Fréttablaðið - 06.04.2004, Blaðsíða 29

ÞRIÐJUDAGUR 6. apríl 2004
FÓTBOLTI Stjörnum prýtt lið Real
Madrid sækir Mónakó heim í
meistaradeild Evrópu í kvöld.
Fyrri leik liðanna lauk með 4-2
sigri Real og telja flestir að
spænska liðið sé næsta öruggt í
undanúrslitin.
David Beckham verður í leik-
banni hjá Real en Roberto Car-
los kemur aftur inn í liðið eftir
bann. Carlos skoraði bæði mörk
liðsins í 2-1 sigri gegn Albacete
um síðustu helgi og ætti því að
mæta ferskur til leiks. „Við för-
um til Mónakó til að vinna. Síðan
myndi ég vilja mæta Chelsea,“
sagði Carlos. „Ég er í betra
formi en nokkru sinni fyrr,“
bætti hann við.
Fernando Morientes, sem er í
láni hjá Mónakó frá Real Ma-
drid, skoraði í fyrri leik liðanna.
Hann vonast eftir óvæntum
sigri Mónakó í kvöld. „Ef bæði
liðin spila af 100 prósenta getu
vinnur Real Madrid. Við verðum
að leggja okkur meira en 100
prósent fram til að komast
áfram.“ ■
FÓTBOLTI Jose Reyes og Freddi
Ljungberg verða að öllum lík-
indum í leikmannahópi Arsenal í
kvöld en þeir meiddust í tap-
leiknum gegn Manchester
United í bikarkeppninni á dög-
unum. Talið var að þeir yrðu frá
í nokkrar vikur en þeir æfðu
báðir með Arsenal í gær. Hjá
Chelsea er Marcel Desailly í
leikbanni og Carlo Cudicini og
Veron eru ennþá meiddir.
Arsenal stendur betur að vígi
fyrir viðureignina því liðið skor-
aði mikilvægt mark í 1-1 jafn-
tefli liðanna í fyrri leiknum á
Stamford Bridge.
Liðið hefur ekki tapað í síð-
ustu 17 viðureignum sínum
gegn Chelsea, eða síðan í 5-0
tapleik í deildarbikarnum árið
1998. Engu að síður telja margir
að sigurganga Arsenal sé á enda
runnin eftir tapið gegn United.
Patrick Vieira, fyrirliði Arsenal,
er ekki á sömu skoðun. „Við
erum stórir og sterkir strákar
og ég hef engar áhyggur fyrir
leikinn,“ sagði Frakkinn. „Við
verðum tilbúnir, bæði líkamlega
og andlega, því við vitum
hversu mikilvægur hann er
fyrir okkur. Við verðum bara að
standa okkur.“
Thierry Henry, landi Vieira,
segir að Arsenal muni mæta
sterkt til leiks þrátt fyrir tapið
um helgina alveg eins og liðið
gerði eftir 3-0 tap gegn Inter
Milan í meistaradeildinni fyrr í
vetur. „Þegar við töpuðum
heima gegn Inter Milan 3-0 vor-
um við niðurdregnir og fólk af-
skrifaði okkur,“ sagði Henry.
„Þá tókum við okkur saman í
andlitinu og gerðum góða hluti,“
bætti hann við. „Ýmislegt gerist
á einni leiktíð en það eina sem
lið þurfa að gera er að halda
áfram og það er það sem við
munum reyna að gera. Ef við
höfum ekki trú á okkur eftir það
sem við höfum gert, getum
alveg eins hætt.“
Talið er að Claudio Ranieri,
stjóri Chelsea, verði rekinn eftir
þessa leiktíð sama hver árangur
liðsins verður að henni lokinni.
Roman Abramovich, eigandi
liðsins, er sagður vilja þekktara
nafn við stjórnvölinn. „Þetta er
síðasta tækifæri mitt til að
vinna Arsenal,“ sagði Ranieri
glottandi eftir sigur liðsins gegn
Tottenham um síðustu helgi.
„Þið haldið að ég sé feigur mað-
ur en ég er ennþá knattspyrnu-
stjóri Chelsea. Ég hef trú á leik-
mönnum mínum. Þetta verður
erfiður leikur fyrir okkur en við
reynum að sýna okkar allra
bestu hliðar.“ ■
Mun Arsenal
misstíga sig á ný?
Arsenal mætir Chelsea í síðari leik liðanna í 8 liða úrslitum meistaradeildar
Evrópu í kvöld. Hvorugt liðanna hefur komist í undanúrslit deildarinnar.
Mónakó tekur á móti Real Madrid:
Carlos vill mæta Chelsea
ROBERTO CARLOS
Carlos fagnar öðru af tveimur mörkum
sínum gegn Albacete ásamt
samherjum sínum í Real Madrid.
ARSENAL
Arsenal situr á toppi ensku úrvalsdeildarinnar fjórum stigum á undan Chelsea og á leik til góða.