Fréttablaðið - 26.05.2004, Blaðsíða 29

Aumingja Halldór Ásgrímsson. Mað-
urinn sem þekktur er fyrir að varla
renni í honum blóðið missti - nánast -
stjórn á sér á Alþingi í síðustu viku.
Stjórnarandstaðan þjarmaði að
stjórnarflokkunum vegna stuðnings
þeirra við innrásina í Írak og í hita
leiksins lét Halldór hafa eftir sér að
skömmu eftir innrásina hefði verið
gengið til kosninga og þar hefði þjóð-
in veitt honum umboð til að stjórna
landinu. Annað, sagði Halldór, væri
hægt að segja um Össur Skarphéð-
insson og Samfylkinguna.
Aumingja Halldór að misskilja
stöðuna svona kjánalega. Staðreynd-
in er sú að tæpum mánuði fyrir kosn-
ingarnar í fyrra mældist Framsókn-
arflokkurinn með 10,3 % fylgi (skoð-
anakönnun Félagsvísindastofnunar
Háskóla Íslands fyrir Morgunblaðið
12. apríl 2003). Taugar titruðu hjá
bændum landsins. Það sem kom
Framsókn til bjargar var snilldarlega
beitt auglýsingaherferð sem beindist
fyrst og fremst að ungum kjósend-
um. Það er altalað (og þetta eru varla
nýjar fréttir, Halldór) að sigurvegari
kosninganna hafi verið auglýsinga-
stofan sem sá um að hanna herferð-
ina. Máttur auglýsinganna færði
Framsóknarflokknum sín 17,73 pró-
sent atkvæða. Ekki Halldór Ásgríms-
son. Og jafnvel þótt ríkisstjórnin hafi
þannig naumlega haldið velli í kosn-
ingunum verður að líta á orð Hall-
dórs sem kjánalegan misskilning í
hita leiksins. Það voru nefnilega að-
eins 11,62 % kjósenda sem veittu
honum umboð til að leiða þjóðina í
kjördæmi hans, Davíðs og Össurar.
Hinsvegar veittu 36,27 % Össuri
Skarphéðinssyni umboð sitt. Það er
tilfinnanlega mikill munur. Össur
fékk jafnvel örlítið meira umboð en
sjálfur Davíð Oddsson, og á lands-
vísu hlaut Samfylkingin 30,95 % en
Framsókn 17,73 % atkvæða. Hvaða
stjórnmálaleiðtogi fer þá með umboð
þjóðarinnar?
Halldór Ásgrímsson er metnaðar-
fullur stjórnmálamaður. En hann er
ekki efni í forsætisráðherra. Það sýn-
ir sig í samþykktu frumvarpi að hann
hefur ekki dug til að standa í stafni
hinnar leku skútu. Hann þorir alls
ekki að rugga báti Davíðs og er rétt
eins ræddur við hann og aðrir þing-
menn stjórnarinnar.
Hann er fylgisauður, ekki forystu-
sauður. Og nú þegar raunverulegt
innræti Framsóknarflokksins blasir
við þjóðinni hefur fylgið ratað niður í
12 % (skv. könnun ParX-viðskipta-
ráðgjöf IBM vikuna 17.-23. maí
2004). Það getur ekki verið góð til-
finning að taka við völdum með 12%
þjóðarinnar á bak við sig. Það hlýtur
að valda streitu. Streita veldur til-
finningalegum upphlaupum. Upp-
hlaupin leiða í ljós tilfinningarnar
undir yfirborðinu, og á slíkum stund-
um opinbera menn gjarnan sitt rétta
andlit, sínar verstu ranghugmyndir.
Einmitt það gerðist í vikunni sem
leið.
Halldór hljóp á sig eina örskots-
stund og skynsemin fauk út um
gluggann. Lái honum hver sem vill,
því streita hans hlýtur að vera alvar-
legt og raunverulegt vandamál. En
það eru ranghugmyndir Halldórs
líka, því þjóðin hefur aldrei veitt hon-
um og Framsóknarflokknum umboð
til að stýra landinu. ■
HELLUR STEYPA RÖR MÚRVÖRUR EININGAR
Hjá Steypustöðinni færðu faglega ráðgjöf hjá landslagsarkitekt-
unum Birni Jóhannssyni, Einari Birgissyni eða Stanislas Bohic um
allt sem lýtur að því að skipuleggja nýjan garð eða betrumbæta
þann gamla.
Pantaðu tíma í síma 540 6800 og
fáðu faglega ráðgjöf um skipulag
garðsins.
Hellur
steinar
Ráðgjöf landslagsarkitekta
Nú er rétti árstíminn til að
huga að lóðarframkvæmdum
og garðvinnu sem fram-
undan eru.
Fáðu sendan nýjan bækling
okkar um hellur og steina
eða kynntu þér úrvalið á
steypustodin.is
Söludeildin er opin
alla virka daga
frá kl. 8-18
l r
steinar
N
O
N
N
I
O
G
M
A
N
N
I
I Y
D
D
A
•
N
M
1
1
9
3
7
/
si
a.
is
Reykjavík: Malarhöf›a 10 - S. 540 6800 • Hafnarfir›i: Hringhellu 2 - S. 540 6855 • Selfossi: Hrísm‡ri 8 - S. 540 6881
www.steypustodin.is
Hellur og steinar fást einnig í verslunum BYKO
Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í blaðinu
eða leggja orð í belg um málefni líðandi
stundar. Bréf skulu vera stutt og gagnorð,
50–200 orð að lengd. Ritstjórn áskilur
sér rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
Með 11,62 prósent umboð
21MIÐVIKUDAGUR 26. maí 2004
Stjörnustælar
Stjörnustælar skila engu í hópíþróttum.
Ofurstjörnur eru tilætlunarsamari en allir
aðrir. Þeirra sýn, þeirra gjörðir, þeirra vilji er
nafli alheimsins. Allir hinir leikmennrinir
eru á villigötum. „Gefið boltann á mig,“
æpa þeir sínkt og heilagt - leikurinn á að
snúast um þeirra ljóma. Og ef þeir fá ekki
boltann eru viðbrögðin í samræmi við ann-
að: Rjúkandi fýla, skammir í fjölmiðlum um
hina leikmennina, þjálfarann og fylgis-
menn. Lítið fer fyrir drenglyndi og liðsanda
þessara ofurstjarna. Sumir gætu kallað slíkt
háttarlag óheiðarleika hinna dýru leik-
manna. Ég held að það eigi tæpast við því
ofurtrú þeirra á sjálfum sér og eigin ágæti
er slík að þeir að þeir meina það frá hjarta
sínu að allir aðrir hafi rangt fyrir sér.
Hjálmar Árnason á althingi.is/hjalmara
Hættir að gagnrýna
Meira að segja frjálshyggjudrengirnir á Vef-
þjóðviljanum eru hættir að gagnrýna
Flokkinn (mig minnir að þeir hafi gert það
í gamla daga). Þeir benda þó stundum á
að Flokkurinn sé ekki alveg á réttri leið, en
þó aldrei án þess að „benda á“ að allir aðr-
ir flokkar séu mun verri og því sé Flokkur-
inn í raun ágætur. Svo eru sumir sem velta
því fyrir sér hvers vegna einstaklingssinn-
arnir á Vefþjóðviljanum skrifa aldrei undir
eigin nafni. Hafa einstaklingar þar engar
sjálfstæðar skoðanir? Svo virðist ekki vera
því reglulega kemur fram í ritinu að Vef-
þjóðviljinn leggi eitthvað til, að Vefþjóðvilj-
inn stingi upp á, að Vefþjóðviljinn hafi þá
skoðun og að Vefþjóðviljinn telji.
Sigurður Hólm á skodun.is
Lífleg stjórnmál
Stjórnmál seinustu vikna hafa verið afar líf-
leg svo ekki sé meira sagt - það er jafnvel
hægt að líkja þeim við farsa. Þar hefur fjöl-
miðlafrumvarp Davíðs Oddssonar verið
hvað mest til umræðu. Í fyrstu var ríkis-
stjórninni einungis leyft að lesa skýrslu fjöl-
miðlanefndarinnar og henni haldið leyndri
fyrir Alþingi. Því næst var hluta skýrslunnar
lekið til fjölmiðla sem segir eflaust talsvert
um hið meinta traust sem ríkir á milli ríkis-
stjórnarflokkanna þessa dagana.
Magnús Már Guðmundsson á politik.is
Nýja hagkerfið
Svo virðist sem hlutar „nýja hagkerfisins“
séu að festast í sessi. Miðaldra Íslendingar
eru farnir að kaupa sér bíla á uppboðum á
eBay og sum internetfyrirtæki eru farin að
græða alvöru peninga. Tækniþróunin sér
um að framleiðni vinnuafls mun halda
áfram að aukast. Aukin framleiðni kemur
m.a. þannig fram að þrátt fyrir umtalsverð-
an hagvöxt virðist störfum fjölga lítið vegna
þess að sífellt færri hendur vinna nú sömu
störf. Verði hagvöxtur nægilegur mun störf-
um þó halda áfram að fjölga. Það er það
sem er gott við hagvöxtinn, hann stækkar
kökuna sem í boði er.
Kristinn Árnason á frelsi.is
DAVÍÐ A. STEFÁNSSON
UMRÆÐAN
NÆSTI FORSÆTIS-
RÁÐHERRA
AF NETINU