Fréttablaðið - 03.02.2004, Blaðsíða 2
2 3. febrúar 2004 ÞRIÐJUDAGUR
„Já, gott ef það er ekki skemmti-
legra að berja Dani en aðrar þjóðir -
sérstaklega ef það eru karlmenn.“
Edda Lúvísa Blöndal, þjálfari og karatemeistari, var
í landsliði Íslands sem keppti við Dani í Laugar-
dalshöll um helgina.
Spurningdagsins
Edda Lúvísa, er gaman að berja Dani?
STJÓRNMÁL Ljóst er að sú ákvörðun
að láta forsetaembættið ekki vita
af fyrirhuguðum fundi í ríkisráði
Íslands mun hafa eftirmál. Starfs-
menn forsetaembættisins eru
mjög undrandi á því að hafa ekki
fengið upplýsingar um að halda
skyldi fund í ríkisráðinu í fyrra-
dag, á hundrað ára afmæli heima-
stjórnarinnar.
Fram hefur komið að Ólafur
Davíðsson, ritari ríkisráðs, hafi
ekki boðað forsetann á fundinn þar
sem vitað hafi verið að hann væri
staddur í fríi í útlöndum. Þetta tel-
ur Ólafur Ragnar Grímsson ekki
vera frambærilega skýringu.
„Jafnvel á laugardag hefði ver-
ið hægt að hafa samband við mig
og láta mig vita að til stæði að
halda fund í ríkisráðinu. Ég hefði
þá komið heim með kvöldvélinni
frá Bandaríkjunum og verið kom-
inn á sunnudagsmorguninn. Ég tel
að það sé ein af mikilvægustu
embættisskyldum forsetans að
sitja slíka fundi og stjórna þeim,“
segir Ólafur Ragnar Grímsson.
Hann segir að fundinum hafi
verið haldið leyndum fyrir sér og
skrifstofu forsetaembættisins og
að hægur vandi hefði verið að
gera honum viðvart ef vilji hefði
verið til þess. „Það er alls ekki
hægt að nota það sem afsökun að
forsetinn sé erlendis og því þurfi
að boða til skyndifundar í ríkis-
ráðinu án forsetans. Enda sjá
menn að ef það ætti að fara að
breyta þeirri aðferð væru menn
komnir út í algjörar ógöngur í
stjórnskipun lýðveldisins og það
ætla ég ekki nokkrum manni að
vilja,“ segir Ólafur Ragnar.
Hann segir að í aðdraganda há-
tíðarhaldanna hafi aldrei verið
óskað eftir aðkomu forsetans eða
embættisins að hátíðinni. Hann
hafi hins vegar fengið boðskort
um að vera við sjónvarpsútsend-
ingu úr Þjóðmenningarhúsinu
fyrir um tveimur vikum síðan.
Hann segist ekki telja að það
hafi verið einhver hugdetta að
halda skyndifund í ríkisráðinu og
því hefði verið fullt tækifæri til
þess að ræða við forsetann um
fundinn. „Það var einfaldlega ekki
gert,“ segir Ólafur Ragnar.
Hann kveðst munu ræða uppá-
komuna við þá aðila sem hlut eiga
að máli. „Ég held að það sé óhjá-
kvæmilegt og nauðsynlegt vegna
þess að þetta má náttúrlega ekki
verða fordæmi þannig að menn
fari að beita því fyrir sig að for-
setinn sé erlendis og þess vegna
sé boðað til fundar í ríkisráðinu án
þess að láta hann vita af því. For-
setinn er oft á tíðum erlendis í
margvíslegum embættiserindum.
Þess vegna er ekki hægt að nota
það sem stjórnskipulega ástæðu
til þess að halda því leyndu fyrir
forsetanum að til standi að halda
fund í ríkisráðinu,“ segir hann.
thkjart@frettabladid.is
STJÓRNMÁL Valgerður Sverrisdótt-
ir, iðnaðar- og viðskiptaráðherra,
telur inngöngu Íslands í Evrópu-
sambandið eina þeirra leiða sem
gætu orðið sauðfjárbændum til
bjargar.
Í pistli á heimasíðu sinni grein-
ir Valgerður frá því að 30 ár séu
nú síðan hún og maður hennar
hófu sauðfjárbúskap. Öll þau ár
hafi menn alið þá von í brjósti að
hægt væri að selja lambakjöt til
útlanda.
„Vissulega hefur mikið verið
selt en á lágu verði. Miðað við
svipaða framleiðslu og innan-
landsneyslu munum við ekki eiga
annan kost en að selja lambakjöt
áfram úr landi, þar sem útflutn-
ingsskyldan er nú komin hátt í
40%. Það er svo sannarlega verk-
efni til úrlausnar hvernig skyn-
samlegast er að halda á þessum
málum þannig að sauðfjárbændur
hafi þokkalegt lifibrauð og þeir
opinberu fjármunir sem varið er
til greinarinnar nýtist bændum.
Einn möguleikinn gæti verið að
ganga í Evrópusambandið,“ segir
Valgerður Sverrisdóttir á heima-
síðu sinni. ■
Dýrasjúkdómar:
Ráðherra
skipar nefnd
DÝRASJÚKDÓMAR Landbúnaðarráð-
herra hefur skipað nefnd til að
fara yfir gildandi lög og reglu-
gerðir um varnir gegn dýrasjúk-
dómum ásamt framkvæmd
þeirra. Ráðuneytið segir að kom-
ast þurfi eins og frekast sé unnt
fyrir þá hættu sem steðjar að
heilsu manna og dýra af dýrasjúk-
dómum og sýktum matvælum og
er nefndinni falið að gera tillögur
þar að lútandi.
Alvarlegir dýrasjúkdómar
hafa gert vart við sig víðs vegar
um heiminn á undanförnum árum,
svo sem kúariða, svínapest, gin-
og klaufaveiki og fuglaflensa. ■
Á SLYSSTAÐ
Maður á sjötugsaldri lést í umferðarslysi.
Reykjavík:
Banaslys á
Höfðabakka
BANASLYS Maður á sjötugsaldri lést
í hörðum árekstri fólksbíls og
flutningabíls sem kom úr gagn-
stæðri átt á Höfðabakka á móts
við Árbæjarsafn á tíunda tíman-
um í gærmorgun. Ökumaður
flutningabílsins var fluttur á
slysadeild.
Talið er að fólksbíllinn hafi far-
ið yfir á öfugan vegarhelming en
tildrög slyssins eru til rannsókn-
ar. Vitni að slysinu eru beðin um
að hafa samband við lögregluna í
Reykjavík.
Loka þurfti veginum í tvær og
hálfa klukkustund eftir slysið. ■
Íslandsbanki:
Eignast 5,36%
í bankanum
VIÐSKIPTI Félag í eigu Karls, Stein-
gríms og Ingunnar Wernersbarna
hefur eignast 5,36% hlut í Íslands-
banka. Í Kauphöll Íslands í gær
var tilkynnt um að gerðir hefðu
verið framvirkir samningar um
kaup á stórum hlut í félaginu.
Heildareign félags systkin-
anna, Milestone Import Export
Ltd., er að verðmæti rúmlega
fjórir milljarðar miðað við gengi
bankans í gær.
Karl Wernersson er stjórnar-
maður í Pharmaco og eigandi
lyfjaverslunarkeðjunnar Lyfja og
heilsu. ■
ÚR HÉRAÐSDÓMI
Sakborningur og verjandi hans ganga í sal.
Ákærði neitaði sök og mótmælti upptöku-
kröfu.
Maður ákærður fyrir
rekstur spilavítis:
Neitar sök
DÓMSMÁL Mál gegn manni á fer-
tugsaldri, sem ákærður er fyrir
að hafa rekið spilavíti og hafa rek-
ið veðmálastarfsemi, var þingfest
í Héraðsdómi Reykjavíkur í gær.
Þá er krafist upptöku á rúmlega
fimm milljónum sem voru teknar
við rannsókn málsins.
Manninum er gefið að sök að
hafa frá desember 2001 til loka sept-
ember árið 2002 rekið fjárhættuspil
í atvinnuskyni og sér til ávinnings í
húsi við Suðurgötu. Meðal annars
var þar spilaður póker og rúlletta.
Einnig er hann ákærður fyrir að
hafa rekið veðmálastarfsemi þar
sem hann kom öðrum til þátttöku í
veðmálum. Hann hélt úti heimasíðu
á Netinu þar sem hægt var að tengj-
ast heimasíðu veðbankans Game-
bookers Ltd. Maðurinn neitaði sak-
argiftum og mótmælti upptöku-
kröfu. ■
Átt þú barn sem er
sænskumælandi?
Sænskur barnakór
hefur starfsemi
Aldur barna 7-12 ára
Frekari upplýsingar
er að finna á heimasíðu okkar
eða í síma 822 3510
www.svenskaforeningen.is
VALGERÐUR SVERRISDÓTTIR
Iðnaðar- og viðskiptaráðherra varpar því
fram að hugsanlega sé ESB-aðild möguleg
lausn á vanda sauðfjárbænda.
Valgerður Sverrisdóttir um vanda sauðfjárbænda:
Segir ESB-aðild eina leið
RÁÐNING Gengið hefur verið frá
ráðningu Tómasar Más Sigurðs-
sonar í starf forstjóra Fjarðaáls,
sem fyrirhugar að reisa 322.000
tonna álver í
Reyðarfirði. Áætl-
að er að hefja
framkvæmdir við
byggingu álvers-
ins árið 2005 og
stefnt er að því að
framleiðsla hefj-
ist þar árið 2007.
Tómas Már er
36 ára, verkfræð-
ingur að mennt og
gegnir nú starfi
f r a m k v æ m d a -
stjóra tækni- og umhverfissviðs
hjá Norðuráli. Hann mun taka við
starfi forstjóra Fjarðaáls þann 1.
mars næstkomandi en mun starfa
hjá Norðuráli fram að þeim tíma.
Tómas Már hefur verið fram-
kvæmdastjóri tækni- og umhverf-
issviðs hjá Norðuráli síðan 1997,
en verkfræði- og viðhaldsdeildir
fyrirtækisins heyra undir það
svið auk gæðamála. Einnig hefur
hann sinnt margvíslegum verk-
efnum í tengslum við uppbygg-
ingu fyrirtækisins. Milli áranna
1995 og 1997 starfaði Tómas Már
hjá Hönnun hf., aðallega við fram-
kvæmd umhverfismats og skipu-
lagningu framkvæmda. Þar áður
var hann verkfræðingur hjá
Vegagerðinni. ■
TÓMAS MÁR
SIGURÐSSON
Nýráðinn forstjóri
Fjarðaáls hefur
unnið hjá Norður-
áli í á sjöunda ár.
FR
ÉT
TA
B
LA
Ð
IÐ
/P
JE
TU
R
HALLDÓR BLÖNDAL Í FORSÆTI
Í fjarveru Ólafs Ragnars Grímssonar stýrði Halldór Blöndal, forseti Alþingis, fundi ríkisráðs.
Forsetinn segir að hann hefði komið heim til að stjórna fundinum hafi honum verið gert
viðvart um hann.
FR
ÉT
TA
B
LA
Ð
IÐ
/G
VA
Haldið leyndum
fyrir Ólafi Ragnari
Forseti Íslands segir að hefði hann vitað af ríkisráðsfundi á sunnudag
hefði hann komið heim með skömmum fyrirvara. Hann er mjög ósáttur
við að hafa ekki verið boðaður á fundinn.
DEMÓKRATAR KJÓSA Í kvöld fer
fram prófkjör í sjö fylkjum
Bandaríkjanna; Arizona,
Delaware, Missouri, Nýju
Mexíkó, Norður-Dakóta, Okla-
homa og Suður-Karólínu.
Búist er við að keppnin standi á
milli Johns Kerry, Johs Edwards,
Wesleys Clark og Howards Dean
og að línur fari verulega að skýr-
ast í kapphlaupinu um útnefningu
flokksins þegar niðurstöður
liggja fyrir í nótt.
■ Bandaríkin
Fjarðaál ræður forstjóra:
Sækir forstjóra til Norðuráls
NORÐURÁL Á GRUNDARTANGA
Forsvarsmenn Fjarðaáls hafa gengið frá ráðningu núverandi framkvæmdastjóra tækni- og
umhverfissviðs Norðuráls í stöðu forstjóra.