Fréttablaðið - 06.03.2004, Blaðsíða 31
LAUGARDAGUR 6. mars 2004
!
"
##
$%&'
(
)
*+,
##-&.%%%%
R Í K I S S K A T T S T J Ó R IRSK
Skattstjórar Skattaleg
úrlausnarefni
Reykjavík 560-3600
Vesturland 431-2911
Vestfirðir 450-3500
Norðurland vestra 467-1576
Norðurland eystra 461-2400
Austurland 470-1300
Suðurland 488-5500
Vestmannaeyjar 481-1460
Reykjanes 515-2900
Ríkisskattstjóri 563-1150
/0
!
!
Debetkortin hafa leyst tékkana af
hólmi og á þeim tíu árum sem liðin
eru frá því að kortin komu á mark-
að hefur færslum fjölgað um
nokkrar milljónir á ári. Jafnt var á
komið með kortum og tékkum árið
1995 en á síðasta ári voru debet
korta færslur næstum fimmtíu
milljónir á móti þremur milljónum
tékkafærslna. Þó peninganotkunin
hér hafi haldist svo til óbreytt á
undanförnum árum nota Íslend-
ingar talsvert minna af peningum
en aðrar þjóðir. Þannig eru seðlar
og mynt í umferð á Íslandi um 1%
af vergri landsframleiðslu, en
sambærileg tala fyrir Danmörk er
2,9%, Svíþjóð 3,8% og Bandaríkin
5,8%. Einna mest er peninganotk-
unin á Möltu. Seðlar og mynt í um-
ferð þar nema 25% af landsfram-
leiðslu. Talið er að þróunin í átt til
minni peninganotkunar hafi hafist
fyrr á Íslandi en annars staðar og
eins er það mat manna að lágmark-
inu sé náð, þ.e. seðla- og myntnotk-
un minnki ekki að ráði úr þessu.
Falsanir
Árlega koma upp nokkur pen-
ingafölsunarmál, misstór að
vöxtum. Árið 2002 voru 33 slík
mál færð til bókar hjá lögreglu,
69 árið 2001, 35 árið 2000 og 52
árið 1999. Peningafölsun er
reyndar engin nýlunda á Íslandi
því árið 1914 kom upp frægt mál
og fóru fregnir af því sem eldur
í sinu um samfélagið.
Ljósmyndari á Sauðárkróki
vildi sýna snilli sína og ljós-
myndaði peninga. Myndirnar
framkallaði hann á þunnan
pappír sem hann límdi saman til
að fá fram- og bakhlið. Eitthvað
átti hann meira við myndirnar
til að gera þær sem líkastar al-
vöru seðli og að því búnu var
„peningunum“ komið í umferð.
Nokkrir bitu á agnið og gerðu
ekki athugasemdir en það gerði
hins vegar árvökull kaupmaður
í Stykkishólmi sem kom upp um
allt saman.
bjorn@frettabladid.is
SEÐLABANKINN
Eins og gefur að skilja hvílir leynd yfir mörgu sem lýtur að peningaumsýslu Seðlabanks.
Ekki fæst t.d. uppgefið hversu miklir peningar eru varðveittir þar hverju sinni. Upplýsing-
um um flutningsleiðir til landsins er haldið leyndum.