Fréttablaðið - 03.02.2004, Blaðsíða 6

6 3. febrúar 2004 ÞRIÐJUDAGUR
GENGI GJALDMIÐLA
Bandaríkjadalur 69,39 -0,37%
Sterlingspund 126,46 0,29%
Dönsk króna 11,6 0,02%
Evra 86,45 0,07%
Gengisvísitala krónu 119,20 -0,25%
KAUPHÖLL ÍSLANDS
Fjöldi viðskipta 447
Velta 6.907 milljónir
ICEX-15 2.373 -0,78%
Mestu viðskiptin
Íslandsbanki hf. 1.593.119
Straumur Fjárfestingarbanki hf 390.088
Landsbanki Íslands hf. 269.524
Mesta hækkun
Guðmundur Runólfsson hf. 8,45%
Vinnslustöðin hf. 6,67%
Hraðfrystihúsið Gunnvör hf. 5,47%
Mesta lækkun
Össur hf -2,83%
Samherji hf. -1,96%
Landsbanki Íslands hf. -1,47%
ERLENDAR VÍSITÖLUR
DJ* 10.470,4 -0,2%
Nasdaq* 2.066,2 0,0%
FTSE 4 .381,4 -0,2%
DAX 4.071,6 0,3%
NK50 1.369,6 -0,1%
S&P* 1.129,8 -0,1%
*Bandarískar vísitölur kl. 17.00
Veistusvarið?
1Forsætisráðherra Danmerkur fór íleynilega heimsókn til Íraks um liðna
helgi. Hvað heitir hann?
2Hver er rektor Viðskiptaháskólans aðBifröst?
3Sveitarstjórn Bláskógabyggðar villlýsa upp hvaða foss?
Svörin eru á bls. 30
Borgarlögmaður í hálft ár:
Lögmaður hættir vegna leiða
LÖGFRÆÐI Vilhjálmur H. Vilhjálms-
son hæstaréttarlögmaður hefur sagt
lausu starfi sínu sem borgarlögmaður
eftir aðeins fjögurra mánaða starf.
Vilhjálmur tók við starfi sínu í haust
þegar Hjörleifur B. Kvaran flutti sig
um set til Orkuveitu Reykjavíkur.
Samkvæmt heimildum Fréttablaðs-
ins mun Vilhjálmi hafa þótt starfið
hjá Reykjavíkurborg vera leiðigjarnt
og fullrólegt og hann vildi því snúa
aftur til fyrri starfa sem lögmaður
þar sem hann hefur verið áberandi
undanfarin ár. Vilhjálmur mun hætta
eftir þrjá mánuði, þegar uppsagnar-
frestur hans rennur út. Þá mun hann
hafa stoppað hjá Reykjavíkurborg í
rúmlega hálft ár. ■
Búast við allt að 20
prósenta aukningu
Talsmenn bílaumboða eru sammála um að sala á nýjum fólksbifreiðum
hafi aukist í janúar. Bílgreinasambandið gerir ráð fyrir 10 til 20% sölu-
aukningu á árinu en í fyrra varð 40% aukning í sölu nýrra bíla.
BÍLASALA Samkvæmt tölum Bíl-
greinasambandsins varð 14,4%
aukning í sölu nýrra fólksbíla í
janúar samanborið við janúar á
síðasta ári. Þetta er í samræmi
við áætlanir sem gera ráð fyrir 10
til 20% söluaukningu á þessu ári.
„Árið byrjar mjög vel hjá okk-
ur í Heklu og við gerum ráð fyrir
því að söluaukningin verði um
10% í heildina,“ segir Jón Trausti
Ólafsson, kynningarfulltrúi hjá
Heklu.
Í fyrra varð einnig aukning í
sölunni, um 40%.
„Árið þar áður var mjög lé-
legt,“ segir Jón Trausti. „Markað-
urinn þarf að endurnýja sig á
hverju ári til að viðhalda eðlileg-
um meðalaldri í bílaflotanum,
þannig að aukningin í fyrra var
eðlileg. Oft er talað um sjö ára
sveiflur á þessum markaði og fyr-
ir tveimur árum fór hann mikið
niður. Salan fór þá niður í sjö þús-
und bíla á ári en eðlileg sala mið-
að við endurnýjunarþörf er 12 til
13 þúsund. Nú er búist við áfram-
haldandi aukinni eftirspurn
næstu tvö árin. Eftir það er búist
við að dragi úr eftirspurninni aft-
ur, en menn binda vonir við að
draga muni úr sveiflunum á
markaðnum.“
Guðmundur Ágúst Ingvarsson,
forstjóri Ingvars Helgasonar,
segir að þar á bæ hafi menn
einnig orðið varir við aukna sölu í
janúar. „Við reiknum með góðum
markaði þetta ár og næstu tvö
árin á eftir, enda hefur verið nið-
ursveifla síðustu þrjú árin. Það
eru djúpar sveiflur í þessum
bransa. Menn vonast alltaf eftir
því að þær jafnist út en það hefur
enn ekki gerst.“
Skúli K. Skúlason, fram-
kvæmdastjóri sölusviðs hjá
Toyota, segist búast við 10 til 15%
aukningu í sölunni á þessu ári.
Hann hefur trú á því að með tím-
anum muni sveiflurnar í eftir-
spurninni minnka.
„Svo má ekki líta framhjá því
að við erum að tala um uppvaxt-
arár í efnahagslífinu yfirleitt.
Þetta er því alveg í takt við það
sem er að gerast í þjóðfélaginu.“
audur@frettabladid.is
Reykjavík:
Stolinn bíll
LEIT „Bílnum var stolið fyrir utan
verkstæðið mitt í Ármúlanum,
fjórum dögum
fyrir jól,“ segir
Jón Ingi Jóhann-
esson, en bíllinn
var í umsjá Jóns
Inga.
Leit að bíln-
um, sem er silf-
urgrár Volks-
wagen Golf ár-
gerð 2002 með
bílnúmerið RX
379, hefur ekki
enn borið árang-
ur. Þeir sem gætu haft upplýsing-
ar um bílinn eru beðnir um að
hafa samband við lögregluna í
Reykjavík. ■
Forstjóri Ölgerðarinnar:
Auglýsing
ekki at-
vinnurógur
BJÓRBRUGGUN Forstjóri Ölgerðar-
innar Egils Skallagrímssonar hef-
ur sent frá sér tilkynningu þar
sem því er alfarið vísað á bug að
auglýsing frá félaginu, þar sem
því er haldið fram að ósvikinn
bjór sé bruggaður án sykurs, feli í
sér atvinnuróg gagnvart þeim
brugghúsum sem nota sykur til
framleiðslunnar.
Í tilkynningu Jóns Diðriks
Jónssonar segir að við bruggun á
bjór Ölgerðarinnar sé tekið mið af
þýsku hreinleikalögunum um öl-
brugg sem sett voru árið 1516.
Samkvæmt þeim má einungis
nota vatn, maltað bygg og humla
til bjórgerðar en geri hafi síðar
verið bætt á listann.
Jón Diðrik heldur því fram í
tilkynningunni að notkun sykurs
við bruggun bjórs gangi í berhögg
við hreinleikalögin sem séu viður-
kennt gæðaviðmið brugghúsa um
heim allan. ■
Leiðrétting:
Ekki Lands-
virkjun
VIRKJANIR Í frétt af dr. Ragnhildi
Sigurðardóttur sem kynnti um-
hverfismál fyrir þingnefnd í
Washington var sagt að hún stæði
í málaferlum við Landsvirkjun
vegna vinnu sína við umhverfis-
mat í Þjórsárverum. Hið rétta er
að dr. Ragnhildur sækir mál á
VSÓ verkfræðistofu sem annaðist
verktöku fyrir Landsvirkjun. ■
VILHJÁLMUR H. VILHJÁLMSSON
Stoppaði stutt hjá Reykjavíkurborg.
AUKIN EFTIRSPURN
Guðmundur Ágúst Ingvarsson, forstjóri Ingvars Helgasonar, segist reikna með góðum
markaði þetta ár og næstu tvö árin á eftir.
VOLKSWAGEN
Leit að bílnum hef-
ur ekki enn borið
árangur.
Landnemabyggðir:
Sharon boðar
brottflutning
ÍSRAEL, AP Ariel Sharon, forsætis-
ráðherra Ísraels, kynnti í gær
áætlanir um undirbúning brott-
flutnings frá sautján landnema-
byggðum gyðinga á Gaza-svæðinu.
Hann segir að um sé að ræða 7.500
manna byggð og fyrsta skrefið sé
að fá þeirra samþykki fyrir brott-
flutningnum.
„Ég er að vinna að tillögum sem
gera ráð fyrir því að í framtíðinni
verði engar landnemabyggðir á
Gaza-svæðinu og að allar „vand-
ræðabyggðir“ á heimastjórnar-
svæðum Palestínumanna verði
rýmdar,“ sagði Sharon í viðtali við
ísraelska dagblaðið Haaretz, en
nefndi engar tímaáætlanir. ■