Fréttablaðið - 03.02.2004, Blaðsíða 31
Ástþór Magnússon vinnur núað undirbúningi fyrir for-
setaframboð sitt og hefur í þeim
tilgangi opnað vefsíðuna for-
setakosningar.net. „Ég hef nú
ekki verið að kynna þessa vef-
síðu en fólk er farið að heim-
sækja síðuna og sjálfboðaliðar
streyma inn og skrá sig í það
sem við köllum landsliðið. Þetta
er hluti undirbúningsins til að
kynna framboðið og hugmyndir
mínar,“ segir Ástþór Magnússon
um vefsíðuna.
„Ég vil breytingar á Bessa-
stöðum þess efnis að forsetinn
verði virkari í friðarmálum, að
hann verði alþjóðlegur boðberi
friðar. Hann gæti til dæmis
stuðlað að nýjum hugmyndum í
lýðræðismálum Mið-Austur-
landa.“
Gengi Ástþórs í fyrra fram-
boði hans 1996, þegar hann fékk
2,7% gildra atkvæða, dregur
ekkert úr eldmóði hans og segir
hann að nú sé allt annar grund-
völlur fyrir framboði sínu. „Fólk
hefur verið að melta þær
hugmyndir sem ég lagði fram
1996 og það er farið að sjá að þó
ég noti óhefðbundnar aðferðir
séu þær áhrifaríkar. Ég tel til
dæmis að mér hafi tekist að
stöðva þær hugmyndir að
Icelandair flytti vopnaða her-
menn í Íraksstríðið. Það mál tók
allt aðra stefnu eftir að ég var
kærður.“
Auk þess að vilja koma í veg
fyrir hernaðarátök með alþjóð-
legri friðargæslu, þannig að
þjóðir geti lagt niður hernað,
vill hann einnig aukið lýðræði í
heiminum og vill í því skyni
kynna Alþingi sem fyrirmynd.
„Við eigum að koma fram á al-
þjóðavettvangi og benda á sögu
Íslendinga og sögu okkar sem
herlausrar þjóðar. Okkur er ætl-
að þetta og við fengum í vöggu-
gjöf að boða frið.“
Hvað varðar þá umræðu
hvort leyfa eigi Ástþóri að fara í
framboð, vegna þess kostnaðar
sem forsetakosningum fylgir,
segir Ástþór að þetta sé svo lág-
kúruleg umræða að það sé eigin-
lega ekki hægt að tala um þetta.
„Auðvitað eiga að vera forseta-
kosningar á fjögurra ára fresti.
Telur Ingvi Hrafn að eigi að
sleppa alþingiskosningum því
Davíð standi sig svo vel?“ ■
31ÞRIÐJUDAGUR 3. febrúar 2004
Borð • Stólar • Hillur • Ljós
Mörkinni 3, sími 588 0640 • www.casa.is
Útsalan hefst í dag
15-60% afsláttur
Hagfiskur
Lyngási 12 - Garðabæ - S. 567 7033
www.hagfiskur.is
SALTFISKUR
Sá besti segja margir
Sent heim:
Forsetakjör
ÁSTÞÓR MAGNÚSSON
■ Segir það lýðræðislegt að hafa
forsetakosningar á fjögurra ára fresti.
Framsóknarþingmaðurinn ogVestfirðingurinn Kristinn H.
Gunnarsson var staddur á Akur-
eyri um helgina og skemmti sér
svo konunglega að eftir var tekið
enda tilefnið ærið. Það var mikill
völlur á þingmanninum þann 1.
febrúar og þann dag sagði hann
hverjum sem heyra vildi að hann
væri að fagna línuívilnuninni.
Þingmaðurinn var vissulega langt
að heiman og einhverjum þætti
líklega eðlilegra að hann hefði
stigið línuívilnunardansinn fyrir
vestan en Kristinn sjálfur efaðist
ekki um það eitt augnablik að
hann væri réttur maður, á réttum
stað, á réttum tíma, þar sem það
færi vel á því að halda upp á
línuívilnunina í höfuðvígi stór-
útgerðarinnar, Akureyri.
Fréttiraf fólki Vöggugjöf þjóðar-
innar að boða frið
ÁSTÞÓR MAGNÚSSON
Farinn að undirbúa forsetaframboð sitt á vefnum forsetakosningar.net.
REYKJAVÍKURTJÖRN
Traust og gott skautasvell hefur myndast á Tjörninni í frosthörkum síðustu daga og því var
skautað grimmt á Tjörninni um helgina. Á mánudag var svellið fyrir neðan Tjarnargötu
pússað og aðstæður til skautaiðkunar því frábærar.
FR
ÉT
TA
B
LA
Ð
IÐ
/G
VA
Tölvuþrjótar hrella UVG
Vefsíða Ungra vinstrigrænna, uvg.vg, liggur niðri
eftir árás tölvuþrjóta og ljóst er
að eitthvað af því efni sem þar
mátti finna er glatað. „Þetta er
dálítið tjón,“ segir Huginn
Freyr Þorsteinsson hjá UVG.
„Þarna var mikill texti. Eitthvað
af honum eigum við vistað á
greinakerfið sjálft en það hefur
hellingur tapast.“
Huginn segir að unnið sé að
því hörðum höndum að koma
síðunni upp að nýju enda margt
fréttnæmt að gerast í starfi VG.
„Flokkurinn á 5 ára afmæli á
föstudaginn þannig að það er
nóg af efni sem þarf að komast í
birtingu á vefnum. Við erum
samt alltaf brött,“ segir Huginn
og fullyrðir að skemmdarverk
tölvuþrjóta slái Unga vinstri
græna síður en svo út af laginu.
Það er Hringiðan sem hýsir
vef UVG en fleiri viðskiptavina
fyrirtækisins urðu fyrir barðinu
á þrjótunum. Unnið er að rann-
sókn málsins og þegar hefur
verið tryggt að þetta muni ekki
endurtaka sig. ■
HUGINN FREYR ÞORSTEINSSON
Segir Unga vinstri græna alltaf bratta og
kveinkar sér ekki undan skráveifum sem
tölvuþrjótar hafa valdið félagsskapnum.
Skemmdaverk
■ Vefsíða UVG liggur niðri eftir árás
tölvuþrjóta. Unnið er að því að endurreisa
vefinn enda margt að gerast í starfinu.