Fréttablaðið - 07.06.2004, Blaðsíða 17

17MÁNUDAGUR 7. júní 2004
PRINCE
Söngvarinn, lagahöfundurinn og gítaristinn
lágvaxni, sem lengi vel bar ekkert nafn
vegna deilna við útgáfufélag sitt, er 46 ára.
Bandaríski uppeldissérfræðing-urinn dr. Jean Illsley Clarke var
stödd hér á landi á dögunum þar
sem hún hélt meðal annars nám-
skeið í Háskólabíói um hvernig
koma má í veg fyrir ofdekrun
barna. Bar námskeiðið yfirskrift-
ina: „Hvernig segja á nei við lát-
lausu „ég vil fá““ .
Að sögn Ólafs Grétar Gunnars-
sonar hjá ÓB-ráðgjöf sem stóð að
námskeiðinu vakti það mikla at-
hygli enda er Clarke virtur sérfræð-
ingur og hefur skrifað fjölda fræði-
bóka. „Foreldrar þurfa fræðslu og
hjálp,“ segir hann. „Þeir þurfa á
mörgum virkum aðferðum að halda
til að segja nei en á sama tíma þurfa
þeir að halda kærleiksríku sam-
bandi við barnið.“ Ólafur segir að
foreldrar þurfi að læra meira um
börn til að geta brugðist við þessari
þróun.
Dr. Clarke hélt einnig vikulangt
námskeið sem 24 íslenskir fagaðilar
sóttu þar sem þeir lærðu að kenna og
leiðbeina á sex vikna námskeiðum
fyrir foreldra. Gífurleg ánægja var
með námskeiðið en þetta var í annað
sinn sem það er haldið hér á landi. ■
Forsvarsmenn bókaforlagsins
Bjarts segjast vera áfram um
að Íslendingar geti notið sem
best vaxandi sumarbirtunnar.
Því hafi forlagið gefið út fjögur
skáldverk sem fara vel í hendi
og auðga andann. Tvær af
þessum bókum eru íslenskar.
Skáldsagan Skugga-Baldur
eftir Sjón var tilnefnd til Ís-
lensku bókmenntaverðlaun-
anna og hlaut mikið lof gagn-
rýnenda þegar hún kom út fyrir
síðustu jól. Þetta er
hárómantísk skáld-
saga í anda nítjándu
aldar bókmennta,
full af kitlandi fjöri
og siðferðilegri al-
vöru.
Ýmislegt um
risafurur og tímann
eftir Jón Kalman
Stefánsson var til-
nefnd til Bók-
menntaverðlauna
Norðurlandaráðs
árið 2004. Þetta er
skáldsaga sem segir
af lífi og ævintýrum
tíu ára drengs sem
dvelur sumarlangt
hjá ættingjum sín-
um í Noregi.
Erlendu bækurnar
eru einnig tvær, í ís-
lenskum þýðingum.
Sendiferðin eftir
Raymond Carver
hefur að geyma þær
sjö smásögur sem
þessi bandaríski rit-
höfundur lét eftir sig
þegar hann lést árið
1988. Þýðandi er
Óskar Árni Óskars-
son.
Barnið og tíminn
eftir Ian McEwan, er
áhrifarík skáldsaga
sem fjallar um líf
föður sem verður
fyrir því að þriggja ára dóttur
hans er rænt. Þýðandi er Árni
Óskarsson.
Fleiri kiljur eru væntanlegar á
næstu þremur mánuðum. Þar á
meðal er Booker-verðlaunabók-
in Vernon G. Little eftir D.B.C.
Pierre, Ódysseifskviða Hómers í
þýðingu Sveinbjarnar Egilsson-
ar og sagnasafnið Uppspuni
sem hefur að geyma úrval ís-
lenskra smásagna frá árunum
1996-2003.
Komið í veg fyrir ofdekrun barna
ÞÁTTTAKENDUR
24 tóku þátt í vikulöngu námskeiði dr. Jean Illsley Clarke um uppeldismál.
NÁMSKEIÐ
DR. JEAN ILLSLEY CLARKE
■ var nýlega stödd hér á landi til að
halda námskeið um hvernig á að koma í
veg fyrir ofdekrun barna.
■ BÓKMENNTASUMAR BJARTS