Fréttablaðið - 07.06.2004, Blaðsíða 4
Mikill meirihluti vill
málskotsrétt forseta
Átta af hverjum tíu eru fylgjandi málskotsrétti forseta samkvæmt niður-
stöðum nýrrar skoðanakönnunar. Þá sögðust tveir þriðju þeirra sem
afstöðu tóku sammála ákvörðun forsetans varðandi fjölmiðlalögin.
4 7. júní 2004 MÁNUDAGUR
Skattrannsóknarstjóri lýkur frumskýrslu um Baug:
Hafa þrjár vikur til andmæla
SKATTAMÁL Skattrannsóknarstjóri
hefur lokið frumrannsókn sinni á
Baugi. Forsvarsmenn Baugs fengu
á föstudag frumskýrslu skattrann-
sóknarstjóra í hendur og hafa nú
þrjár vikur til að nýta andmælarétt
sinn.
Að sögn Hreins Loftssonar,
stjórnarformanns Baugs, er athug-
un fyrirtækisins á skýrslu skatt-
rannsóknarstjóra enn á frumstigi
og hann telur því ekki tímabært að
tjá sig efnislega um skýrsluna. „Við
erum að skoða málið og höfum þrjár
vikur til þess,“ segir Hreinn. „Þessi
skýrsla er ekki endanleg og er í far-
vegi innan skattkerfisins.“ Að sögn
Hreins hyggjast forsvarsmenn
Baugs að sjálfsögðu nýta
sér andmælaréttinn. „Við
munum senda inn athuga-
semdir og ábendingar,“
segir Hreinn.
Rannsókn skattrann-
sóknarstjóra á Baugi hófst
þann 17. nóvember síðast-
liðinn þegar gerð var hús-
leit á skrifstofu fyrirtæk-
isins. Lagt var hald á bók-
haldsgögn allra ára frá
1998 til 2002 og miðast
rannsóknin við það tíma-
bil.
Efnahagsbrotadeild Ríkislög-
reglustjóra hefur einnig haft mál-
efni Baugs til rannsóknar. Sú rann-
sókn beinist að tilteknum
ásökunum Jóns Geralds
Sullenberger á hendur
Tryggva Jónssyni og Jóni
Ásgeiri Jóhannessyni, þá-
verandi forstjóra og
stjórnarformanni Baugs.
Rannsóknin hófst, ein-
nig með húsleit, þann 28.
ágúst árið 2002 og stend-
ur enn yfir.
S k a t t r a n n s ó k n a r -
stjóri, Skúli Eggert Þórð-
arson, vildi ekki tjá sig
um málið.
Baugur hf. á hluta í Norðurljós-
um hf. sem eiga hlut í Frétt ehf. sem
gefur út Fréttablaðið. ■
SKOÐANAKÖNNUN Átta af hverjum
tíu Íslendingum eru fylgjandi því
að forseti hafi málskotsrétt. Þetta
kom fram í skoðanakönnun Frétta-
blaðsins sem fram fór í gær.
74,1 prósent aðspurðra sögðust
fylgjandi því að forseti Íslands
geti hafnað lögum staðfestingar og
skotið þeim til þjóðaratkvæða-
greiðslu en 19,4 prósent eru því
andvíg. 6,5 prósent eru óákveðnir
eða svöruðu ekki og svarhlutfall
var 92 prósent. Þá sögðust 62,1
prósent aðspurðra sammála
ákvörðun forseta Íslands um að
staðfesta ekki fjölmiðlalögin og
vísa þeim til þjóðaratkvæða-
greiðslu en 30,5 prósent lýstu sig
ósammála ákvörðuninni. 7,4 pró-
sent eru óákveðin eða svara ekki
og svarhlutfall var 91,1 prósent.
„Þessar niðurstöður gefa til
kynna skýran vilja meirihlutans,
þrátt fyrir hugsanlegar mæli-
skekkjur í könnuninni,“ segir Ólaf-
ur Þ. Harðarson, prófessor í
stjórnmálafræði. Ólafur segir nið-
urstöðu skoðanakönnunarinnar um
að mikill meirihluti þjóðarinnar
telji forsetann eiga að hafa synjun-
arvald ekki koma á óvart og vera í
grófum dráttum í takt við eldri
mælingar. „Það er hins vegar ákaf-
lega athyglisvert að stór hluti þjóð-
arinnar segist sammála þessari
ákveðnu synjun.“
„Ég held að þetta þýði að tals-
verður meirihluti vill að til sé eitt-
hvert synjunarvald,“ segir Hannes
Hólmsteinn Gissurarson, stjórn-
málafræðiprófessor. „Hins vegar
er spurning hvort synjunarvald
ætti ekki frekar að vera í höndum
þjóðarinnar en ekki forsetans.
Stóra spurningin er auðvitað sú
hvort menn vilja að forseti geti
eftir geðþótta sínum synjað laga-
frumvörpum staðfestingar.“
Jónatan Þórmundsson lagapró-
fessor segir fólk vilja halda í synj-
unarrétt forseta, sem hann lítur
svo á að sé ekki síður réttur fólks-
ins. „Persóna forsetans kemur
ekki þarna inn í. Hann er þjóðkjör-
inn og honum er veitt þessi heim-
ild í nafni og þágu þjóðarinnar.“
Spurt var: Ertu sammála eða
ósammála ákvörðun Ólafs Ragn-
ars Grímssonar að staðfesta ekki
fjölmiðlalögin og vísa þeim til
þjóðaratkvæðagreiðslu? Einnig
var spurt: Ertu fylgjandi eða and-
víg(ur) því að forseti Íslands geti
hafnað lögum staðfestingar og
skotið þeim til þjóðaratkvæða-
greiðslu? Úrtak skoðanakönnunar-
innar var 800 manns sem skiptist
jafnt á milli kynja og hlutfallslega
milli kjördæma.
helgat@frettabladid.is
olikr@frettabladid.is
VESKI STOLIÐ Tilkynnt var um
þjófnað á dansleik í Valhöll á
Eskifirði aðfaranótt sunnudags-
ins. Þar var veski stolið en málið
leystist strax. Enginn var kærður
til lögreglu.
HRAÐAKSTUR Lögreglan í Vík í
Mýrdal tók tvo menn fyrir of
hraðan akstur í gær. Annar
þeirra var á 151 kílómetra hraða
en hinn var á 120 kílómetra
hraða. Báðir voru sektaðir.
ÖLVUNARAKSTUR Einn maður var
tekinn fyrir ölvunarakstur á
Seyðisfirði aðfaranótt sunnudags.
Maðurinn var mjög ölvaður, að
sögn lögreglu á staðnum. Blóð-
sýni var tekið úr manninum og er
það nú í rannsókn.
UMFERÐARÓHAPP
Ökumaður bifreiðar sem valt á mótum Bú-
staðavegar og Kringlumýrarbrautar síðdeg-
is í gær var fluttur nokkuð slasaður á slysa-
deild Landspítala - háskólasjúkrahúss í
Fossvogi. Lögreglu grunar að hann hafi
verið undir áhrifum lyfja.
Bílvelta á
Kringlumýrarbraut:
Kjálkabrot
og hrygg-
meiðsli
SLYS Ökumaður bifreiðar slasað-
ist í bílveltu á Kringlumýrar-
braut við Bústaðaveg klukkan
15 mínútur yfir fjögur síðdegis í
gær. Maðurinn var fluttur á
slysadeild Landspítala - háskóla-
sjúkrahúss í Fossvogi, en að
sögn lögreglu er hann talinn
hafa verið kjálkabrotinn og með
möguleg hryggmeiðsli. Þá segir
lögreglan í Reykjavík að grunur
leiki á að maðurinn hafi verið í
annarlegu ástandi vegna lyfja-
misferlis. Að sögn vakthafandi
læknis á slysadeild var maður-
inn ekki með lífshættulega
áverka, en einhverja skurði þó
og beinbrot. Hann var lagður
inn á sjúkrahúsið til aðgerðar. ■
Ertu sátt(ur) við frammistöðu ís-
lenska fótboltalandsliðsins gegn
Englandi?
Spurning dagsins í dag:
Ertu búin(n) að skipuleggja
sumarfríið?
Niðurstöður gærdagsins
á visir.is
78%
22%
Nei
Já
KJÖRKASSINN
Farðu inn á visir.is og segðu þína skoðun
visir.is
ÞRJÚ FÍKNIEFNAMÁL Þrjú fíkni-
efnamál komu til kasta lögregl-
unnar í Reykjavík aðfararnótt
sunnudags. Lögreglan segir
málin hafa verið minniháttar,
en fundist hafi á fólki eitthvert
magn kannabisefna og amfeta-
míns, sem fólkið hafi sagt vera
ætlað til eigin neyslu. Þá voru
teknir fimm ökumenn grunaðir
um ölvun við akstur í borginni.
MIKIL HÁREYSTI Í HEIMAHÚS-
UM Lögreglan í Reykjavík segir
einnig að nokkuð hafi verið um
útköll vegna ölvunar í miðbæn-
um og vegna hávaða í heima-
húsum. Þar telur lögreglan að
veðurblíðan eigi sinn þátt.
Meira beri á veisluhaldi í
heimahúsum þegar gleðskapur-
inn berst út á svalir íbúða. Þá
safnaðist fólk saman í miðbæn-
um eftir lokun staða og var
ekkert að flýta sér heim í góða
veðrinu.
Húsavík:
Grunaður um
líkamsárás
ÁRÁS Maður eyddi aðfaranótt
sunnudagsins í fangageymslu lög-
reglunnar á Húsavík. Maðurinn er
grunaður um líkamsárás á dans-
leik í félagsheimilinu í Fosshóteli
í Húsavík. Annar maður á dans-
leiknum fékk þar flösku í höfuðið
og grunur leikur á að hann hafi
verið sleginn í höfuðið með flösk-
unni. Málið er nú í rannsókn hjá
lögreglunni á Húsavík. ■
Páfi heldur útimessu í Sviss:
Virtist hressari en oft áður
BERN, AP Jóhannes Páll II páfi virt-
ist frísklegri en undanfarið á fjöl-
mennri samkomu kaþólskra ung-
menna í Sviss. Nærri 70.000
manns mættu á útimessu páfa, en
slíka messu hefur hann ekki hald-
ið utan Páfagarðs í níu mánuði.
Svissneski guðfræðingurinn
Hans Küng, sem oft hefur gagn-
rýnt kaþólsku kirkjuna, segir
samkomuna reyndar hafa ein-
kennst af persónudýrkun, sem
ekki eigi að þekkjast í lýðræðis-
þjóðfélagi nútímans. Engar gagn-
rýnisraddir hafi verið leyfðar,
öfugt við sams konar samkomu
fyrir tuttugu árum þegar páfi tók
fúslega við gagnrýnum spurning-
um á stefnu sína varðandi um-
deild stefnumál kaþólsku kirkj-
unnar. ■
PÁFI VEIFAR MANNFJÖLDANUM
Gagnrýndur af svissneskum guðfræðingi
að lokinni fjöldamessu í Sviss.
HREINN LOFTSSON
Ekki tímabært að tjá sig
um efnisatriði frum-
skýrslu skattrannsókn-
arstjóra.
■ LÖGREGLUFRÉTTIR
■ LÖGREGLUFRÉTTIR
Bandaríska leyniþjónustan:
McLaughlin
tekur brátt við
WASHINGTON, AP John McLaughlin,
sem undanfarin ár hefur látið lítið
fyrir sér fara sem aðstoðarfram-
kvæmdastjóri bandarísku leyni-
þjónustunnar, CIA, býr sig nú
undir að taka við embætti yfir-
manns stofnunarinnar.
Þegar fyrrverandi yfirmaður
hans, George Tenet, sagði af sér í
síðustu viku lét hann þau orð falla
að McLaughlin yrði frábær eftir-
maður sinn.
McLaughlin er sagður íhugull
og nákvæmur, en sumir embættis-
menn telja hann þó illa hæfan í
embættið vegna þess hve mikinn
þátt hann á í vafasömum upplýs-
ingum um Írak, sem notaðar voru
til að réttlæta innrásina. ■
Kortasvindl:
Allt að 50
milljónir
SVIK „Íslendingar á ferðalagi í
Suður-Evrópu, sem hafa borgað
með korti á veitingastað, hafa lent
í því að kortasvikarar séu í sam-
starfi við þjónana, sem afrita
segulrönd kortsins og þegar kort-
hafinn er kominn heim fara að
streyma færslur sem fylla úttekt-
arheimildina hans,“ segir Ragnar
Önundarson hjá MasterCard.
„Þetta eru engar óhemju tölur
hjá okkur á Íslandi. Ég myndi
giska á 40-50 milljónir á ári.
Áhyggjuefnið er að þetta svindl
hefur verið að aukast um 20 til 30
prósent á ári og því er tímabært
að bregðast við,“ segir Ragnar. ■
FIMMFALDA ÆVI Í FANGELSI
Ísraelskur dómstóll dæmdi
Marwan Barghouti, einn helsta
leiðtoga uppreisnar Palestínu-
manna gegn ísraelska hernám-
inu, til að sitja fimm sinnum
ævilengd sína í fangelsi og
fjörutíu ár að auki fyrir aðild
sína að árásum sem urðu fjórum
Ísraelsmönnum og einum grísk-
um munki að bana.
SKOTINN TIL BANA Einn Breti
lést og annar særðist þegar skot-
ið var á þá í Riyadh, höfuðborg
Sádi-Arabíu. Skotárásin var gerð
í hverfi sem er þekkt að trúar-
legri íhaldssemi og skotbardagar
milli lögreglu og íslamskra víga-
manna eru þar algengir.
■ MIÐ-AUSTURLÖND
■ MIÐ-AUSTURLÖND
Fylgjandi
79,2%
Andvígir
20,8%
Ósammála
32,9%
Ósammála
67,1%
MIKILL MEIRIHLUTI FYLGJANDI
MÁLSKOTSRÉTTI FORSETA
Spurt var: Ertu fylgjandi eða andvígur því
að forseti geti hafnað lögum staðfestingar
og skotið þeim til þjóðaratkvæðagreiðslu?
TVEIR AF HVERJUM ÞREMUR SAM-
MÁLA ÓLAFI RAGNARI
Spurt var: Ertu sammála eða ósammála
ákvörðun Ólafs Ragnars Grímssonar að
staðfesta ekki fjölmiðlalögin og vísa þeim
til þjóðaratkvæðagreiðslu?
ÓLAFUR RAGNAR GRÍMSSON
Tveir af hverjum þremur eru sammála
ákvörðun hans um að staðfesta ekki
fjölmiðlalögin, samkvæmt nýrri skoðana-
könnun Fréttablaðsins.