Fréttablaðið - 14.04.2004, Blaðsíða 31

23MIÐVIKUDAGUR 14. apríl 2004
hvað?hvar?hvenær?
11 12 13 14 15 16 17
APRÍL
Miðvikudagur
RE/MAX-deild karla:
Öruggt hjá ÍR
HANDBOLTI ÍR-ingar sigruðu
Gróttu/KR 29-23 á heimavelli í átta
liða úrslitum RE/MAX-deildar karla
í handbolta í gærkvöld. ÍR-ingar
tóku strax forystuna í leiknum og
leiddu 3-0 og 5-1 og síðan 17-10 í
leikhléi. Grótta/KR átti nokkrar
ágætar atlögur að ÍR-ingum í seinni
hálfleik og tókst að minnka muninn
í tvö mörk en ÍR-ingar gáfu í að
nýju og unnu öruggan sigur.
Einar Hólmgeirsson átti frábær-
an leik í gær. Hann skoraði fimmtán
mörk, þar af átta af tólf mörkum ÍR-
inga í seinni hálfleik. Ingimundur
Ingimundarson skoraði sjö, Bjarni
Fritzson fimm og Hannes Jón Jóns-
son tvö. Ólafur Gíslason varði
nítján skot, þar af tvö víti.
Páll Þórólfsson skoraði sex mörk
fyrir Gróttu/KR, Konráð Olavsson
og Kristinn Björgúlfsson fjögur,
Daði Hafþórsson þrjú. Gísli Guð-
mundsson varði sautján skot, þar af
eitt víti. ■
RE/MAX-deild karla í handbolta:
Áttatíu mörk
HANDBOLTI Haukar unnu ÍBV 41-39 á
Ásvöllum í átta liða úrslitum
RE/MAX-deildar karla í handbolta í
gær. Staðan í leikhléi var 21-19
fyrir Hauka.
Leikurinn var jafn allan tímann
en Haukarnir höfðu þó frumkvæð-
ið. Þeir náðu mest þriggja marka
forskoti og leiddu 24-21 snemma í
seinni hálfleik. Þá tók við besti kafli
Eyjamanna í leiknum og þeir breyt-
tu stöðunni í 26-29 en Haukarnir
náðu með seiglunni að breyta stöð-
unni sér í hag á lokakaflanum.
Halldór Ingólfsson skoraði níu
mörk fyrir Hauka, þar af sjö úr vít-
um. Ásgeir Örn Hallgrímsson skor-
aði sjö mörk, Þórir Ólafsson og Jón
Karl Björnsson sex mörk hvor,
Andri Stefan fimm, Vignir Svavars-
son fjögur, Robertas Pauzuolis þrjú
og Þorkell Magnússon eitt. Birkir
Ívar Guðmundsson varði 20 skot.
Zoltán Belányi skoraði tíu mörk
fyrir ÍBV, fjögur þeirra úr vítum,
og Josef Böse átta, tvö úr vítaköst-
um. Sigurður Stefánsson skoraði
fimm mörk, Kári Krisjtánsson
þrjú, Michael Lauritzen tvö og Er-
lingur Richardsson, Sigurður
Bragason og Björgvin Rúnarsson
eitt mark hver. Jóhann Guðmunds-
son varði fjórtán skot, þar af eitt
víti. ■
RE/MAX-deild karla í handbolta:
Stefán varði víti í lokin
HANDBOLTI Stefán Guðnason var
maður leiksins þegar KA vann
Fram 30-29 í framlengdum leik í
átta liða úrslitum RE/MAX-deild-
ar karla í handbolta. Stefán átti
mjög góðan leik í marki KA og
kórónaði glæsilega frammistöðu
sína með því að verja vítakast
Valdimars Þórssonar sjö sekúnd-
um fyrir lok framlengingar.
Leikurinn var jafn allan tím-
ann. KA leiddi 13-12 í leikhléi en
staðan var 26-26 eftir venjulegan
leiktíma. Framarar voru alltaf á
undan að skora í framlengingunni
þar til í lokin þegar Stelmokas
breytti stöðunni í 30-29.
Andreus Stelmokas og Ingólfur
Axelsson skoruðu sex mörk fyrir
KA, Arnór Atlason og Sævar
Árnason fimm, Einar Logi Frið-
jónsson og Bjartur Máni Sigurðs-
son þrjú, og Andri Snær Stefáns-
son og Jónatan Magnússon eitt
hvor. Andri sýndi mikla yfirvegun
þegar hann jafnaði, 28-28, úr
vítakasti í lok fyrri hálfleiks
framlengingar. Stefán Guðnason
varði 25 skot, þar af þrjú vítaköst.
Valdimar Þórsson skoraði tíu
mörk fyrir Fram, þrjú þeirra úr
vítaköstum, Hjálmar Vilhjálmsson
skoraði sjö, Guðjón Finnur Drengs-
son fjögur, Arnar Þór Sæþórsson og
Héðinn Gilsson þrjú og Jón Björg-
vin Pétursson og Þorri Björn Gunn-
arsson eitt hvor. ■
GEIR OG VALDIMAR MÆTTIR Á HLÍÐARENDA Á NÝ
Geir Sveinsson og Valdimar Grímsson stjórnuðu Valsliðinu í förföllum Óskars Bjarna Ósk-
arssonar, þjálfara Val, í fyrsta leik einvígis þeirra við FH.
FÓTBOLTI Manchester United vann
Leicester 1-0 í ensku úrvalsdeildinni í
gærkvöld. Varnarmaðurinn Gary
Neville skoraði eina mark leiksins en
það var aðeins fimmta mark hans í
431 leik með United. Neville skoraði
síðast þegar United gerði jafntefli, 1-
1, við Basel í meistaradeildinni í mars
í fyrra. Eftir sigurinn er United að-
eins þremur stigum á eftir Chelsea en
félagið sem lendir í öðru sæti í úrvals-
deildinni fær öruggt sæti í riðla-
keppni meistaradeildarinnar. United á
eftir að leika við Charlton, Liverpool
og Chelsea á Old Trafford og
Portsmouth, Blackburn og Aston Villa
á útivelli. Leicester er sem fyrr í
næstneðsta sæti og á fyrir höndum
erfiða fallbaráttu. Leicester á eftir að
leika við Manchester City og
Portsmouth á heimavelli og Black-
burn, Charlton og Arsenal á útivelli. ■
Átta liða úrslit RE/MAX-deildar karla í handbolta:
Geir og Valdimar
stjórnuðu Val til sigurs
HANDBOLTI Geir Sveinsson og Valdi-
mar Grímsson stjórnuðu Valsliðinu
til sigurs, 31-26, í förföllum Óskars
Bjarna Óskarssonar, þjálfara Vals, í
fyrsta leik einvígis þeirra við FH í
átta liða úrslitum RE/MAX-deildar
karla. „Við erum mjög sáttir með
þennan leik. Ég hef á tilfinningunni
að nokkrir hjá þeim séu orðnir
þreyttir en við erum sprækir strák-
ar og með breiðan hóp og ætlum að
nýta okkur það að þeir spila mikið á
sömu mönnunum. Þetta er ekki í
fyrsta skipti sem eitthvað svona
gerist hjá okkur og það er leiðinlegt
að þurfa að segja frá því að við höf-
um lent í þessu áður með Geira,“
sagði Bjarki Sigurðsson, fyrirliði
Vals, en faðir Óskars Bjarna þjálf-
ara varð bráðkvaddur og þess
vegna fékk Óskar Bjarni Geir og
Valdimar til að stjórna liðinu fyrir
sig. „Við kunnum að þjappa okkur
saman við svona aðstæður. Geiri og
Valdimar stóðu sig frábærlega í
dag, við söknum að sjálfsögðu
Mumma og Óskars Bjarna en þessi
sigur var fyrir þá,“ sagði Bjarki eft-
ir leik. FH byrjaði vel og var komið
í 2-5 og 4-8 í byrjun leiks en þegar
leið á hálfleikinn fór framliggjandi
vörn Valsmanna að trufla mikið
sóknarleik FH og um leið og Vals-
menn urðu skynsamari í sókninni
sigu þeir fram úr í seinni hálfleik en
það var jafnt í hálfleik, 14-14. Í -
seinni hálfleik skoruðu Valsmenn 6
af fyrstu 8 mörkunum og höfðu tögl
og haldir í leiknum eftir það. Bald-
vin Þorsteinsson skoraði 10 mörk
fyrir Val, Hjalti Gylfason var með 7
og besti maður liðsins, Hjalti
Pálmason, skoraði 5. Þá varði Örvar
Rúdólfsson 15 skot en hann kom inn
á í mark Vals eftir 13 mínútur en þá
hafði Pálmar Pétursson varið aðeins
1 skot.
Hjá FH skoraði Logi Geirsson 8
mörk og nýtti skotin sín vel (62%)
en átti eins og félagar hans alltof
mikið að slæmum sendingum sem
Valsmenn breyttu fljótt í ódýr mörk
hinum megin. Magnús Sigmundsson
varði vel í fyrri hálfleik, 12 af 15
skotum, en náði eins og liðið ekki að
fylgja eftir góðri byrjun og það
voru pirraðir og þreyttir FH-ingar
sem yfirgáfu Hlíðarenda í gær. ■
Enska úrvalsdeildin í knattspyrnu:
Gary Neville skoraði
LEIKIR

18.45 Keflavík mætir Stjörnunni í
deildarbikarkeppni karla í fótbolta
í Reykjaneshöll.
SJÓNVARP

18.00 Olíssport á Sýn. Fjallað er um
helstu íþróttaviðburði.

18.30 Fákar á Sýn. Fjölbreyttur hesta-
þáttur.

19.00 Bandaríska PGA-mótaröðin í
golfi á Sýn. Bellsouth Classic.

20.00 UEFA Champions League.
Meistaradeildin. Gullleikir á Sýn.

22.00 Olíssport á Sýn.
STEFÁN GUÐNASON
Varði vítakast þegar sjö sekúndur voru til
leiksloka.
FR
ÉT
TA
B
LA
Ð
IÐ
/P
JE
TU
R