Fréttablaðið - 22.01.2004, Blaðsíða 12
12 22. janúar 2004 FIMMTUDAGUR
BEÐIÐ EFTIR DÝFU
Stór hópur hindúa-pílagríma bíður þess að
komast í hina heilögu dýfu á bökkum ár-
innar Ganges í Allahabad á Indlandi á
árlegri hátíð „hins nýja þögula tungls“.
Kaupsýslumaður ákærður fyrir að múta Sharon:
Óvissa um framtíð forsætisráðherrans
TEL AVIV, AP Ísraelski kaupsýslu-
maðurinn David Appel hefur
verið ákærður fyrir að bera fé á
Ariel Sharon, forsætisráðherra
Ísraels. Stjórnmálaskýrendur
segja að ákærurnar auki líkurn-
ar á því að Sharon verði sjálfur
sóttur til saka og neyðist til að
segja af sér.
Appel er ákærður fyrir að
láta Sharon fá sem svarar tug-
um milljóna íslenskra króna til
að kynna byggingarfram-
kvæmdir í Grikklandi árið 1999,
þegar sá síðarnefndi gegndi
embætti utanríkisráðherra, og
til að endurreisa byggð í útjaðri
Tel Aviv fyrir og eftir að Sharon
settist í stól forsætisráðherra.
Appel er einnig sakaður um að
hafa mútað varaforsætisráð-
herra Ísraels, Ehud Olmert,
þegar hann var borgarstjóri í
Jerúsalem í lok tíunda áratugar-
ins.
„Það leikur engin vafi á sak-
leysi hans,“ sagði lögmaður
Appels, Moshe Israel. Hvorki
Sharon né Olmert hafa sent frá
sér yfirlýsingu vegna málsins.
Einnig er verið að rannsaka
hvort Sharon hafi þegið ólögleg
lán frá erlendum kaupsýslu-
mönnum í tengslum við kosn-
ingabaráttu Likud-flokksins
árið 1999. Lögfróðir menn segja
að saksóknarar
muni ekki ákæra
Sharon nema þeir
séu sannfærðir um
að hann hafi vitað
að um mútur hafi
verið að ræða. ■
FJÖLMIÐLAR Dr. Herdís Þorgeirs-
dóttir verður aðalframsögumaður
á þingi í Minsk í
Hvíta-Rússlandi í
lok febrúar um
nauðsyn þess að
auka frelsi fjöl-
miðla. Hún er þar
sem fulltrúi nefnd-
ar Evrópuráðsins
um lýðræði með lögum, svokall-
aðrar Feneyjanefndar, en í henni
sitja sérfræðingar í alþjóðalögum
og stjórnskipun frá 45 aðildarríkj-
um Evrópuráðsins. Herdís er
varafulltrúi Íslands í nefndinni.
Þing Öryggis- og samvinnu-
stofnunar Evrópu stendur fyrir
þessari ráðstefnu en hana sitja
ráðherrar Hvíta-Rússlands, þing-
menn, blaðamenn og fulltrúar
fjölmiðla og fulltrúar frá Evrópu-
sambandinu.
Í samtali við Fréttablaðið í gær
sagði Herdís að forseti Hvíta-
Rússlands, Aleksandr Luka-
shenko, hefði lýst því yfir að
frumvarp um fjölmiðla sem er að
verða að lögum muni standast al-
þjóðleg viðmið en blaðamenn og
fjölmiðlar í landinu óttist hins
vegar að lögin verði enn eitt tæki
stjórnvalda til að herða tök sín.
Fyrrverandi upplýsingaráðherra
landsins hafði lýst því yfir að
frumvarpið yrði lagt fyrir Fen-
eyjanefnd Evrópuráðsins til um-
fjöllunar og ráðgjafar en nefndin
hefur ekki enn fengið að líta á
frumvarpið. Hún bendir á að
Hvíta-Rússland hafi ekki enn
fengið fulla aðild að Evrópuráðinu
en fulltrúi þess sitji fundi Fen-
eyjanefndarinnar sem haldnir eru
fjórum sinnum á ári í Feneyjum.
Þar séu einnig áheyrnarfulltrúar
frá Bandaríkjunum, Argentínu,
Kanada, Vatíkaninu, Ísrael, Japan
og Kóreu.
„Ég átti von á því að vera send
til Úkraínu þar sem ég var í hópi
sérfræðinga að gefa álit á breyt-
ingum á stjórnarskránni þar í des-
ember en þar er ástandið slæmt.
Ráðherranefnd Evrópuráðsins tók
fyrir ástandið í fjölmiðlum þar á
fundi sínum í síðustu viku en í
Úkraínu hafa þrír blaðamenn lát-
ist með grunsamlegum hætti frá
því árið 2000. Nýlega fannst einn
þeirra hengdur í tré og annar
hafði verið hálshöggvinn. Varð-
andi ástandið í Hvíta-Rússlandi
eru allir mjög varfærnir í að tjá
sig enda hafa fáir séð þetta frum-
varp. Raddir eru uppi um það að
einhver ákvæði þessara fyrirhug-
uðu laga muni skerða enn frekar
frelsi blaðamanna en fjölmiðlar
eru samkvæmt núgildandi lögum
háðir leyfi yfirvalda vilji þeir
starfa. Mitt framlag til ráðstefn-
unnar verður um evrópskar regl-
ur og viðmið varðandi fjölmiðla,“
segir Herdís.
rt@frettabladid.is
HERDÍS ÞORGEIRSDÓTTIR
Heldur til Hvíta-Rússlands í næsta mánuði
til að hafa framsögu um fjölmiðla og frelsi.
■
Fjölmiðlar eru
samkvæmt
núgildandi
lögum háðir
leyfi yfirvalda.
Hefur framsögu um
aukið frelsi fjölmiðla
Dr. Herdís Þorgeirsdóttir verður fulltrúi Evrópuráðsins á þingi um
aukið frelsi fjölmiðla í Hvíta-Rússlandi.
HÖFUÐSTÖÐVAR EVRÓPURÁÐSINS
Herdís Þorgeirsdóttir segir sitt framlag til ráðtefnunnar verða um evrópskar reglur
og viðmið varðandi fjölmiðla.
ARIEL SHARON
Andstæðingar Sharons
telja að honum beri að
segja af sér tafarlaust,
óháð því hvort hann
verði ákærður.