Fréttablaðið - 03.02.2004, Blaðsíða 23

23ÞRIÐJUDAGUR 3. febrúar 2004
KÖRFUBOLTI Njarðvíkingar, sem tap-
að hafa tveimur leikjum í röð í
Intersport-deild karla í
körfuknattleik, reyna nú hvað þeir
geta til að púsla saman sómasam-
legu liði fyrir bikarúrslitaleikinn
gegn Keflavík næstkomandi laug-
ardag.
Staðan er ekki góð hjá Njarð-
víkurliðinu því að Brandon
Woudstra, sem hefur leikið gífur-
lega vel í vetur, meiddist á ökkla í
leik gegn Keflavík fyrir tveimur
vikum, missti af leiknum gegn
Hamri á sunnudagskvöldið og er
afar ólíklegt að hann verði klár
fyrir laugardaginn. Friðrik Ragn-
arsson, þjálfari Njarðvíkur, sagði
í gær að Brandon væri enn á
hækjum og að það væri í besta
falli bjartsýni að halda því fram
að hann yrði klár fyrir leikinn á
laugardaginn. „Auðvitað vona ég
að hann verði tilbúinn en hann er
á hækjum eins og er og það þarf
mikið að gerast til að hann verði
leikfær. Það sama gildir um
Brenton en hann hefur ekkert get-
að æft að undanförnu og verður
líklega ekki með,“ sagði Friðrik.
Til að bæta gráu ofan á svart
fyrir Njarðvíkinga var Páli Krist-
inssyni vikið út úr húsi í leiknum
gegn Hamri á sunnudagskvöldið og
verður hann í leikbanni á laugar-
daginn. Friðrik sagði að það væri
bagalegt að vera án þessara þriggja
manna en að liðið væri búið að fá
Bandaríkjamann til reynslu. Hann
heitir Larry Bratcher og verður til
reynslu næstu daga. „Hann er 1,96
metrar á hæð og spilar stöðu leik-
stjórnanda. Hann mun að öllum
líkindum spila á laugardaginn og
ég vona bara að hann standi undir
væntingum,“ sagði Friðrik. ■
NFL Hann var vægast sagt kafla-
skiptur, leikur New England Pat-
riots og Carolina Panthers um
Ofurskálina í ameríska fótboltan-
um sem spilaður var aðfaranótt
mánudags.
Ekkert var skorað fyrstu 27
mínútur leiksins en á síðustu þre-
mur mínútum fyrri hálfleiks voru
skoruð 24 stig og leiddi Patriots í
leikhléi, 14-10. Síðari hálfleikur
byrjaði jafn rólega og sá fyrri og
var ekkert skorað í þriðja leik-
hluta. Fjörið byrjaði aftur strax í
upphafi fjórða leikhluta er Pat-
riots komst í 21-10.
Leikmenn Carolina girtu sig þá
í brók og á mettíma tókst þeim að
skora tvö snertimörk og komast
yfir í leiknum í fyrsta skipti, 22-21.
Tom Brady, leikstjórnandi
Patriots, sætti sig illa við það og
hann var ekki lengi að snúa leikn-
um aftur á sveif með Patriots, sem
leiddi 29-22 þegar tæpar þrjár
mínútur voru eftir af leiknum. Sá
tími nægði Carolina og hinum frá-
bæra leikstjórnanda liðsins, Jake
Delhomme, til þess að jafna leik-
inn með 50 sekúndur eftir.
Þá gerði sparkari Panthers,
John Kasay, slæm mistök með því
að sparka boltanum út af vellinum,
sem gerði það að verkum að leik-
menn Patriots fengu fína vallar-
stöðu og ágætan tíma til þess að
koma sér í vallarmarksstöðu. Það
var nákvæmlega það sem þeir
gerðu og þegar fjórar sekúndur
voru eftir af leiknum skoraði
Adam Vinatieri glæsilegt vallar-
mark af 40 metra færi en hann
hafði fyrr í leiknum klúðrað
tveimur vallarmarkstilraunum af
styttra færi.
Þetta var annar sigur Patriots
á tveimur árum og í fyrri sigrin-
um skoraði Vinatieri einnig vall-
armark undir lok leiksins. Tom
Brady var valinn maður leiksins
rétt eins og í fyrra skiptið og er
óhætt að segja að þriggja ára fer-
ill hans í NFL-deildinni sé afar
glæsilegur.
„Þetta er ótrúlegt lið sem við
erum með hérna og ég sé ekki einn
um það að vinna þessa leiki,“ sagði
Brady í leikslok. „Liðsheildin er
gríðarlega sterk og það er ekki síst
frábær varnarleikur sem hefur
fleytt okkur svona langt. Við erum
hvergi nærri hættir og ætlum að
endurtaka leikinn á næsta ári.“ ■
FRIÐRIK RAGNARSSON
Friðrik Ragnarsson, þjálfari Njarðvíkinga, á í mestu vandræðum með lið sitt þessa dagana
vegna meiðsla og leikbanna.
Lið Njarðvíkinga þunnskipað:
Brandon og Brenton
meiddir en Bratcher kemur
MAÐUR LEIKSINS
Tom Brady, leikstjórnandi Patriots, var valinn besti leikmaðurinn í leiknum um Ofurskálina. Brady hefur spilað þrjú ár í deildinni, unnið
tvisvar í leiknum um Ofurskálina og í bæði skiptin verið valinn maður leiksins.
Dramatískur
sigur Patriots
New England Patriots vann leikinn um Ofurskálina í annað sinn á þrem
árum er liðið mætti Carolina Panthers. Sigurmarkið kom fjórum sek-
úndum fyrir leikslok.
FRJÁLSAR ÍÞRÓTTIR ÍR-ingar unnu yfir-
burðasigur á Meistaramóti Íslands í
frjálsum íþróttum í flokki 15 til 22
ára sem fór fram í Fífunni í Kópa-
vogi um helgina. Mótið tókst vel og
góður árangur náðist en alls féllu
fimm aldursflokkamet á mótinu,
sem var í umsjá frjálsíþróttadeildar
Breiðabliks. 218 keppendur frá 18
félögum og héraðssamböndum voru
skráðir til leiks, keppt var í þremur
aldursflokkum beggja kynja, 15-16
ára, 17-18 ára og 19-22 ára og sam-
tals voru 50 Íslandsmeistaratitlar í
boði. Sigurbjörg Ólafsdóttir úr
Breiðabliki bætti met í þremur ald-
ursflokkum (stúlkna, unglinga og
ungkvenna) í einu og sama hlaupinu
þegar hún hljóp 60 metrana á 7,61
sek., en gamla metið var 7,66 sek. í
öllum þessum þremur flokkum.
Þorsteinn Ingvarsson úr HSÞ
bætti sveinametin í 60 m hlaupi og
langstökki, hljóp 60 m á 7,34 sek. og
stökk 6,86 metra í langstökki en
gömlu metin voru 7,35 sek. og 6,84
m. Þá bætti Eva Kristín Kristjáns-
dóttir, HSH, meyjametið í kúluvarpi
um 22 sentimetra þegar hún varp-
aði 13,33 metra.
Í stigakeppni milli félaga sigr-
aði ÍR eins og áður sagði með yfir-
burðum, hlaut samtals 215 stig.
Breiðablik varð í öðru sæti með
140 stig og HSK í því þriðja með
118,5 stig. Í einstökum aldurs-
flokkum sigraði ÍR í öllum þremur
aldursflokkum kvenna, þ.e. meyja,
stúlkna og ungkvenna. UMSS sigr-
aði í stigakeppni í flokki ungkarla,
Breiðablik í flokki drengja og HSK
í flokki sveina. ■
ÍR-ingar unnu stigakeppni MÍ í flokki 15 til 22 ára
í frjálsum íþróttum:
Sigurbjörg með
þrefalt Íslandsmet
SIGURBJÖRG MEÐ ÞRJÚ MET Í SAMA HLAUPI
Sigurbjörg Ólafsdóttir úr Breiðabliki bætti met í þremur aldursflokkum í sama hlaupinu
þegar hún hljóp 60 metrana á 7,61 sekúndu á MÍ 15 til 22 ára um helgina.