsíða 2

2 22. janúar 2004 FIMMTUDAGUR
„Það er kannski of djúpt í árinni
tekið en þessi sjóður, ef af verður,
verður auðvitað mjög öflugur fyrir
bæði menningar- og líknarstarf.“
Hildur Petersen er stjórnarformaður SPRON sjóðs-
ins sem verður stærsti menningar- og líknarsjóður
landsins ef SPRON verður seldur til KB-banka,
eins og áform eru um.
Spurningdagsins
Hildur, er menningunni borgið?
■ Lögreglufréttir
HEILBRIGÐISMÁL „Fækkun vakta á
Landspítala-háskólasjúkrahúsi,
sem er liður í þessum aðgerðum,
getur dregið úr öryggi þjónust-
unnar. Ekki er víst, að sérhæft
starfsfólk verði til staðar í bráða-
tilfellum,“ sagði Magnús Péturs-
son, forstjóri Landspítala, þegar
framkvæmdastjórn spítalans kyn-
nti þær aðgerðir sem nú verður
gengið í til að ná þeim sparnaði í
rekstri sem stjórnvöld hafa fyrir-
skipað.
Fréttablaðið hefur greint ítar-
lega frá uppsögnum og vinnurösk-
un starfsfólks að undanförnu, þar
sem fækkað verður um 200 árs-
verk. En það eru fleiri aðgerðir í
farvatninu, að því er fram kom í
máli Magnúsar. Bráðamóttöku við
Hringbraut verður lokað um helg-
ar, en þangað komu að meðaltali
26 sjúklingar hvern helgardag á
síðasta ári. Bið eftir þjónustu mun
líklega lengjast og sjúkraflutning-
um milli húsa fjölga.
Hvað varðar deildir spítalans
munu sumarlokanir verða lengri
en áður. Biðlistar, sem hafa verið
að styttast, munu standa í stað og
jafnvel lengjast. Göngudeild end-
urhæfingar í Kópavogi verður lok-
að, en krabbameinssjúklingar geta
sótt endurhæfingu á Grensási.
Barnaeiningu í Fossvogi verð-
ur lokað og starfsmönnum á nýja
barnaspítalanum fækkað.
Ársverkum hjá skurðlæknum
spítalans verður fækkað, legutími
á skurðdeild styttur enn frekar og
legurýmum fækkað. Þá verður
vöktum fækkað.
Framkvæmdastjórn LSH mun
ræða rekstur Arnarholts við fé-
lagsmálayfirvöld, en þar bíða 40
vistmenn úrræða. Vímuefnameð-
ferða á Flókagötu verður flutt í
geðdeildarhús á Hringbraut og
verður í formi dag- og göngu-
deildar. Klínísk stoðþjónusta, svo
sem iðjuþjálfun, sjúkraþjálfun,
sálfræðiþjónusta, prestverk og
félagsráðgjöf, verður skorin nið-
ur um 39 ársverk.
Leita á allra leiða til að ná nið-
ur lyfjakostnaði. Meðal annars er
í athugun hvort spítalinn getur
keypt inn lyf milliliðalaust, sé sá
kostur hagstæðari. Starf fulltrúa
sjúklinga verður lagt niður, að-
hald í innkaupum stóraukið.
Kennsla nemenda heilbrigðis-
stétta verður skorin niður um 50
milljónir króna, svo og bókasafns-
og upplýsingaþjónusta.
Hvað varðar fjáreiður spítalans
verða svið sameinuð, deildir lagðar
niður og starfsfólki sagt upp.
Umfang ræstinga verður minnk-
að um 10% sem nemur 20–25
stöðugildum. Þessi sparnaður
verður útfærður meðal annars
með tilliti til vaxandi spítala-
sýkinga.
Dregið verður úr viðhaldi
bygginga og tækjabúnaði vegna
fækkunar sjö starfsmanna á því
sviði. Farið verður á vormánuð-
um yfir sviðakerfi spítalans með
tilliti til fækkunar millistjórn-
enda. Þá hafa 2/3 stjórnenda sam-
þykkt launaskerðingu upp á 5%.
Með þessum aðgerðum telur
framkvæmdastjórn sig ná fram
7–800 milljóna króna sparnaði.
jss@frettabladid.is
Þrjú bókaforlög svæfð í endurskipulagningu hjá Eddu-útgáfu
Breytingar í bókaútgáfu
BÓKAÚTGÁFA Ákveðið hefur verið
að leggja niður störf útgáfustjóra
bókaforlaganna Forlagsins, Ið-
unnar og Þjóðsögu. Að nafninu til
verða þau ekki lögð niður og ein-
hverjar bækur verða gefnar út
síðar á árinu undir þeirra merkj-
um en ljóst er að starfsemi þeirra
verður lítil sem engin.
Útgáfustjórar Forlagsins og Ið-
unnar taka við nýjum stoðdeildum
sem starfa samhliða þeim útgáf-
um sem eftir standa; Máli og
menningu, Almenna Bókafélaginu
og Vöku-Helgafelli. Skipurit
Eddu- útgáfu er því að taka mikl-
um breytingum.
Kristján B Jónasson, útgáfu-
stjóri Forlagsins, fer í nýja stöðu
þróunarstjóra fyrirtækisins á
föstudaginn, þegar breytingar
verða tilkynntar.
„Þessi breyting er ekki skyndi-
ákvörðun heldur ákveðin stefna
sem að stjórn og síðan útgáfu-
stjórar hafa mótað undanfarna
mánuði,“ segir Kristján. „Mitt
nýja starf er að ná utan um ný
tækifæri og skapa verkefni. Litið
er á starf þróunarstjóra sem
nauðsynlegt í öllum stórum bóka-
forlögum í nágrannalöndunum,
bæði til að finna hæfileikafólk og
koma hugmyndum í verk.“
Þá mun Sigurður Svavarsson,
útgáfustjóri Iðunnar, halda áfram
að gegna veigamiklu hlutverki við
stjórnun útgáfu innan nýrrar
stoðdeildar. Fleiri breytingar
verða síðar á árinu þegar Pétur
Már Ólafsson, forstöðumaður út-
gáfusviðs hjá Eddu og útgáfu-
stjóri Vöku-Helgafells, lætur af
störfum. Óljóst er hver mun taka
við hans starfi. ■
URÐ OG GRJÓT Á MARS
Nóg er af gjóti á Mars eins og þessi
mynd sýnir sem nýlega barst frá geimjepp-
anum Spirit.
Loftsteinaleit:
Fundu grjót
frá Mars
MAROKKÓ Vísindamenn við bresku
haffræðistofnunina í Sout-
hampton hafa staðfest að grjót
sem nýlega fannst í Atlasfjöllum í
suðurhluta Marokkó hafi borist
frá reikistjörnunni Mars.
Það var hópur áhugafólks um
loftsteina frá umræddu svæði,
undir stjórn Bretans Bruno Fect-
ay, sem fann grjótið og er um að
ræða sex hnefastóra steina. Það
er mat sérfræðinganna að þeir
hafa borist út í geiminn frá Mars
eftir árekstur loftsteins og síðan
hingað til jarðar.
Að sögn Fectays hefur hópur
íbúa á svæðinu þar sem grjótið
fannst, stundað loftsteinaleit í
þrjátíu ár. „Þeir þekkja svæðið
því mjög vel,“ sagði Fectay. ■
Framhalds- og
háskólanemar:
Fjölgar
talsvert
MENNTAMÁL Rúmlega 37.000 manns
voru skráðir á skólabekk í fram-
halds- og háskólum landsins síð-
asta haust. Það er rúmlega 3.300
manns meira en árið áður þegar
þeir voru 34.700.
23.120 nemar voru skráðir í
framhaldsskóla síðasta haust og
hafði fjölgað um tíu til ellefu pró-
sent milli ára. 15.752 voru skráðir
í háskólanám, rúmum sex pró-
sentum fleiri en haustið 2002.
Hluti þessa eru þó tvítalningar
þannig að bak við tæplega 39.000
skráningar standa rúmlega 37.000
nemar. ■
Flugslysið í Egyptalandi:
Mistök
flugmanns
EGYPTALAND, AP Frumrannsókn á
flugslysinu í Egyptalandi 3. janú-
ar síðastliðinn bendir til þess að
slysið megi rekja til mistaka flug-
manns, að sögn egypskra flug-
málayfirvalda. Því hefur hingað
til verið haldið fram að bilun í
tækjabúnaði hafi valdið því að vél
flugfélagsins Flash Airlines hrap-
aði í Rauða hafið með þeim afleið-
ingum að 148 manns fórust.
Ónafngreindur embættismaður
hjá egypska flugmálaráðuneytinu
segir að rannsókn á öðrum flugrita
vélarinnar sýni að flugmaðurinn
hafi ekki sent neyðarkall til flugum-
ferðarstjóra. Niðurstöður rann-
sóknarnefndarinnar getur haft
áhrif á þær bætur sem Flash Air-
lines fær frá tryggingarfélögum. ■
Reykjanesbær:
Teknir með
fíkniefni
FÍKNIEFNI Tveir sautján ára og einn
tvítugur maður voru handteknir
og færðir til yfirheyrslu, af lög-
reglunni í Keflavík, í fyrrakvöld.
Lögreglan hafði afskipti af
mönnunum vegna gruns um neyslu
og vörslu fíkniefna. Á einum mann-
anna fundust tæp tuttugu grömm af
maríjuana. Þeir voru látnir lausir að
yfirheyrslum loknum. ■
Reykjanesbraut:
Hestakerra
valt
LÖGREGLAN Hestakerra með þremur
hestum innanborðs slitnaði aftan úr
bifreið í Hvassahrauni á Reykjanes-
braut um klukkan hálf þrjú í gær.
Kerran fór niður vegöxlina og
valt. Mildi þykir að hestarnir þrír
sluppu ómeiddir en kerran skemmd-
ist mikið. Óhappið hafði ekki áhrif á
aðra umferð á brautinni. ■
FASTEIGNAMARKAÐUR Vísbendingar
er um að slaki sé að myndast á
fasteignamarkaði og að verð gæti
farið lækkandi. Greiningardeild
KB-banka telur ýmis merki þess
að þrýstingur til lækkunar fast-
eignaverðs muni skapast á mark-
aði áður en langt um líður. Sam-
kvæmt yfirliti Íbúðalánasjóðs
fjölgaði lánaumsóknum til nýbygg-
inga um 40% í fyrra og voru þær
2.300 talsins. Áætlanir sjóðsins
benda til þess að slíkum umsókn-
um muni fjölga á þessu ári.
Greiningardeild KB-banka seg-
ir þessi umsvif mikil í sögulegu
samhengi. Undanfarin ár hafi um-
sóknir um nýbyggingalán verið um
1.500 á ári. Húnæðisverð hefur
staðið í stað að undanförnu og
húsaleiga lækkað. Byggingaverk-
takar fjármagna nú nýbyggingar í
auknum mæli með húsbréfum. Það
er talin vísbending um að erfiðara
sé að finna kaupendur.
Greiningardeildin segir verð-
bólguhorfur batna við þetta vegna
vægis húsnæðis í vísitölu neyslu-
verðs. Önnur afleiðing er að lækk-
andi húsnæðisverð takmarkar
frekari skuldsetningu heimila
sem þegar eru töluvert skuldsett.
Þetta bendi svo í þá átt að efna-
hagslífið í heild kunni að vera
næmara fyrir verðbreytingum
fasteigna. ■
ÁREKSTRAHRINA Fimm árekstrar
urðu á Akureyri frá því sex í gær-
morgun og til klukkan eitt eftir
hádegi í gær. Einn kenndi sér
eymsla í baki og var fluttur á
slysadeild. Umferðaróhöppin má
öll rekja beint eða óbeint til hálku.
KRISTJÁN B JÓNASSON
Hættir sem útgáfustjóri Forlags-
ins en verður þróunarstjóri
Eddu útgáfu.
FR
ÉT
TA
B
LA
Ð
IÐ
/I
N
G
Ó
LF
U
R
NIÐURSKURÐUR
Framkvæmdastjórn Landspítala Háskólasjúkrahsus kynnti niðurskurðaraðgerðir í gær.
Magnús Pétursson forstjóri LSH kvaðst vænta þess að stjórnvöld gæfu nefndum sem
störfuðu að málum spítalans svigrúm til að ljúka störfum.
MIKIÐ BYGGT
Hækkandi fasteignaverð hefur gert það
fýsilegt að ráðast í nýbyggingar. Greining-
ardeild KB-banka telur vísbendingar um að
fasteignaverð geti farið lækkandi.
Verð á fasteignum:
Lækkanir í farvatninu
Innbrot í Keflavík:
Þjófar hand-
teknir
LÖGREGLAN Þrír menn um tvítugt
voru handteknir í gær grunaðir um
innbrot í heimahús í Keflavík sem
framið var í fyrrinótt. Sömu menn
hafa gerst sekir um nokkur innbrot
í bænum á seinni hluta síðasta árs.
Lögreglan hafði upp á tveimur
mannanna á heimili annars þeirra
og fannst þýfið, fartölva og skóla-
taska, fyrir utan húsið. Sá þriðji var
handtekinn annars staðar í bænum.
Tveimur mannanna var sleppt
í gær eftir að þeir játuðu sinn þátt
í innbrotinu og telst málið vera
upplýst. Einn þremenninganna,
annar þeirra sem handtekinn var
þar sem þýfið fannst, neitaði aðild
að málinu. Honum var sleppt í
gærkvöldi. ■
Skert þjónusta
bitnar á sjúklingum
Samdráttur hjá Landspítalanum mun bitna á þjónustu við sjúklinga.
Forstjórinn segir hann geta dregið úr öryggi þjónustunnar. Hann vill að
stjórnvöld gefi nefndum sem starfa að málefnum spítalans ráðrúm.