Fréttablaðið - 06.04.2004, Blaðsíða 14
6. apríl 2004 ÞRIÐJUDAGUR
SPURNINGAKEPPNI „Það var spurt
hvaða hljóðfæraleikari í sinfóníu-
hljómsveit nefnist konsertmeist-
ari. Ákvörðun var tekin fyrir
fram um að svarið sem við leituð-
um eftir væri fyrsta fiðla. Það var
ekki spurt á hvaða hljóðfæri
konsertmeistari spilaði, svarið við
því er fiðla,“ segir Stefán Pálsson,
dómari í Gettu betur, spurninga-
keppni framhaldsskólanna, en
ekki eru allir á eitt sáttir við að lið
Borgarholtsskóla hafi fengið
rangt fyrir eitt svara sinna í
keppninni þegar það keppti við lið
Verslunarskólans.
Stefán segir Loga Bergmann
Eiðsson hafa hinkrað í smá stund
áður en hann sagði rangt eftir að
lið Borgarholtsskóla gaf svarið
fiðluleikari. Eftir að búið var að
gefa rangt fyrir svarið hafi einn
Borghyltingurinn hrópað aðal-
fiðluleikari og þeim hafi því verið
gefið annað tækifæri til að svara
en afvegaleiddust.
„Það var ekki hægt að gefa
rétt. Ef við hefðum bara gefið
rangt værum við á gráu svæði en
þeir fengu tækifæri til að gefa
rétt svar í lokin. Það má ekki gera
lítið úr sigri Verslunarskólans,
þeir stóðu sig mjög vel líka,“ sagði
Stefán Pálsson.
„Þeir unnu keppnina og áttu
það meira skilið en við. Það er
ekkert út á þetta að setja, við átt-
um að vinna en þetta var lélegur
dagur hjá okkur,“ segir Sæmund-
ur Ari Halldórsson, þjálfari liðs
Borgarholtsskóla. ■
Ógnin er raunveruleg
Evrópusambandið vinnur að nýrri áætlun í baráttunni við
hryðjuverk. Stefnt er að því að efla allar hliðar öryggisgæslu með
aukinni samvinnu milli ríkja og stofnana.
EVRÓPUSAMBANDIÐ Hryðjuverka-
árásin í Madríd olli skelfingu um
alla Evrópu og nú íhugar Evrópu-
sambandið nýja áætlun í barátt-
unni við hryðjuverkaógnina.
Áhersla verður lögð á að efla allar
hliðar öryggisgæslu en jafnframt
reynt að koma í veg fyrir að að-
gerðirnar skapi þunglamalegt
skrifstofubákn sem torveldar og
takmarkar frelsi einstaklinga sem
ekkert hafa brotið af sér.
Evrópusambandið greip til ým-
issa aðgerða í kjölfar hryðju-
verkaárásanna á Bandaríkin 11.
september 2001. Leidd voru í lög
ákvæði sem heimila handtöku
vegna 32 brota sem talin eru geta
tengst hryðjuverkum og leyft að
flytja grunaða milli Evrópulanda
án framsals.
Hinar nýju tillögur Evrópu-
sambandsins eru margvíslegar.
Ein er sú að koma upp stöðu eins
konar yfirmanns í baráttunni
gegn hryðjuverkum. Sá hefði vita-
skuld aðsetur í Brussel og ynni í
nánu sambandi við Javier Solana,
yfirmann utanríkismála Evrópu-
sambandsins, og leyniþjónustur
einstakra landa.
Lögð er áhersla á að efla upp-
lýsingaþjónustu milli landanna
um allt sem hugsanlega kann að
snerta hryðjuverkastarfsemi;
hverjir séu líklegir til að tilheyra
slíkum hópi, hvernig fjármögnun
fari fram, hvar starfsemin geti
verið og svo framvegis. Hryðju-
verkamenn ferðast iðulega með
fölsuð persónuskilríki. Nú hyggst
ESB bregðast við því með nýrri
gerð skilríkja þar sem er að finna
fingraför eða lífsýni viðkomandi.
Ein tillaga Evrópusambandsins
snýr að því að bæta gagnasöfn svo
þar sé að finna upplýsingar um
dæmda hryðjuverkamenn og þá
sem liggja undir grun. Einnig er
stefnt að því að kanna betur
tengsl á milli hryðjuverka og
glæpastarfsemi, en grunur leikur
á að árásirnar í Madríd hafi verið
fjármagnaðar með eiturlyfjavið-
skiptum.
Menn óttast mjög að hryðju-
verkamenn komist yfir efnavopn
með tilheyrandi mannskaða. Einn
liður í áætlun Evrópusambands-
ins snýr að aukinni samvinnu
milli heilbrigðisyfirvalda og
leyniþjónustu. Talið er mikilvægt
að lönd innan ESB komi sér upp
samræmdri neyðaráætlun í þessu
sambandi.
Tillögur Evrópusambandsins
eru enn á umræðustigi en ljóst er
að sambandinu þykir nauðsynlegt
að grípa til samræmdra aðgerða
vegna hættu á hryðjuverkaárás-
um. Enginn neitar því lengur að
ógnin er raunveruleg. ■
SLÓVAKÍA, AP Fyrrverandi forseti
Slóvakíu, Vladimir Meciar, fékk
mestan stuðning allra frambjóð-
enda í fyrri umferð forsetakosn-
inga í Slóvakíu, en kjörsókn var
mjög dræm. Fyrrum ráðherra í
stjórn Meciars fékk einnig brautar-
gengi í þessari umferð og útilokaði
utanríkisráðherra landsins, sem
nýtur stuðning sitjandi forseta, frá
þátttöku í annarri umferð. Meciar
var forseti Slóvakíu þegar landið
sagði skilið við ríkjasambandið
Tékkóslóvakíu, en missti völdin
eftir að hafa lengi verið sakaður um
einræðistilburði. Samhliða forseta-
kosningunum greiddu Slóvakar
atkvæði um hvort flýta ætti þing-
kosningum þar í landi, en ekki var
næg kjörsókn til að knýja á um að
svo yrði. ■
Skíðakona í Noregi:
Lifði af 400
metra fall
NOREGUR Kona á þrítugsaldri lifði
af næstum því 400 metra fall í
gær ofan af fjallinu Gaustatoppen
í Þelamörk í Noregi. Norska dag-
blaðið Dagsavisen skýrði frá
þessu.
Konan hafði tekið skíðalyftu
upp á fjallið ásamt þremur vinum
sínum, en vegna slæms skyggnis
brunaði hún út af þverhnípi þar
sem fjallið er brattast. Hún slapp
með brotna öxl og brotinn hand-
legg.
Töluverður snjór er á þessum
slóðum, og gæti það hafa átt sinn
þátt í því að meiðslin urðu ekki
verri. ■
VLADIMIR MECIAR
Fyrrverandi forseti Slóvakíu sigraði í fyrri
umferð forsetakosninga.
Forsetakosningar í Slóvakíu:
Óvænt úrslit í fyrri umferð
Spurningakeppni framhaldsskólanna:
Versló vann verðskuldað
LIÐ VERSLUNARSKÓLANS
Sæmundur Ari Halldórsson, þjálfari Borgar-
holtsskóla segir að ekkert hafi verið út á
keppnina að setja. Lið Verslunarskólans
hafi unnið keppnina og átt það skilið.
FR
ÉT
TA
B
LA
Ð
IÐ
/V
AL
LI
AÐGERÐ GEGN HRYÐJUVERKASTARFSEMI
Franska lögreglan handtók í gær fimmtán manns, sem grunaðir eru um aðild að hryðjuverkaárásunum í Casablanca í Marokkó í maí
2003, í samstilltum aðgerðum í nágrenni Parísar.
Halli gjörnýtir afganga af lambakjöti með því að útbúa hressilegan tortilla-rétt og
er snöggur að því. Ferskt grænmeti, krassandi sósa og svo lambakjötið. Með
kartöflubátum til viðbótar hefur hann rétt eina ferðina töfrað fram gómsæta
máltíð.
F
í
t
o
n
/
S
Í
A
F
I
0
0
9
1
5
7
Halla
Dúndran
di
lamba-tortil
la
a› hætti
Lamba-tortilla
Kartöflubátar
600 g mjöllitlar kartöflur (gullauga t.d.)
2 msk. ólífuolía
½ tsk. salt
ögn af pipar
¼ tsk. af óreganó
Lamba-tortilla
4 tortilla-kökur
400 g eldaðir lambakjötsafgangar, t.d. af læri
1 bolli Tsaziki-sósa (jógúrt-sósa með hvítlauk og agúrkum,
fæst í flestum verslunum.)
1 rauðlaukur, skorinn í sneiðar
1 búnt klettasalat
1 avókadó, afhýtt og skorið í bita
1 msk. chilimauk, t.d. sambal oelek
Ristið tortilla-kökurnar léttilega á þurri
pönnu. Skerið lambakjötið í þunnar sneiðar
og raðið þeim jafnt á kökurnar. Smyrjið sósu
yfir kjötið, dreifið lauk, avókadó og
klettasalati jafnt yfir og rúllið upp. Skerið í
tvennt og setjið á disk með kartöflubátum.
Hitið ofninn í 220 °C.
Öllu blandað vel saman í skál
og sett í ofnskúffu. Bakað í
u.þ.b. 20–30 mín. eða þar til
kartöflurnar eru meyrar í
gegn.
Uppáhald íslensku þjóðarinnar
Fjöldi uppskrifta á www.lambakjot.is