Fréttablaðið - 18.03.2004, Page 19

19FIMMTUDAGUR 18. mars 2004
ÓTEMJUREIÐ Í TEXAS
Það er ekki fyrir viðvaninga að taka þátt í
ótemjureið eins og sjá má af tilþrifum
knapans Royce Ford og folans Justin Boots
í búfjár- og kúrekasýningunni sem fer fram
í Houston. Ford mátti hafa sig allan við til
að haldast á baki en varð að lokum að
láta í minni pokann fyrir óhemjunni sem
linnti ekki látum fyrr en hann var fallinn.
Ísbílamorðin:
Saklausir í
fangelsi
EDINBORG, AP Tveir Skotar sem sátu
sautján ár í fangelsi fyrir morð á
sex manna fjölskyldu í Glasgow
voru í gær sýknaðir af öllum ákær-
um þegar mál þeirra var tekið fyrir
á nýjan leik.
Mennirnir voru sakfelldir fyrir
svokölluð ísbílamorð, sem lögregla
sagði tilkomin vegna deilna um yfir-
ráð fíkniefnasölu sem fór fram í ís-
bílum. Fjölskyldan lést þegar kveikt
var í heimili hennar 1984 og voru
mennirnir dæmdir á grundvelli
sönnunargagna lögreglu sem lög-
menn mannanna segja vafasöm.
Þeir krefjast nú opinberrar rann-
sóknar á lögreglurannsókninni. ■
Íransforseti dregur tvö grundvallarfrumvörp aftur:
Khatami viðurkennir ósigur
TEHERAN, AP Mohammad Khatami,
forseti Írans, viðurkenndi í gær
ósigur fyrir harðlínumönnum
þegar hann dró aftur tvö laga-
frumvörp sín sem áttu að draga úr
völdum harðlínumanna og minnka
áhrif varðmannaráðsins, sem get-
ur hafnað lögum um staðfestingu
og úrskurðar hverjir fá að bjóða
sig fram í kosningum.
„Ég dreg frumvörpin aftur og
lýsi því yfir að ég hef beðið ósig-
ur,“ sagði Khatami sem hefur
lengi tekist á við harðlínumenn og
reynt að færa stjórnarfar lands-
ins frekar í frjálsræðisátt.
Khatami sagðist afturkalla frum-
vörpin til að kom í veg fyrir að
þau litlu völd sem forsetinn hefur
yrðu gerð að engu ef hann héldi
áfram baráttu sinni.
Annað frumvarpið átti að
tryggja forsetanum völd til að
stöðva stjórnarskrárbrot harð-
línumanna. Hitt frumvarpið átti
að koma í veg fyrir að varðmanna-
ráðið gæti neitað mönnum um að
gefa kost á sér í kosningum.
Varðmannaráðið hafnaði báð-
um frumvörpunum fyrir
nokkrum mánuðum. ■
ALDREI FLEIRI VINNANDI BRETAR
Atvinnuástandið í Bretlandi und-
anfarið er betra en það hefur
verið um áratugaskeið. Atvinnu-
leysi er það lægsta sem mælst
hefur frá því núverandi mæling
var tekin upp 1984 og þeir sem
þiggja atvinnuleysisbætur hafa
ekki verið færri frá 1975. 28
milljónir Breta eru útivinnandi
og hafa aldrei verið fleiri.
www.utilif.is
Það er púður
í útsölunni okkar
30-70%
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
40
31

03
/2
00
4

-aðeins í 4 daga
Smáralind
Sími 545 1550
Glæsibæ
Sími 545 1500
Kringlunni
Sími 575 5100
afsláttur
SKOÐA EVRUVIÐMIÐ Gordon
Brown, fjármálaráðherra Bret-
lands, sagði í gær að hann myndi
meta það á næsta ári hvort Bret-
land uppfyllti þau skilyrði sem
stjórnin hefði sett fyrir því að
taka upp evruna. Stjórnin hefur
sagst vilja taka upp evruna en
andstaða við það er mikil í Bret-
landi.
DÆMDUR FYRIR STRÍÐSGLÆPI
Serbneskur lögreglumaður hefur
verið dæmdur til tuttugu ára
fangelsisvistar fyrir að hafa tek-
ið fjórtán Kósóvó-Albana af lífi í
mars 1999. Fórnarlömbin voru
konur, börn og eldri borgarar.
LÆGSTA Í FJÖGUR ÁR Verðbólga á
evrusvæðinu hefur ekki verið
minni frá í nóvember 1999. Hún
mældist 1,6% í síðasta mánuði og
lækkaði um 0,3% frá fyrri mán-
uði. Seðlabanki Evrópu hefur það
markmið að verðbólga sé undir,
en nálægt, tveimur prósentum.
MISHEPPNAÐ TILRÆÐI 21 árs
maður slasaðist þegar sprengja
sem hann ætlaði að koma fyrir
við lögreglustöð í Istanbúl í Tyrk-
landi sprakk. Maðurinn komst í
fyrstu undan lögreglu en fannst á
sjúkrahúsi nokkrum klukkutím-
um síðar þar sem hann hafði leit-
að læknishjálpar.
ÁKÆRÐUR FYRIR STRÍÐSGLÆPI
Slóvaki á níræðisaldri sem býr í
Þýskalandi hefur verið ákærður
fyrir morð á 164 landsmönnum
sínum í síðari heimsstyrjöld.
Maðurinn á að hafa stýrt sló-
vaskri hersveit sem elti uppi gyð-
inga og andspyrnumenn. Flest
fórnarlömbin sem tilgreind eru í
ákærunum voru konur og börn.
MOHAMMAD KHATAMI
Dró tvö frumvörp sín til baka í gær og
gagnrýndi harðlínumenn fyrir óbilgirni.
■ Evrópa